O Zinâ

Ediçion

E notiçie da-a Liguria

Senti a verscion registrâ:

Ammassou un zoeno de 19 anni, o còrpo trovou in mâ sensa testa e sensa moen

O cadaveo de un zoenòtto co-a testa e e moen taggiæ o l’é stæto attrovou in mâ davanti a-o Tigullio inta seiaña di 25 de luggio. O còrpo o l’é stæto avvistou da-a ciusma de unna barca e tiou sciù da-a Guardia de riva. I carabinê l’an identificou comme un egiçian de 19 anni, o Mahmoud Sayed Mohamed Abdalla, ammassou con trei corpi de ponson into cheu, into steumago e into figæto, comme mostrou da l’autopscia. O zoeno o l’ea arrivou in Italia do 2021, o l’ea stæto òspite de unna communitæ pe minoî e o travaggiava comme garson de un barbê à Sestri Ponente dòppo un periodo inti carroggi de Zena. A seu mòrte a l’arresta un mistëio. Segondo o mego legale o l’é stæto ammassou tra i 24 e i 25 de luggio, ma l’é ancon da capî da chi e perché, de donde l’aggian cacciou in mâ e percöse o fïse sensa moen e sensa testa. In sce TikTok l’é vegnuo feua di video di seu amixi che ciamman giustiçia e s’appellan à chi l’avesse visto inti urtimi giorni de vitta.

Traduçion italiaña

Ucciso un giovane di 19 anni, il corpo trovato in mare senza testa e senza mani

Il cadavere di un ragazzo con la testa e le mani tagliate è stato trovato in mare davanti al Tigullio nella serata del 25 luglio. Il corpo è stato avvistato dall’equipaggio di una barca e recuperato dalla Guardia costiera. I carabinieri l’hanno identificato in un egiziano di 19 anni, Mahmoud Sayed Mohamed Abdalla, ucciso con tre colpi di punteruolo al cuore, allo stomaco e al fegato, come dimostrato dall’autopsia. Il giovane era arrivato in Italia nel 2021, era stato ospite di una comunità per minori e lavorava come aiutante in una barberia a Sestri Ponente dopo un periodo nel centro storico di Genova. La sua morte resta un mistero. Secondo il medico legale è stato ammazzato tra il 24 e il 25 luglio, ma è ancora da capire da chi e perché, da dove lo abbiano buttato in mare e per quale motivo fosse senza mani e senza testa. Su TikTok sono apparsi video dei suoi amici che invocano giustizia e si appellano a chi lo avesse visto negli ultimi giorni di vita.

O Skymetro o se porrià tiâ sciù longo o Besagno, passa a nòrma in Region

O Conseggio regionale da Liguria, inta sescion d’assestamento di conti, o l’à approvou un emendamento ch’o permette de construe de infrastruttue strategiche de traspòrto pubrico d’arente a-i sciummi à despeto do regolamento ch’o proibisce d’edificâ à meno de 10 metri d’inta giæa. Unna deroga a l’ea za prevista pe-e stradde d’interesse pubrico. A nòrma a l’é fæta à taggio pe-o Skymetro, o prolongamento da metropolitaña de Zena in progetto da Brignoe fin à Moassaña in sce di pilloin longo o Besagno. Segondo o prescidente Toti, ringraçiou da-a maggioransa do scindico Bucci, o l’é un intervento neçessäio pe mandâ avanti un travaggio ch’o s’aspeta da tròppi anni. L’oppoxiçion a parla incangio de deçixon «arresegâ e sensa sæximo, ch’a no se peu açettâ, fòscia o Toti o s’à ascordou e vittime de inondaçioin do Besagno». E a l’annonçia ch’a l’é pronta à sostegnî de iniçiative legale pe proteze l’ambiente e a seguessa de persoñe.

Traduçion italiaña

Lo Skymetro si potrà realizzare lungo il Bisagno, via libera alla norma in Regione

Il Consiglio regionale della Liguria, nella sessione di assestamento di bilancio, ha approvato un emendamento che permette di costruire infrastrutture strategiche di trasporto pubblico accanto ai torrenti nonostante il regolamento che vieta di edificare a meno di 10 metri dagli alvei. Una deroga era già prevista per le strade di interesse pubblico. La norma è fatta su misura per lo Skymetro, il prolungamento della metropolitana di Genova in progetto da Brignole fino a Molassana su piloni lungo il Bisagno. Secondo il presidente Toti, ringraziato dalla maggioranza del sindaco Bucci, è un intervento necessario per far procedere un’opera che si attende da troppi anni. L’opposizione parla invece di decisione «pericolosa e insensata, inaccettabile, forse Toti si è dimenticato le vittime delle inondazioni del Bisagno». E annuncia di essere pronta a sostenere iniziative legali per proteggere l’ambiente e la sicurezza delle persone.

Zena, l’é arrivou o Retegui. Sandöia, s’indaga in sciâ gestion do Ferrero

I tifoxi do Zena festezzan o Mateo Retegui, o neuvo attaccante arrivou da-o Tigre e accattou pe 15 mioin da-o Boca Juniors ch’o gh’aiva o seu cartellin. Argentin, ma co-o passapòrto italian e un besavo zeneise, o s’é za fæto conosce inta naçionale do Mancini. Pe-a presentaçion a soçietæ a l’à fæto avansâ da un barcon do Paxo, comme s’o fïse o duxe. «O l’ea destin che vegnisse chì, pe mi o l’é un seunno – o l’à dito –. Ò parlou co-o Milito, o m’à dito ch’a l’é unna belliscima squaddra». Pe-a Sandöia e notiçie an da fâ torna co-o Massimo Ferrero. A-i 27 de luggio a Guardia de finansa a l’à perquixio a sede de Corte Lambruschini. A neuva investigaçion da Procua de Zena a l’é pe fäso in rendiconto e sfrouxo. Sotta a lente anche de contribuçioin à garançia pubrica che a soçietæ a l’aiva incasciou pe-o Covid. Intanto in tribunâ gh’é stæto a primma udiensa pe-o recorso do passou prescidente contra i neuvi propietäi Radrizzani e Manfredi. O giudiçe o s’é reservou. Sotta o palaçio de giustiçia 300 tifoxi an inandiou un prescidio con di cöi contra o Ferrero e un striscion con un dito in romanesco.

Traduçion italiaña

Genoa, è arrivato Retegui. Sampdoria, si indaga sulla gestione Ferrero

I tifosi del Genoa festeggiano Mateo Retegui, il nuovo attaccante arrivato dal Tigre e acquistato per 15 milioni dal Boca Juniors che deteneva il suo cartellino. Argentino, ma col passaporto italiano e un bisnonno genovese, si era già fatto conoscere nella nazionale di Mancini. Per la presentazione la società lo ha fatto affacciare da una finestra di Palazzo Ducale, come se fosse il doge. «Era destino che venissi qui, per me è un sogno – ha detto –. Ho parlato con Milito, mi ha detto che è una bellissima squadra». Per la Sampdoria le notizie riguardano ancora Massimo Ferrero. Il 27 luglio la Guardia di finanza ha perquisito la sede di Corte Lambruschini. La nuova inchiesta della Procura di Genova è per falso in bilancio e truffa. Sotto la lente anche contributi a garanzia pubblica che la società aveva incassato per il Covid. Intanto in tribunale si è tenuta la prima udienza per il ricorso dell’ex presidente contro i nuovi proprietari Radrizzani e Mandredi. Il giudice si è riservato. Sotto il palazzo di giustizia 300 tifosi hanno organizzato un presidio con cori contro Ferrero e uno striscione con un proverbio in romanesco.

E notiçie da l’Italia

Senti a verscion registrâ:

Tempeste e inçendi, sëi mòrti in Italia

Sëi mòrti inte l’urtima settemaña in Italia pe-i eventi estremmi. Unna tempesta de vento e gragneua a s’é abbattua in sciâ Lombardia tra i 24 e i 25 de luggio. Unna dònna de 58 anni a l’é finia sotta un teu, unna figgia de 16 anni a l’é stæta ammassâ da un erboo cheito à un campo scout. À Milan 400 ciante cacciæ zu de pe-e stradde. Pe contra a Siçilia a l’é frustâ da-o feugo: unna novanteña i inçendi contæ da-i pompê. Doî ançien son stæti trovæ carbonizzæ vexin à l’airopòrto de Palermo, unn’atra a l’é mòrta perché a croxe a no l’é arriëscia à arrivâ, bloccâ da-e sciamme. E in Calabria un òmmo o l’é morto çercando d’asmortâ o feugo. Squæxi 2mia persoñe scorrie d’in cà. Intanto però torna za l’allerta pe-o cado. O prescidente da Repubrica Sergio Mattarella o l’à invitou à louâ ciù spedio pe l’emergensa climatica e çento sciensiati italien an fæto un appello a-i media perché se parle do problema e de seu soluçioin.

Traduçion italiaña

Tempeste e incendi, sei morti in Italia

Sei morti nell’ultima settimana in Italia per gli eventi estremi. Una tempesta di vento e grandine si è abbattuta sulla Lombardia tra il 24 e il 25 luglio. Una donna di 58 anni è finita sotto un tronco, una ragazza di 16 anni è stata uccisa da un albero caduto a un campo scout. A Milano 400 piante abbattute per le strade. La Sicilia invece è logorata dal fuoco: una novantina gli incendi contati dai vigili del fuoco. Due anziani sono stati trovati carbonizzati vicino all’aeroporto di Palermo, un’altra è morta perché l’ambulanza non è riuscita ad arrivare, bloccata dalle fiamme. E in Calabria un uomo è morto cercando di spegnere il fuoco. Quasi 2mila persone evacuate. Intanto però torna già l’allerta per il caldo. Il presidente della Repubblica Sergio Mattarella ha invitato a lavorare più velocemente per l’emergenza climatica e cento scienziati italiani hanno lanciato un appello ai media affinché si parli del problema e delle sue soluzioni.

A Meloni reçevua da-o Biden: «O nòstro rappòrto delongo fòrte»

A prescidente do Conseggio Giorgia Meloni a l’é stæta reçevua a-a Cà Gianca da-o prescidente di Stati Unii Joe Biden. Tra i argomenti prinçipæ a guæra in Ucraina, o rappòrto co-a Ciña e quelli con l’Africa. «E relaçioin Italia-Stati Unii son fòrte inta stöia, a-o de là do cô politico di governi – a l’à dito a Meloni –. In tempi diffiçili semmo chi son i nòstri amixi e e nòstre naçioin an mostrou che peuan contâ uña in sce l’atra ciù de quante pensava quarchedun». «Semmo vegnui amixi, parlemmo de comme rinforsâ i rappòrti economichi», o l’à azzonto o prescidente american davanti a-i giornalisti.

Traduçion italiaña

Meloni ricevuta da Biden: «Il nostro rapporto sempre forte»

La presidente del Consiglio Giorgia Meloni è stata ricevuta alla Casa Bianca dal presidente degli Stati Uniti Joe Biden. Tra gli argomenti principali la guerra in Ucraina, il rapporto con la Cina e quelli con l’Africa. «Le relazioni Italia-Stati Uniti sono storicamente forti, al di là del colore politico di governi – ha detto Meloni –. In tempi difficili sappiamo chi sono i nostri amici e le nostre nazioni hanno dimostrato che possono contare l’una sull’altra più di quanto qualcuno pensasse». «Siamo diventati amici, parliamo di come rafforzare i rapporti economici», ha aggiunto il presidente americano davanti ai giornalisti.

Saläio minimo, o Governo o l’arve ma se ne parlià à settembre

O Governo o l’arve a-a propòsta de un saläio minimo fissou pe lezze, ma a discuscion a se faià à settembre. A maggioransa a l’aiva deçiso de no votâ in commiscion l’emendamento pe scassâ o testo presentou da l’oppoxiçion, dapeu a l’à stabilio de piggiâse doî meixi de tempo pe çercâ d’arrivâ à unna verscion unitäia. A propòsta da minoransa a prevedde unna paga minima de 9 euro à l’oa da-i 15 de novembre do 2024. Quella de Forza Italia a veu solo che estende i contræti collettivi à chi l’é descoverto, con l’applicaçion de quello «ciù in veuga» pe-o settô. I scindicati no son tutti da mæxima: a Cisl, prexempio, a temme che l’iniçiativa in Parlamento a pòsse levâ da forsa a-a contrattaçion.

Traduçion italiaña

Salario minimo, il Governo apre ma se ne parlerà a settembre

Il Governo apre alla proposta di un salario minimo fissato per legge, ma la discussione si farà a settembre. La maggioranza aveva deciso di non votare in commissione l’emendamento per sopprimere il testo presentato dall’opposizione, poi ha stabilito di prendersi due mesi di tempo per cercare di giungere a una versione unitaria. La proposta della minoranza prevede una paga minima di 9 euro all’ora dal 15 novembre 2024. Quella di Forza Italia vuole solamente estendere i contratti collettivi a chi è scoperto, con l’applicazione di quello «più diffuso» per il settore. I sindacati non sono tutti della stessa idea: la Cisl, per esempio, teme che l’iniziativa in Parlamento possa indebolire la contrattazione.

E notiçie da-o mondo

Senti a verscion registrâ:

Guæra in Ucraina, a Ruscia: «Semmo pronti a-o dialogo, ma Kiev a refua»

«Mosca a l’é pronta a-o dialogo, ma l’Ucraina a refua quæsesegge opportunitæ sciben ch’a l’é inte unna scituaçion no façile». À dîlo o portavoxe do Cremlin Dmitrij Peskov à l’agençia ruscia Tass. Inte l’incontro à San Peterburgo o Putin o çerca o patto con l’Africa e o promette a-i Paixi de quello continente no solo do gran ma de arme ascì. Intanto i Stati Unii preveddan de comensâ a consegnâ i cari armæ Abrams à settembre, mentre e fòrse ucraine çercan de guägnâ torna do terren. Segondo a defeisa de Kiev, «l’exerçito ruscio o l’é apreuvo à recampâ e fòrse pe inspessî i attacchi a-e infrastruttue e in sciâ rivea». E conseguense da guæra anche in sciô spòrt: a-i mondiali de spâ l’ucraina Olga Kharlan a l’à battuo a ruscia Anna Smirnova ma a no gh’à streito a man e pe sta raxon a l’é stæta taggiâ feua da-o torneo.

Traduçion italiaña

Guerra in Ucraina, la Russia: «Siamo pronti al dialogo, ma Kiev rifiuta»

«Mosca è pronta al dialogo, ma l’Ucraina rifiuta qualsiasi opportunità anche se è in una situazione non facile». A dirlo il portavoce del Cremlino Dmitrij Peskov all’agenzia russa Tass. Nell’incontro a San Pietroburgo Putin cerca un asse con l’Africa e promette ai Paesi di quel continente non solo grano ma anche armi. Intanto gli Stati Uniti prevedono di iniziare a consegnare i carri armati Abrams a settembre, mentre le forze ucraine cercano di riguadagnare terreno. Secondo la difesa di Kiev, «l’esercito russo sta radunando le forze per intensificare gli attacchi alle infrastrutture e sul litorale». Le conseguenze della guerra anche sullo sport: ai mondiali di scherma l’ucraina Olga Kharlan ha battuto la russa Anna Smirnova ma non le ha stretto la mano e per questo motivo è stata esclusa dal torneo.

Eleçioin in Spagna, a drita a derua ma oua no gh’é de governo

A Spagna a s’é addesciâ sensa un governo seguo apreuvo a-e eleçioin di 23 de luggio. O Partio popolare do Alberto Nuñez Feijóo o l’à piggiou i ciù tanti voti ma o deruo da drita de Vox o no ghe permette d’avei a maggioransa. I soçialisti an tegnuo megio de quello che s’aspëtavan, ma perché o Pedro Sánchez o pòsse tornâ a-a Moncloa servià l’arrembo di independentisti catalen, unna stradda ch’a l’é tutta in montâ. Anche perché intanto a Corte Supremma a veu l’arresto do Carles Puigdemont, o passou prescidente da Catalogna. Se no s’arriëscià a trovâ unn’inteisa, se porrieiva anâ torna à votâ comme l’ea za capitou e urtime vòtte.

Traduçion italiaña

Elezioni in Spagna, la destra crolla ma ora non c’è un governo

La Spagna si è svegliata senza un governo centro dopo le elezioni del 23 luglio. Il Partito popolare di Alberto Nuñez Feijóo ha preso la maggior parte dei voti ma il crollo della destra di Vox non gli permette di avere la maggioranza. I socialisti hanno tenuto meglio di quello che si aspettavano, ma perché Pedro Sanchez possa tornare alla Moncloa servirà l’appoggio degli indipendentisti catalani, una strada che è tutta in salita. Anche perché intanto la Corte Suprema vuole l’arresto di Carles Puigdemont, l’ex presidente catalano. Se non si riuscirà a trovare un’intesa, si potrebbe andare nuovamente al voto come era già successo le ultime volte.

Mòrta a cantante irlandeise Sinéad O’Connor

A l’é mòrta de 56 anni a cantante irlandeise Sinéad O’Connor, dòppo unna longa deprescion e di gròsci problemi de sanitæ. A l’é stæta attrovâ sensa vitta in cà seu à Londra a-i 26 de luggio. À dâ a notiçia l’é stæto a famiggia, sensa minsonâ e caxoin, ma a poliçia a l’à dito che no gh’é de sospetti. A cantante a lascia trei figgi: o quarto, Shane, o l’ea mòrto l’anno passou de 17 anni, l’urtima tragedia da seu vitta. Autoa de dexe album inta seu carrea, a seu interpretaçion ciù avvoxâ a l’arresta Nothing compares 2 U do 1990, compòsta da-o Prince de l’85.

Traduçion italiaña

Morta la cantante irlandese Sinéad O’Connor

È morta a 56 anni la cantante irlandese Sinéad O’Connor, dopo una lunga depressione e gravi problemi di salute. È stata trovata senza vita in casa sua a Londra il 26 luglio. A dare la notizia è stata la famiglia, senza specificare le cause, ma la polizia ha detto che non ci sono sospetti. La cantante lascia tre figli: il quarto, Shane, era morto l’anno scorso a 17 anni, l’ultima tragedia della sua vita. Autrice di dieci album nella sua carriera, la sua interpretazione più famosa rimane Nothing compares 2 U del 1990, composta da Prince nell’85.