O Zinâ

Ediçion

E notiçie da-a Liguria

Crixi Amt, l’açienda a l’à depoxitou a domanda in tribunâ: s’aspeta l’omòloga

L’Amt a l’à depoxitou in tribunâ a domanda pe ottegnî l’omòloga di accòrdi d’arrangiamento do seu debito. L’à annonçiou inta sala do Conseggio o viçescindico Alessandro Terrile a-i 27 d’ottobre. O l’é o passaggio ciù importante do cammin pe sciortî da-a crixi: se i giudiçi daian a luxe verde, se porrià partî co-a recapitalizzaçion de l’açienda de traspòrto pubrico. Primma ghe vorrià l’approvaçion de unna delibera à Tursci. «O l’é un segnâ de profonda responsabilitæ verso a çittæ – a l’à deciarou a scindica Silvia Salis –. A-i negaçionisti de sta crixi emmo respòsto co-a concretessa di fæti e a trasparensa di numei».

Traduçion italiaña

Crisi Amt, l’azienda ha presentato l’istanza in tribunale: si attende l’omologa

Amt ha depositato in tribunale l’istanza per ottenere l’omologa degli accordi di ristrutturazione del debito. L’annuncio è stato dato nell’aula del Consiglio dal vicesindaco Alessandro Terrile il 27 ottobre. Si tratta del passaggio più importante nel percorso di uscita dalla crisi: se i giudici daranno il via libera, si potrà avviare la ricapitalizzazione dell’azienda di trasporto pubblico. Prima sarà necessaria l’approvazione di una delibera in Consiglio comunale. «È un segnale di grande responsabilità verso la città – ha dichiarato la sindaca Silvia Salis –. Ai negazionisti di questa crisi abbiamo risposto con la concretezza dei fatti e la trasparenza dei numeri».

Presonti dinæ à Hamas, a Procua de Zena a domanda o proçesso pe-o Hannoun

A Procua de Zena a l’à domandou de mandâ à proçesso l’attivista palestineise Mohammad Hannoun e atre çinque persoñe, accaxonæ à ciù titoli d’assoçiaçion criminale con finalitæ de terroriximo pe-i presonti finançiamenti à Hamas. Segondo a Procua o saieiva in çimma a-a seçion italiaña de l’organizzaçion palestineise e o l’avieiva arrecuggeito ciù de 18 mioin d’euro inte 14 anni. L’udiensa preliminare davanti a-a giudiçe Carla Pastorini a l’é fissâ a-i 12 de novembre. O Hannoun ancheu o l’é inta prexon d’erta seguessa de Terni e o domandià de poei parteçipâ de persoña a-e udiense. O Stato d’Isræle, mensunou into decretto comme parte offeisa insemme à l’Italia, o porrieiva constituîse parte çivile.

Traduçion italiaña

Presunti fondi a Hamas: la Procura di Genova chiede il processo per Hannoun

La Procura di Genova ha chiesto il rinvio a giudizio dell’attivista palestinese Mohammad Hannoun e di altre cinque persone, accusate a vario titolo di associazione a delinquere con finalità di terrorismo per i finanziamenti ad Hamas. Secondo la Procura sarebbe a capo della cellula italiana dell’organizzazione palestinese e avrebbe raccolto oltre 18 milioni di euro in 14 anni. L’udienza preliminare davanti al giudice Carla Pastorini è fissata per il 12 novembre. Hannoun si trova attualmente nel carcere di massima sicurezza di Terni e chiederà di poter presenziare personalmente alle udienze. Lo Stato di Israele, indicato nel decreto come parte offesa insieme all’Italia, potrebbe costituirsi parte civile.

Avëgno, dònna mòrta inte un inçendio pe sarvâ i seu vinti gatti

Tragedia inta seiaña di 29 d’ottobre à Avëgno, de d’ato à Recco. Unna dònna de 67 anni, Gabriella Gellio, a l’é mòrta inte l’inçendio da cà seu. A l’ea arriescia à sciortî co-o maio, ma a l’à vosciuo tornâ inderê pe sarvâ i seu gatti, che gh’ean cäi comme tutto. A gh’aiva un allevamento con vinti Maine Coon: 17 son stæti attrovæ vivi, i atri son despersci. I pompê son arrivæ into scito inte pöchi menuti e quande an posciuo ammermâ o feugo an trovou o còrpo sensa vitta da donna. L’é poscibile che e sciamme seggian partie d’into quaddro elettrico da casa.

Traduçion italiaña

Avegno, donna muore in un incendio per salvare i suoi venti gatti

Tragedia nella serata del 29 ottobre ad Avegno, sopra Recco. Una donna di 67 anni, Gabriella Gellio, è morta nell’incendio della propria abitazione. Era riuscita a uscire insieme al marito, ma è voluta rientrare per salvare i suoi gatti, ai quali era molto affezionata. Gestiva un allevamento con venti Maine Coon: 17 sono stati ritrovati vivi, gli altri risultano dispersi. I vigili del fuoco sono giunti sul posto nel giro di pochi minuti e, quando sono riusciti a domare il fuoco, hanno rinvenuto il corpo senza vita della donna. È possibile che le fiamme abbiano avuto origine dal quadro elettrico dell’abitazione.

E notiçie da l’Italia

Proteste e violense, o caxo do Youssef Siher. A-i 30 d’ottobre o sciòpero generale

Unn’atra settemaña de tenscion inte ciasse pe-e proteste contra a montâ di prexi. Un zoeno de 30 anni d’origine marochiña, o Youssef Siher, o l’é stæto arrestou e misso in prexon con l’accusa de terroriximo pe ëse derê a-o Movimento 17 Ottobre donde s’inandiava de atre manifestaçioin. Ma a giudiçe a no l’à convalidou o fermo e o l’é tornou in libertæ. «Unna deçixon vergognosa» pe-a premier Giorgia Meloni. A-i 30 d’ottobre o sciòpero generale ciammou da l’Usb e neuvi cortëi inte tutte e çittæ. Scontri à Romma, tenscioin à Turin. À Zena e Trieste i portuali in ciassa co-i zoeni: «No voemo travaggiâ pe-a guæra».

Traduçion italiaña

Proteste e violenze, il caso di Youssef Siher. Il 30 ottobre lo sciopero generale

Un’altra settimana di tensione nelle piazze per le proteste contro il carovita. Un giovane di 30 anni di origine marocchina, Youssef Siher, è stato arrestato e incarcerato con l’accusa di terrorismo per essere la mente del Movimento 17 ottobre, nell’ambito del quale si preparavano altre manifestazioni. Ma la giudice non ha convalidato il fermo e l’uomo è tornato in libertà. Una decisione definita «vergognosa» dalla premier Giorgia Meloni. Il 30 ottobre lo sciopero generale proclamato dall’Usb e nuovi cortei in tutte le città. Scontri a Roma, tensioni a Torino. A Genova e Trieste i portuali in piazza coi giovani: «Non vogliamo lavorare per la guerra».

A maneuvra do governo Meloni: 26 miliardi pe-o 2027, cangia torna l’Irpef

O Conseggio di ministri o l’à approvou unna maneuvra da 26 miliardi pe-o 2027. Cangia l’Irpef: se paghià o 33% fin à un reddito de 55mia euro. «Aviëscimo vosciuo fâ de ciù, ma a va lezzua co-i antefæti», o commento da prescidente Giorgia Meloni. L’aboliçion do bollo pe-e machine a vëgne definitiva. Mesue pe-i climatizzatoî inte scheue e à sostëgno de pixoin pe-i zoeni. Covertue pe 5 miliardi da banche e asseguaçioin, ch’an attaccou o governo, e 700 mioin ciaschedun da energia e zeughi. O ministro Giorgetti: «O Stato o l’à aggiuttou o scistema bancäio, oua loiatri an da aggiuttâ o Stato». Intanto l’inflaçion à ottobre a monta do 5,4% da l’anno passou: 31,4% pe l’energia, o mangiâ 7,5%.

Traduçion italiaña

La manovra del governo Meloni: 26 miliardi per il 2027, cambia di nuovo l’Irpef

Il Consiglio dei ministri ha approvato una manovra da 26 miliardi per il 2027. Modifiche all’Irpef: si pagherà il 33% fino a un reddito di 55mila di euro. «Avremmo voluto fare di più, ma va letta alla luce dei precedenti», il commento della presidente Giorgia Meloni. L’abolizione del bollo auto diventa definitiva. Misure per i climatizzatori nelle scuole e per il sostegno all’affitto per i giovani. Coperture per 5 miliardi da banche e assicurazioni, che hanno attaccato il governo, e 700 milioni ciascuno da energia e giochi. Il ministro Giorgetti: «Lo Stato ha aiutato il sistema bancario, ora il sistema bancario deve aiutare lo Stato». Nel frattempo l’inflazione a ottobre aumenta del 5,4% rispetto all’anno scorso: 31,4% per l’energia, 7,5% per gli alimentari.

Elicòttero militare italian preçipitou in Bòsnia-Erzegòvina, quattro mòrti

Un elicòttero militare italian CH-47, in fòrsa à l’operaçion Eufor Althea, o l’é preçipitou in Bòsnia-Erzegòvina, inta zöna de Brcko, tanto ch’o s’ïsava in xeuo inte un addestramento. Quattro militari son mòrti: doî de l’Exerçito, i sergenti Simone Ruggia e Claudio Marchesi – e doî da Croxe Rossa, o tenente Franco Adriano Zecchillo e a sergente Laura Procacci. Unze ferii, nisciun o reisega de moî. A Procua militare de Romma a l’à averto unn’investigaçion sensa ipòtexi de crimine. L’elicòttero o l’ea partio da Viterbo e o l’aiva fæto scâ à Pratica di Mare.

Traduçion italiaña

Elicottero militare italiano precipitato in Bosnia-Erzegovina, quattro morti

Un elicottero militare italiano CH-47, impiegato nell’operazione Eufor Althea, è precipitato in Bosnia-Erzegovina, nella zona di Brcko, mentre decollava durante un’esercitazione. Quattro militari sono morti: due dell’Esercito, i sergenti Simone Ruggia e Claudio Marchesi, e due della Croce Rossa, il tenente Franco Adriano Zecchillo e la sergente Laura Procacci. Undici feriti, nessuno in pericolo di vita. La Procura militare di Roma ha aperto un’inchiesta senza ipotesi di reato. L’elicottero era decollato da Viterbo e aveva fatto scalo a Pratica di Mare.

E notiçie da-o mondo

Isræle, o Netanyahu o guägna e eleçioin ma o no gh’à de maggioransa

O Banjamin Netanyahu o l’à guägno e eleçioin in Isræle, ascì ch’o no gh’à a maggioransa inta Knesset. A seu coaliçioin a l’à piggiou 53 carreghe contra quella do Gadi Eisenkot. I partii arabi an conquistou 16 carreghe, squæxi o doggio da quattr’anni inderê. O ballin o l’é inte moen do prescidente Herzog. A commiscion elettorale çentrale a l’à domandou d’indagâ in sce di presonti finançiamenti inleçiti da-o Qatar pe-i elettoî arabi. Quattro persoñe son stæte arrestæ pe corruçion elettorale. O Trump o l’à commentou: «Co-o mæ arrembo o Bibi o l’é passou da-a desfæta a-a vittöia».

Traduçion italiaña

Israele, Netanyahu vince le elezioni ma non ha la maggioranza

Benjamin Netanyahu ha vinto le elezioni in Israele, pur non avendo la maggioranza alla Knesset. La sua coalizione ha conquistato 53 seggi contro quella di Gadi Eisenkot. I partiti arabi si sono aggiudicati 16 seggi, quasi il doppio rispetto a quattro anni fa. La palla è ora nelle mani del presidente Herzog. La commissione elettorale centrale è stata incaricata di indagare su presunti finanziamenti illeciti provenienti dal Qatar per gli elettori arabi. Quattro persone sono state arrestate per corruzione elettorale. Trump ha commentato: «Con il mio sostegno Bibi è passato dalla sconfitta alla vittoria».

Braxî, remontâ stòrica do Lula pe-a prescidensa: o Bolsonaro o scappa inti Stati Unii

O Luiz Inácio Lula da Silva, l’urtimo scimbolo da scinistra mondiale, o l’à guägno e eleçioin in Braxî dòppo unna remontâ stòrica contra o Flavio Bolsonaro, o candidou sostegnuo da-o Trump. Co-o 51,74% di voti o s’é confermou pe-a quarta vòtta a-o governo do Paise. Tanto che e gente festezzavan pe-e stradde, o Bolsonaro o l’é scappou inti Stati Unii e o l’à annonçiou ch’o domandià de scassâ e eleçioin. O Trump ascì o l’à parlou de «voto buzzancou». A Corte suprema a l’à comandou unn’atra investigaçion in sce di poscibili finançiamenti da l’estranxeo a-a campagna elettorale.

Traduçion italiaña

Brasile, storica rimonta di Lula per la presidenza: Bolsonaro fugge negli Stati Uniti

Luiz Inácio Lula da Silva, l’ultimo simbolo della sinistra mondiale, ha vinto le elezioni in Brasile dopo una storica rimonta contro Flavio Bolsonaro, il candidato sostenuto da Trump. Con il 51,74% dei voti si è confermato per la quarta volta al governo del Paese. Mentre la gente festeggiava per le strade, Bolsonaro è fuggito negli Stati Uniti e ha annunciato che chiederà l’annullamento delle elezioni. Anche Trump ha parlato di «voto truccato». La Corte suprema ha ordinato un’ulteriore indagine su possibili finanziamenti esteri alla campagna elettorale.

Scontro tra doî treni in Spagna, a-o manco 68 mòrti e 100 ferii

A-o manco 68 mòrti e 100 ferii inte un tragico açidente ferroviäio in Spagna. O l’é capitou a-i 28 d’ottobre in sciâ linia à gran veloçitæ Madrid-Seviggia, vexin à Toledo. Un treno da Renfe, a compagnia statale, o l’à piccou contra un atro treno de Iryo ch’o l’ea fermo in scê colisse. Segondo i primi açertamenti, a caxon saieiva l’errô de unna persoña apreuvo à un guasto a-o scistema de segnalamento. «Unna scena dantesca», l’é quello ch’à contou e persoñe scampæ: «Un creppo violentiscimo, dapeu tutti asbriæ oe l’äia». E ciù tante vittime son di zoeni.

Traduçion italiaña

Scontro tra due treni in Spagna, almeno 68 morti e 100 feriti

Almeno 68 morti e 100 feriti in un tragico incidente ferroviario in Spagna. L’incidente è avvenuto il 28 ottobre sulla linea ad alta velocità Madrid-Siviglia, vicino a Toledo. Un treno della Renfe, la compagnia statale, si è scontrato violentemente con un altro treno della Iryo, fermo sui binari. Secondo le prime stime, la causa sarebbe da attribuire a un errore umano dovuto a un malfunzionamento del sistema di segnalazione. «Una scena dantesca», hanno raccontato i sopravvissuti: «Un boato violentissimo, poi tutti sono stati sbalzati in aria». La maggior parte delle vittime sono giovani.