O Zinâ

Ediçion

E notiçie da-a Liguria

Senti a verscion registrâ:

O Toti à proçesso a-i 5 de novembre, o Spinelli o torna in libertæ

O comensià a-i 5 de novembre o proçesso spedio pe-o Giovanni Toti, o Aldo Spinelli e o Paolo Emilio Signorini, tutti accaxonæ de corruçion. O passou prescidente da Liguria, tornou in libertæ a-o 1° d’agosto, o l’à incontrou i prinçipæ esponenti naçionali di partii de çentro-drita e o l’à comensou e trattative in sciô candidou pe-e eleçion regionale: «O nomme o sciortià primma da fin d’agosto», o l’à dito. O Toti e o Spinelli son indagæ pe corruçion anche in relaçion a-a çeña di 11 d’arvî passæ con 600 invitæ a-a Villa do Zerbin pe arrecheugge di dinæ. A-i 5 d’agosto o Spinelli, ch’o l’aiva donou e açioin de seu açiende a-o figgio Roberto, o l’é tornou in libertæ: «Son stæti trei meixi da mette poia – o l’à deciarou feua da-a seu villa à Quarto – ma ascciæiemo tutto».

Traduçion italiaña

Toti a processo il 5 novembre, Spinelli torna in libertà

Inizierà il 5 novembre il processo immediato contro Giovanni Toti, Aldo Spinelli e Paolo Emilio Signorini, tutti accusati di corruzione. L’ex presidente della Liguria, tornato in libertà dal 1° agosto, ha incontrato i principali esponenti nazionali dei partiti di centrodestra e ha avviato le trattative sul candidato alle elezioni regionali: «Il nome uscirà entro la fine di agosto», ha detto. Toti e Spinelli sono indagati per corruzione anche in relazione alla cena dell’11 aprile scorso con 600 invitati a Villa Lo Zerbino per raccogliere fondi. Il 5 agosto Spinelli, che aveva donato le azioni delle sue aziende al figlio Roberto, è tornato in libertà: «Sono stati tre mesi spaventosi – ha dichiarato fuori dalla sua villa di Quarto – ma spiegheremo tutto».

O præve Andrea Melis arrestou pe violensa sessuale in sce minoî

O Andrea Melis, præve de 60 anni, direttô da scheua da Fondaçion Assarotti à Zena e parreco de unna gexa do Finâ, o l’é stæto arrestou pe violensa sessuale in sce minoî, prostituçion de minoî e tentativo di violensa aggravâ. Da quello che l’é vegnuo feua, o l’avieiva avuo di rappòrti con un cëghetto de 12 anni in cangio de regalli, çeñe, videozeughi e miggiæa d’euro de recarreghe in sce unna carta. «O fava quello ch’o fava… à mi o no me piaxeiva ma no ghe l’ò mai dito perché o me dava di dinæ», o l’à contou o figgeu ch’o l’anava in gexa a-o Finâ. À accòrzise de quelli fæti l’é stæto a famiggia. O præve o l’é poxitivo à l’HIV da dex’anni e ascì o no deuviava de proteçioin: «O l’é un reisego pe-a soçietæ», a l’à scrito a gip inte l’ordinansa. À l’interrogatöio de garançia o Melis o no l’à respòsto a-e domande do giudiçe. L’investigaçion a l’é stæta mesciâ à Saña.

Traduçion italiaña

Il sacerdote Andrea Melis arrestato per violenza sessuale su minori

Andrea Melis, sacerdote 60enne, direttore della scuola della Fondazione Assarotti a Genova e parroco di una chiesa di Finale, è stato arrestato per violenza sessuale su minori, prostituzione minorile e tentata violenza aggravata. Da quanto emerso avrebbe avuto rapporti sessuali con un chierichetto di 12 anni in cambio di regali, cene, videogiochi e migliaia di euro di ricariche su una carta. «Ha fatto quello che ha fatto… non mi piaceva ma non gliel’ho mai detto perché mi dava i soldi», ha detto il ragazzino che andava in chiesa a Finale. È stata la famiglia a rendersi conto di questi fatti. Il sacerdote è sieropositivo da dieci anni e nonostante questo non utilizzava protezioni: «È un pericolo per la società», ha scritto la gip nell’ordinanza. All’interrogatorio di garanzia Melis non ha risposto alle domande del giudice. L’indagine è stata spostata a Savona.

Mâ cado, allarme di pescoei liguri: tròppe carnasse inte ræ

I pescoei liguri son in difficortæ: tròppe carnasse gianche finiscian inte ræ. A corpa a l’é do cado ch’o l’à portou a temperatua de l’ægua de mâ à 30 graddi e o l’à caxonou a formaçion de leppego in scî scheuggi à 25-35 metri de profonditæ. «Mai vista unna cösa pægia inte quarant’anni – o l’à contou a-i giornali o Luigi Sartori –. Inte sti giorni e ræ son sensa pesci e piñe de carnasse, un peiso stramesuou e ascì un reisego». O fenòmeno o l’à da fâ anche co-a pesca de ancioe in sce tutta a rivea ligure donde i pescoei, pe no piggiâ de carnasse, van sempre ciù a-o largo, ma e ræ restan veue.

Traduçion italiaña

Mare caldo, allarme dei pescatori liguri: troppe meduse nelle reti

I pescatori liguri sono in difficoltà: troppe meduse bianche finiscono nelle reti. La colpa è del caldo che ha innalzato la temperatura dell’acqua del mare fino a 30 gradi e causato la formazione di mucillagine sugli scogli a 25-35 metri di profondità. «Mai vista una cosa del genere in quarant’anni – ha detto ai giornali Luigi Sartori –. In questi giorni le reti sono senza pesci e piene di meduse, un peso enorme e anche pericoloso». Il fenomeno riguarda anche la pesca delle acciughe su tutta la costa ligure dove i pescatori, per non catturare le meduse, vanno sempre più al largo, ma le reti restano vuote.

E notiçie da l’Italia

Senti a verscion registrâ:

Prexoin tròppo piñe, o Governo o çerca de cangiâ e lezze

O Governo o veu cangiâ e nòrme in scê mesue preventive pe destrigâ o problema de prexoin tròppo piñe e di suiçiddi tra i detegnui. L’argomento o saià in sciâ töa de un poscibile incontro tra o ministro da Giustiçia Carlo Nordio e o prescidente da Repubrica Sergio Mattarella dòppo l’approvaçion do decreto ch’o prevedde anche mille assonçioin pe-a poliçia penitençiäia e unna proçedua ciù façile pe ottegnî a libertæ antiçipâ. Ma a costion de mesue preventive a s’inlassa ascì co-o «scuo penale» che a Lega a vorrieiva instituî pe-i scindichi e i governatoî. Conträia l’oppoxiçion e ascì Fratelli d’Italia. Intanto o Mattarella o l’à firmou o decreto Nordio ch’o reforma o còdiçe penale: tra e novitæ l’aboliçion de l’abuso d’offiçio e a limitaçion de l’appello contra e sentense d’assoluçion in primmo graddo.

Traduçion italiaña

Carceri sovraffollate, il Governo cerca di cambiare le leggi

Il Governo vuole modificare le norme sulle misure cautelari per risolvere il problema del sovraffollamento delle carceri e dei suicidi tra i detenuti. Il tema sarà sul tavolo di un possibile incontro tra il ministro della Giustizia Carlo Nordio e il presidente della Repubblica Sergio Mattarella dopo l’approvazione del decreto che prevede anche mille assunzioni per la polizia penitenziaria e una procedura più semplice per ottenere la libertà anticipata. Ma la questione delle misure cautelari si intreccia anche con lo «scudo penale» che la Lega vorrebbe istituire per sindaci e governatori. Contraria l’opposizione e pure Fratelli d’Italia. Intanto Mattarella ha firmato il decreto Nordio che riforma il codice penale: tra le novità c’è l’abolizione dell’abuso d’ufficio e la limitazione dell’appello contro le sentenze di assoluzione di primo grado.

Feminiçidio à Romma, o l’ammassa a moggê con unna pistòlla

Torna un feminiçidio, stavòtta à Romma: unna dònna de 72 anni, Annarita Morelli, a l’é stæta trovâ mòrta a-i 6 d’agosto inta seu machina à Fonte Nuova. I carabinê an fermou o maio, Domenico Ossoli de 73 anni. A cobia a l’ea apreuvo à mollâse, ma lê o no voeiva: «Ciufito l’ammasso», o diva. E coscì o l’à fæto: dòppo avei controllou i seu movimenti con un gps ascoso inta machina, a l’à aspëtou ch’a sciortisse da unna clinica veterinäia e o gh’à tiou co-a seu pistòlla. Dapeu o l’é anæto da un tabaccante e o gh’à dito: «Ò ammassou mæ moggê».

Traduçion italiaña

Femminicidio a Roma, uccide la moglie con una pistola

Ancora un femminicidio, questa volta a Roma: una donna di 72 anni, Annarita Morelli, è stata trovata morta il 6 agosto nella sua auto a Fonte Nuova. I carabinieri hanno fermato il marito, Domenico Ossoli, 73 anni. La coppia stava per separarsi, ma lui non voleva: «Piuttosto la ammazzo», diceva. E così ha fatto: dopo aver monitorato i suoi movimenti con un gps nascosto nell’auto, ha aspettato che uscisse da una clinica veterinaria e le ha sparato con la propria pistola. Poi è andato da un tabacchino e gli ha detto: «Ho ucciso mia moglie».

A protesta di bagni, päsoî serræ pe domandâ garançie in scê conçescioin

Päsoî serræ pe doe oe: a l’é a protesta scimbòlica che i balneari italien an misso in scena a-a mattin di 9 d’agosto pe denonçiâ a mancansa de unna lezze ciæa in scê conçescioin da mæña che descazzan a-a fin de l’anno pe anâ a-a cæga pubrica comme previsto da-a direttiva europea Bolkestein. A categoria però a l’é scciappâ e çerti se son tiæ feua da l’iniçiativa. Pe-i organizzatoî l’adexon a l’é stæta erta, squæxi a-o 100%, pe contra o Codacons o parla de un exito grammo. Comme cortexia pe-e casañe quarchedun l’à offerto a colaçion. O Governo o l’à promisso un intervento da chì à no guæi, intanto l’Union europea a l’arregòrda che, se no se treuva unna soluçion, l’Italia a porrià ëse deferia a-a Corte de giustiçia.

Traduçion italiaña

La protesta degli stabilimenti balneari, ombrelloni chiusi per chiedere garanzie sulle concessioni

Ombrelloni chiusi per due ore: è la protesta simbolica che i balneari italiani hanno inscenato la mattina del 9 agosto per denunciare la mancanza di una legge chiara sulle concessioni marittime che scadono a fine anno per andare a gara come previsto dalla direttiva europea Bolkestein. La categoria però è spaccata e alcuni si sono ritirati dall’iniziativa. Per gli organizzatori l’adesione è stata alta, quasi il 100%, invece il Codacons parla di scarso risultato. Come cortesia verso i clienti alcuni hanno offerto la colazione. Il Governo ha promesso un intervento a breve, mentre l’Unione Europea ricorda che, se non si troverà una soluzione, l’Italia potrà essere deferita alla Corte di Giustizia.

E notiçie da-o mondo

Senti a verscion registrâ:

L’Iran o menassa Isræle, Hamas o çerne un neuvo cappo

Giornæ d’anscietæ into Levante de Mezo apreuvo che Isræle o l’à ammassou o cappo de Hamas Haniyeh. L’Iran o va avanti à menassâ unna respòsta: «L’atteisa a l’é parte da puniçion, a battaggia a l’é pscicològica ascì», o l’à dito o cappo de Hezbollah Nasrallah. O Yahya Sinwar, a mente derê à l’attacco di 7 d’ottobre, o l’é stæto proclamou neuvo cappo politico de Hamas. «Un fòrte messaggio de rescistensa», commenta l’organizzaçion. O Stato ebraico o s’inandia, o Netanyahu o l’avverte: «Domandiemo un prexo erto à chi n’aggredià». Intanto o ministro da Defeisa Gallant o veu arrivâ a-a spedia à un accòrdio in sciâ liberaçion di ostaggi à Gazza: a-i 15 d’agosto i mediatoî arrivian a-o Cairo pe definî o fermæ o feugo.

Traduçion italiaña

L’Iran minaccia Israele, Hamas sceglie un nuovo capo

Giorni di ansia in Medio Oriente dopo l’uccisione del leader di Hamas Haniyeh da parte di Israele. L’Iran continua a minacciare una risposta: «L’attesa è parte della punizione, la battaglia è anche psicologica», ha detto il leader di Hezbollah Nasrallah. Yahya Sinwar, la mente dietro l’attacco del 7 ottobre, è stato proclamato nuovo leader politico di Hamas. «Un potente messaggio di resistenza», commenta l’organizzazione. Lo Stato ebraico si prepara, Netanyahu avverte: «Chiederemo un prezzo alto a coloro che ci attaccheranno». Intanto il ministro della Difesa Gallant vuole raggiungere rapidamente un accordo sulla liberazione degli ostaggi a Gaza: il 15 agosto arriveranno al Cairo i mediatori per definire il cessate il fuoco.

L’Ucraina a l’attacca in Ruscia: «Devan sentî a guæra»

Pe-a primma vòtta l’Ucraina a l’à attaccou in Ruscia con de incurscioin à tæra inta region de Kursk. Segondo Mosca ghe saieiva stæto di bombezzi areo, anche con di miscili in scê struttue çivile. «A Ruscia a l’à portou a guæra inta nòstra tæra, oua an da sentî cös’an fæto», o l’à deciarou o prescidente Volodymyr Zelensky. L’Union europea a no l’à trovou ninte da dî: «Kiev a l’à o drito de corpî anche in sciô territöio nemigo», o l’à affermou un pòrtavoxe da Commiscion. L’Ucraina a l’à commandou o stramuo de miggiæa de persoñe de là da-o confin. A Gazprom a l’à dito che i combattimenti an za caxonou unna montâ di prexi do gazzo esportou in Euröpa.

Traduçion italiaña

L’Ucraina attacca in Russia: «Devono sentire la guerra»

L’Ucraina ha attaccato per la prima volta in Russia con incursioni di terra nella regione di Kursk. Secondo Mosca ci sarebbero stati bombardamenti indiscriminati, anche con missili su strutture civili. «La Russia ha portato la guerra nella nostra terra, ora devono sentire cosa hanno fatto», ha dichiarato il presidente Volodymyr Zelenskyj. L’Unione europea non ha mosso obiezioni: «Kiev ha il diritto di colpire anche in territorio nemico», ha affermato un portavoce della Commissione. L’Ucraina ha ordinato l’evacuazione di migliaia di persone oltre il confine. Gazprom ha affermato che i combattimenti hanno già causato un’impennata dei prezzi del gas esportato in Europa.

Reisego reçescion inti Stati Unii, terrô inte Borse de tutto o mondo

Unna gran poia a l’à sciätou torna o mondo a-i 5 d’agosto, un lunesdì neigro pe tutte e Borse. A temmansa de unna reçescion inti Stati Unii da chì à pöco a l’à fæto deruâ pe-a primma a Borsa de Tokyo: -12,4%, a pezo descheita mai registrâ. Milan a l’à serrou à -2,27% con bruxâ 15 miliardi, pe un totale de 55 miliardi persi inte træ giornæ. «Semmo pronti à intervegnî se l’economia a dovesse guastâse», o l’à annonçiou o prescidente da Fed de Chicago Goolsbee. O giorno apreuvo squæxi tutte e ciasse an visto un rebotto.

Traduçion italiaña

Rischio recessione negli Stati Uniti, terrore nelle Borse di tutto il mondo

Una grande paura ha scosso nuovamente il mondo il 5 agosto, un lunedì nero per tutte le Borse. Il timore di una recessione imminente negli Stati Uniti ha scosso per prima la Borsa di Tokyo: -12,4%, il peggior calo mai registrato. Milano ha chiuso a -2,27% bruciando 15 miliardi, per un totale di 55 miliardi persi in tre giorni. «Siamo pronti a intervenire qualora l’economia dovesse crollare», ha annunciato il presidente della Fed di Chicago, Goolsbee. Il giorno successivo quasi tutte le piazze hanno registrato un rimbalzo.