Universcitæ de Zena, studente incadenæ: «Voemo o portello contra a violensa»

De studente de l’Universcitæ de Zena an deçiso d’incadenâse a-e chinòlle do palaçio do rettô pe domandâ l’avertua de un portello contra a violensa, dòppo o caxo do professô d’architettua indagou pe avei spantegou di fotomontaggi pornografichi co-e imagine de facce de çerte figge. I zoeni de l’organizzaçion Cambiare Rotta aivan za protestou e incontrou a prorettoa Dacrema, ch’a l’aiva annonçiou un «percorso pe avvardâ da-e violense de genere» e l’avertua de un «ponto de sostëgno», de respòste che no an satisfæto i studenti. «Se me scrivan î incontro comme tutti i studenti», o l’à dito o rettô Federico Delfino. Da lì à quarche giorno e vittime do professô d’architettua son intervegnue con un fuggetto anònimo attaccou inte l’universcitæ, donde piggian e distanse da Cambiare Rotta e domandan de ciantâla lì co-a «caccia a-e strie».

Traduçion italiaña

Università di Genova, studentesse incatenate: «Vogliamo lo sportello antivolenza»

Alcune studentesse dell’Università di Genova hanno deciso di incatenarsi alle colonne del palazzo del rettorato per chiedere l’apertura di uno sportello antiviolenza, dopo il caso del professore di architettura indagato per aver diffuso fotomontaggi pornografici con immagini dei volti di alcune ragazze. I giovani dell’organizzazione Cambiare Rotta avevano già protestato e incontrato la prorettrice Dacrema, che ha annunciato un «percorso per prevenire la violenza di genere» e l’apertura di un «punto di ascolto», risposte che non hanno soddisfatto gli studenti. «Se mi scrivono li incontrerò come tutti gli studenti», ha detto il preside Federico Delfino. Dopo qualche giorno le vittime del professore di architettura sono intervenute con un volantino anonimo affisso in università, dove prendono le distanze da Cambia Rotta e chiedono di smetterla con la “caccia alle streghe”.

Caxo Toti, a guardia di finansa a l’acquixisce a pontâ de Report

A guarda di finansa a l’é anæta inti scagni da Rai à Zena pe acquixî a pontâ de Report anæta in onda a-i 27 d’ottobre. In particolâ i inquirenti an vosciuo vedde l’intervista a-o Carmelo Griffo, l’imprenditô calabreise indagou inte l’investigaçion pe voto de scangio ch’a l’à da fâ co-o passou prescidente da Region Liguria Giovanni Toti e o seu cappo de gabinetto Matteo Cozzani. A-a trasmiscion do Sigfrido Ranucci o Griffo o l’à contou d’avei aggiuttou o Domenico Cianci, candidou inta Lista Toti, in cangio de un condominio da renovâ: «Mi à dî a veitæ ò domandou do travaggio – o dixe – e lê o m’à dito che gh’ea a poscibilitæ». Ma, stæto elezzuo conseggê, o Cianci «o no mantëgne e promisse», sostëgne l’imprenditô. L’investigaçion a se porrieiva serrâ tra a fin de l’anno e i primmi meixi do 2025.

Traduçion italiaña

Caso Toti, la guardia di finanza acquisisce la puntata di Report

La guardia di finanza si è recata nella sede Rai di Genova per acquisire la puntata di Report andata in onda il 27 ottobre. In particolare gli inquirenti hanno voluto vedere l’intervista a Carmelo Griffo, l’imprenditore calabrese indagato nell’inchiesta sul voto scambio che ha coinvolto l’ex presidente della Regione Liguria Giovanni Toti e il suo capo di gabinetto Matteo Cozzani. Alla trasmissione di Sigfrido Ranucci Griffo ha raccontato di aver aiutato Domenico Cianci, candidato della Lista Toti, in cambio di un condominio da ristrutturare: «Io a dire il vero ho chiesto lavoro – racconta – e lui mi ha detto che c’era una possibilità». Ma Cianci, eletto consigliere, «non mantiene le promesse», sostiene l’imprenditore. L’indagine potrebbe chiudersi tra la fine dell’anno e i primi mesi del 2025.

Aireue, zoeno de 23 anni o meue furminou da-o sciugacavelli

Tragedia à Aireue, in provinsa d’Impëia. Un zoeno de 23 anni, Luigi Ciaccia, o l’é mòrto furminou into bagno de cà seu tanto ch’o deuviava un sciugacavelli. Pâ ch’o se fïse tòsto lavou e pe quello o l’aiva i pê bagnæ. A l’é stæta a moæ, ch’a stava lì con lê, à trovâlo in sciô pavimento e ciammâ i soccorsci. I meghi an provou à sarvâlo, ma no gh’é stæto niente da fâ. In sciô fæto i carabinê son apreuvo à indagâ pe capî percöse no l’é schittou o sarvavitta e se gh’é stæto un guasto à l’appægio ò a-o scistema elettrico. A Procua d’Impëia a porrieiva dispoñe l’autopscia.

Traduçion italiaña

Aireue, 23enne muore folgorato dall’asciugacapelli

Tragedia ad Airole, in provincia di Imperia. Un ragazzo di 23 anni, Luigi Ciaccia, è morto folgorato nel bagno di casa mentre utilizzava un asciugacapelli. Sembra che si fosse appena lavato e per questo aveva i piedi bagnati. È stata la madre, che abitava lì con lui, a trovarlo a terra e a chiamare i soccorsi. I medici hanno provato a salvarlo, ma non c’è stato nulla da fare. Sull’episodio stanno indagando i carabinieri stanno indagando per capire perché il salvagente non sia scattato e se ci sia stato un guasto all’attrezzatura o all’impianto elettrico. La Procura di Imperia potrebbe disporre l’autopsia.