O Zinâ

Ediçion

E notiçie da-a Liguria

Senti a verscion registrâ:

Corruçion, nisciuña revoca di arresti. Moçion de çensua contra o Toti

Son ancon arrestæ i prinçipæ indagæ inte l’investigaçion da Procua de Zena pe corruçion, voto de scangio, finançiamento inleçito e fäso. Pe l’imprenditô Aldo Spinelli niscuña revoca di arresti in cà: segondo a giudiçe Paola Faggioni o porrieiva ancon cuâ i seu interesci d’impreisa e donca guastâ e preuve. Pe-o Paolo Emilio Signorini, passou prescidente de l’Autoritæ portuale e l’unico in prexon, l’avvocato Enrico Scopesi o l’à domandou d’ammermâ a mesua. Pe-o Giovanni Toti, prescidente da Region oua sospeiso, o defensô Stefano Savi o no l’à ancon presentou l’instansa. Pe-o momento no se parla de dimiscioin, sciben che l’oppoxiçion a ghe sta adòsso, ma a-i 4 de zugno se discuttià a moçion de çensua in conseggio regionale. O Matteo Cozzani, incangio, o s’é dimisso da cappo de gabinetto do Toti, comm’o l’aiva annonçiou.

Traduçion italiaña

Corruzione, nessuna revoca degli arresti. Mozione di sfiducia contro Toti

Son ancora arrestati i principali indagati nell’inchiesta della Procura di Genova per corruzione, voto di scambio, finanziamento illecito e falso. Per l’imprenditore Aldo Spinelli nessuna revoca degli arresti domiciliari: secondo la giudice Paola Faggioni potrebbe ancora curare i suoi interessi imprenditoriali e quindi inquinare le prove. Per Paolo Emilio Signorini, ex presidente dell’Autorità portuale e unico in carcere, l’avvocato Enrico Scopesi ha chiesto l’attenuazione della misura. Per Giovanni Toti, presidente della Regione ora sospeso, il difensore Stefano Savi non ha ancora presentato l’istanza. Al momento non si parla di dimissioni, anche se l’opposizione fa pressione, ma il 4 giugno si discuterà la mozione di sfiducia in consiglio regionale. Matteo Cozzani, intanto, si è dimesso da capo di gabinetto di Toti, come aveva annunciato.

Dinæ à unna figgia pe no abortî, o caxo à l’uspiâ Villa Scassi

Doe attiviste di çentri pe-a vitta avieivan offerto di dinæ à unna figgia perché a no l’abortisse. O fæto, contou da-a Repubblica, o saieiva avvegnuo à l’uspiâ Villa Scassi de San Pê d’Æña. A-a zoena, ch’a l’aiva za trei figgi e a no l’ea arriëscia à ottegnî l’interruçion de gestaçion a-o Galliera, e dònne avieivan propòsto 100 euro pe tegnî o figgeu. «Graviscimo, vergognoso e imposcibile da açettâ – a denonçia do Luca Pirondini, senatô do Movimento 5 Stelle –. A vitta a no l’é in vendia e manco o còrpo de dònne, i seu driti e a seu autodeterminaçion». L’uspiâ Villa Scassi o l’à piggiou e distanse con dî de no avei mai autorizzou a presensa di volontäi inti ambulatöi. «No gh’intremmo ninte con sta stöia», a replica de l’Onlus Pro Vita e Famiglia.

Traduçion italiaña

Soldi a una ragazza per non abortire, il caso all’ospedale Villa Scassi

Due attiviste dei centri per la vita avrebbero offerto soldi a una ragazza perché non abortisse. L’episodio, raccontato dalla Repubblica, sarebbe avvenuto all’ospedale Villa Scassi di Sampierdarena. Alla giovane, che aveva già tre figli e non era riuscita a ottenere l’interruzione di gravidanza al Galliera, le donne avrebbero proposto 100 euro per tenere il bambino. «Gravissimo, vergognoso e inaccettabile – la denuncia di Luca Pirondini, senatore del Movimento 5 Stelle –. La vita non è in vendita e nemmeno il corpo delle donne, i loro diritti e la loro autodeterminazione». L’ospedale Villa Scassi ha preso le distanze dicendo di non avere mai autorizzato la presenza dei volontari negli ambulatori. «Siamo estranei alla vicenda», la replica dell’Onlus Pro Vita e Famiglia.

À Zena a cæga da un mion pe-e reliquie da Gina Lollobrigida

A l’à passou un mion d’euro a varsciua da cæga che gh’é stæto à Zena pe vende i oggetti de l’attoa Gina Lollobrigida. Pe assegnâli tutti gh’é vosciuo ciù de dex’oe, 4mia e passa i parteçipanti da 28 Paixi inte tutto o mondo, i ciù tanti collegæ in sciâ Ræ, à testimoniâ l’attençion che sta figua a l’é ancon boña à reciammâ. Into catalogo gh’ea 400 lòtti à offerta libera, di tòcchi unichi tra òpie d’arte, mòbili, oggetti personali che ne vëgnan da-a seu villa in sce l’Appia Antiga. O prexo ciù erto o l’é stæto pagou pe unna scoltua de bronzo do Giacomo Manzù, ch’a representa pròpio a Lollobrigida, aggiudicâ pe 125mia euro.

Traduçion italiaña

A Genova l’asta da un milione per le reliquie di Gina Lollobrigida

Ha superato un milione di euro il valore dell’asta che si è tenuta a Genova per vendere gli oggetti dell’attrice Gina Lollobridiga. Per assegnarli tutti sono state necessarie più di dieci ore, oltre 4mila i partecipanti da 28 Paesi in tutto il mondo, la maggior parte collegati online, a testimoniare l’attenzione che questa figura è ancora in grado di richiamare. Nel catalogo c’erano 400 lotti a offerta libera, pezzi unici tra opere d’arte, mobili, oggetti personali provenienti dalla sua villa sull’Appia Antica. Il prezzo più alto è stato pagato per una scultura di bronzo di Giacomo Manzù, che rappresenta proprio Lollobrigida, aggiudicata per 125mila euro.

E notiçie da l’Italia

Senti a verscion registrâ:

O Governo o l’appreuva a reforma da giustiçia, magistratua pronta a-a guæra

O Conseggio di ministri o l’à approvou a reforma da giustiçia ch’a prevedde a separaçion de carree pe-a magistratua giudicante e inquirente, l’instituçion de doî Conseggi supeioî da magistratua con di componenti piggiæ pe sciòrte e a creaçion de unn’Erta corte de giustiçia apòsta con fonçioin de discipriña. Oua o testo o l’arrivià a-a Camia, donde ghe vorrià i doî tersi di voti pe cangiâ a Constituçion, sedonca se faià un referendum. «Unna reforma epocale, emmo avuo do cheu», o commento da prescidente Meloni. Coscì o governo o veu vegnî a-a fin de corrente. Ma l’Assoçiaçion naçionale di magistrati, conträia areo, a l’é pronta a-o sciòpero: «Unna reforma – dixan – ch’a l’esprimme l’intençion ciæa de mette in atto un contròllo da parte da politica. Ancheu a l’é unna desfæta pe-a giustiçia». Pe contra, i avvocati penalisti attaccan l’Anm e parlan de «poxiçion corporativa» pe no cangiâ ninte.

Traduçion italiaña

Il Governo approva la riforma della giustizia, magistratura sul piede di guerra

Il Consiglio dei ministri ha approvato la riforma della giustizia che prevede la separazione delle carriere per la magistratura giudicante e inquirente, l’istituzione di due Consigli superiori della magistratura con membri estratti a sorte e la creazione di un’Alta corte di giustizia apposita con funzioni disciplinari. Ora il testo approderà alla Camera, dove serviranno i due terzi dei voti per cambiare la Costituzione, altrimenti si indirà un referendum. «Una riforma epocale, abbiamo avuto coraggio», il commento della presidente Meloni. Così il governo vuole mettere fine alle correnti. Ma l’Associazione nazionale dei magistrati, totalmente contraria, è pronta allo sciopero: «Una riforma – dicono – che esprime l’intenzione chiara di mettere in atto un controllo da parte della politica. Oggi è una sconfitta per la giustizia». Invece gli avvocati penalisti attaccano l’Anm e parlano di «posizione corporativa» per non cambiare nulla.

O pappa Françesco o s’ingamba in sciâ «frociaggine», dapeu o se scusa

S’é averto un caxo in scê poule do pappa Françesco, che inte l’incontro à pòrte serræ con 200 vescoi italien in avertua de l’assemblea da Cei o l’à reciammou à unna seleçion ciù streita pe l’intrâ inti semenäi. E chì, segondo e frase reportæ da Dagospia e confermæ da ciù vivagne, o l’avieiva dito che «gh’é za tròppa frociaggine». Un fæto ch’o l’à dæto da dî, anche perché into passou o Bergoglio o l’aiva mostrou de avertue a-o mondo omosessuale. Da lì à no guæi, inte unna nòtta da sala stampa do Vatican, o l’à ciammou scuse: «Inta Gexa gh’é spaçio pe tutti. O pappa o no l’à mai vosciuo offende ò esprimmise con di termini omòfobi».

Traduçion italiaña

Papa Francesco inciampa sulla «frociaggine», poi si scusa

Si è aperto un caso sulle parole di papa Francesco, che nell’incontro a parte chiuse con 200 vescovi italiani in apertura dell’assemblea della Cei ha richiamato a una selezione più stringente per l’entrata nei seminari. E qui, secondo le frasi riportate da Dagospia e confermate da più fonti, avrebbe detto che «c’è già troppa frociaggine». Un episodio che ha fatto discutere, anche perché in passato Bergoglio aveva mostrato aperture al mondo omosessuale. Non molto tempo dopo, in una nota della sala stampa del Vaticano, ha chiesto scusa: «Nella Chiesa c’è spazio per tutti. Il papa non ha mai voluto offendere o esprimersi con termini omofobi».

Nòrme ciù tenie in scî autovelox, offiçiâ a reforma do Salvini

Ninte ciù autovelox che spontan de derê à unna curva ò in scê stradde de çittæ donde o limite o l’é ciù basso che 50 km/h. O governo o l’avaa a reforma vosciua da-o ministro Matteo Salvini. I appægi avian da ëse delongo ben vixibili, segnalæ a-o manco un chillòmetro avanti feua da-i çentri abitæ, à distansa tra de loiatri, e a contestaçion a l’anià fæta a-a spedia, into caxo di dispoxitivi mòbili. «Basta impî e casce in sciâ pelle de chi va in machina e basta bollette sarvæghe – o l’à dito o ministro –. I autovelox saian missi solo pe prevegnî di açidenti». E neuve regole saian in deuvia fin d’oua, ma ghe saià un anno de tranxiçion pe permette a-i scindichi d’adattâ i dispoxitivi za installæ.

Traduçion italiaña

Norme più blande sugli autovelox, ufficiale la riforma di Salvini

Niente più autovelox che spuntano dietro a una curva o sulle strade cittadini dove il limite è inferiore a 50 km/h. Il governo vara la riforma voluta dal ministro Matteo Salvini. Gli apparecchi dovranno essere sempre ben visibili, segnalati almeno un chilometro prima fuori dai centri abitati, distanziati tra loro, e la contestazione andrà fatta immediatamente, nel caso di dispositivi mobili. «Basta fare cassa sulla pelle degli automobilisti e basta multe selvagge – ha detto il ministro –. Gli autovelox saranno messi solo per prevenire incidenti». Le nuove regole saranno in vigore da subito, ma ci sarà un anno di transizione per permettere ai sindaci di adattare i dispositivi già installati.

E notiçie da-o mondo

Senti a verscion registrâ:

Isræle-Hamas, strage à Rafah: o mondo o condanna o Netanyahu

Neuve strage à Rafah, a çittæ palestineise a-o confin con l’Egitto: dëxeñe de persoñe son mòrte pe-i attacchi de l’exerçito isrælian. «Un tragico açidente» pe-o prescidente Netanyahu, ch’o parla d’açioin finalizzâ à corpî i terroristi. O mondo però o ô condanna. L’Onu a ciamma unn’investigaçion «piña e trasparente» in scê responsabilitæ. O prescidente turco Erdogan o paragoña o Netanyahu a-o Hitler. L’Union Europea a l’é scciappâ in scê sançioin pe Isræle, donde un conseggê pe-a seguessa naçionale o l’à annonçiou: «I combattimenti à Gazza anian avanti pe 7 meixi». O partio do ministro Gantz o l’à presentou unna lezze pe desfâ a Knesset e tornâ a-e eleçioin, ma o Netanyahu o l’arresta o primmo inti sondaggi.

Traduçion italiaña

Israele-Hamas, stragi a Rafah: il mondo condanna Netanyahu

Nuove stragi a Rafah, la città palestinese al confine con l’Egitto: decine di persone sono morte per gli attacchi dell’esercito israeliano. «Un tragico incidente» per il presidente Netanyahu, che parla di azioni finalizzata a colpire i terroristi. Il mondo però lo condanna. L’Onu chiede un’indagine «completa e trasparente» sulle responsabilità. Il presidente turco Erdogan paragona Netanyahu a Hitler. L’Unione Europea è spaccata sulle sanzioni per Israele, dove un consigliere per la sicurezza nazionale ha annunciato: «I combattimenti a Gaza continueranno per 7 mesi». Il partito del ministro Gantz ha presentato una legge per sciogliere la Knesset e tornare alle elezioni, ma Netanyahu resta primo nei sondaggi.

A Nato a veu permette l’uso de arme pe attaccâ a Ruscia, Occidente diviso

L’Occidente o se dividde in sciâ poscibilitæ de permette à l’Ucraina no solo de defendise, ma ascì de corpî a Ruscia co-e arme fornie da-a Nato. À sponciâ inte sta direçion o l’é o segrettäio generale Jens Stoltenberg, ch’o l’à dito: «Ciù s’inandiemmo pe l’avvegnî lontan, ciù fito porriemo finî a guæra». O prescidente american Joe Biden, intanto, o l’avieiva za autorizzou Kiev à attaccâ in sciô territöio ruscio vexin à Kharkiv. A Germania a permettià de defendise co-e seu muniçioin da-i attacchi ch’arrivan pöco ciù in là da-o confin, luxe verde anche da Finlandia e Polònia, o Canada o no mette de condiçioin. A Ruscia, a l’à dito o ministro de l’Estranxeo Lavrov, a piggià de mesue de deterrensa nucleare se i Stati Unii disponian di miscili à curto e medio raggio in Euröpa e into Paçifico.

Traduçion italiaña

La Nato vuole permettere l’uso delle armi per attaccare la Russia, Occidente diviso

L’Occidente si divide sulla possibilità di permettere all’Ucraina non solo di difendersi, ma anche di colpire la Russia con le armi fornite dalla Nato. A spingere in questa direzione è il segretario generale Jens Stoltenberg, che ha detto: «Più ci prepariamo per il lungo periodo, prima potremo terminare la guerra». Il presidente americano Joe Biden, intanto, avrebbe già autorizzato Kiev ad attaccare sul territorio russo vicino a Kharkiv. La Germania permetterà di difendersi con le sue munizioni dagli attacchi provenienti da appena oltre il confine, disco verde anche da Finlandia e Polonia, il Canada non pone vincoli. La Russia, ha detto il ministro degli Esteri Lavrov, prenderà misure di deterrenza nucleare se gli Stati Uniti schiereranno missili a corto e medio raggio in Europa e nel Pacifico.

O Trump condannou pe-o caxo Daniels, sentensa stòrica inti Stati Unii

O Donald Trump o l’é stæto giudicou corpeive pe tutti i 34 cappi d’imputaçion in sciô caxo da pornostar Stormy Daniels. A l’é a primma vòtta che un passou prescidente american o ven condannou inte un proçesso penale e o l’é ascì o primmo candidou à corrî pe-e eleçioin comme pregiudicou, unna condiçion ch’a no gh’impedisce o mæximo de fâse eleze. «Un proçesso burla, unna vergheugna. Son un òmmo innoçente», o primmo commento do tycoon feua da-a stançia. A sentensa a l’é arrivâ à l’unanimitæ da-i 12 componenti da giuria dòppo doî giorni de camia de conseggio, a-i 11 de luggio saià stabilio a peña. O Trump o l’ea accaxonou d’avei fäscificou i papê da seu açienda pe asconde i 130mia dòllari pagæ a-a Daniels perché a no spanteghesse a relaçion avua dex’anni avanti.

Traduçion italiaña

Trump condannato per il caso Daniels, sentenza storica negli Stati Uniti

Donald Trump è stato giudicato colpevole per tutti i 34 capi d’imputazione sul caso della pornostar Stormy Daniels. È la prima volta che un ex presidente americano viene condannato in un processo penale ed è anche il primo candidato a correre per le elezioni come pregiudicato, una condizione che non gli impedisce comunque di farsi eleggere. «Un processo burla, una vergogna. Sono un uomo innocente», il primo commento del tycoon fuori dall’aula. La sentenza è arrivata all’unanimità dai 12 membri della giuria dopo due giorni di camera di consiglio, l’11 luglio sarà stabilita la pena. Trump era accusato di aver falsificato i documenti della sua azienda per occultare i 130mila dollari pagati a Daniels perché non rivelasse la relazione avuta dieci anni prima.