O Zinâ

Ediçion

E notiçie da-a Liguria

Emergensa derui, a Proteçion çivile naçionale in campo pe-o territöio de Zena

A Proteçion çivile naçionale a faià unna mappatua co-o satellite de tutto o territöio de Zena pe vedde donde gh’é de deformaçioin e stabilî e prioritæ pe mette in seguessa. A l’é a novitæ vegnua feua da l’incontro a Romma tra a scindica Silvia Salis e o cappo do departimento Fabio Ciciliano. À Zena ghe saià ascì unna töia co-o Commun e a Region pe aggiornâ o cian de proteçion çivile da çittæ, con de neuve mesue che tëgnan conto do reisego pe-e frañe e e struttue de contegnimento. Intanto a Procua de Zena a l’à averto un’investigaçion pe fraña corposa dòppo o deruo do miagion a-o Lagasso. Segondo a relaçion di pompê a stradda a l’é vegnua zu pe l’ægua e e infiltraçion. Oua besorrià açertâ se gh’é de responsabilitæ.

Traduçion italiaña

Emergenza crolli, la Protezione civile nazionale in campo per il territorio di Genova

La Protezione civile nazionale effettuerà una mappatura satellitare dell’intero territorio di Genova per individuare le deformazioni e stabilire le priorità per la messa in sicurezza. È la notizia emersa dall’incontro a Roma tra la sindaca Silvia Salis e il capo dipartimento Fabio Ciciliano. A Genova si terrà anche un tavolo con Comune e Regione per aggiornare il piano di protezione civile della città, con nuove misure che tengano conto del rischio frane e delle opere di contenimento. Intanto, la Procura di Genova ha aperto un’inchiesta sulle frane dopo il crollo del muraglione al Lagaccio. Secondo la relazione dei vigili del fuoco, la strada ha ceduto per la pioggia e le infiltrazioni. Ora bisognerà accertare eventuali responsabilità.

Tunnel sotta o pòrto, into progetto manca a sciortia de Casasse

Into progetto do tunnel sotta o pòrto de Zena no gh’é a sciortia de Casasse. L’à dito o sotto-commissäio Carlo De Simone inta commiscion dedicâ à Palaçio Tursci. I ligammi co-a viabilitæ do çentro, conscideræ incompatibile co-a Sorvelevâ segondo o progetto approvou, son feua da-o quaddro econòmico che a-a giornâ d’ancheu o vâ 1,1 miliardi. A scindica Silvia Salis a l’à ciammou un incontro urgente co-o commissäio Marco Bucci, ascì prescindente da Region, e i representanti da soçietæ Autostrade. Inte unna nòtta a struttua do commissäio a l’à preçisou: «Aspëtemmo un confronto co-o Commun in sciô destin da Sorvelevâ». A Salis a l’à respòsto: «O saià deçiso dòppo che o tunnel o saià in deuvia».

Traduçion italiaña

Tunnel subportuale, nel progetto manca lo svincolo delle Casaccie

Nel progetto del tunnel subportuale di Genova non è prevista l’uscita delle Casaccie. Lo ha detto il subcommissario Carlo De Simone nella commissione dedicata a Palazzo Tursi. I collegamenti con la viabilità del centro, considerati incompatibili con la Sopraelevata secondo il progetto approvato, sono fuori dal quadro economico che ad oggi vale 1,1 miliardi. La sindaca Silvia Salis ha chiesto un incontro urgente con il commissario Marco Bucci, anche presidente della Regione, e i rappresentanti della società Autostrade. In una nota, la struttura commissariale ha specificato: «Aspettiamo un confronto con il Comune in merito al destino della Sopraelevata». Salis ha risposto: «Sarà deciso dopo l’entrata in esercizio del tunnel».

Emergensa into pòrto de Zena, çentanæa de container de fruta e verdua fermi

Çentanæa de container de fruta e verdua son fermi into pòrto de Zena pe unna varsciua d’insemme astimmâ de 50 mioin de dòllari. A denonçia a l’é arrivâ da Spediporto: a raxon a l’é a mancâ convalida di çertificæ sanitäi pe-i alimentari zeæ perché no gh’é de struttue autorizzæ segondo a normativa in caxo de contròlli rinforsæ da parte di veterinäi. «A scituaçion a l’é vegnua delongo ciù pesante con di gròsci danni pe-i importatoî, za che a mercansia a genera di costi derivæ da-o fermo in pòrto», a l’à dito l’assoçiaçion ch’a l’à domandou à l’Autoritæ do pòrto d’intervegnî.

Traduçion italiaña

Emergenza nel porto di Genova, centinaia di container di frutta e verdura fermi

Centinaia di container di frutta e verdura sono fermi nel porto di Genova per un valore complessivo stimato di 50 milioni di dollari. La denuncia è arrivata da Spediporto: il motivo è la mancata convalida dei certificati sanitari per i prodotti alimentari surgelati, in quanto non ci sono strutture autorizzate secondo la normativa in caso di controlli rafforzati da parte dei veterinari. «La situazione è diventata sempre più pesante con gravi danni per gli importatori, poiché la merce genera costi derivanti dalla sosta in porto», ha affermato l’associazione, che ha chiesto l’intervento dell’Autorità portuale.

E notiçie da l’Italia

Referendum, o «no» in remontâ: o governo o se zeuga a carta Meloni

Urtimo sondaggio in sce l’exito do referendum in sciâ giustiçia: segondo l’Ipos, se votesse o 42% di italien ò ciù pöchi, o «no» o guägnieiva co-o 52,4%. A remontâ e l’effetto da guæra in sciâ parteçipaçion mettan in allarme o çentro-drita e pe sta raxon se pensa che a prescindente do Conseggio Giorgia Meloni a parteçipià ben ben à l’urtima parte da campagna, à comensâ da-a manifestaçion pe-o «scì» di 14 de marso à Milan. «Unna giustiçia ch’a no fonçioña a dannezza tutti», l’appello da premier inte unn’intervista. A segretäia do Pd Elly Schlein a l’à deciarou: «Se guägna o no, no ciammemmo e dimiscioin do governo. Voemmo batte a drita a-e eleçioin politiche». Invexendo in sciô ministro da Defeisa Crosetto bloccou a Dubai dòppo o scceuppo da guæra in Iran.

Traduçion italiaña

Referendum, il «no» in rimonta: il governo gioca la carta Meloni

Ultimo sondaggio sull’esito del referendum sulla giustizia: secondo Ipos, se votasse il 42% o meno degli italiani, il «no» vincerebbe con il 52,4%. La rimonta e l’effetto della guerra sulla partecipazione allarmano il centrodestra e per questo motivo si prevede che la presidente del Consiglio Giorgia Meloni parteciperà massicciamente all’ultima parte della campagna, a partire dalla manifestazione del «sì» del 14 marzo a Milano. «Una giustizia che non funziona danneggia tutti», l’appello della premier in un’intervista. La segretaria del Pd Elly Schlein ha dichiarato: «Se vince il no, non chiederemo le dimissioni del governo. Vogliamo battere la destra alle elezioni politiche». Bufera sul ministro della Difesa Crosetto bloccato a Dubai dopo lo scoppio della guerra in Iran.

Tranvai sciortio da-e colisse à Milan, doî mòrti: l’autista o l’é indagou

A Procua de Milan a l’à averto unn’investigaçion pe ammassamento e lexoin corpose in sciâ tragedia ch’a l’à corpio a çittæ a-i 27 de frevâ, quande un tranvai o l’é sciortio da-e colisse, o l’à piccou contra un palaçio e o l’à investio de persoñe, çerte arrestæ incrastæ sotta o mezzo. L’açidente o l’à caxonou doî mòrti e 49 ferii, nisciun di quæ o l’é a reisego de moî. «Me son sentio mâ, m’é vegnuo da patî», o l’à contou l’autista, ch’o l’é indagou. I inquirenti an sexio de papê e ascì e conversaçioin tra o tranvê e a çentrale operativa. L’òmmo o no l’à frenou e manco addeuviou o scangio: gh’é da capî se o scistema de seguessa ch’o l’avieiva dovuo bloccâ o tranvai o l’agge fonçionou.

Traduçion italiaña

Tram deragliato a Milano, due morti: l’autista è indagato

La Procura di Milano ha aperto un’inchiesta per omicidio e lesioni personali sulla tragedia che ha colpito la città il 27 febbraio, quando un tram è deragliato, si è schiantato contro un edificio e ha investito persone, alcune delle quali sono rimaste incastrate sotto il mezzo. L’incidente ha causato due morti e 49 feriti, nessuno dei quali è in pericolo di vita. «Mi sentivo male, sono svenuto», ha detto l’autista, che è indagato. Gli inquirenti hanno sequestrato documenti e anche le conversazioni tra il tranviere e la centrale operativa. L’uomo non ha frenato né utilizzato lo scambio: bisogna capire se il sistema di sicurezza che avrebbe dovuto bloccare il tram ha funzionato.

Festival de Sanremmo, o Sal da Vinci o guägna con «Per sempre sì»

O Sal da Vinci o l’à guägno o Festival de Sanremmo co-a canson «Per sempre sì». Segondo o Sayf, d’origine ligure e tunexiña, con «Tu mi piaci tanto». Tersa Ditonellapiaga con «Che fastidio». «Sto premio – o l’à dito o primmo in clascifica – veuggio spartîlo co-a mæ famiggia ch’a m’à aggiuttou tanto e veuggio dedicâlo a-a mæ çittæ, Napoli». O l’à za confermou ch’o l’anià à l’Eurovision Song Contest. Pe-o Carlo Conti a l’é stæta l’urtima ediçion: «Pòsso annonçiâ che o Stefano De Martino o saià o conduttô e o direttô artistico do festival ch’o vëgne», o l’à dito. «Veuggio ringraçiâ a Rai, oua testa bassa e travaggiâ», o l’à commentou lê emoscionou.

Traduçion italiaña

Festival di Sanremo, Sal da Vinci vince con «Per sempre sì»

Sal da Vinci ha vinto il Festival di Sanremo con la canzone «Per sempre sì». Secondo Sayf, di origini liguri e tunisine, con «Mi piaci tanto». Terza Ditonellapiaga con «Che fastidio». «Questo premio – ha detto il primo in classifica – voglio condividerlo con la mia famiglia che mi ha aiutato tanto e voglio dedicarlo alla mia città, Napoli». Ha già confermato che parteciperà all’Eurovision Song Contest. Per Carlo Conti è stata l’ultima edizione: «Posso annunciare che Stefano De Martino sarà il prossimo conduttore e direttore artistico del festival», ha detto. «Voglio ringraziare la Rai, ora testa bassa e lavorare», ha commentato lui emozionato.

E notiçie da-o mondo

Guæra in Iran e into Levante de Mezo, i miscili arrivan fiña in Euröpa

A guæra a l’é scciuppâ in Iran e into Levante de Mezo. Inte l’attacco de Stati Unii e Isræle à l’arba di 28 de frevâ o Ali Khamenei o l’é stæto ammassou. O figgio Mojtaba o l’à piggiou o seu pòsto. L’Iran o l’à tiou di miscili contra e base americañe, Dubai, ma ascì into Mediterraneo in sce Turchia e Çipro. O streito de Hormuz, donde passa squæxi tutto o petròlio, o l’é stæto serrou e çentanæa de nave son arrestæ bloccæ. Tanti xeui son stæti scassæ. O Trump o l’à parlou da poscibilitæ de mandâghe de truppe «se saià o caxo» e o l’à azzonto ch’o veu a reisa incondiçionâ sensa negoçiaçioin. I mòrti son za mille e passa. O prescidente spangòllo Pedro Sánchez o l’à denegou a-i Stati Unii l’uso de base militare: «A nòstra poxiçion a l’é no a-a guæra». Segondo o Washington Post, a Ruscia a l’é apreuvo à aggiuttâ l’Iran pe corpî e fòrse americañe.

Traduçion italiaña

Guerra in Iran e Medio Oriente, i missili arrivano fino all’Europa

La guerra è scoppiata in Iran e in Medio Oriente. Nell’attacco di Stati Uniti e Israele all’alba del 28 febbraio, Ali Khamenei è stato ucciso. Il figlio Mojtaba gli è succeduto. L’Iran ha lanciato missili contro le basi statunitensi, Dubai, ma anche nel Mediterraneo, sopra la Turchia e Cipro. Lo stretto di Hormuz, attraverso il quale passa quasi tutto il petrolio, è stato chiuso e centinaia di navi sono rimaste bloccate. Molti voli sono stati cancellati. Trump ha parlato della possibilità di inviare truppe «se necessario» e ha aggiunto di volere una resa incondizionata e senza negoziati. I morti sono già oltre un migliaio. Il presidente spagnolo Pedro Sánchez ha negato agli Stati Uniti l’uso di basi militari: «La nostra posizione è no alla guerra». Secondo il Washington Post, la Russia sta aiutando l’Iran ad attaccare le forze statunitensi.

I effetti da guæra: e Borse bruxan 918 miliardi, o petròlio o schitta à 90 a-o barî

E Borse europee an bruxou 918 miliardi de dòllari inta primma settemaña da-o scceuppo da guæra into Levante de Mezo. In sciâ deprescion di mercoei do mondo peisa sorviatutto a montâ do prexo do petròlio. Dòppo che o ministro de l’Energia do Qatar o l’à parlou de un poscibile blòcco da produçion, s’é passou o limite di 90 dòllari a-o barî con tornâ a-i livelli de l’arvî do 2024. Inte unna settemaña e varsciue son cresciue do 30%. Anche o gazzo o l’é vegnuo ciù cao do 5,23% fin a-a quöta de 53,39 euro a MWh, di livelli che se faian vedde de seguo inte l’inflaçion à livello globale. Atro elemento, inti Stati Unii à frevâ s’é perso 92mia pòsti de travaggio e o tascio de desoccupaçion o l’é montou a-o 4,4%.

Traduçion italiaña

Gli effetti della guerra: le Borse bruciano 918 miliardi, il petrolio schizza a 90 al barile

Le Borse europee hanno bruciato 918 miliardi di dollari nella prima settimana dallo scoppio della guerra in Medio Oriente. Sulla depressione dei mercati mondiali pesa soprattutto l’aumento del prezzo del petrolio. Dopo che il ministro dell’Energia del Qatar ha parlato di un possibile blocco della produzione, è stato superato il limite dei 90 dollari al barile, tornando ai livelli di aprile 2024. In una settimana, i valori sono aumentati del 30%. Anche il gas è diventato più caro del 5,23%, raggiungendo la quota di 53,39 euro per MWh, livelli che sicuramente si rifletteranno sull’inflazione a livello globale. Altro dato, negli Stati Uniti a febbraio sono stati perso 92mila posti di lavoro e il tasso di disoccupazione è salito al 4,4%.

Tenscion Ucraina-Ongaia, o Orban o l’accaxoña Kiev: «Mafia de guæra»

Erta tenscion tra Ucraina e Ongaia. O ministëio de l’Estranxeo de Kiev o l’à accaxonou Budapest d’avei piggiou in ostaggio sette dependenti de unna banca ucraina che gestivan doî mezzi che trasportavan di dinæ. Pe sta raxon o l’à conseggiou a-i seu çitten che no vaggan in Ongaia «dæto l’imposcibilitæ de garantî a seu seguessa». O primmo ministro Viktor Orbán, dòppo avei fermou o pacchetto de finançiamenti de l’Union europea pe l’Ucraina o l’à menassou de sospendighe e fornitue critiche se i conduti che pòrtan o petròlio da-a Ruscia arrestian bloccæ. E dapeu o ministro de l’Estranxeo de l’Ongaia o l’à domandou «respòste a-a spedia» à l’Ucraina in scê spediçioin de dinæ, mettendo o dubio che seggian ligæ a-a «mafia de guæra».

Traduçion italiaña

Tensione Ucraina-Ungheria, Orban accusa Kiev: «Mafia di guerra»

Alta tensione tra Ucraina e Ungheria. Il ministero degli Esteri di Kiev ha accusato Budapest di aver tenuto in ostaggio sette dipendenti di una banca ucraina che gestiva due veicoli per il trasporto di denaro. Per questo motivo ha consigliato ai suoi cittadini di non recarsi in Ungheria «data l’impossibilità di garantire la loro sicurezza». Il primo ministro Viktor Orbán, dopo aver fermato il pacchetto di finanziamenti dell’Unione Europea per l’Ucraina, ha minacciato di sospendere le forniture essenziali se gli oleodotti che trasportano petrolio dalla Russia rimanessero bloccati Poi il ministro degli Esteri ungherese ha chiesto «risposte rapide» all’Ucraina in merito alle spedizioni di denaro, sollevando dubbi sul loro legame con la «mafia di guerra».