O Zinâ

Ediçion

E notiçie da-a Liguria

Senti a verscion registrâ:

Neuva ordinansa contra l’alcol, à Zena scceuppa a polemica

O Commun de Zena o l’à pubricou unna neuva ordinansa, in deuvia fin a-i 30 de settembre, ch’a proibisce o consummo de bevande alcòliche de quæ se segge gradaçion da 4 oe de doppodisnâ fin à 8 oe da mattin apreuvo, levou i locali e i seu spaçi de feua. Un provvedimento «neçessäio», segondo a zonta de Tursci, «pe contrastâ i bivacchi pe-a stradda e l’abuso d’alcol, mascime tra i ciù zoeni». Inte primme oe i cantonê an fæto 13 bollette tra i carroggi, Carregamento, pòrto antigo, Borgo di Incroxæ e San Pê d’Æña. E sançioin van da-i 100 a-i 500 euro. Ma in çittæ monta a protesta: unna manifestaçion ciammâ «Free Luppols» a l’é stæta inandiâ à De Ferræ a-i 7 de luggio pe domandâ o retio de l’ordinansa ch’a rendieiva inlegale ascì unna bira in sciâ mæña, pe sta raxon definia «proibiçionista». L’assoçiaçion Genova che osa a l’à misso sciù unna petiçion in sciâ ræ. Ma i mogogni arrivan da-a maggioransa ascì: a Lega a l’à domandou d’aggiustâ e regole conscideræ tròppo streite, in particolâ in ponto di oräi. O Bucci o l’à respòsto: «De seguo ghe saià de correçioin, staiemo à sentî anche i zoeni».

Traduçion italiaña

Nuova ordinanza anti alcol, a Genova esplode la polemica

Il Comune di Genova ha pubblicato una nuova ordinanza, in vigore fino al 30 settembre, che vieta il consumo di bevande alcoliche di qualunque gradazione dalle 16 fino alle 8 del mattino successivo, eccetto i locali e i loro dehors. Un provvedimento «necessario», secondo la giunta di Tursi, «per contrastare i bivacchi per strada e l’abuso di alcol, soprattutto tra i più giovani». Nelle prime ore la polizia locale ha effettuato 13 multe tra centro storico, Caricamento, porto antico, Borgo Incrociati e Sampierdarena. Le sanzioni vanno da 100 a 500 euro. Ma in città sale la protesta: una manifestazione chiamata «Free Luppols» è stata organizzata a De Ferrari il 7 luglio per chiedere il ritiro dell’ordinanza che renderebbe illegale anche una birra in spiaggia, per questo motivo definita «proibizionista». L’associazione Genova che osa ha lanciato una petizione online. Ma le lamentele arrivano anche dalla maggioranza: la Lega ha chiesto di modificare le regole considerate troppo restrittive, in particolare per quanto riguarda gli orari. Bucci ha risposto: «Di sicuro ci saranno correttivi, ascolteremo anche i giovani».

The Ocean Race, pe-o Bucci «600mia presense»: s’aspeta i numeri offiçiæ

Segondo o scindico de Zena Marco Bucci son stæte 600mia e presense a-i eventi de The Ocean Race, a regatta in gio a-o mondo ch’a l’é arrivâ à Zena pe-a primma vòtta inta stöia. «Emmo passou largamente l’obiettivo, saieiva à dî 300mia persoñe», o l’à dito o Bucci. O conto o l’é stæto fæto piggiando i parteçipanti à tutte e iniçiative, compreiso quelle in azzonta comme o Tezenis Festival, i conçerti in ciassa da Vittöia e i feughi d’artifiçio pe-a festa de San Pê. A-i 19 de luggio l’é stæto ciammou unna commiscion in conseggio donde se presentià i numeri offiçiæ, da-e presense a-i costi fin a-e recheite econòmiche in sciâ çittæ.

Traduçion italiaña

The Ocean Race, per Bucci «600mila presenze»: si attendono i numeri ufficiali

Secondo il sindaco di Genova Marco Bucci sono state 600mila le presenze agli eventi di The Ocean Race, la regata intorno al mondo che è arrivata a Genova per la prima volta nella storia. «Abbiamo superato ampiamente l’obiettivo, cioè 300mila persone», ha detto Bucci. Il calcolo è stato fatto considerando i partecipanti a tutte le iniziative, comprese quelle collaterali come il Tezenis Festival, i concerti in piazza della Vittoria e i fuochi artificiali per la festa di San Pietro. Il 19 luglio è stata convocata una commissione in consiglio in cui verranno presentati i numeri ufficiali, dalle presenze ai costi fino alle ricadute economiche sulla città.

Ægua e gragneua, danni à Ponente. Oua arriva o cado african

Primma fin de settemaña co-o cado african in Liguria, ma intanto o brutto tempo o l’à fæto registrâ quarche danno. A-i 6 de luggio unna tempesta d’ægua e gragneua a l’à investio Saña e i seu bricchi. O çentro de commerçio Il Gabbiano o l’é stæto allagou e un tòcco de soffita o l’é vegnuo zu insce unna buttega, pròpio into primmo giorno di sconti d’estæ. Inta Borgna problemi pe-i erboi cheiti in scê stradde e a gragneua, sciben no spessa comme quella cheita no guæi lontan, inte Langhe, con di danni pesanti caxonæ à l’agricoltua. Oua l’arrivo de l’antiçiclon in sciô Mediterranio o pòrta sciù e temperatue, sorviatutto e minime.

Traduçion italiaña

Pioggia e grandine, danni a Ponente. Ora arriva il caldo africano

Primo fine settimana col caldo africano in Liguria, ma intanto il maltempo ha fatto registrare qualche danno. Il 6 luglio una tempesta di pioggia e grandine ha investito Savona e il suo entroterra. Il centro commerciale Il Gabbiano è stato allagato e un pezzo di soffitto è crollato su un negozio, proprio nel primo giorno dei saldi estivi. In Val Bormida problemi per gi alberi caduti sulle strade e la grandine, sebbene non grossa come quella caduta a breve distanza, nelle Langhe, con danni pesanti provocati all’agricoltura. Ora l’arrivo dell’anticiclone sul Mediterraneo provoca un rialzo delle temperature, soprattutto le minime.

E notiçie da l’Italia

Senti a verscion registrâ:

Imputaçion forsâ pe-o Delmastro, o Governo o l’attacca a magistratua

Neuvi ascadi pe-o governo Meloni. O gip de Romma, con refuâ a domanda d’archiviaçion da Procua, o l’à dispòsto l’imputaçion forsâ pe-o sottosegrettäio a-a Giustiçia Andrea Delmastro, indagou pe revelaçion do segretto d’offiçio in sciô caxo Cospito. «Me fio che a costion a se concluddià poxitivamente», o l’à deciarou o Delmastro. Ma inte unna nòtta firmâ da de «fonte de Palaçio Chigi» o Governo o l’attacca a magistratua: «L’é feua da lezze che se vëgne à savei d’ëse indagæ da-i giornali, coiosamente dòppo d’avei domandou de informaçioin à l’autoritæ giudiçiäia. L’é giusto domandâse se unna fascia da magistratua a l’agge deçiso de zugâ un ròllo attivo d’oppoxiçion e d’arvî in antiçipo a campagna elettorale pe-e europee». Intanto l’é sätou feua che a ministra do Turiximo Daniela Santanchè a l’é indagâ da-i 5 d’ottobre passæ inte l’investigaçion in sce Visibilia, o gruppo editoriale ch’a l’aiva fondou. Con lê son indagæ atre çinque persoñe. «No ò reçevuo nisciun avviso de garançia», a l’à dito a Santanchè in Senato. O Movimento 5 Stelle o l’à annonçiou unna moçion de çensua.

Traduçion italiaña

Imputazione coatta per Delmastro, il Governo attacca la magistratura

Nuovi guai per il governo Meloni. Il gip di Roma, respingendo la richiesta di archiviazione della Procura, ha disposto l’imputazione coatta per il sottosegretario alla Giustizia Andrea Delmastro, indagato per rivelazione del segreto d’ufficio sul caso Cospito. «Sono fiducioso che la vicenda si concluderà positivamente», ha dichiarato Delmastro. Ma in una nota firmata da «fonti di palazzo Chigi» il Governo attacca la magistratura: «È fuorilegge che si apprenda di essere indagati dai giornali, curiosamente dopo aver chiesto informazioni all’autorità giudiziaria. È lecito domandarsi se una fascia della magistratura abbia deciso di svolgere un ruolo attivo di opposizione e aprire anzitempo la campagna elettorale per le europee». Intanto è emerso che la ministra del Turismo Daniela Santanchè è indagata dal 5 ottobre scorso nell’inchiesta su Visibilia, il gruppo editoriale che aveva fondato. Con lei sono indagate altre cinque persone. «Non ho ricevuto nessun avviso di garanzia», ha detto Santanchè in Senato. Il Movimento 5 Stelle ha annunciato una mozione di sfiducia.

O testamento do Berlusconi: l’impeo Fininvest a-i figgi ciù grendi Marina e Pier Silvio

L’é stæto averto o testamento do Silvio Berlusconi: 100 mioin a-a compagna Fascina a a-o fræ Paolo, 30 mioin a-o Marcello Dell’Utri, ma sorviatutto a spartiçion da “disponibile” tra i primmi doî figgi, Marina e Pier Silvio, che insemme vëgnan coscì i açionisti de maggioransa da gruppo Fininvest co-o 53%, co-i atri trei figgi a-o 47%. Un patrimònio de 2 miliardi e 800 mioin, a-i quæ beseugna azzonze i 700 mioin de patrimònio inmobiliare e a liquiditæ. «Graçie, tanto amô à tutti voiatri, o vòstro papà», l’urtimo messaggio scrito a-i figgi inti papê. E in sciô lascito a-o Dell’Utri e a Fascina o scrive: «Pe-o ben che gh’ò vosciuo e pe quello che loiatri an vosciuo à mi».

Traduçion italiaña

Il testamento di Berlusconi: l’impero Fininvest ai figli maggiori Marina e Pier Silvio

È stato aperto il testamento di Silvio Berlusconi: 100 milioni alla compagna Fascina e al fratello Paolo, 30 milioni a Marcello Dell’Utri, ma soprattutto la spartizione della “disponibile” tra i primi due figli, Marina e Pier Silvio, che insieme diventano così gli azionisti di maggioranza del gruppo Fininvest col 53%, con gli altri tre figli al 47%. Un patrimonio di 2 miliardi e 800 milioni, ai quali bisogna aggiungere i 700 milioni di patrimonio immobiliare e la liquidità. «Grazie, tanto amore a tutti voi, il vostro papà», l’ultimo messaggio scritto ai figli nelle carte. E sul lascito a Dell’Utri e Fascina scrive: «Per il bene che gli ho voluto e per quello che loro hanno voluto a me».

Inçendio inte unna cà pe-i ançien à Milan, 6 mòrti e 81 ferii

Sëi mòrti e 81 ferii: o l’é l’exito de un inçendio scciuppou inte unna cà pe-i ançien à Milan inta neutte tra i 6 e i 7 de luggio. Doe de vittime an perso a vitta pe-e sciamme, e atre quattro son finie atteuscegæ da-o fumme. O feugo o l’é partio da un letto a-o primmo cian e o s’é allargou a-o segondo. A Procua a l’à averto unn’investigaçion pe assascinio corposo plurimo. A poliçia scientifica e i pompê son a-o travaggio pe capî e caxoin de l’inçendio. O scindico de Milan, o Beppe Sala, o l’é vegnuo à rendise conto da scituaçion. A Casa per coniugi, sto chì o nomme da struttua, a l’é de propietæ do Commun meneghin ma gestia da-a cooperativa Proges ch’a ne contròlla 300 in gio pe l’Italia.

Traduçion italiaña

Incendio in una casa di riposo a Milano, 6 morti e 81 feriti

Sei morti e 81 feriti: è il bilancio di un incendio divampato in una casa di riposo a Milano nella notte tra il 6 e il 7 luglio. Due delle vittime hanno perso la vita per le fiamme, le altre quattro sono finite intossicate dal fumo. Il rogo è partito da un letto al primo piano e si è esteso al secondo. La Procura ha aperto un’inchiesta per omicidio colposo plurimo. La polizia scientifica e i pompieri sono al lavoro per capire le cause dell’incendio. Il sindaco di Milano, Beppe Sala, è venuto a rendersi conto della situazione. La Casa per coniugi, questo il nome della struttura, è di proprietà del Comune meneghino ma gestita dalla cooperativa Proges che ne controlla 300 in tutta Italia.

E notiçie da-o mondo

Senti a verscion registrâ:

Mistëio in sciô Prigozhin, o Lukashenko: «O no l’é ciù à Minsk ma in Ruscia»

O prescidente da Bieloruscia, Alexander Lukashenko, o l’à dito che o Yevgeny Prigozhin, o cappo da Wagner ch’o l’à provou à mette sciù unn’insurreçion armâ in Ruscia, o no l’é ciù à Minsk ma à San Peterburgo ò fòscia à Mosca. O segrettäio generale da Nato, Jens Stoltenberg, o l’à affermou che l’alleansa a l’é apreuvo à controllâ da-a vexin o scito donde o s’attreuva. «No gh’emmo ni a poscibilitæ ni a coæ de stâ derê a-i seu movimenti», o l’à dito o portavoxe do Cremlin. Inti giorni passæ l’é tornou à montâ a tenscion in sciâ çentrale nucleare de Zaporizhzhia, ancon into mezo de un repicco tra Kiev e Mosca. Unna giornalista de Novaya Gazeta, Elena Milashina, a l’é stæta aggredia in Cecenia con de bòtte e unna pistòlla pontâ a-a testa.

Traduçion italiaña

Mistero su Prigozhin, Lukashenko: «Non è più a Minsk ma in Russia»

Il presidente della Bielorussia, Alexander Lukashenko, ha detto che Yevgeny Prigozhin, il capo della Wagner che ha tentato di organizzare un’insurrezione armata in Russia, non è più a Minsk ma a San Pietroburgo o forse a Mosca. Il segretario generale della Nato, Jens Stoltenberg, ha affermato che l’alleanza sta controllando da vicino il posto in cui si trova. «Non abbiamo né la possibilità né la voglia di seguire i suoi movimenti», ha detto il portavoce del Cremlino. Nei giorni scorsi è salita nuovamente la tensione sulla centrale nucleare di Zaporizhzhia, ancora al centro di un rimpallo tra Kiev e Mosca. Una giornalista di Novaya Gazeta, Elena Milashina, è stata aggredita in Cecenia con percosse e una pistola puntata alla testa.

L’Israele o l’attacca à Jenin, mòrti 12 palestineixi. Attentato à Tel Aviv, 8 ferii

L’Israele o l’à inandiou a-i 3 de luggio unna neuva operaçion militare à Jenin, in Cisgiordania, a ciù larga di urtimi vint’anni. Inte l’attacco l’é stæto ammassou 12 palestineixi, con 100 e passa ferii e 3mia pròfughi sciortii d’into campo. «Un neuvo crimine de guæra», segondo o portavoxe do prescidente Abu Mazen. A-i 5 de luggio un attentato à Tel Aviv o l’à ferio 8 persoñe, træ de unna mainea grave: un palestineise de 23 anni o s’é asbriou in scê gente con un frugon e o l’à comensou à accotellâ i passanti. Intanto l’exerçito israelian o l’à compio o retio da Jenin, annonçiando però de neuve operaçioin à vegnî.

Traduçion italiaña

Israele attacca a Tel Aviv, morti 12 palestinesi. Attentato a Tel Aviv, 8 feriti

Israele ha avviato il 3 luglio una nuova operazione militare a Jenin, in Cisgiordania, la più estesa degli ultimi vent’anni. Nell’attacco sono stati uccisi 12 palestinesi, con oltre 100 feriti e 3mila profughi usciti dal campo. «Un nuovo crimine di guerra», secondo il portavoce del presidente Abu Mazen. Il 5 luglio un attentato a Tel Aviv ha ferito 8 persone, tre in modo grave: un palestinese di 23 anni si è scagliato sulla folla con un furgone e ha iniziato ad accoltellare i passanti. Intanto l’esercito israeliano ha completato il ritiro da Jenin, annunciando però nuove operazioni in futuro.

Meta a l’avaa Threads pe fâ concorrensa à Twitter, 10 mioin d’inscriti in sette oe

Meta, l’açienda propietäia de Facebook e Instagram, a l’à avou Threads, unna neuva applicaçion ch’a se poñe comme concorrente de Twitter. O social network, disponibile inte 100 e passa Paixi ma pe-o momento no in Euröpa, o l’à incasciou 10 mioin d’utenti inte prime sette oe, segondo i dæti svugæ da-o Mark Zuckerberg. «L’é megio ëse attaccæ da di sconosciui in sce Twitter che zinzanâ inte unna contentessa fäsa in sce de ciattaforme comme Instagram ch’ascondan o dô», o l’à scrito o Elon Musk, patron do Twitter, commentando a novitæ.

Traduçion italiaña

Meta vara Threads per fare concorrenza a Twitter, 10 milioni di iscritti in sette ore

Meta, l’azienda proprietaria di Facebook e Instagram, ha varato Threads, una nuova applicazione che si pone come concorrente di Twitter. Il social network, disponibile in oltre 100 Paesi ma al momento non in Europa, ha incassato 10 milioni di utenti nelle prime sette ore, secondo i dati diffusi da Mark Zuckerberg. «È meglio essere attaccati da sconosciuti su Twitter che indugiare in una falsa felicità su piattaforme come Instagram che nascondono il dolore», ha scritto Elon Musk, proprietario di Twitter, commentando la novità.