O Zinâ

Ediçion

E notiçie da-a Liguria

Senti a verscion registrâ:

Tempo grammo, poia e danni in Liguria: à Zena vëgne zu unna miagia

Un miagion o l’é vegnuo zu à Zena in stradda Çinque Santi, into quartê do Lagasso, a-a mattin di 28 de zenâ, dòppo de giornæ de tempo grammo. Pe fortuña de sotta no gh’ea nisciun. Sette persoñe son stæte scorrie d’in cà, tra e quæ unna famiggia de çinque componenti into condominio propietäio da miagia, avvenâ che l’ea za di anni. Ma l’ægua a l’à fæto di atri guasti in gio. À Ciavai l’Entella o l’é arrivou a-o segondo livello de reisego, ma o no l’é anæto de sorva. Unna gròssa fraña a l’à bloccou a stradda di Zoi piggiando unna machina ch’a passava de lì: unna persoña a l’é arrestâ feria e a l’é stæta portâ à l’uspiâ. A-o Cian di Ratti, in Fontañaboña, un lampion o s’é abbattuo in sciâ stradda: quattro famigge isoæ e sëi persoñe evacuæ pe seguessa.

Traduçion italiaña

Maltempo, paura e danni in Liguria: a Genova crolla un muro

Un muraglione è crollato a Genova in via Cinque Santi, nel quartiere del Lagaccio, la mattina del 28 gennaio, dopo giorni di maltempo. Fortunatamente sotto non c’era nessuno. Sette persone sono state sfollate, tra cui una famiglia di cinque componenti nel condominio proprietario del muro, che presentava crepe da anni. Ma l’acqua ha provocato altri danni nei dintorni. A Chiavari l’Entella ha raggiunto la seconda soglia di pericolo, ma non è esondato. Una grossa frana ha bloccato la strada dei Giovi, travolgendo un’auto in transito: una persona è rimasta ferita ed è stata trasportata in ospedale. A Pian dei Ratti, in Val Fontanabuona, un lampione si è abbattuto sulla strada: quattro famiglie isolate e sei persone evacuate per motivi di sicurezza.

Spezza, açidente con un mòrto e trei ferii: l’autista o scappa via

Un mòrto e trei ferii inte un açidente straddale a-a Spezza inta neutte tra-i 28 e i 29 de zenâ. Doe machine s’en scontræ, uña a s’é inversâ ciù vòtte, l’atra a l’é anæta à piccâ contra unna miagetta. In sciâ primma viægiava unna famiggia de quattro persoñe: un òmmo de 71 anni, o Giovanni Benassi, o l’à perso a vitta. A-a guidda de l’atro mezzo o Nedad Sulejmanovic, de 28 anni, ch’o l’é scappou dòppo l’açidente. «O l’ea invexendou e ferio, o l’à avuo un attacco de panico», o l’à dito o seu avvocato. I carabinê l’an trovou à cà da galante, poxitivo a-a preuva de l’alcol. Oua o l’é in arresto, accaxonou d’ammassamento straddale e mancou soccorso. O fæto o l’é stæto repiggiou da unna telecamera.

Traduçion italiaña

La Spezia, incidente con un morto e tre feriti: l’autista fugge

Un morto e tre feriti in un incidente stradale alla Spezia nella notte tra il 28 e il 29 gennaio. Due auto si sono scontrate, una si è ribaltata più volte, l’altra è andata a sbattere contro un muretto. Sulla prima viaggiava una famiglia di quattro persone: un uomo di 71 anni, Giovanni Benassi, ha perso la vita. Alla guida dell’altro veicolo c’era il 28enne Nedad Sulejmanovic, che è fuggito dopo l’incidente. «Era sconvolto e ferito, ha avuto un attacco di panico», ha detto il suo avvocato. I carabinieri lo hanno trovato a casa della fidanzata, positivo all’alcol test. Ora è in arresto, accusato di omicidio stradale e omissione di soccorso. L’incidente è stato ripreso da una telecamera.

Piaggio Aero, a Baykar a l’accatta l’açienda ma a l’annonçia 60 liçençiamenti

Oua gh’é l’offiçialitæ: a soçietæ turca Baykar, esperta inta produçion de mezzi d’äia sensa pilòtto, a l’à sottoscrito un accòrdio preliminare pe accattâ i stabilimenti da Piaggio Aero in Liguria. L’operaçion a l’é stæta autorizzâ da-o ministëio de Impreise. Ma a soçietæ a l’à za annonçiou che ghe saià 60 liçençiamenti, notiçia ch’a l’à fæto arraggiâ i scindacati. «Da-a Region Liguria un scilençio ch’o fa gënâ – o commento da Fiom de Saña –. Gh’é beseugno d’assumme e de mette in seguessa chi ghe travaggia ancheu. Serve un confronto co-i ministëi e l’açienda pe conosce o cian industriale».

Traduçion italiaña

Piaggio Aero, Baykar acquista l’azienda ma annuncia 60 licenziamenti

Ora è ufficiale: l’azienda turca Baykar, esperta nella produzione di velivoli senza pilota, ha firmato un accordo preliminare per l’acquisto degli impianti di Piaggio Aero in Liguria. L’operazione è stata autorizzata dal ministero delle Imprese. Ma l’azienda ha già annunciato che ci saranno 60 licenziamenti, una notizia che ha fatto infuriare i sindacati. «Dalla Regione Liguria un silenzio assordante – il commento della Fiom di Savona –. C’è bisogno di assumere e mettere in sicurezza chi attualmente lavora lì. Serve un confronto con i ministeri e l’azienda per conoscere il piano industriale».

E notiçie da l’Italia

Senti a verscion registrâ:

A Meloni indagâ pe-o caxo Almasri: «Vaggo avanti sensa poia»

A prescidente do Conseggio Giorgia Meloni a l’é indagâ da-a Procua de Romma co-i ministri Piantedosi e Nordio pe destornamento de dinæ pubrichi e façilitaçion in sciô caxo do Almasri, o commandante libico accaxonou de crimini contra l’umanitæ da-a Corte penale internçionale, arrestou in Italia e dapeu accompagnou à Tripoli in sce un xeuo de Stato. «No me fasso menassâ, vaggo avanti sensa poia», a l’à dito inte un video co-o quæ a l’à dæto a notiçia. L’iniçiativa a l’é nasciua da un espòsto de l’avvocato Li Gotti. Pe l’Assoçiaçion di magistrati «un atto dovuo». Bloccou i travaggi in Parlamento in sce domanda de l’oppoxiçion fin che o Governo o no faià ciæo. A Meloni a l’à pubricou un sondaggio ch’o dà Fratelli d’Italia in remontâ: «Ascì co-i attacchi e i tentativi de destabilizzâne – a l’à commentou – l’arrembo di italien o l’arresta fòrte».

Traduçion italiaña

Meloni indagata per il caso Almasri: «Vado avanti senza paura»

La presidente del Consiglio Giorgia Meloni è indagata dalla Procura di Roma con i ministri Piantedosi e Nordio per peculato e favoreggiamento sul caso Almasri, il comandante libico accusato di crimini contro l’umanità dalla Corte penale internazionale, arrestato in Italia e poi scortato a Tripoli con un volo di Stato. «Non mi faccio intimidire, vado avanti senza paura», ha detto in un video con cui ha dato la notizia. L’iniziativa nasce da un esposto dell’avvocato Li Gotti. Per l’Associazione dei magistrati «un atto dovuto». Bloccati i lavori parlamentari su richiesta dell’opposizione finché il Governo non avrà chiarito. Meloni ha diffuso un sondaggio che dà Fratelli d’Italia in crescita: «Nonostante gli attacchi e i tentativi di destabilizzarci – ha commentato – il sostegno degli italiani resta forte».

Concorso à Milan, a Procua a veu l’arresto di architetti Boeri e Zucchi

A Procua de Milan a l’à domandou i arresti in cà pe-i architetti Stefano Boeri e Cino Zucchi, ben ben conosciui à livello internaçionale, pe turbativa de cæga pubrica. L’investigaçion a l’à da fâ co-o concorso de progettaçion pe-a neuva biblioteca Beic ch’a saieiva da construe à Milan pe-o 2026. I magistrati, dòppo avei sexio e analizzou i telefoni, an ipotizzou de «conluxoin» tra i doî architetti e quelli ch’an guägno o concorso, za finii à l’attençion da Procua. O Boeri o s’é dito «mäveggiou e ben ben sciätou» e o l’à azzonto ch’o l’aspeta l’incontro co-o giudiçe pe fâ ciæo. O Boeri, avvoxou sorviatutto pe-o Bòsco Verticale, o dovià affrontâ ascì un proçesso pe abuso ediliçio in sce un atro progetto milaneise.

Traduçion italiaña

Concorso a Milano, la Procura vuole l’arresto degli architetti Boeri e Zucchi

La Procura di Milano ha chiesto gli arresti domiciliari per gli architetti di fama internazionale Stefano Boeri e Cino Zucchi per turbativa d’asta. L’inchiesta riguarda il concorso di progettazione per la nuova biblioteca Beic che sorgerà a Milano entro il 2026. I magistrati, dopo aver sequestrato e analizzato i telefoni, hanno ipotizzato «collusioni» tra i due architetti e i vincitori del concorso, già all’attenzione della Procura. Boeri si è definito «stupito e molto turbato» e ha aggiunto che attende l’incontro con il giudice per chiarire. Boeri, famoso soprattutto per il Bosco Verticale, dovrà affrontare anche un processo per abuso edilizio in un altro progetto milanese.

Ammassou pe avei bruttou de scarpe, prexon à vitta pe-o baby boss de Napoli

O l’é stæto condannou a-a prexon à vitta o Francesco Pio Valda, o baby boss che a-i 20 de marso do 2023 o l’à ammassou con un corpo de pistòlla o Francesco Pio Maimone de 18 anni. A seu corpa a l’ea quella d’avei bruttou unna scarpa into mezo de unna riscia tra zoeni ligæ a-a criminalitæ, donde o no gh’aiva ninte da fâ. A-a lettua da sentensa a moæ do Maimone a s’é missa a cianze: «Mettei zu e arme e creddei inta giustiçia», o seu appello. «Pregava tutte e seie ch’avescimo giustiçia – o l’à dito o fræ Emanuele –. Ringraçio i magistrati, i avvocati e a poliçia». Condanne anche pe quattro di atri sette imputæ, tra pænti e amixi de l’assascin.

Traduçion italiaña

Ucciso per avere sporcato delle scarpe, ergastolo per il baby boss di Napoli

È stato condannato all’ergastolo Francesco Pio Valda, il baby boss che il 20 marzo 2023 ha ucciso a colpi di arma da fuoco il 18enne Francis Pio Maimone, è stato condannato all’ergastolo. La sua colpa era quella di avere sporcato una scarpa nel mezzo di una rissa tra giovani legati ad attività criminali, con cui non c’entrava nulla. Alla lettura della sentenza la madre di Maimone è scoppiata in lacrime: ««Deponete le armi e credete nella giustizia», il suo appello. «Ho pregato ogni sera perché ci fosse giustizia – ha detto il fratello Emanuele –. Ringrazio i magistrati, gli avvocati e le forze dell’ordine». Condanne anche per quattro degli altri sette imputati, tra parenti e amici dell’assassino.

E notiçie da-o mondo

Senti a verscion registrâ:

Gazza, ostaggi liberæ tra e gente. Inta Striscia torna 200mia persoñe

Dòppo 482 giorni de prexon à Gazza, l’é stæto liberou trei ostaggi isrælien à Khan Younis, portæ via pe-a stradda tra e gente e i miliçien, investii da sbraggi e scigoi. «Imagine che sciatan, unn’atra preuva da grammiçia de Hamas», o commento do primmo ministro Benjamin Netanyahu, che pe repicca o l’à tardou a liberaçion di detegnui palestineixi. Ciù de 200mia evacuæ son tornæ à pê into Nòrd da Striscia inte doe oe dòppo l’avertua do passo, ma de seu cæ no arresta squæxi ciù ninte. Intanto o prescidente di Stati Unii Donald Trump o l’à propòsto che i palestineixi seggian portæ tutti in Egitto e Giordania, ma o Cairo o l’à za refuou l’idea.

Traduçion italiaña

Gaza, ostaggi rilasciati tra la folla. Tornano nella Striscia 200mila persone

Dopo 482 giorni di prigionia a Gaza, sono stati liberati tre ostaggi israeliani a Khan Younis, portati via lungo la strada tra la folla e i miliziani, con urla e fischi. «Immagini sconvolgenti, un’altra prova della crudeltà di Hamas», ha commentato il primo ministro Benjamin Netanyahu, che per ripicca ha ritardato il rilascio dei detenuti palestinesi. Oltre 200mila di sfollati sono tornati a piedi nella parte settentrionale della Striscia nelle due ore successive all’apertura del valico, ma delle loro case non rimane quasi nulla. Nel frattempo il presidente degli Stati Uniti Donald Trump ha suggerito di portare tutti i palestinesi in Egitto e Giordania, ma il Cairo ha già respinto l’idea.

Washington, scontro airoplan-elicòttero militare: 67 mòrti

Graviscimo açidente d’äia à Washington, a capitale di Stati Unii: un airoplan de linia de l’American Airlines o l’à piccou contra un elicòttero militare inte l’atterraggio e o l’é preçipitou into sciumme Potomac. À bòrdo gh’ea 64 persoñe, ciù 3 militari in sce l’atro mezzo: no l’é scampou nisciun. Tra i passaggê gh’ea anche di atleti americhen e rusci de squaddre de pattinaggio artistico. O prescidente Trump o l’à accaxonou o Biden e o Obama pe avei cangiou i critëi de seguessa con l’assonçion de «persoñe no qualificæ, con de desabilitæ fixiche ò pscichiche, comme controlloî de xeuo». «Accuse che mettan angoscia», a replica do ministro di Traspòrti do Biden Pete Buttigieg.

Traduçion italiaña

Washington, scontro aereo-elicottero militare: 67 morti

Gravissimo incidente aereo a Washington, capitale degli Stati Uniti: un aereo di linea dell’American Airlines si è schiantato contro un elicottero militare durante l’atterraggio ed è precipitato nel fiume Potomac. A bordo c’erano 64 persone, più 3 militari sull’altro mezzo: nessuno è sopravvissuto. Tra i passeggeri c’erano anche atleti americani e russi delle squadre di pattinaggio artistico. Il presidente Trump ha accusato Biden e Obama per aver modificato i criteri di sicurezza assumendo «persone non qualificate, con disabilità fisiche o mentali, come controllori di volo». «Accuse spregevoli», ribatte il segretario ai trasporti di Biden, Pete Buttigieg.

Combattimenti in Congo, a-o manco çento mòrti: se temme a fuga do virus Ebola

O Congo o l’é into ravaxo. Inta çittæ de Goma gh’é stæto di scontri violentiscimi tra l’exerçito regolare do Paise e o gruppo armou M23 sostegnuo da-i sordatti do Ruanda. I combattimenti an caxonou a-o manco un çentanâ de mòrti e squæxi mille ferii tra çivili e militari, ascì quelli dell’Onu ch’aggiuttan e fòrse di Kinshasa. I scontri mettan à reisego anche o laboratöio in sce l’Ebola, segondo l’allarme spantegou da-a Croxe Rossa, pe unna poscibile fuga di campioin do virus e d’atri agenti patògeni conservæ inta struttua, con de «conseguense che no se peu imaginâ» se dovessan anâ in gio. Unna Onlus a l’à dæto l’allarme: «I cadavei son abbandonæ da pe-e stradde, se temme d’arrivâ à 2mia vittime da chì à no guæi».

Traduçion italiaña

Combattimenti in Congo, almeno un centinaio di morti: si teme la fuga del virus Ebola

Il Congo è nel caos. Nella città di Goma si sono verificati violenti scontri tra l’esercito regolare del Paese e il gruppo armato M23 sostenuto dai soldati del Ruanda. Gli scontri hanno causato almeno un centinaio di morti e quasi un migliaio di feriti tra civili e militari, compresi quelli dell’Onu che aiutano le forze di Kinshasa. Gli scontri hanno messo a rischio anche il laboratorio dell’Ebola, secondo l’allarme lanciato dalla Croce Rossa, per una possibile fuga di campioni del virus e di altri agenti patogeni conservati nella struttura, con «conseguenze inimmaginabili» se si diffondessero. Una Onlus lancia l’allarme: «I cadaveri sono abbandonati per strada, si teme che a breve si raggiungano le 2mila vittime».