O Zinâ

Ediçion

E notiçie da-a Liguria

Senti a verscion registrâ:

Commun de Zena, o Pietro Piciocchi o presenta i neuvi assessoî

Co-a votaçion de l’urtima delibera into Conseggio do Commun, o prescidente da Liguria Marco Bucci o l’é descheito da scindico de Zena. «Nisciun descorso – o l’à dito – sedonca me commeuvo». A-o seu pòsto fin a-e neuve eleçioin o viçescindico Pietro Piciocchi, ch’o l’à annonçiou i neuvi assessoî inta sala rossa do Palaçio Tursci: o dirigente penscionou Ferdinando De Fornari o piggia e deleghe à Manutençioin, Travaggi pubrichi e ascì Infrastruttue strategiche; o Enrico Costa, za prescidente do Ceis, o daià a mente à Serviçi soçiali, Zoeni e Famiggia. Un pö de remescio pe-i atri incarreghi: a Mobilitæ a va a-o Sergio Gambino, l’Ambiente a-o Mauro Avvenente, a Scheua a-a Francesca Corso.

Traduçion italiaña

Comune di Genova, Pietro Piciocchi presenta i nuovi assessori

Con il voto dell’ultima delibera in Consiglio comunale, il presidente della Liguria Marco Bucci è decaduto da sindaco di Genova. «Nessun discorso – ha detto – altrimenti mi commuovo». Al suo posto fino alle nuove elezioni il vicesindaco Pietro Piciocchi, che nella sala rossa di Palazzo Tursi ha annunciato i nuovi assessori: il dirigente in pensione Ferdinando De Fornari prende le deleghe alle Manutenzioni, ai Lavori pubblici e anche alle Infrastrutture strategiche; Enrico Costa, già presidente del Ceis, si occuperà di Servizi sociali, Giovani e Famiglia. Qualche sconvolgimento per gli altri incarichi: la Mobilità a Sergio Gambino, l’Ambiente a Mauro Avvenente, la Scuola a Francesca Corso.

Scontro in sce l’A10, un mòrto e unna dozzeña d’atteuscegæ

Un mòrto e unna dozzeña d’atteuscegæ inta seiaña di 12 de dexembre pe un açidente avvegnuo in sce l’autostradda A10, inte un træto à senso doggio tra Impëia e San Bertomê donde gh’ea di travaggi. A bòtta tra unna vettua e unna giusterna piña de vin a l’à fæto scciuppâ un inçendio inte unna galleria. L’òmmo ch’o guiddava a machina o l’é mòrto carbonizzou de drento, i atri an abbandonou i seu mezzi e an çercou de sciortî d’into tunnel, ma intanto an respiou ben ben do fumme: son stæti portæ a-i uspiæ d’Impëia e Sanremmo, squæxi tutti mandæ à casa dòppo i contròlli medichi.

Traduçion italiaña

Scontro sulla A10, un morto e una dozzina di intossicati

Un morto e una dozzina di intossicati la sera del 12 dicembre in un incidente avvenuto sull’autostrada A10, in un tratto a doppio senso di marcia tra Imperia e San Bartolomeo al Mare dove erano in corso dei lavori. L’urto tra una vettura e una cisterna piena di vino ha provocato un incendio in una galleria. L’uomo alla guida dell’auto è morto carbonizzato all’interno, gli altri hanno abbandonato i loro mezzi e hanno tentato di uscire dal tunnel, ma nel frattempo hanno respirato molto fumo: sono stati portati negli ospedali di Imperia e Sanremo, quasi tutti dimessi dopo gli accertamenti medici.

A Sandöia a manda via o Sottil: o Semplici o l’é o neuvo allenatô

Neuvo cangio in sciâ banca da Sandöia: o Andrea Sottil o l’é stæto sollevou da l’incarrego, a squaddra a l’é stæta consegnâ a-o Leonardo Semplici. Determinante a desfæta in Emilia pe 5-1 contra o Sassuolo. O tecnico o l’ea stæto ciammou dòppo træ partie de campionato pe sostituî o Andrea Pirlo e o l’à guiddou o Döia pe trezze giornæ, portandolo in chinzeña poxiçion. «Son arrivou pe çercâ de cangiâ o verso – o l’à dito o Semplici inta seu primma conferensa stampa à Zena –. Ò trovou un gruppo ch’o me dà a mente, a clascifica a me mäveggia. Oua emmo da comensâ torna squæxi da zero, o passou o conta pöco».

Traduçion italiaña

La Sampdoria esonera Sottil: Semplici è il nuovo allenatore

Nuovo cambio sulla panchina della Sampdoria: Andrea Sottil è stato esonerato, la squadra è stata affidata a Leonardo Semplici. Decisiva la sconfitta in Emilia per 5-1 contro il Sassuolo. Il tecnico era stato chiamato dopo tre partite di campionato per sostituire Andrea Pirlo e ha guidato il Doria per tredici giornate, portandolo al quindicesimo posto. «Sono arrivato per provare a invertire la tendenza – ha detto Semplici nella sua prima conferenza stampa a Genova –. Ho trovato un gruppo che mi ascolta, la classifica mi stupisc. Adesso dobbiamo ripartire quasi da zero, il passato conta poco».

E notiçie da l’Italia

Senti a verscion registrâ:

Scceuppo inte un depòxito de carburanti, çinque mòrti e 26 ferii

Unna neuva strage in sciô travaggio: çinque operäi son mòrti e 26 son arrestæ ferii into scceuppo avvegnuo a-i 9 de dexembre inte un depòxito de carburanti de l’Eni à Calenzano, a-e pòrte de Firense. Doe persoñe son inte unna condiçion graviscima. A Procua de Prato a l’à averto unn’investigaçion pe ammassamento corposo plurimo e atri crimini. Pe-o momento no se parla de sabotaggio. Inte quello momento s’ea apreuvo à tiâ sciù un carrello tanto che se formava unna nuvia de vapoî de carburanti e sto fæto o porrieiva ëse stæto uña de caxoin do scceuppo. L’Eni a l’à denegou che ghe fïse doî travaggi de manutençion insemme. O stabilimento o l’arrestià fermo pe tutto o tempo che ghe vorrià.

Traduçion italiaña

Esplosione in un deposito di carburanti, cinque morti e 26 feriti

Nuova strage sul lavoro: cinque operai sono morti e 26 sono rimasti feriti nell’esplosione avvenuta il 9 dicembre in un deposito di carburanti Eni a Calenzano, alle porte di Firenze. Due persone versano in condizioni molto gravi. La Procura di Prato ha aperto un’indagine per omicidio plurimo e altri reati. Al momento non si parla di sabotaggio. In quel momento si stava sollevando mentre si formava una nuvola di vapori di carburanti e questa circostanza potrebbe essere stata una delle cause dell’esplosione. L’Eni ha negato che ci fossero due operazioni di manutenzione contemporaneamente. L’impianto resterà fermo per tutto il tempo necessario.

O direttô de l’Agençia de Intræ o se dimette, inta maneuvra ciù dinæ a-i ministri

O direttô de l’Agençia de Intræ Ernesto Maria Ruffini o l’à dæto e dimiscioin in polemica co-o governo. «Scombatte l’evaxon a no l’é unna deçixon de parte», o l’à dito inte unn’intervista commentando e poxiçioin da prescidente Meloni e do ministro Salvini. E sto chì o l’à replicou: «Bon travaggio, ma ch’o stagghe lontan da-e stacche di italien». Intanto a maneuvra a cangia: ghe saià fin à un miliardo pe sostegnî l’industria de machine, i ministri che no son stæti elezzui a-o Parlamento gh’avian unna paga ciù erta, o Stato o piggià ciù dinæ da-e scommisse in sciâ Ræ. A Cassaçion a l’à dæto a luxe verde a-o referendum in sce l’autonomia differençiâ, l’oppoxiçion a l’à invitou o governo à abrogâ a lezze.

Traduçion italiaña

Si dimette il direttore dell’Agenzia delle Entrate, in manovra più soldi ai ministri

Il direttore dell’Agenzia delle Entrate Ernesto Maria Ruffini si è dimesso in polemica con il governo. «Combattere l’evasione non è una decisione di parte», ha detto in un’intervista commentando le posizioni della presidente Meloni e del ministro Salvini. Quest’ultimo ha ribattuto: «Buon lavoro, ma che stia lontano dalle tasche degli italiani». Intanto la manovra cambierà: ci sarà fino a un miliardo per sostenere l’industria dell’auto, i ministri non eletti in Parlamento avranno compensi più alti, lo Stato preleverà più soldi dalle scommesse online. La Cassazione ha dato il via libera al referendum sull’autonomia differenziata, l’opposizione ha invitato il governo ad abrogare la legge.

Milan, dònna ammassâ da un camio: arrestou l’autista in fuga

Unna dònna de 34 anni a l’é mòrta investia da un camio into çentro de Milan tanto ch’a traversava a stradda co-i seu figgin binelli de un anno. A tragedia a l’é avvegnua a-i 11 de dexembre. L’autista, ch’o l’ea scappou, o l’é stæto arrestou dòppo de oe pe ammassamento straddale tanto ch’o louava inte unna cava. A vittima a l’é peruaña, o camionista o l’é un italian de 24 anni. Pe fortuña i doî piccin, ch’ean into carrossin, an reportou solo quarche granfigneuia. O scontro o l’é capitou inte unna croxea con un semaforo. O camio o giava à drita e o l’ea in regola co-o sensô pe-i ponti òrbi.

Traduçion italiaña

Milano, donna uccisa da un camion: arrestato l’autista in fuga

Una donna di 34 anni è morta investita da un camion nel centro di Milano mentre attraversava la strada con i suoi gemellini di un anno. La tragedia è avvenuta l’11 dicembre. L’autista, che era fuggito, è stato arrestato ore dopo per omicidio stradale mentre lavorava in una cava. La vittima è peruviana, il camionista è un italiano di 24 anni. Per fortuna i due bimbi, che erano nel passeggino, hanno riportato solo qualche graffio. L’incidente è avvenuto in un incrocio con semaforo. Il camion ha svoltato a destra ed era in regola con il sensore per gli angoli ciechi.

E notiçie da-o mondo

Senti a verscion registrâ:

Sciria, o regimme do Assad o l’é cheito: Damasco inte moen di jihadisti

In Sciria l’é cheito o regimme do Bashar al-Assad. A-i 8 de dexembre, dòppo dexe giorni de sollevaçion, i rebelli jihadisti son intræ à Damasco. O cappo Al-Jolani o s’é inzenoggiou, o l’à baxou a tæra e o l’à dito: «L’avvegnî o l’é nòstro, o dittatô o l’é cheito e sta chì a l’é unna vittöia pe tutta a naçion islamica». O rais o l’é scappou in Ruscia, donde o Putin o gh’à dæto a proteçion politica. O Muhammad Bashir o l’é stæto nominou cappo do governo de tranxiçion. Da Isræle squæxi 500 attacchi comandæ da-o primmo ministro Netanyahu pe impedî che i jihadisti piggessan e arme. Da Damasco l’é sätou feua di còrpi con di segni de tortue e miggiæa de cadavei inte fòsse commun. I Stati europëi se son spartii in sce l’avertua a-i pròfughi.

Traduçion italiaña

Siria, è caduto il regime di Assad: Damasco in mano ai jihadisti

In Siria è caduto il regime di Bashar al-Assad. L’8 dicembre, dopo dieci giorni di rivolta, i ribelli jihadisti sono entrati a Damasco. Il leader Al-Jolani si è inginocchiato, ha baciato la terra e ha detto: «Il futuro è nostro, il dittatore è caduto e questa è una vittoria per l’intera nazione islamica». Il rais è fuggito in Russia, dove Putin gli ha concesso asilo politico. Muhammad Bashir è stato nominato capo del governo di transizione. Da Israele quasi 500 attacchi ordinati dal primo ministro Netanyahu per impedire ai jihadisti di prendere le armi. A Damasco sono venuti alla luce corpi con segni di tortura e migliaia di cadaveri nelle fosse comuni. Gli Stati europei si sono divisi sull’apertura ai rifugiati.

Guæra in Ucraina, o Trump o menassa de sciortî da-a Nato e de redue i aggiutti

O Donald Trump, prescidente elezzuo di Stati Unii, o l’à menassou de lasciâ a Nato «se no saiemo trattæ comme l’é giusto». E dapeu o l’à parlou da poscibilitæ de redue i aggiutti à Kiev, levando ascì l’autorizzaçion dæta da-o Biden pe l’addeuvio di miscili americhen contra a Ruscia. O Putin o no se fia guæi: «Aspëtemmo i fæti», o l’à dito. Intanto cresce l’ipòtexi de mandâ de truppe europee in Ucraina pe mantegnî a paxe quande a guæra a saià finia: a poscibilitæ a l’é stæta in descorso inte un incontro co-o prescidente franseise Macron e o ministro Crosetto o l’à za offerto a disponibilitæ de l’Italia.

Traduçion italiaña

Guerra in Ucraina, Trump minaccia di uscire dalla Nato e tagliare gli aiuti

Donald Trump, il presidente eletto degli Stati Uniti, ha minacciato di lasciare la Nato “se non saremo trattati bene”. E poi ha parlato della possibilità di ridurre gli aiuti a Kiev, togliendo anche l’autorizzazione concessa da Biden per l’utilizzo dei missili americani contro la Russia. Putin non è molto fiducioso: «Aspettiamo i fatti», ha detto. Intanto cresce l’ipotesi di inviare truppe europee in Ucraina per mantenere la pace una volta finita la guerra: la possibilità è stata discussa in un incontro con il presidente francese Macron e il ministro Crosetto ha già offerto la disponibilità dell’Italia.

Crixi politica in Fransa, o Macron o çerne o Bayrou comme primmo ministro

O François Bayrou, de 73 anni, o l’é o neuvo primmo ministro da Fransa. O prescidente Emmanuel Macron o l’à nominou a-i 13 de dexembre pe vegnî a-a fin da crixi averta eutto giorni avanti co-e dimiscioin do Michel Barner. Prescidente do MoDem, o prinçipale partio de çentro, o Bayrou o l’à propòsto de «mette torna d’accòrdio i franseixi». O l’aiva sostegnuo o Macron a-i primmi tempi, ma gh’ea stæto ascì de rattelle. A Marine Le Pen, cappo do Rassemblement National, a no l’é contenta: «Prolongâ o macroniximo – a l’à dito – o pòrta solo a-o blòcco». La France Insoumise do Mélenchon o l’à annonçiou unna moçion de çensua de botto.

Traduçion italiaña

Crisi politica in Francia, Macron sceglie Bayrou come primo ministro

Il 73enne François Bayrou è il nuovo primo ministro francese. Il presidente Emmanuel Macron lo ha nominato il 13 dicembre per porre fine alla crisi aperta otto giorni prima con le dimissioni di Michel Barner. Presidente del MoDem, il principale partito di centro, Bayrou ha proposto di «ricomporre i francesi». In origine aveva sostenuto Macron, ma c’erano stati anche disaccordi. Marine Le Pen, capo del Rassemblement National, non è contenta: «Prolungare il macronismo – ha detto – porta solo al blocco». La France Insoumise di Mélenchon ha annunciato immediatamente una mozione di sfiducia.