O Zinâ

Ediçion

E notiçie da-a Liguria

Zoeno ammassou a-a scheua à Spezza, a confescion e o dô da çittæ

O Zouhaur Atif, o zoeno arrestou pe avei ammassou o Abanoud Youssef inte unna scheua à Spezza, o l’à ammisso d’aveilo fæto pe giöxia: «O no doveiva scangiâse quelle fotografie co-a mæ galante». A figgia e a vittima se conosceivan da figgeu. «Aiva fæto o poscibile perché no rattellessan», a l’à scrito lê in sce un social. O Atif o l’arresta in prexon e oua o reisega d’ëse accaxonou da premeditaçion. A-i 22 de zenâ, giornâ de desmuo da çittæ, çentanæa de persoñe an parteçipou a-o morteuio crestian into dòmmo. Da l’autopscia l’é vegnuo feua che o Abanoud o l’é mòrto pe unna cotellâ sola ch’a gh’à dannezzou o figæto, a minsa e un pormon.

Traduçion italiaña

Giovane ucciso a scuola alla Spezia, la confessione e il dolore della città

Zouhair Atif, il giovane arrestato per aver ucciso Abanoud Youssef in una scuola della Spezia, ha ammesso di averlo fatto per gelosia: «Non avrebbe dovuto scambiare quelle fotografie con la mia ragazza». La ragazza e la vittima si conoscevano fin da bambini. «Avevo fatto il possibile perché non litigassero», ha scritto lei su un social. Atif rimane in carcere e ora rischia l’accusa di premeditazione. Il 22 gennaio, giorno di lutto cittadino, centinaia di persone hanno partecipato al funerale in cattedrale. L’autopsia ha rivelato che Abanoud è morto per una singola coltellata che gli ha danneggiato fegato, milza e un polmone.

A Procua a l’à ciammou o fallimento de l’Amt, primmi indagæ pe-a crixi

A Procua de Zena a l’à ciammou o fallimento de l’Amt, l’açienda ch’a gestisce o traspòrto pubrico, trovandoghe 200 mioin e passa de debiti. O papê o l’é vegnuo feua oua, ma o l’é di 9 de dexembre, avanti che o Tribunâ o l’approvesse a compoxiçion negoçiâ da crixi co-e mesue che mettan a soçietæ a-o sosto. «Se no avescimo fæto ninte a saieiva fallia», o commento da scindica Silvia Salis. «A l’addeuvia i problemi de l’Amt pe fâ da propaganda», gh’à respòsto o Pietro Piciocchi. Intanto a Procua a l’à inscrito i primmi indagæ pe fäso inti conti e bancarotta de sfrouxo, graçie anche a-a relaçion presentâ da-o Commun co-a scituaçion finançiäia de l’açienda.

Traduçion italiaña

La Procura ha chiesto il fallimento di Amt, primi indagati per la crisi

La Procura di Genova ha chiesto il fallimento di Amt, l’azienda che gestisce il trasporto pubblico, rilevando oltre 200 milioni di debiti. Il documento è emerso ora, ma risale al 9 dicembre, prima che il Tribunale approvasse la composizione negoziata della crisi con le misure che mettono la società al riparo. «Se non avessimo fatto nulla sarebbe fallita», commenta la sindaca Silvia Salis. «Usa i problemi di Amt per fare propaganda», ha replicato Pietro Piciocchi. Nel frattempo la Procura ha iscritto i primi indagati per falso in bilancio e bancarotta fraudolenta, anche grazie alla relazione presentata dal Comune con la situazione finanziaria dell’azienda.

Mòrto de 30 anni into zugâ à ballon, commandou l’autopscia

A Procua de Zena a l’à averto unn’investigaçion in sciâ mòrte do Giampiero Antonio Garrido Yanez, mòrto de 30 anni a-i 22 de zenâ tanto ch’o zugava à ballon in sce un campo de Sestri Ponente. Tutt’assemme o s’é arreversou in tæra, i meghi an çercou de sarvâlo ma no gh’é stæto ninte da fâ. O pm Giuseppe Longo o l’à commandou l’autopscia. O Garrido o gh’aiva a tessia do Recreativo, in segonda categoria, ma o zugava ascì inte unna squaddra inscrita à un torneo Aics, Sotto il Pontos Fc. O seu mego o gh’aiva conseggiou de no fâ de l’attivitæ sportiva pe di problemi de sanitæ. A Procua a veu capî se gh’ea stæto i açertamenti obrigatöi pe parteçipâ.

Traduçion italiaña

Morto a 30 anni mentre gioca a calcio, disposta l’autopsia

La Procura di Genova ha aperto un’inchiesta sulla morte del trentenne Giampiero Antonio Garrido Yanez, deceduto il 22 gennaio mentre giocava a calcio su un campo di Sestri Ponente. Improvvisamente si è accasciato a terra, i medici hanno tentato di salvarlo ma non c’è stato nulla da fare. Il pm Giuseppe Longo ha disposto l’autopsia. Garrido aveva la tessera del Recreativo, in seconda categoria, ma giocava anche in una squadra iscritta a un torneo Aics, il Sotto il Pontos Fc. Il suo medico gli aveva sconsigliato di svolgere attività sportiva per problemi di salute. La Procura vuole capire se siano stati effettuati gli accertamenti obbligatori per partecipare.

E notiçie da l’Italia

O çiclon Harry o devasta o Sud Italia, paixi destruti da-i mouxi in Siçilia

Stradde deruæ, case e buteghe piñe d’ægua, ciazze portæ via. Son i guasti caxonæ da-o çiclon Harry into Sud Italia, sorviatutto Siçilia e Calabria, ma anche a Sardegna, corpie da di mouxi erti fin à 16 metri e passa, mai registræ into passou inte tutto o Mediterraneo. Inte provinse de Mesciña e Catania o mâ o l’à destruto ferrovie, mæñe, miage e portixeu. Dexeñe de famigge son stæte scorrie d’in cà. Segondo unna primma stimma do prescidente da Region Renato Schifani i danni van 740 mioin d’euro, e atre çentanæa de mioin se contan in Sardegna, segondo a prescidente Alessandra Todde.

Traduçion italiaña

Il ciclone Harry devasta il Sud Italia, paesi distrutti dalle onde in Sicilia

Strade crollate, case e negozi allagati, spiagge spazzate via. Sono i danni causati dal ciclone Harry nel Sud Italia, principalmente in Sicilia e Calabria, ma anche in Sardegna, colpite da onde alte fino a 16 metri, mai registrate in passato in tutto il Mediterraneo. Nelle province di Messina e Catania il mare ha distrutto ferrovie, lidi, muri e porticcioli. Decine di famiglie sono state evacuate dalle loro case. Secondo una prima stima del presidente della Regione Renato Schifani, i danni ammontano a 740 milioni di euro, e altre centinaia di milioni si contano in Sardegna, secondo la presidente Alessandra Todde.

Lezze in sciâ violensa sessuale, co-a propòsta da drita sparisce o «consenso»

Neuvo scontro politico in gio a-o disegno de lezze in sciâ violensa sessuale. Dòppo l’accòrdio tra a prescidente do Conseggio Giorgia Meloni e a segretäia do Partio Democratico Elly Schlein, a poula «consenso» a l’é sparia d’into testo propòsto da-a Giulia Bongiorno da Lega, a relatoa a-o Senato. Incangio se parla de «voentæ conträia à l’atto sessuale» ch’a dev’ëse valuâ «tegnindo conto da scituaçion e do contesto». Pe-e oppoxiçioin o l’é un «passo inderê graviscimo» e «a rottua de un patto politico». «Che a Meloni a no se fasse dâ a linia da-o patriarcato», o commento da Schlein. Pe-o momento Fratelli d’Italia a no l’à piggiou unna poxiçion definitiva.

Traduçion italiaña

Legge sulla violenza sessuale, con la proposta della destra sparisce il “consenso”

Nuovo scontro politico a proposito del disegno di legge sulla violenza sessuale. Dopo l’accordo tra la presidente del Consiglio Giorgia Meloni e la segretaria del Pd Elly Schlein, la parola «consenso» è scomparsa dal testo proposto dalla leghista Giulia Bongiorno, la relatrice al Senato. Si parla invece di «volontà contraria all’atto sessuale» che va valutata «tenuto conto della situazione e del contesto». Per l’opposizione si tratta di un «gravissimo passo indietro» e «della rottura di un patto politico». «Non lasciamo che Meloni si faccia dare la linea dal patriarcato», commenta Schlein. Al momento Fratelli d’Italia non ha preso una posizione definitiva.

Mòrto de 93 anni o Valentino Garavani, l’urtimo grande da mòdda

L’é mòrto de 93 anni o Valentino Garavani, l’urtimo di gren protagonisti da mòdda in Italia. O l’aiva fondou o marco co-o seu nomme, do quæ o rosso e o velluo ean di scimboli. A-o manco çinquemia persoñe gh’an reiso önô à Romma. A-i 23 de zenâ o morteuio inta gexa de Santa Maria di Angei con un muggio de gente avvoxæ. «Un òmmo ch’o l’à semenou a bellessa e o n’é stæto un testimònio», e poule de præ Pietro Guerini. O seu compagno Vernon Bruce Hoeksema: «No te diggo addio ma graçie». «O regòrdo ciù bello quande se semmo conosciui», o l’à dito o Giancarlo Giammetti, passou compagno e sòçio de l’imprenditô da-o 1960.

Traduçion italiaña

Morto a 93 anni Valentino Garavani, l’ultimo grande della moda

È morto a 93 anni Valentino Garavani, l’ultimo dei grandi protagonisti della moda in Italia. Aveva fondato il marchio che portava il suo nome, di cui il rosso e il velluto erano simboli. Almeno cinquemila persone gli hanno reso omaggio a Roma. Il 23 gennaio i funerali nella chiesa di Santa Maria degli Angeli con molti personaggi illustri. «Un uomo che ha seminato bellezza e ne è stato testimone», le parole di don Pietro Guerini. Il compagno Vernon Bruce Hoeksema: «Non ti dico addio ma grazie». «Il ricordo più bello è stato quando ci siamo conosciuti», ha detto Giancarlo Giammetti, ex compagno e socio dell’imprenditore dal 1960.

E notiçie da-o mondo

O Trump o menassa di daçi pe-a Groenlandia, dapeu o l’annonçia un accòrdio

O prescidente american Donald Trump o l’à primma menassou di neuvi daçi contra i Paixi europëi che mandan de truppe in Groenlandia, dapeu a-o World Economic Forum de Davos, in Svissera, o l’à annonçiou un accòrdio à vegnî co-a Nato: «Emmo ottegnuo tutto quello che voeivimo, l’inteisa a duià pe delongo», o l’à dito dòppo un incontro co-o segretäio generale Mark Rutte. L’Union europea a l’ea za apreuvo à studiâ unna «respòsta unitäia». Sempre à Davos l’é stæto presentou o Bord of peace pe Gazza con 20 Paixi. Intanto comensa torna e trattative in sce l’Ucraina, o Zelensky o l’à attaccou: «Euröpa spartia e persa davanti a-o Trump». A Ruscia a no ghe mòlla in sciô Donbass.

Traduçion italiaña

Trump minaccia dazi sulla Groenlandia, poi annuncia un accordo

Il presidente degli Stati Uniti Donald Trump ha prima minacciato nuovi dazi contro i paesi europei che inviano truppe in Groenlandia, poi al Forum Economico Mondiale di Davos, in Svizzera, ha annunciato un accordo futuro con la Nato: «Abbiamo ottenuto tutto ciò che volevamo, l’intesa durerà per sempre», ha detto dopo un incontro con il segretario generale Mark Rutte. L’Unione europea stava già studiando una «risposta unitaria». Sempre a Davos è stato presentato il Board of peace per Gaza con 20 Paesi. Nel frattempo riprendono i negoziati sull’Ucraina, Zelensky ha attaccato: «L’Europa divisa e persa davanti a Trump». La Russia non cede sul Donbass.

Desastro in scê ferrovie da Spagna, 43 mòrti pe un scontro in Andaluçia

A-o manco 43 mòrti e ciù de 100 ferii in Spagna pe un açidente ferroviäio tra doî treni spedii in Andaluçia, vexin à Còrdova. Trei vagoin scon sciortii feua da-e colisse. Dexeñe de persoñe no son stæte ancon attrovæ. Inta mæxima træta gh’ea za stæto eutto guasti inti anni passæ. Da lì à pöco l’é capitou atri doî açidenti in sciâ ræ spagnòlla. In Catalogna, vexin à Gelida, un miagion o l’é vegnuo zu tanto che passava un treno regionale, fòscia pe-o tempo grammo: o machinista o l’é mòrto. Inta mæxima region un atro treno o l’é sciortio pe di magheu cheiti in scê colisse.

Traduçion italiaña

Disastro sulle ferrovie della Spagna, 43 morti per uno scontro in Andalusia

Almeno 43 morti e oltre 100 feriti in Spagna a causa di un incidente ferroviario tra due treni veloci in Andalusia, vicino a Cordova. Tre vagoni merci sono usciti dalle carrozze. Decine di persone non sono ancora state ritrovate. Nello stesso tratto si erano già verificati otto incidenti negli anni precedenti. Poco tempo dopo sono avvenuti altri due incidenti sulla rete spagnola. In Catalogna, vicino a Gelida, un muro è crollato al passaggio di un treno regionale, forse a causa del maltempo: il macchinista è morto. Nella stessa regione un altro treno è deragliato per alcuni massi caduti sui binari.

L’Euröpa a firma l’accòrdio co-o Mercosur, ma o Parlamento o blòcca tutto

A Commiscion europea a l’à firmou in Paraguay o neuvo accòrdio co-o Mercosur. «Gh’é chi tia sciù de miage, noiatri femmo di ponti. St’inteisa chì a l’é un segnâ pe-o mondo», a l’à dito a prescidente Ursula von der Leyen. Ma da lì à no guæi o Parlamento o l’à bloccou o testo: con 334 scì l’é passou a domanda de un gruppo de deputæ da Scinistra, di Verdi e di Liberali de mandâlo a-a Corte de giustiçia pe un pai de lezze. Oua besorrià aspëtâ l’examme, ch’o porrieiva duâ pe di meixi. A Germania a vorrieiva applicâ l’accòrdio de mainea provisöia.

Traduçion italiaña

L’Europa firma l’accordo con il Mercosur, ma il Parlamento blocca tutto

La Commissione europea ha firmato in Paraguay il nuovo accordo con il Mercosur. «C’è chi costruisce muri, noi costruiamo ponti. Questa intesa è un segnale per il mondo», ha dichiarato la presidente Ursula von der Leyen. Ma poco dopo il Parlamento ha bloccato il testo: con 334 sì è passata l’istanza di un gruppo di parlamentari di Sinistra, Verdi e Liberali di inviarlo alla Corte di Giustizia per un parere legale. Ora bisognerà attendere l’esame, che potrebbe durare mesi. La Germania vorrebbe applicare l’accordo in via provvisoria.