O Zinâ

Ediçion

E notiçie da-a Liguria

Senti a verscion registrâ:

Airoplan cheito in scî bricchi da Liguria, mòrto un poliçiòtto e un instruttô de xeuo

Un airoplan ôtralegio o l’é cheito a-i 2 d’arvî à Montesöo, into commun de l’Isoa do Canton. Into creppo l’é mòrto doe persoñe: o Riccardo Muci, de 38 anni, poliçiòtto ch’o l’ea stæto premiou da-o prescidente Mattarella pe avei sarvou de gente into scceuppo in autostradda à Bològna do 2018, e l’instruttô de xeuo Giuseppe Gabbi, de 64 anni. Ean partii da vexin à Turin e aivan da anâ à Sutri, in provinsa de Viterbo. Fòscia un guasto o gh’à fæto perde de quöta, fòscia e nuvie basse gh’an levou a vixibilitæ: dapeu l’appægio o l’à piccou in tæra e o l’à piggiou feugo. I còrpi son stæti attrovæ carbonizzæ areo. L’unica poscibilitæ pe capî cöse l’é capitou o l’é un tablet trovou inte unna borsa.

Traduçion italiaña

Aereo precipita nell’entroterra ligure, muoiono un poliziotto e un istruttore di volo

Un aereo ultraleggero è precipitato il 2 aprile a Montessoro, nel comune di Isola del Cantone. Nell’incidente hanno perso la vita due persone: Riccardo Muci, 38 anni, poliziotto premiato dal presidente Mattarella per aver salvato persone durante l’esplosione in autostrada a Bologna nel 2018, e l’istruttore di volo Giuseppe Gabbi, 64 anni. Erano partiti nei pressi di Torino ed erano diretti a Sutri, in provincia di Viterbo. Forse un malfunzionamento gli ha fatto perdere quota, forse le nuvole basse gli hanno tolto la visibilità: poi l’apparecchio si è schiantato al suolo e ha preso fuoco. I corpi sono stati trovati completamente carbonizzati. L’unica possibilità di scoprire cosa è successo è un tablet trovato in uno zaino.

Dònna mòrta sciaccâ da unna parma à Zena, 12 indagæ pe ammassamento corposo

Gh’é 12 indagæ pe-a mòrte da Francesca Testino, a dònna de 57 anni ammassâ da unna parma cheita à Zena, in ciassa Poulo da Neuve, a-i 12 de marso. I ciù tanti son tecnichi dependenti ò passæ dependenti de l’Aster, l’açienda do Commun ch’a l’é incarregâ da manutençion do verde, doî son di consulenti esterni. Pe tutti l’accusa a l’é d’ammassamento corposo. S’aspeta l’exito de l’autopscia in sciâ vittima pe poei çelebrâ o morteuio. L’atro passaggio o saià a consulensa tecnica pe stabilî a caxon pe-a quæ a cianta, ch’a no l’ea consciderâ à reisego de cazze, a l’é vegnua zu sciben che tanti l’aivan segnalâ.

Traduçion italiaña

Donna morta schiacciata da una palma a Genova, 12 indagati per omicidio colposo

Ci sono 12 indagati per la morte di Francesca Testino, la donna di 57 anni uccisa da una palma caduta a Genova, in piazza Paolo da Novi, il 12 marzo. La maggior parte sono tecnici dipendenti o ex dipendenti di Aster, l’azienda del Comune che si occupa della manutenzione del verde, due sono consulenti esterni. Per tutti l’accusa è di omicidio colposo. Si attende l’esito dell’autopsia sulla vittima per poter celebrare il funerale. L’altro passaggio sarà una consulenza tecnica per stabilire la causa per cui la pianta, che non era considerata a rischio crollo, è caduta nonostante le numerose segnalazioni.

Ciavai, mistëio in sce l’Entella: trovou o cadaveo de unna dònna

Mistëio à Ciavai: o cadaveo de unna dònna o l’é stæto attrovou into parco de l’Entella inta mattinâ di 4 d’arvî. O còrpo sensa vitta o l’é stæto descoverto da unna meistra ch’a l’accompagnava di scoläi pe studiâ e bestie in scê rive do sciumme. A mòrta a l’é unna dònna asiatica de 40-45 anni da quæ no s’arriësciva à capî l’identitæ za ch’a no l’aiva de documenti con lê. Chi l’à reconosciua l’é stæto o maio, un çittæn cineise, co-o quæ a gestiva un bar no guæi lontan da-o scito da tragedia. In sciô còrpo no l’é stæto nottou de segni ciæi de violensa. Porrieiva ëse stæto un açidente ma ascì un gesto volontäio.

Traduçion italiaña

Chiavari, mistero sull’Entela: trovato il cadavere di donna

Mistero a Chiavari: il cadavere di una donna è stato trovato nel parco dell’Entella a Chiavari nella mattinata del 4 aprile. Il corpo senza vita è stato scoperto da una maestra che stava accompagnando gli studenti a studiare gli animali sulle rive del fiume. La vittima è una donna asiatica di 40-45 anni, di cui non si riusciva ad accertare l’identità poiché non aveva con sé documenti. A riconoscerla è stato il marito, un cittadino cinese, con cui gestiva un bar non lontano dal luogo della tragedia. Sul corpo non sono stati riscontrati segni evidenti di violenza. Potrebbe essersi trattato di un incidente, ma anche di un gesto volontario.

E notiçie da l’Italia

Senti a verscion registrâ:

Feminiçiddi, inte unna settemaña doe figge ammassæ in Italia

Atri doî feminiçiddi in Italia. À Mesciña unna figgia de 22 anni, Sara Campanella, a l’é stæta ammassâ pe-a stradda da un seu compagno d’universcitæ, Stefano Argentino, de 27 anni, ch’o l’é scappou e da lì à quarche giorno o l’à confessou: «A l’ea freida e indifferente». A mòrte a l’é stæta caxonâ da unna cotellâ into còllo. L’ascidio o l’anava avanti da doî anni e a Campanella a l’aiva scrito à unn’amiga: «O mouto o me ven apreuvo». Vexin à Romma a Ilaria Sula, de 22 anni, nasciua à Terni, a l’é stæta ammassâ à cotellæ da-o passou galante Mark Anthony Samson, de 23 anni. A l’ea sparia da-i 25 de marso. O zoeno o l’à cacciou o còrpo inte un deruo, ascoso inte unna valixe. Lê ascì o l’à confessou: i doî aivan serrou da pöco unna relaçion. Da-o prinçipio de l’anno in Italia gh’é stæto 11 feminiçiddi.

Traduçion italiaña

Femminicidi, in una settimana due ragazze uccise in Italia

Altri due femminicidi in Italia. A Messina una ragazza di 22 anni, Sara Campanella, è stata uccisa in strada da un suo compagno di università, Stefano Argentino, 27 anni, che è fuggito e qualche giorno dopo ha confessato: «Era fredda e indifferente». La morte è stata causata da una coltellata al collo. Le molestie duravano da due anni e Campanella aveva scritto a un amico: «Il malato mi segue». Nei pressi di Roma Ilaria Sula, 22 anni, nata a Terni, è stata uccisa a coltellate dall’ex fidanzato 23enne Mark Anthony Samson. Era scomparsa dal 25 marzo. Il giovane aveva gettato il corpo in un dirupo, nascosto in una valigia. Anche lui ha confessato: i due avevano da poco concluso una relazione. Dall’inizio dell’anno in Italia si sono verificati 11 femminicidi.

Pe l’Istat i italien vivan de ciù, monta l’etæ pe anâ in penscion

Do 2027 l’etæ pe-a penscion e i contributi neçessäi pe anâghe in antiçipo montian de trei mexi arrivando à 67 anni e 3 meixi pe-a penscion de vegiaia e 43 anni e un meise pe quella antiçipâ. Segondo i dæti pubricæ da l’Istat, a speransa de vitta à 65 anni do 2024 a l’é montâ à 21,2 anni, o numeo ciù erto da-o 2019. Into confronto tra 2023-24 e 2021-22 a l’é cresciua de sette meixi, da-i quæ beseugna levâ i 4 meixi de reduçion registræ quande gh’ea a pandemia. A Lega però a l’à annonçiou che l’aumento de l’etæ o vegnià bloccou. L’oppoxiçion a domanda a-a maggioransa ch’a passe a-i fæti.

Traduçion italiaña

Per l’Istat gli italiani vivono più a lungo, alzata l’età pensionabile

Nel 2027 l’età per la pensione e i contributi necessari per anticiparla aumenteranno di tre mesi, arrivando a 67 anni e 3 mesi per la pensione di vecchiaia e a 43 anni e un mese per quella anticipata. Secondo i dati diffusi dall’Istat, la speranza di vita a 65 anni nel 2024 è salita a 21,2 anni, il valore più alto dal 2019. Nel confronto tra il 2023-24 e il 2021-22, è aumentata di sette mesi. dai quali bisogna togliere i 4 mesi di riduzione registrati durante la pandemia. La Lega ha però annunciato che l’aumento dell’età verrà bloccato. L’opposizione chiede alla maggioranza di passare ai fatti.

A Tim a l’é torna italiaña, Poste a l’accatta o 15% da-i franseixi de Vivendi

A Tim a l’é tornâ italiaña. Dòppo i franseixi de Vivendi, e ancon primma l’assoçiaçion industriale con Telefonica, Poste Italiane – ch’a l’aiva za piggiou o 9,81% de açioin da Cdp – a l’à formalizzou l’aquixiçion do 15% do capitale da-i franseixi, con montâ coscì squæxi a-o 25% di titoli. L’operaçion a l’é avvegnua pe 684 mioin d’eiro, saieiva à dî 29 citti pe un açion pöcassæ. Pe-o Vincent Bolloré, ch’o l’aiva provou e fallio a montâ in sce Mediaset, a l’é unn’atra retiâ da-e compagnie italiañe.

Traduçion italiaña

Tim è di nuovo italiana, Poste acquista il 15% dai francesi di Vivendi

Tim è tornata italiano. Dopo i francesi di Vivendi, e prima ancora la partnership industriale con Telefonica, Poste Italiane – che aveva già rilevato il 9,81% delle azioni da Cdp – ha formalizzato l’acquisizione del 15% del capitale dai francesi, salendo così quasi al 25% dei titoli. L’operazione è avvenuta per 684 milioni di euro, equivalenti a circa 29 centesimi ad azione. Per Vincent Bolloré, che aveva provato senza successo a scalare Mediaset, si tratta di un’altra ritirata dalle aziende italiane.

E notiçie da-o mondo

Senti a verscion registrâ:

O Trump o mette i daçi à tutto o mondo, e borse van a-o fondo

O prescidente american Donald Trump o l’à deciarou a-o mondo a guæra da mercansia: daçi a-o 10% pe tutti, che però montan a-o 20% pe l’Euröpa, a-o 34% pe-a Ciña, fin a-o 49% pe-a Cambögia. «O l’é o giorno da liberaçion», o l’à scrito. Wall Street a l’à perso 2mia miliardi inte un giorno, 422 inte Borse europee, o petròlio o l’é chinou do 6,64%. E oua torna o fantaxima de unna reçescion globale. «In caxo de repicche faiemo montâ e tariffe», o l’à avvertio o Trump. L’Union europea a no refua e negoçiaçioin, ma a l’à za pronto a refæta in sce l’äsâ e l’alluminio. «Passiemo a tempesta», a l’à dito a prescidente da Commiscion Ursula von der Leyen. O Macron o l’à domandou a-i imprenditoî franseixi de sospende i investimenti inti Stati Unii.

Traduçion italiaña

Trump impone dazi a tutto il mondo, i merrcati azionari crollano

Il presidente americano Donald Trump ha dichiarato al mondo la guerra commerciale: dazi al 10% per tutti, che però salgono al 20% per l’Europa, al 34% per la Cina, fino al 49% per la Cambogia. «È il giorno della liberazione», ha scritto. Wall Street ha perso 2 miliardi in un giorno, 422 per le borse europee, il petrolio è sceso del 6,64%. E ora ritorna lo spettro di una recessione globale. «In caso di ritorsioni aumenteremo le tariffe», ha avvertito Trump. L’Unione europea non chiude ai negoziati, ma ha già pronta la controffensiva su acciaio e alluminio. «Supereremo la tempesta», ha affermato la presidente della Commissione Ursula von der Leyen. Macron ha invitato gli imprenditori francesi a sospendere gli investimenti negli Stati Uniti.

Fransa, a Le Pen condannâ: a no se porrià candidâ pe-a prescidensa

A Marine Le Pen, cappo do Rassemblement National in Fransa, a l’é stæta condannâ da-o tribunâ de Pariggi pe destornaçion de dinæ pubrichi, insemme à eutto deputæ europëi. Pe sta raxon a no porrià ëse elezzua da chì à çinqu’anni e donca a no se porrià candidâ pe-a prescidensa. «Contra de mi o scistema o l’à tiou feua a bomba nucleare – a l’à dito –. N’an arröbou e eleçioin politiche, no lasciemo che i franseixi se fassan arröbâ anche quelle pe-a prescidensa». A giudiçe ch’a l’à condannâ a l’é stæta menassâ de mòrte e l’é stæta missa sotta scòrta. Con tutto, o Jordan Bardella, candidou a-o seu pòsto, o l’é primmo inti sondaggi a-o 35-36%. A sentensa de segondo graddo a porrieiva arrivâ inta stæ do 2026.

Traduçion italiaña

Francia, Le Pen condannata: non potrà candidarsi alla presidenza

Marine Le Pen, leader del Rassemblement National in Francia, è stata condannata dal tribunale di Parigi per appropriazione indebita di fondi pubblici, insieme a otto eurodeputati. Per questo motivo non sarà più eleggibile per cinque anni e quindi non potrà candidarsi alla presidenza. «Contro di me il sistema ha tirato fuori la bomba nucleare – ha detto –. Ci hanno rubato le elezioni politiche, non lasceremo che ai francesi vengano rubate anche le presidenziali». La giudice che l’ha condannata è stata minacciata di morte e posta sotto scorta. Nonostante questo, Jordan Bardella, che si candida al suo posto, è in testa nei sondaggi con il 35-36%. La condanna di secondo grado potrebbe arrivare nell’estate del 2026.

Ucraina, trattative bloccæ: o Putin o refua e propòste di Stati Unii

No se desblòcca a trattativa pe-a fin da guæra in Ucraina. «E propòste di Stati Unii coscì come son no se peuan açettâ», o l’à dito o viçeministro de l’Estranxeo ruscio Ryabkov. O Trump o l’aiva dito d’ësise «arraggiou ben ben» co-o Putin. E da-a Casa Gianca a portavoxe a repòrta che o prescidente o l’é ammagonou da-i cappi de tutte doe e parte, segge o Putin che o Zelensky. Intanto e fòrse de Mosca an conquistou torna o Kursk squæxi areo: a-o momento i ucraini restan solo inte unn’äia de 80 chilòmetri quaddri, l’anno passou n’aivan piggiou 1.300 inte doe settemañe.

Traduçion italiaña

Ucraina, trattative in stallo: Putin respinge le proposte degli Stati Uniti

Non sblocca la trattativa per la fine della guerra in Ucraina. «Le proposte degli Stati Uniti, così come sono, sono inaccettabili», ha affermato il viceministro degli Esteri russo Ryabkov. Trump aveva detto di essere «molto arrabbiato» con Putin. E dalla Casa Bianca la portavoce riferisce che il presidente è frustrato dai leader di entrambi gli schieramenti, sia Putin sia Zelensky. Nel frattempo le forze di Mosca hanno riconquistato quasi del tutto il Kursk: attualmente gli ucraini rimangono solo in un’area di 80 chilometri quadrati, l’anno scorso ne avevano presi 1.300 in due settimane.