O Zinâ

Ediçion

E notiçie da-a Liguria

Ex Ilva, dòppo trei giorni de mobilitaçion arriva o papê: a fabrica a no særa

Trei giorni de mobilitaçion di louanti de l’ex Ilva de Zena pe no fa serrâ à fabrica de Corniggen e garantî l’alimentaçion con de l’äsâ accattou in sciô mercou ascì che à Taranto s’affermesse tutto. A-i 12 d’ottobre i operäi son partii in corteo co-i mezzi fin a-a prefettua e gh’an ciantou e tende: «Dormimmo chì pe fin che no gh’emmo de respòste». A-i 13 d’ottobre l’incontro co-o ministro de l’Interno Matteo Piantedosi ch’o l’à asseguou l’impegno do governo. A-i 14 d’ottobre a deçixon d’occupâ a prefettua e da lì à quarche oa un papê firmou da-i commissäi ch’o garantisce a provixon de 35mia tonnëi de rolò a-o meise.

Traduçion italiaña

Ex Ilva, dopo tre giorni di mobilitazione arriva il documento: la fabbrica non chiude

Tre giorni di mobilitazione dei lavoratori dell’ex Ilva di Genova per non far chiudere la fabbrica di Cornigliano e a garantire l’approvvigionamento di acciaio acquistato sul mercato, anche se a Taranto si fermasse tutto. Il 12 ottobre sono partiti in corteo coi mezzi fino alla prefettura e lì hanno montato delle tende: «Resteremo qui a dormire finché non avremo delle risposte». Il 13 ottobre l’incontro con il ministro dell’Interno Matteo Piantedosi che ha assicurato l’impegno del governo. Il 14 ottobre la decisione di occupare la prefettura e, poche ore dopo, è stato firmato dai commissari un documento che garantisce la fornitura di 35mila tonnellate di rotoli al mese.

O cian da seguessa pe-i carroggi de Zena: un pòsto de poliçia e allögi pe-i agenti

A scindica Silvia Salis e o ministro de l’Interno Matteo Piantedosi an presentou in prefettua o cian pe-a seguessa inti carroggi de Zena. Tra e novitæ ghe saià un pòsto fisso da poliçia à Prè, di allögi pe-i agenti e ciù de un mion d’euro da addeuviâ pe-i cantonê ascì. «Semmo stæti à sentî o crio di rescidenti e di butegæ, semmo segui che sto cian o faià reo», o commento da Salis. In sce l’ipòtexi de un Cpr pe-i migranti in Liguria o Piantedosi o l’à respòsto: «Fâne un chì saieiva o megio, ma intanto se prevedde a destinaçion de pòsti inti çentri da-e atre parte pe-e operaçion fæte à Zena».

Traduçion italiaña

Il piano della sicurezza per i vicoli di Genova: un posto di polizia e alloggi per gli agenti

La sindaca Silvia Salis e il ministro dell’Interno Matteo Piantedosi hanno presentato in prefettura il piano per la sicurezza nei vicoli di Genova. Tra le novità figurano un posto fisso della polizia a Prè, alloggi per gli agenti e oltre un milione di euro destinati anche alla polizia locale. «Abbiamo ascoltato il grido d’allarme di residenti e commercianti, siamo fiduciosi che questo piano porterà a un miglioramento», commenta Salis. Riguardo all’ipotesi di un Cpr per migranti in Liguria, Piantedosi ha risposto: «Sarebbe opportuno realizzarne uno qui, ma nel frattempo si prevede la destinazione di posti in centri situati altrove per le operazioni condotte a Genova».

A popolaçion da Liguria a cresce, o conto da migraçion o l’é poxitivo

In Liguria a popolaçion a va avanti à cresce, segondo i dæti de l’Istat di primmi sëi meixi do 2026, presentæ da-a Region. I mòrti son delongo ciù tanti che i nasciui, ma à fâ pende a bansa da unna parte o l’é o conto da migraçion: quelli ch’arrivan son stæti 7.677 in ciù de quelli ch’en partii. O numeo o l’é determinou sorviatutto da-a fascia d’etæ 18-39 anni, ma gh’é anche di figgeu, segno che in Liguria ghe vëgne de famigge con di figgi ascì. «Ormai l’é trei anni che montemmo de rescidenti, a l’é unna notiçia ben ben poxitiva e in controtendensa da-o resto de l’Italia – o commento do prescidente Bucci –. L’universcitæ e o travaggio son e componente fondamentale e voemmo anâ avanti à investîghe».

Traduçion italiaña

La popolazione della Liguria cresce, il saldo migratorio è positivo

In Liguria la popolazione continua a crescere, secondo i dati Istat relativi al primo semestre del 2026, presentati dalla Regione. I decessi superano ancora le nascite, ma a far pendere la bilancia è il saldo migratorio: gli arrivi hanno superato le partenze di 7.677 unità. Il dato è trainato principalmente dalla fascia d’età 18-39 anni, ma include anche minori, segno che in Liguria si trasferiscono pure famiglie con figli. «È da tre anni che registriamo un aumento dei residenti, si tratta di una notizia molto positiva e in controtendenza rispetto al resto d’Italia – il commento del presidente Bucci – L’università e il lavoro sono le componenti fondamentali e vogliamo continuare a investire in questi ambiti».

E notiçie da l’Italia

Maneuvra, 5 miliardi piggiæ da banche e asseguaçioin: s’arve o scontro

A maneuvra finançiäia do governo Meloni a parte da 23,5 miliardi d’euro con de covertue ch’arrivian da banche e asseguaçioin ascì pe 5 miliardi pöcassæ do 2027, fin à 11 inti trei anni. A l’é sta chì a novitæ ciù importante do papê mandou à Bruxelles. «No moià nisciun», o l’à commentou da Bangkok o ministro de l’Economia Giorgetti. O Tajani o l’insciste: «Pe noiatri no se ne parla». O prescidente de l’Assoçiaçion bancäia italiaña Patuelli o protesta: «Inta Constituçion no gh’é scrito che çerti devan ëse bacchezzæ». Into provedimento gh’é anche 5 miliardi d’aggiutti a-e famigge e interventi pe-e impreise. Intanto a montâ di prexi di carburanti a fa scciuppâ o sollevo di trasportatoî che menassan de bloccâ o Paise.

Traduçion italiaña

Manovra, 5 miliardi prelevati da banche e assicurazioni: si apre lo scontro

La manovra finanziaria del governo Meloni parte da 23,5 miliardi di euro, con coperture che arriveranno anche da banche e assicurazioni per circa 5 miliardi nel 2027, fino a 11 miliardi nel triennio. È questa la novità principale contenuta nel documento inviato a Bruxelles. «Non morirà nessuno», ha commentato da Bangkok il ministro dell’Economia Giorgetti. Tajani ribadisce: «Per noi non se ne parla». Il presidente dell’Associazione bancaria italiana Patuelli protesta: «Nella Costituzione non c’è scritto che alcuni debbano essere mazzolati». Il provvedimento include inoltre 5 miliardi in aiuti alle famiglie e interventi per le imprese. Nel frattempo, l’aumento dei prezzi dei carburanti suscita la rivolta degli autotrasportatori, che minacciano di bloccare il Paese.

Proteste di studenti, violense anche in Italia pe-o «No Meloni Day»

In sce l’onda de manifestaçioin in Fransa, anche in Italia gh’é stæto de proteste di studenti con de violense. Instituti occupæ, barcoin rotti, prie contra i carabinê da un gruppo de zoeni inmascaræ à Turin. O ministro de l’Instruçion Valditara: «Chi rompe paga». A-i 16 d’ottobre o «No Meloni Day» con di cortëi inte tutte e çittæ prinçipæ. Ancon prionæ à Turin, bombe artexanale à Romma, scheue serræ à Bològna pe impedî de occupaçioin. I manifestanti promettan: «S’a no cangia a saià comme a Fransa». A prescidente do Conseggio Meloni: «Che l’oppoxiçion a condanne e violense».

Traduçion italiaña

Proteste studentesche, violenze anche in Italia per il «No Meloni Day»

Sull’onda delle manifestazioni in Francia, anche in Italia hanno avuto luogo proteste studentesche con alcune violenze. Istituti occupati, finestre infrante, lancio di pietre contro i carabinieri da parte di un gruppo di giovani mascherati a Torino. Il ministro dell’Istruzione Valditara: «Chi rompe paga». Il 16 ottobre il «No Meloni Day» con cortei in tutte le principali città. Ancora pietrate a Torino, bombe artigianali a Roma, scuole chiuse a Bologna per impedire le occupazioni. I manifestanti promettono: «Se non cambia, sarà come la Francia». La presidente del Consiglio Meloni: «Che l’opposizione condanni le violenze».

Muxica e spettacolo, l’Italia a cianze o Giorgio Bracardi e a Wilma De Angelis

L’Italia a salua doî personaggi da muxica e do spettacolo di anni passæ. L’é mòrto de 93 anni o Giorgio Bracardi, muxicante, cantante e còmico. Vegnuo avvoxou co-a trasmiscion «Alto Gradimento» di anni Settanta, o l’aiva creou de figue arrestæ inta stöia, comme o Scarpantibus e o Max Vinella. L’atro addio o l’é pe-a Wilma De Angelis, cantante, attoa e conduttoa televixiva ch’a l’à antiçipou i programmi de coxiña. A l’aiva 96 anni. Do 1959 a l’aiva debuttou à Sanremmo, do 1961 a sveuga con «Patatina», di anni Settanta a carrea à elemontecarlo.

Traduçion italiaña

Musica e spettacolo, l’Italia piange Giorgio Bracardi e Wilma De Angelis

L’Italia saluta due personaggi del mondo della musica e dello spettacolo del passato. È scomparso a 93 anni il musicista, cantante e comico Giorgio Bracardi. Reso celebre dal programma «Alto Gradimento» negli anni Settanta, aveva creato personaggi entrati nella storia, come Scarpantibus e Max Vinella. L’altro addio è per Wilma De Angelis, cantante, attrice e presentatrice televisiva che ha anticipato i programmi di cucina. Aveva 96 anni. Nel 1959 debuttò a Sanremmo, nel 1961 il successo con «Patatina», negli anni Settanta la carriera a Telemontecarlo.

E notiçie da-o mondo

O Trump o mòlla o Zelensky: «Che l’Ucraina a treuve un neuvo prescidente»

O retio de sançioin a-o gasòlio ruscio da-i Stati Unii o l’à averto un scontro tra o Trump e o Zelensky. «L’é arrivou o momento che l’Ucraina a treuve un neuvo prescidente bon à fâ un accòrdio», o l’à attaccou o cappo da Casa Gianca. L’Euröpa a l’à accaxonou: «Coscì o finançia a guæra». O Zelensky, ch’o l’à dito de sentîse «tradio» da-o Trump, o l’à propòsto unna pösa de doî meixi pe poei ciammâ e eleçioin, ma Mosca a l’à frenou: «No voemmo unna tregua, ma unna paxe ch’a due». Dòppo o fallimento da tregua energetica annonçiâ da-o prescidente american, l’Ucraina o l’à incomensou torna à bombezzâ i stabilimenti de refinaçion in Ruscia. «L’é ciù diffiçile avei da fâ con lê che co-o Putin», a reaçion do Trump.

Traduçion italiaña

Trump scarica Zelensky: «Che l’Ucraina trovi un nuovo presidente»

Il ritiro delle sanzioni sul gasolio russo da parte degli Stati Uniti ha aperto uno scontro tra Trump e Zelensky. «È giunto il momento che l’Ucraina trovi un nuovo presidente capace di raggiungere un accordo», ha attaccato il capo della Casa Bianca. L’Europa ha accusato: «Così finanzia la guerra». Zelensky, che si è detto «tradito» da Trump, ha proposto un cessate il fuoco di due mesi per indire nuove elezioni, ma Mosca ha frenato: «Non vogliamo una tregua, ma una pace duratura». Dopo il fallimento della tregua energetica annunciata dal presidente statunitense, l’Ucraina ha ripreso a bombardare le raffinerie russe. «È più difficile trattare con lui che con Putin», ha commentato Trump.

Stati Unii, neuva strage inte unna scheua. L’execuçion do Hasan a no saià in sciâ Ræ

Neuva strage inte unna scheua americaña. Un zoeno de 16 anni o l’é introu co-a fòrsa inta Silver Rail Elementary School de Bend, in Oregon, e o l’à sparou ammassando trei figgeu e un meistro. Dapeu o l’é stæto corpio da un ch’o passava de lì primma ch’arrivesse a poliçia. Intanto i Stati Unii tornan inderê in sce l’execuçion à scciuppettæ do Nidal Hasan, l’autô da strage de Fort Hood, ch’a l’é stæta annonçiâ comme pubrica co-a trasmiscion in diretta in sciâ Ræ. O Trump o l’à dito ch’a no saià coscì, ma che i pænti ciù streiti de vittime porrian asciste o mæximo.

Traduçion italiaña

Stati Uniti, nuova strage in una scuola. L’esecuzione di Hasan non sarà in streaming

Nuova strage in una scuola americana. Un 16enne si è introdotto con la forza nella Silver Rail Elementary School di Bend, in Oregon, e ha aperto il fuoco uccidendo tre bambini e un insegnante. È stato poi colpito da un passante prima dell’arrivo della polizia. Nel frattempo gli Stati Uniti fanno marcia indietro sull’esecuzione di Nidal Hasan, l’autore della strage di Fort Hood, annunciata come pubblica con la trasmissione in diretta streaming. Trump ha dichiarato che non sarà così, ma che i parenti più stretti delle vittime potranno comunque assistere.

O pappa operou pe un tumô grammo a-o pormon, l’annonçio dæto à l’Angelus

«I meghi m’an trovou un gruppo into pormon à l’incomenso e ben localizzou, dixan che l’é ben intervegnî e donca ò deçiso de fâ l’operaçion». O l’é l’annonçio dæto da-o pappa Lion XIV à l’Angelus di 11 d’ottobre. A-i 13 d’ottobre o l’é stæto operou a-o Gemelli, donde gh’an levou un tumô grammo. Da lì à doî giorni o l’é za tornou a-e seu attivitæ, con un bon repiggio de l’òrgano interessou. O cardinâ Parolin o no l’à ascoso i penscëi: «No se peu fâ ancon de previxoin, se saià o caxo o l’adattià o seu governo». O Prevost o dovià deçidde anche in sciâ vixita à Assisi di 27 d’ottobre e in sciô viægio in Sud America à novembre.

Traduçion italiaña

Il papa operato per un tumore maligno al polmone, l’annuncio durante l’Angelus

«I medici mi hanno trovato un nodulo nel polmone, in stato iniziale e ben localizzato, dicono che è bene intervenire, quindi ho deciso di fare l’operazione». È l’annuncio dato da papa Leone XIV all’Angelus dell’11 ottobre. Il 13 ottobre è stato operato al Gemelli, dove gli è stato asportato un tumore maligno. Dopo due giorni è già tornato alle sue attività, con una buona ripresa dell’organo colpito. Il cardinale Parolin non ha nascosto i suoi pensieri: Non si possono ancora fare previsioni, se sarà necessario rimodulerà il suo pontificato". Prevost dovrà anche decidere sulla visita ad Assisi del 27 ottobre e sul viaggio in Sud America a novembre.