O Toti interrogou pe 8 oe: «No gh’ea de corruçion, o Spinelli o me finançiava da tempo»

O prescidente da Liguria Giovanni Toti, da-i 7 de mazzo a-i arresti in cà pe corruçion, o l’é stæto interrogou pe eutt’oe e passa a-i 23 de mazzo into reparto da Guardia de finansa into pòrto de Zena, un scito çernuo apòsta pe tegnî da lonxi e telecamere. O governatô o l’à respòsto à tutte e 167 domande di magistrati e con l’avvocato Stefano Savi o l’à depoxitou unna memöia de defeisa. «A l’ea solo attivitæ politica inte l’interesse pubrico», a texi sostegnua into papê. «O Spinelli o me finançiava da longo tempo, pe mi no gh’ea nisciuña correlaçion», o l’à dito davanti a-i pm. E i piaxei ch’o gh’avieiva fæto? «Tutt’a-o ciù unna captatio benevolentiae». O Savi o l’à confermou che «da chì à no guæi» o presentià l’instansa pe levâghe i arresti. In ponto dimiscioin o l’à dito torna: «O l’é un problema politico, unna deçixon ch’o no peu piggiâ da pe lê».

Traduçion italiaña

Toti interrogato per 8 ore: «Non c’era corruzione, Spinelli mi finanziava da tempo»

Il presidente della Liguria Giovanni Toti, dal 7 maggio agli arresti domiciliari per corruzione, è stato interrogato per più di otto ore il 23 maggio nel reparto della Guardia di finanza nel porto di Genova, un luogo scelto appositamente per tenere a distanza le telecamere. Il governatore ha risposto a tutte le 167 domande dei magistrati e con l’avvocato Stefano Savi ha depositato una memoria difensiva. «Era solo attività politica nell’interesse pubblico», la tesi sostenuta nel documento. «Spinelli mi finanziava da molto tempo, per me non c’era nessuna correlazione», ha detto davanti ai pm. E i favori che gli avrebbe fatto? «Al massimo una captatio benevolentiae». Savi ha confermato che «a breve» presenterà l’istanza di revoca degli arresti domiciliari. Per quanto riguarda le dimissioni ha ribadito: «È un problema politico, una decisione che non può prendere da solo».

Neuva diga, çeimònia pe-a pösa do primmo cascion co-o Salvini

S’é tegnuo à Zena a-i 24 de mazzo a çeimònia pe-a pösa do primmo cascion da neuva diga do pòrto. Presente o ministro de Infrastruttue Matteo Salvini: «Un di ciù gren travaggi d’inzëgno idraulico a-o mondo, no gh’ò nisciuña intençion d’anâ ciù cianin, a-a reversa, emmo da anâ ciù a-a spedia». I cascioin saian 94, tutti construti davanti à Voæ e rebellæ fin à Zena ciaschedun con 20 oe de navegaçion. À settembre arrivià unna segonda fabrica pe mette insemme i cascioin ciù gròsci, longhi 60 metri e erti 33, da poxiçionâ donde gh’é 50 metri de fondo. «Sensa a diga o pòrto o se blòcca into gio de vint’anni», o l’à ammonio o viçeministro Edoardo Rixi. In sciô cammin do progetto però gh’é tanti sappelli: da l’investigaçion da Procua a-i dubbi de l’Anac, da-o reisego de costi in ciù a-i retardi in scî loei che dan breiga anche à l’Autoritæ portuale.

Traduçion italiaña

Nuova diga, cerimonia per la posa del primo cassone con Salvini

Si è tenuta a Genova il 24 maggio la cerimonia per la posa del primo cassone della nuova diga del porto. Presente il ministro delle Infrastrutture Matteo Salvini: «Una delle più grandi opere di ingegneria idraulica al mondo, non ho nessuna intenzione di rallentare, anzi, dobbiamo accelerare». I cassoni saranno 94, tutti costruiti davanti a Vado e trainati fino a Genova con 20 ore di navigazione ciascuno. A settembre arriverà un secondo impianto per assemblare i cassoni più grossi, lunghi 60 metri e alti 33, da posizionare dove il fondale misura 50 metri. «Senza la diga il porto si blocca nel giro di vent’anni», ha ammonito il viceministro Edoardo Rixi. Sul cammino del progetto però ci sono molti ostacoli: dall’indagine della Procura ai dubbi dell’Anac, dal rischio di extra costi ai ritardi sui lavori che preoccupano anche l’Autorità portuale.

Femminiçidio-suiçidio into Spezzin: «O no voeiva che se vestissan à uso occidentale»

Un òmmo de 50 anni o l’à ammassou a moggê de 47 anni à cotellæ, dapeu co-a mæxima arma o s’à levou a vitta. O l’é avvegnuo a-i 20 de mazzo à Ricò do Gorfo, into Spezzin. L’assascin, d’origine tunexiña comme a dònna, o l’ea za stæto denonçiou a-i 4 d’arvî pe mâtrattamenti e o l’aiva unna proibiçion d’avvexinamento. O no s’ea mai ciù presentou, fin a-o giorno de l’ammassamento. A cobia, in crixi da longo tempo, a l’aiva doî figgi de 17 e 13 anni, ch’ean feua de casa a-o momento da tragedia. Segondo e testimonianse l’òmmo o voeiva che vivessan segondo i comandamenti de l’Islam e o no poeiva patî che a figgia a se vestisse à uso occidentale.

Traduçion italiaña

Femminicidio-suicidio nello Spezzino: «Non voleva che si vestissero all’occidentale»

Un uomo di 50 anni ha ucciso la moglie di 47 anni a coltellate, poi con la stessa arma si è tolto la vita. È successo il 20 maggio a Riccò del Golfo, nello Spezzino. L’omicida, di origine tunisina come la donna, era già stato denunciato il 4 aprile per maltrattamenti e aveva un divieto di avvicinamento. Non si era mai presentato, fino al giorno dell’omicidio. La coppia, in crisi da molto tempo, aveva due figli di 17 e 13 anni, che erano fuori casa al momento della tragedia. Secondo le testimonianze l’uomo voleva che vivessero secondo i dettami dell’Islam e non riusciva a tollerare che la figlia si vestisse all’occidentale.