Chi semmo

O Zinâ o l’é a revista d’informaçion in zeneise ch’a sciòrte tutti i venardì con unna seleçion de notiçie ciù importante da-a Liguria, da l’Italia e da-o mondo. O progetto o l’é stæto inandiou da-o Conseggio pe-o patrimònio linguistico ligure e o l’é à cua do Fabio Canessa, co-o suppòrto tecnico do Jean Maillard e e grafiche da Elettra Deganello.

O zinâ o l’é a linia donde o mâ e o çê s’incontran: ponto de referensa de tutti i naveganti, ma anche obiettivo de chi ammia in avanti, verso l’avvegnî. Coscì veu ëse sta revista: un strumento pe orientâse e capî i fæti ch’emmo d’in gio e ascì unna mainea pe affrontâ o doman, fondendo e nòstre reixe con l’innovaçion di tempi d’ancheu.