Rouxie in sciô 25 d’arvî, da-o caxo Scurati-Rai a-i scontri in ciassa
Festa da Liberaçion into segno de polemiche. A Rai a l’à scassou da-a trasmiscion CheSarà o monòlogo do scrittô Antonio Scurati con de critiche a-a Giorgia Meloni pe-a poxiçion in sciô fasciximo. L’oppoxiçion a l’à parlou de çensua, ma l’açienda a l’à minsonou de «raxoin econòmiche». A prescidente do Conseggio a l’à pubricou o testo co-o commento: «Un caxo montou». Ma o Scurati o l’à replicou: «Patiscio da violensa pe-o mæ pensceo, oua me sento un bersaggio disegnou in sciô moro». Dapeu o l’à lezzuo o seu monòlogo in ciassa à Milan a-o 25 d’arvî, con 100mia persoñe in corteo. À Romma o messaggio do poæ da Ilaria Salis, imprexonâ «da-i nazisti» à Budapest, a l’à scrito. Ma ascì tenscioin e scontri tra filopalestineixi e a bregadda ebraica: inta capitale prionæ e bombe papê, un ferio à Milan. O prescidente da Repubrica Sergio Mattarella o l’à çitou o Aldo Moro: «In sce l’antifasciximo l’unitæ popolare a l’é un dovei».
Traduçion italiaña
Rancori sul 25 aprile, dal caso Scurati-Rai agli scontri in piazza
Festa della Liberazione all’insegna delle polemiche. La Rai ha cancellato dalla trasmissione CheSarà il monologo dello scrittore Antonio Scurati con critiche a Giorgia Meloni per la posizione sul fascismo. L’opposizione ha parlato di censura, ma l’azienda ha menzionato «ragioni economiche». La presidente del Consiglio ha pubblicato il testo col commento: «Un caso montato». Ma Scurati ha replicato: «Subisco violenza per il mio pensiero, ora mi sento un bersaglio disegnato in faccia». Poi ha letto il suo monologo in piazza a Milano il 25 aprile, con 100mila persone in corteo. A Roma il messaggio del padre di Ilaria Salis, incarcerata «dai nazisti» a Budapest, ha scritto. Ma anche tensioni e scontri tra filopalestinesi e la brigata ebraica: nella capitale lanci di sassi e bombe carta, un ferito a Milano. Il presidente della Repubblica Sergio Mattarella ha citato Aldo Moro: «Sull’antifascismo l’unità popolare è doverosa».
Europee: o Pd o candida a Schlein, a Lega a ponta in sciô Vannacci
Se definisce o quaddro de candidatue pe-e eleçioin europee di 8 e 9 de zugno. A segrettäia Elly Schlein a saià a cappolista do Pd, ma o Romano Prodi o treuva da dî: «Se domanda de dâ un voto à unna persoña che de seguo à Bruxelles a no ghe va». Da mæxima o Giuseppe Conte, cappo di 5 Stelle: «Coscì se mincioña i çittæn». O nomme, però, o no saià scrito into scimbolo. A-i 25 d’arvî o Matteo Salvini o l’à reiso offiçiâ a candidatua do generale Roberto Vannacci pe-a Lega: «Me battiò pe affermâ i valoî de patria, tradiçion e famiggia», o l’à commentou. «A Ilaria Salis in Parlamento? A no saieiva a primma criminale», a l’à dito a Enikő Győri, deputâ europea e passâ ambascieuia ongareise à Romma. Intanto o çentro-drita o l’à incasciou a vittöia do Vito Bardi in Basilicata, ascì con unn’astenscion in gio a-o 50%.
Traduçion italiaña
Europee: il Pd candida Schlein, la Lega punta su Vannacci
Si delinea il quadro delle candidature per le elezioni europee dell’8 e 9 giugno. La segretaria Elly Schlein sarà la capolista del Pd, ma Romano Prodi contesta: «Si chiede di dare un voto a una persona che di certo a Bruxelles non ci va». Dello stesso avviso Giuseppe Conte, leader dei 5 Stelle: «Così si prendono in giro i cittadini». Il nome, però, non sarà scritto nel simbolo. Il 25 aprile Matteo Salvini ha ufficializzato la candidatura del generale Roberto Vannacci per la Lega: «Lotterò per affermare i valori di patria, tradizione e famiglia», ha commentato. «Ilaria Salis in Parlamento? Non sarebbe la prima criminale», ha detto Enikő Győri, deputata europea ed ex ambasciatrice ungherese a Roma. Intanto il centrodestra ha incassato la vittoria di Vito Bardi in Basilicata, nonostante un’astensione intorno al 50%.
Ballon, Inter campion d’Italia: a conquista a segonda stella
Co-a vittöia pe 2-1 into derby de Milan l’Inter a l’é vegnua campion d’Italia con çinque giornæ d’antiçipo, dòppo unna longhiscima cavarcâ in çimma a-a clascifica. Oua a porrià cuxîse a segonda stella in sciâ maggia. «Unna giornâ ch’a no se porrià ascordâ», o l’à dito l’allenatô Simone Inzaghi a-a fin da partia: pe lê o l’é o sesto trofeo con l’Inter, solo o Mancini e o Herrera n’an guägno de ciù. Miggiæa de tifoxi an invaso a çittæ ascì con l’ægua e o freido, e no poeivan mancâ i milanisti missi a-o landon. Ma a festa vea co-a presensa da squaddra a l’é stæta fissâ pe domenega i 28 d’arvî dòppo a partia co-o Turin. O campionato, però, o l’é tutt’atro che finio: ancon averto a corsa pe qualificâse a-e coppe europee, tanto che l’Atalanta e a Romma zeugan a semifinale de l’Europa League.
Traduçion italiaña
Calcio, Inter campione d’Italia: conquista la seconda stella
Con la vittoria per 2-1 nel derby di Milano l’Inter è diventata campione d’Italia con cinque giornate d’anticipo, dopo una lunghissima cavalcata in vetta alla classifica. Ora si potrà cucire la seconda stella sulla maglia. «Una giornata indimenticabile»; ha detto l’allenatore Simone Inzaghi alla fine della partita: per lui è il sesto trofeo con l’Inter, solo Mancini ed Herrera ne hanno vinti di più. Migliaia di tifosi hanno invaso la città nonostante la pioggia e il freddo, e non potevano mancare gli sfottò ai milanisti. Ma la festa vera con la presenza della squadra è stata fissata a domenica 28 aprile dopo la partita col Torino. Il campionato, però, è tutt’altro che finito: ancora aperta la corsa per qualificarsi alle coppe europee, mentre l’Atalanta e la Roma giocano la semifinale di Europa League.