Caxo Boccia, o ministro Sangiuliano o l’à dæto e dimiscioin da-o governo
Tæramòtto into governo Meloni: o ministro da Coltua Gennaro Sangiuliano o l’à dæto e dimiscioin definitive dòppo o ciæto tiou sciù da l’imprenditoa Maria Rosaria Boccia. O caxo o l’ea scciuppou a-a fin d’agosto, quande a dònna in sce Instagram a l’aiva ringraçiou o ministro pe l’incarrego de conseggea pe-i grendi eventi, nòmina smentia però da-o ministëio. Da quello momento a profescionista a l’à pubricou papê, e-mail, attestaçioin de speise, föto e video, contegnui relativi ascì à l’organizzaçion do G7 da coltua. A prescidente Meloni a l’à defeiso o Sangiuliano, che dapeu, inte unn’intervista a-o Tg1, o l’à ammisso che co-a Boccia o l’aiva unna relaçion, o l’à asseguou de no aveighe mai pagou ninte co-i dinæ pubrichi e o l’à ciammou scuse à seu moggê. «O l’é sotta menassa», a l’à replicou l’imprenditoa inte unn’intervista a-a Stampa. In sciâ fin, dòppo un sciumme de polemiche, a-i 6 de settembre o ministro o l’à lasciou o governo. A-o seu pòsto o direttô do Maxxi, o giornalista Alessandro Giuli.
Traduçion italiaña
Caso Boccia, il ministro Sangiuliano ha rassegnato le dimissioni dal governo
Terremoto nel governo Meloni: il ministro della Cultura Gennaro Sangiuliano ha rassegnato le dimissioni irrevocabili dopo lo scandalo sollevato dall’imprenditrice Maria Rosaria Boccia. Il caso era scoppiato a fine agosto, quando la donna su Instagram aveva ringraziato il ministro per l’incarico di consigliera per i grandi eventi, nomina però smentita dal ministero. Da allora la professionista ha pubblicato documenti, e-mail, attestati di spesa, foto e video, contenuti anche relativi all’organizzazione G7 della cultura. La presidente Meloni ha difeso Sangiuliano, che poi, in un’intervista al Tg1, ha ammesso di aver avuto una relazione con Boccia, ha assicurato di non averle mai pagato nulla con i soldi pubblici e ha chiesto scusa alla moglie. «È sotto ricatto», ha ribattuto l’imprenditrice in un’intervista alla Stampa. Alla fine, dopo un fiume di polemiche, il 6 settembre il ministro ha lasciato il governo. Al suo posto il direttore del Maxxi, il giornalista Alessandro Giuli.
Strage into Milaneise, zoeno de 17 anni o l’ammassa tutta a famiggia
Un zoenòtto de 17 anni o l’à ammassou o poæ, a moæ e o fræ de 12 anni à Paderno Dugnano, in provinsa de Milan. L’assascinio o l’é avvegnuo inta neutte tra i 31 d’agosto e o 1° de settembre inta villetta da famiggia, donde i quattro aivan festezzou o nataliçio de l’òmmo, 51 anni. O figgio grande, ch’o l’aiva dæto l’allarme, o l’à contou che o poæ o l’aiva corpio i atri e lê o l’aiva ammassou pe defeisa. Ma a verscion a no l’à convinto i inquirenti. In sciâ fin o l’à confessou e o l’é stæto arrestou. Unna strage «sensa movente», segondo a pm da Procua pe-i minoî Sabrina Ditaranto. E à Bològna un figgeu de 16 anni o l’é stæto ammassou con unna cotellâ inte unna riscia. «O çercava de defende un amigo», dixe i genitoî.
Traduçion italiaña
Strage nel Milanese, ragazzo di 17 anni uccide tutta la famiglia
Un ragazzo di 17 anni ha ucciso il padre, la madre e il fratello di 12 anni a Paderno Dugnano, in provincia di Milano. L’omicidio è avvenuto nella notte tra il 31 agosto e il primo settembre nella villa di famiglia, dove i quattro avevano festeggiato il compleanno dell’uomo, 51 anni. Il figlio maggiore, che aveva dato l’allarme, ha riferito che il padre aveva colpito gli altri e lui lo aveva ucciso per difendersi. Ma la versione non ha convinto gli inquirenti. Alla fine ha confessato ed è stato arrestato. Una strage «senza movente», secondo la pm Sabrina Ditaranto della Procura dei minorenni. E a Bologna un ragazzo di 16 anni è stato ucciso a coltellate in una rissa. «Stava cercando di difendere un amico», raccontano i genitori.
Balneari, approvou o decreto: conçescioin fin a-o 2027 e indennizzi
O l’é vegnuo a-a fin o caxo di balneari in Italia. Apreuvo à l’accòrdio con l’Union europea – ch’a l’aiva za averto unna proçedua d’infraçion pe violaçion da direttiva Bolkestein in sciâ concorrensa – o Governo o l’à approvou un decreto co-a pròroga de conçescioin da mæña fin à ottobre do 2027, co-a poscibilitæ de tramandâ à marso do 2028 se ghe fïse di impedimenti. I neuvi gestoî avian da pagâ un indennizzo à chi lascia e dovian garantî l’assonçion di louanti. Pe Palaçio Chigi o l’é un «ponto d’equilibrio tra e neçescitæ d’arvî a-o mercou e avvardâ e atteise di conçescionäi che gh’é oua». E neuve conçescioin porrian duâ da çinque à vint’anni. Ma e assoçiaçioin de categoria no son guæi contente: «E açiende vegnian misse a-a cæga, aniemo avanti à battise pe-i nòstri driti».
Traduçion italiaña
Balneari, approvato il decreto: concessioni fino al 2027 e indennizzi
È giunta alla conclusione la vicenda dei balneari in Italia. A seguito dell’accordo con l’Unione Europea – che aveva già aperto una procedura d’infrazione per violazione della direttiva Bolkestein sulla concorrenza – il Governo ha varato un decreto con la proroga delle concessioni marittime fino a ottobre 2027, con possibilità di rinvio a marzo 2028 qualora ci siano degli impedimenti. I nuovi gestori dovranno corrispondere un indennizzo a chi lascia e dovranno garantire l’assunzione dei lavoratori. Per Palazzo Chigi si tratta di un «punto di equilibrio tra le necessità di aprire al mercato e preservare le aspettative degli attuali concessionari». Le nuove concessioni potranno durare dai cinque ai vent’anni. Ma le associazioni di categoria non sono soddisfatte: «Le aziende saranno messe a gara, noi continueremo a lottare per i nostri diritti».
