O Zinâ

Ediçion

E notiçie da-a Liguria

Senti a verscion registrâ:

Deruo do ponte Morandi, into sesto anniversäio o messaggio do Mattarella

Sëi anni da-o deruo do ponte Morandi: a-i 14 d’agosto Zena a l’à arregordou o desastro ch’o l’à caxonou a mòrte de 43 persoñe. Into Ciassâ da Memöia gh’é stæto a commemoraçion co-i pænti de vittime e o viçeministro Edoardo Rixi à representâ o Governo. «E responsabilitæ devan ëse ascciæie, a tempestiva reconstruçion co-o ponte San Zòrzo a no l’é unna mitigaçion pe quello che l’é capitou», o messaggio do prescidente da Repubrica Sergio Mattarella lezzuo da-o scindico Marco Bucci. «Voemo unna veitæ definia d’into proçesso, de condanne – a l’à dito a Egle Possetti, prescidente do comitato de famigge de vittime –. Scombattemmo contra tutte e mistificaçioin». O Rixi o l’à annonçiou che a lezze pe compensâ chi patisce di danni pe caxon de infrastruttue a saià pronta da chì a-a fin de l’anno. O proçesso, comensou à luggio do 2022, o vedde 58 imputæ e a primma sentensa a l’é prevista tra o 2025 e o 2026.

Traduçion italiaña

Crollo del ponte Morandi, nel sesto anniversario il messaggio di Mattarella

Sei anni dal crollo del Ponte Morandi: il 14 agosto Genova ha ricordato il disastro che causò la morte di 43 persone. Nella Radura della Memoria si è svolta la commemorazione con i parenti delle vittime e in rappresentanza del Governo il viceministro Edoardo Rixi. «Vanno chiarite le responsabilità, la tempestiva ricostruzione con il ponte San Giorgio non è un’attenuante per quanto accaduto», il messaggio del presidente della Repubblica Sergio Mattarella letto dal sindaco Marco Bucci. «Vogliamo una verità processuale definita, delle condanne – ha detto Egle Possetti, presidente del comitato famiglie delle vittime –. Lotteremo contro ogni mistificazione». Rixi ha annunciato che il disegno di legge per risarcire chi subisce danni a causa delle infrastrutture sarà pronto entro la fine di quest’anno. Il processo, iniziato nel luglio 2022, vede 58 imputati e la prima sentenza è prevista tra il 2025 e il 2026.

Sottoria, accotellou e lasciou in angonia sotta i euggi de gente

Tentativo d’ammassamento a-i 10 d’agosto in Sottoria sotta i euggi de dexeñe de zeneixi e turisti: un òmmo tunexin de 33 anni o l’é stæto accotellou da un do seu Paise de 54 anni e lasciou in tæra inte unna possa de sangue. I cantonê an arrestou de botto l’aggressô, a vittima a l’é stæta recoverâ e operâ a-o San Martin e e seu condiçion son apreuvo à megioâ. Tutti doî ean za conosciui pe de costioin de dröga. Inti mæximi giorni inti carroggi s’é registrou di atri caxi de violensa. Unna scituaçion ch’a mette torna in ciæo i problemi da çittæ vegia che dan breiga à rescidenti e buttegæ, pronti à ingaggiâ de guardie privæ pe garantî a seguessa. A deputâ ligure Raffaella Paita a l’à ciammou l’intervento de l’exerçito. E assoçiaçion, incangio, s’oppoñan a-e propòste de militarizzaçion e pontan o dio contra a gestion do Commun.

Traduçion italiaña

Sottoripa, accoltellato e lasciato agonizzante sotto gli occhi della folla

Tentato omicidio il 10 agosto a Sottoripa sotto gli occhi di decine di genovesi e turisti: un tunisino di 33 anni è stato accoltellato da un connazionale di 54 anni e lasciato a terra in una pozza di sangue. La polizia locale ha immediatamente arrestato l’aggressore, la vittima è stata recuperata e operata al San Martin e le sue condizioni stanno migliorando. Entrambi erano già noti per vicende di droga. Negli stessi giorni si sono registrati altri episodi di violenza nei vicoli. Una situazione che evidenzia ancora una volta i problemi del centro storico che preoccupano residenti e commercianti, pronti a ingaggiare guardie private per garantire la sicurezza. La deputata ligure Raffaella Paita ha chiesto l’intervento dell’esercito. Le associazioni, invece, si oppongono alle proposte di militarizzazione e puntano il dito contro la gestione del Comune.

Söi, figgeu de 14 anni accotellou pe un like a-a festa do paise

Un figgeu de 14 anni o l’é stæto accotellou da un de 13 tanto che gh’ea a festa da Madònna de Graçie de Söi, inta seiaña di 15 d’agosto. O zoeno o l’é stæto pòrtou à l’uspiâ San Martin de Zena in còdiçe rosso, ma o no reisega de moî. Da quello che s’é accapio, i doî an comensou à rattellâ pe corpa de un like misso sotta a föto de unna figgetta in scî social. O ciù piccin o l’à tiou feua o cotello e o gh’à dæto træ vòtte, de quæ uña inta pansa e unn’atra inta cheuscia. L’aggressô o l’é stæto fermou da-i carabinê in staçion e consegnou in guardia a-i genitoî, l’aggredio o l’é stæto operou pe cuxî e ferie e levâ a ponta da lamma: e seu condiçioin pan boñe.

Traduçion italiaña

Sori, ragazzo di 14 anni accoltellato per un like alla festa del paese

Un ragazzo di 14 anni è stato accoltellato da un 13enne durante la festa della Madonna delle Grazie di Sori, la sera del 15 agosto. L’adolescente è stato portato in codice rosso all’ospedale San Martino di Genova, ma non è in pericolo di vita. Da quanto si è capito, i due hanno iniziato a litigare per un like messo sotto la foto di una ragazza sui social. Il più giovane ha tirato fuori il coltello e lo ha pugnalato tre volte, di cui una allo stomaco e l’altra al petto. L’aggressore è stato fermato dai carabinieri in stazione e consegnato in custodia ai genitori, l’aggressore è stato sottoposto a un intervento chirurgico per ricucire le ferite e asportare la punta della lama: le sue condizioni appaiono buone.

E notiçie da l’Italia

Senti a verscion registrâ:

Ius soli, scontro inta maggioransa dòppo e Olimpiade

S’é averto torna, dòppo a vittöia a-e Olimpiade con protagonista a naçionale feminiña de volley, a discuscion in sciô ius soli in Italia, ò sæ in scê modalitæ d’attribuçion da çittadinansa. Ma l’argomento o l’é vegnuo ascì l’occaxon de un scontro drento a-a maggioransa. Forza Italia a l’à averto à unna reforma segondo o prinçipio do ius culturae (vëgne italian chi compisce i studdi), sostegnuo anche da Italia Viva. Ma a Lega, ch’a no l’é da mæxima e a defende a lezze d’ancheu fondâ in sciô ius sanguinis (l’é çittæn chi nasce in Italia), a l’à attaccou con un post ch’o no l’é piaxuo ninte into partio do Berlusconi. Intanto l’é stæto vandalizzou à Romma o disegno in sce unna miagia ch’o mostra a Paola Egonu, zugheuia möa de l’Italvolley. «A no representa l’italianitæ», o l’à dito o Roberto Vannacci.

Traduçion italiaña

Ius soli, scontro nella maggioranza dopo le Olimpiadi

Si è riaperto, dopo la vittoria alle Olimpiadi con protagonista la nazionale femminile di pallavolo, il dibattito sullo ius soli in Italia, ovvero sulle modalità di attribuzione della cittadinanza. Ma il tema è diventato anche occasione di scontro all’interno della maggioranza. Forza Italia ha aperto alle riforme secondo il principio dello ius culturae (diventa italiano chi completa gli studi), sostenuto anche da Italia Viva. Ma la Lega, che non è della stessa idea e difende l’attuale legge basata sullo ius sanguinis (è cittadino chi nasce in Italia), l’ha attaccata con un post che non è piaciuto per niente al partito di Berlusconi. Intanto a Roma è stato vandalizzato il murale che raffigura Paola Egonu, giocatrice nera dell’Italvolley. «Lei non rappresenta l’italianità», ha detto Roberto Vannacci.

Mez’Agosto de sangue in Italia, un figgeu negou e unna casa scciuppâ

Mez’Agosto macciou de sangue in Italia. À Vico Equense, in Campania, un figgeu de 7 anni o l’é mòrto negou inta pisciña de un agrituriximo dond’o l’ea in villezzo. A Procua a l’à averto unn’investigaçion. In Salento unna fuga de gazzo da unna bomboa a l’à fæto scciuppâ unna casa: un òmmo de 58 anni o l’é mòrto pe-e bruxeuie graviscime, à l’uspiâ seu figgia de 23 anni co-o galante de 24. Unn’atra fuga da gazzo inte un assosto in Valtellina, sensa ferii gravi. Ancon in Pulia, in provinsa de Brindisi, un proiettile partio da unna pistòlla in sciâ mæña, fòscia pe festezzâ l’Assonta, o l’à ferio un zoeno, che pe fortuña o sta ben.

Traduçion italiaña

Ferragosto di sangue in Italia, un bambino annegato e una casa esplosa

Ferragosto insanguinato in Italia. A Vico Equense, in Campania, un bambino di 7 anni è annegato nella piscina di un agriturismo dove trascorreva le vacanze. La Procura ha aperto un’inchiesta. Nel Salento una fuga di gas da un serbatoio ha fatto saltare in aria un’abitazione: morto per ustioni gravissime un uomo di 58 anni, in ospedale la figlia di 23 anni anni con il fidanzato di 24. Ancora una fuga di gas in un rifugio in Valtellina, senza feriti gravi. Sempre in Puglia, in provincia di Brindisi, un proiettile sparato da una pistola sulla spiaggia, forse per festeggiare l’Assunta, ha ferito un giovane, che fortunatamente sta bene.

O cado o ghe mòlla, temperatue zu de 10 graddi e borrasche

Dòppo un meise de cado da scciuppâ, in sciâ Penisoa arriva unna descheita de temperatue fin à 10 graddi, accompagnâ da ægua e borrasche. Coscì anche i «bollin rosci» assegnæ da-o ministëio da Sanitæ se reduxan ben ben. Ma o reisego o l’é che l’äia freida ch’a chiña zu da-o Nòrd Euröpa, intoppando inte quella affogâ in sciô Mediterraneo, a pòsse caxonâ di eventi estremmi, con vento fòrte, gragneua e derui. À tutte e mainee pe quarche giorno l’instabilitæ a piggià o desciù in sce l’antiçiclon african. Ma no l’é dito che a stæ a segge finia, perché da-i giorni apreuvo l’erta prescion à porrieiva tornâ à dominâ in sciô Paise.

Traduçion italiaña

Il caldo molla la presa, temperature giù di 10 gradi e temporali

Dopo un mese di caldo torrido, sulla Penisola arriva un calo delle temperature fino a 10 gradi, accompagnato da piogge e temporali. Così anche i “bollini rossi” assegnati dal Ministero della Salute si riducono notevolmente. Ma il rischio è che l’aria fredda che scende dal Nord Europa, incontrando quella rovente sul Mediterraneo, possa provocare eventi estremi, con forti venti, grandine e nubifragi. Comunque per qualche giorno l’instabilità prenderà il sopravvento sull’anticiclone africano. Ma non è detto che l’estate sia finita, perché dai prossimi giorni l’alta pressione potrebbe nuovamente dominare il Paese.

E notiçie da-o mondo

Senti a verscion registrâ:

Isræle-Hamas, se travaggia pe-o fermæ o feugo à Gazza

S’é serrou à Doha, a capitale do Qatar, i incontri pe arrivâ à un accòrdio in sciô fermæ o feugo à Gazza e pe-a liberaçion di ostaggi. O Netanyahu o l’à confermou a parteçipaçion di cappi do Mossad e do Shin Bet, saieiva à dî i serviçi segretti, pe contra quelli de Hamas no ghe son anæti, coscì comme l’Iran. Inti giorni che vëgne ghe saià di atri incontri. L’exito poxitivo o l’é consciderou determinante pe schivâ un attacco diretto de l’Iran contra Isræle. Neuvi attacchi inta Striscia, donde o numeo di mòrti o l’é arrivou à 40mia segondo Hamas. «Guägnæ a-a spedia, perché i ammassamenti an da finî», o l’à dito a-o Netanyahu o Donald Trump, candidou repubrican a-e eleçion inti Stati Unii.

Traduçion italiaña

Israele-Hamas, si lavora per il cessate il fuoco a Gaza

Si sono chiusi a Doha, capitale del Qatar, gli incontri per raggiungere un accordo sul cessate il fuoco a Gaza e per la liberazione degli ostaggi. Netanyahu ha confermato la partecipazione dei vertici del Mossad e dello Shin Bet, cioè dei servizi segreti, mentre non erano presenti i membri di Hamas, così come l’Iran. Nei prossimi giorni ci saranno altri incontri. L’esito positivo è considerato decisivo per evitare un attacco diretto dell’Iran contro Israele. Nuovi attentati nella Striscia, dove il bilancio delle vittime è arrivato a 40mila secondo Hamas. «Vincete rapidamente, perché le uccisioni devono finire», ha detto a Netanyahu Donald Trump, candidato repubblicano alle elezioni americane.

L’Ucraina a l’avansa in Ruscia, o Putin o menassa «unna degna respòsta»

Va avanti l’operaçion militare ucraina inta region ruscia do Kursk. Kiev a l’à dito de voei creâ unna zöna cuscinetto pe impedî à Mosca d’attaccâ de de lì. O Putin o l’à menassou «unna degna respòsta» à l’invaxon e o seu prinçipâ conseggê, o Nikolai Patrushev, o l’à accaxonou a Nato e «i serviçi speçiali de l’Occidente» d’avei contribuio à inandiâ l’offensciva. Intanto l’exerçito o mescia de truppe e di mezzi inta region confinante de Belgorod. Se l’incurscion armâ a no ghe piaxe «o Putin o se ne peu anâ da l’Ucraina», o l’à dito o John Kirby, portavoxe do Conseggio pe-a seguessa naçionale di Stati Unii. Segondo o Zelensky 74 communitæ son passæ sotta o contròllo de Kiev.

Traduçion italiaña

L’Ucraina avanza in Russia, Putin minaccia «una degna risposta»

Continua l’operazione militare ucraina nella regione russa di Kursk. Kiev ha detto di voler creare una zona cuscinetto per impedire a Mosca di attaccare da quelle zone. Putin ha minacciato «una degna risposta» all’invasione e il suo principale consigliere, Nikolai Patrushev, ha accusato la Nato e «i servizi speciali dell’Occidente» di aver contribuito a organizzare l’offensiva. Nel frattempo l’esercito sta spostando truppe e mezzi nella confinante regione di Belgorod. Se l’incursione armata non gli piace, «Putin può lasciare l’Ucraina», ha detto John Kirby, portavoce del Consiglio di sicurezza nazionale degli Stati Uniti. Secondo Zelenskyj sono 74 le comunità passate sotto il controllo di Kiev.

Voieue de scimie, l’Oms a deciara l’emergensa mondiale

L’Organizzaçion mondiale da sanitæ a l’à deciarou l’emergensa mondiale pe l’Mpox, e voieue de scimie comme se ghe dixe. L’à proclamâ o direttô generale Tedros Adhanom Ghebreyesus a-a fin de unna longa riunion do comitato d’emergensa. In campo 15 mioin de dòllari, tanto che l’Euröpa a l’à annonçiou d’avei accattou 175mia döse de vacciña da donâ a-i Paixi africhen. In Sveçia, pe-a primma vòtta feua da l’Africa, l’é stæto registrou un caxo da variante Clade 1, a ciù gramma. O Çentro europeo pe-a prevençion e o contròllo de moutie o tëgne pe façiliscimo che ghe segge ciù caxi importæ e o l’arrecomanda a-i Paixi che s’inandian contra l’epidemia. Pe-o momento o reisego o l’é astimmou basso, pægio che a gravitæ da moutia.

Traduçion italiaña

Vaiolo delle scimmie, l’Oms dichiara l’emergenza mondiale

L’Organizzazione mondiale della sanità ha dichiarato l’emergenza mondiale per l’Mpox, il cosiddetto vaiolo delle scimmie. L’ha proclamata il direttore generale Tedros Adhanom Ghebreyesus al termine di una lunga riunione del comitato di emergenza. In campo 15 milioni di dollari, mentre l’Europa annuncia di aver acquistato 175mila dosi di vaccino da donare ai Paesi africani. In Svezia, per la prima volta al di fuori dell’Africa, è stato registrato un caso della variante Clade 1, la più pericolosa. Il Centro europeo per la prevenzione e il controllo delle malattie ritiene molto probabile che ci siano più casi importati e consiglia ai Paesi di prepararsi contro l’epidemia. Al momento il rischio è valutato basso, pari alla gravità della malattia.