O Zinâ

Ediçion

E notiçie da-a Liguria

Senti a verscion registrâ:

A zonta Toti a l’arresta in carrega, o prescidente o peu anâ à votâ

Nisciuña sorpreisa: o Conseggio regionale da Liguria o l’à refuou à maggioransa a moçion de çensua presentâ da l’oppoxiçion contra a zonta Toti, ch’a l’arresta in carrega sciben che guiddâ ad interim da-o Alessandro Piana. Un tentativo de «sponcion politico», l’à definio o Giovanni Toti inta lettia scrita da arrestou in cà e lezzua da-o cappogruppo da seu lista Alessandro Bozzano, donca unna profeçia: «Aniei avanti à perde e eleçioin». «Poemo anâ avanti coscì scin a-a fin da legislatua», o l’à asseguou o Piana. Intanto a gip Paola Faggioni a l’à refuou l’instansa de l’avvocato Stefano Savi pe antiçipâ l’inscriçion into registro di indagæ, unn’açion ch’a l’avieiva reiso ben ben de interçettaçioin imposcibile da deuviâ. O Toti o porrià anâ à votâ, accompagnou da-a Guardia de finansa, à Meggia, dond’o l’à a rescidensa.

Traduçion italiaña

La giunta Toti resta in carica, il presidente può andare a votare

Nessuna sorpresa: il Consiglio regionale della Liguria ha respinto a maggioranza la mozione di sfiducia presentata dall’opposizione contro la giunta Toti, che rimane in carica sebbene guidata ad interim da Alessandro Piana. Un tentativo di «spallata politica», l’ha definito Giovanni Toti nella lettera scritta dagli arresti domiciliari e letta dal capogruppo della sua lista Alessandro Bozzano, quindi una profezia: «Continuerete a perdere le elezioni». «Possiamo continuare così fino alla fine della legislatura», ha assicurato Piana. Intanto la gip Paola Faggioni ha respinto l’istanza dell’avvocato Stefano Savi per anticipare l’iscrizione nel registro degli indagati, un’azione che avrebbe reso molte intercettazioni inutilizzabili. Toti potrà andare a votare, accompagnato dalla Guardia di finanza, ad Ameglia, dove ha la residenza.

O scindico Bucci operou a-o Galliera pe unna metastaxi linfonodale

O scindico de Zena Marco Bucci o l’é stæto operou a-o Galliera pe unna metastaxi linfonodale da neoplaxia da pelle. L’intervento o l’à avuo exito poxitivo. À dâne notiçia, pe voentæ do mæximo Bucci, l’é stæto pròpio l’uspiâ. Dòppo un recòvero de quarche giorno o scindico o saià sottopòsto a-e terapie do caxo. L’intervento o l’ea programmou da pe coscì e no gh’é stæto nisciuña urgensa. Tantiscimi i messaggi d’augui e vexinansa da tutte e parte politiche. «Staggo megio, domenega vaggo à votâ e lunesdì torno into scagno», o l’à dito inte unn’intervista a-o Secolo. In assensa do Bucci tutte e seu fonçioin passan a-o viçescindico Pietro Piciocchi.

Traduçion italiaña

Il sindaco Bucci operato al Galliera per una metastasi linfonodale

Il sindaco di Genova Marco Bucci è stato operato al Galliera per una metastasi linfonodale da neoplasia cutanea. L’intervento ha avuto esito positivo. A darne notizia, per volontà dello stesso Bucci, è stato proprio l’ospedale. Dopo un ricovero di qualche giorno il sindaco sarà sottoposto alle terapie del caso. L’intervento era programmato da molto tempo e non c’è stata alcuna urgenza. Moltissimi i messaggi di auguri e vicinanza da tutte le parti politiche. «Sto meglio, domenica vado a votare e lunedì torno in ufficio», ha detto in un’intervista al Secolo. In assenza di Bucci tutte le sue funzioni passano al vicesindaco Pietro Piciocchi.

Bösanæo, aggredio à cotellæ da quattro zoeni: o l’é in rianimaçion

Un zoeno de 24 anni o l’é in condiçioin graviscime dòppo ch’o l’é stæto accotellou a-o peto inta seiaña di 5 de zugno à Bösanæo. À aggredîlo saieiva stæto un gruppo de quattro figgeu, visti da-i volontäi de l’ambulansa tanto che scappavan. Doî de loiatri son stæti attrovæ e fermæ da-a poliçia: gh’an 18 e 17 anni, tutti doî egiçien comme a vittima. Ma l’autô de l’aggrescioin o saieiva ancon in gio. Da capî comme se segge arrivæ a-a violensa: segondo de testimonianse i quattro saieivan stæti in compagnia de unna figgia, fòscia n’é vegnuo feua unna rattella finia into sangue. O zoeno o l’é stæto recoverou in rianimaçion à l’uspiâ San Martin e a seu prògnoxi a l’é reservâ.

Traduçion italiaña

Bolzaneto, aggredito a coltellate da quattro ragazzi: è in rianimazione

Un ragazzo di 24 anni è in condizioni gravissime dopo che è stato accoltellato al petto nella serata del 5 giugno a Bolzaneto. Ad aggredirlo sarebbe stato un gruppo di quattro giovanissimi, visti dai volontari dell’ambulanza mentre scappavano. Due di loro sono stati rintracciati e fermati dalla polizia: hanno 18 e 17 anni, entrambi egiziani come la vittima. Ma l’autore dell’aggressione sarebbe ancora a piede libero. Da capire come si sia arrivati alla violenza: secondo alcune testimonianze i quattro sarebbero stati in compagnia di una ragazza, forse ne è scaturita una lite finita nel sangue. Il giovane è stato ricoverato in rianimazione all’ospedale San Martino e la sua prognosi è riservata.

E notiçie da l’Italia

Senti a verscion registrâ:

Migranti, a Meloni a vixita l’hotspot in Albania e a fa un espòsto à l’Antimafia

Inta settemaña de eleçioin a prescidente Giorgia Meloni a l’à vixitou l’hotspot pe-i migranti in Albania insemme a-o prescidente Edi Rama. «I doî çentri saian in deuvia da-o primmo d’agosto – a l’à annonçiou –. Se parte da mille pòsti, dapeu 3mia». L’intençion a l’é de «abbatte i arrivi in Italia, con un avanso de 136 mioin». A premier a l’à presentou un espòsto a-a Procua Antimafia in scê intræ de louanti foresti «deuviæ da-a criminalitæ comme un canâ in ciù d’inmigraçion inregolare». O dio o l’é pontou contra o prescidente da Campania De Luca. Intanto o Governo o l’à avou o decreto co-e mesue pe taggiâ e liste d’atteisa. E un neuvo scandalo o l’à corpio o pòrtavoxe do ministro Lollobrigida, do quæ l’é stæto pubricou di messaggi antisemiti inte unna chat co-o Fabrizio Piscitelli, estremista de drita e traffegante de dröga ammassou do 2019.

Traduçion italiaña

Migranti, Meloni visita l’hotspot in Albania e fa un esposto all’Antimafia

Nella settimana delle elezioni la presidente Giorgia Meloni ha visitato l’hotspot per i migranti in Albania insieme al presidente Edi Rama. «I due centri saranno in funzione dal primo agosto – ha annunciato –. Si parte da mille posti, poi 3mila». L’obiettivo è «abbattere gli arrivi in Italia, con un risparmio di 136 milioni». La premier ha presentato un esposto alla Procura Antimafia sugli ingressi di lavoratori stranieri «usati dalla criminalità come un ulteriore canale d’immigrazione irregolare». L’indice è puntato contro il presidente della Campania De Luca. Intanto il Governo ha varato il decreto con le misure per tagliare le liste d’attesa. E un nuovo scandalo ha colpito il portavoce del ministro Lollobrigida, di cui sono stati pubblicati messaggi antisemiti in una chat con Fabrizio Piscitelli, estremista di destra e trafficanti di droga ucciso nel 2019.

Trei zoeni investii da-a piña de un sciumme, s’indaga pe ammassamento corposo

S’indaga pe ammassamento corposo apreuvo a-a spariçion de trei zoeni investii da-a piña à l’improvista do sciumme Nadison in Friuli. O gruppo, doe figge e un zoeno tra i 20 e i 25 anni, o l’aiva deçiso de fâ unna passaggiata inta giæa pe pösâse dòppo un examme. Uña de figge a l’aiva ciammou aggiutto co-o telefonin: «Vegnî à sarvâne», a preghea primma che l’onda a î portesse via. Tanto che e gente repiggiavan a scena d’in sce un ponte, un pompê o s’é cacciou inte l’ægua pe provâ à acciappâli à neuo, ma no gh’é stæto ninte da fâ. Anche doî operai an çercou d’aggiuttâli, ma an dovuo renonçiâ pe-a fòrsa da corrente. Oua s’indaga pe capî se gh’é stæto de mancanse inta cadeña di soccorsci.

Traduçion italiaña

Tre giovani investiti dalla piena di un fiume, si indaga per omicidio colposo

Si indaga per omicidio colposo dopo la scomparsa di tre giovani investiti dalla piena improvvisa del fiume Natisone in Friuli. Il gruppo, due ragazze e un ragazzo tra i 20 e i 25 anni, aveva deciso di fare una passeggiata nell’alveo per riposarsi dopo un esame. Una delle ragazze avrebbe chiesto aiuto col cellulare: «Venite a salvarci», la preghiera prima che l’onda li portasse via. Mentre la gente riprendeva la scena da un ponte, un vigile del fuoco si è buttato in acqua per provare a recuperarli a nuoto, ma non c’è stato nulla da fare. Anche due operai hanno tentato di aiutarli, ma hanno dovuto rinunciare per la forza della corrente. Ora si indaga per capire se ci sono state mancanze nella catena dei soccorsi

Tennis, o Jannik Sinner numero 1 a-o mondo: primmo italian inta stöia

O Jannik Sinner o s’afferma contra un grandiscimo Carlos Alcaraz e o no conquista a finale do Roland Garros, ma o seu peu recillâ o mæximo perché o l’é o numero 1 a-o mondo, primmo tennista italian da stöia. À aggiuttâlo l’é stæto o retio do Novak Djokovic, costreito à mollâghe pe unna lexon a-o menisco de mezo do zenoggio de drita. «O l’é o seunno de tutti, ma vedde o Novak coscì o me fa mâ pro, ghe prego de guarî fito», o l’à commentou o Sinner. A-o Philippe Chatrier l’é arrivou a desfæta a-o quinto set dòppo quattr’oe de spettacolo. A l’é anæta megio incangio a-o doggio feminin formou da-a Jasmine Paolini e da-a Sara Errani, ch’an ottegnuo unna stòrica finale pe l’Italia e ammian a-o torneo de Parigi 2024.

Traduçion italiaña

Tennis, Jannik Sinner numero 1 al mondo: primo italiano nella storia

Jannik Sinner si ferma contro un grandissimo Carlos Alcaraz e non conquista la finale del Roland Garros, ma si può consolare lo stesso perché è il numero 1 al mondo, primo tennista italiano della storia. Ad aiutarlo è stato il ritiro di Novak Djokovic, costretto ad arrendersi per una lesione al menisco mediale del ginocchio destro. «È il sogno tutti, ma vedere Novak così mi dispiace, gli auguro di guarire presto», ha commentato Sinner. Al Philippe Chatrier è arrivata la sconfitta al quinto set dopo quattro ore di spettacolo. È andata meglio invece al doppio femminile formato da Jasmine Paolini e Sara Errani, che hanno ottenuto una storica finale per l’Italia e guardano al torneo di Parigi 2024.

E notiçie da-o mondo

Senti a verscion registrâ:

L’Ucraina a l’attacca in Ruscia co-e arme americañe, o Putin o menassa a Nato

Pe-a primma vòtta l’Ucraina a l’à addeuviou de arme americañe pe corpî un scistema de defeisa d’äia in Ruscia. O prescidente Joe Biden o l’à confermou che i Stati Unii an dæto a luxe verde, ma solo «fin à 200 migge da-o confin». O Vladimir Putin o l’à menassou: «Porriëscimo fornî di miscili che corpiscian di Paixi da Nato comme respòsta a-i attacchi de l’Occidente contra de noiatri». E o l’à tiou à mezo torna o nucleare: «Tutti i mezzi à defeisa da nòstra integritæ». O Volodymyr Zelensky o l’à accaxonou a Ciña d’aggiuttâ a Ruscia à guastâ l’incontro de paxe in Svissera di 15-16 zugno e o l’à mogognou contra i cappi do mondo che no son ancon segui de vegnî. O mæximo Biden o no ghe saià, incangio o mandià a seu viçe Kamala Harris.

Traduçion italiaña

L’Ucraina attacca in Russia con le arme americane, Putin minaccia la Nato

Per la prima volta l’Ucraina ha usato armi americane per colpire un sistema di difesa aerea in Russia. Il presidente Joe Biden ha confermato che gli Stati Uniti hanno dato il via libera, ma solo «fino a 200 miglia dal confine». Vladimir Putin ha minacciato: «Potremmo fornire missili che colpiscano Paesi Nato come risposta agli attacchi dell’Occidente contro di noi». E ha chiamato in causa di nuovo il nucleare: «Tutti i mezzi a difesa della nostra integrità». Volodymyr Zelensky ha accusato la Cina di aiutare la Russia a far fallire il vertice di pace in Svizzera del 15-16 giugno e si è lamentato contro i leader mondiali che non sono ancora sicuri di partecipare. Lo stesso Biden non ci sarà, al suo posto manderà la vice Kamala Harris.

Isræle-Hamas, se travaggia pe l’accòrdio ma e parte son lontañe

S’arve torna unna bixa pe un accòrdio tra Isræle e Hamas. O prescidente Benyamin Netanyahu o l’à parlou de un fermæ o feugo à tempo solo pe-i ostaggi fintanto che i obiettivi no saian corpii, l’organizzaçion palestineise a l’insciste: «No firmiemo niente sensa a fin da guæra e o retio de l’exerçito». O Biden inte unn’intervista a-o Time o l’à dito che «gh’é tutte e raxoin pe arrivâ a-a concluxon che o Netanyahu o pòrta avanti a guæra pe motivaçioin politiche». Isræle o l’à annonçiou «unn’açion ben ben fòrte into Nòrd» pe «stabilî torna a seguessa». Da 17 Paixi arriva un appello à tutte doe e parte perché treuvan un compromisso pe l’accòrdio.

Traduçion italiaña

Israele-Hamas, si lavora per l’accordo ma le parti sono lontane

Si riapre uno spiraglio per l’accordo tra Israele e Hamas. Il presidente Benyamin Netanyahu ha parlato di un cessate il fuoco a tempo solo per gli ostaggi finché gli obiettivi non saranno colpiti, l’organizzazione palestinese insiste: «Non firmeremo nulla senza la fine della guerra e il ritiro dell’esercito». Biden in un’intervista al Time ha detto che «ci sono tutte le ragioni per arrivare alla conclusione che Netanyahu porta avanti la guerra per motivazioni politiche». Israele ha annunciato «un’azione molto forte nel Nord» per «ristabilire la sicurezza». Da 17 Paesi arriva un appello a entrambe le parti perché trovino un compromesso per l’accordo.

A Bce a vira in scî tasci: primmo taggio inti urtimi çinque anni

Pe-a primma vòtta inti urtimi çinque anni a Banca çentrale europea a l’à tiou zu i tasci d’interesse de un quarto de ponto, portando à 4,25% quello in scî refinançiamenti, à 3,75% quello in scî depòxiti e à 4,50% quello in scî prestiti. O taggio o no l’à mäveggiou guæi, pe contra a Bce a l’à revixonou in sciù e stimme pe l’inflaçion che montan da-o 2,3% a-o 2,5%. A stimma pe-o Pil a cresce da-o 0,6% a-o 0,9%. L’avvegnî o l’arresta inçerto. «No pòsso confermâ che semmo inte un proçesso a-a reversa – a l’à dito a prescidente Christine Lagarde –. A l’é unna stradda monti e fòsci e i meixi che vëgnan saian pægi».

Traduçion italiaña

La Bce cambia rotta sui tassi: primo taglio negli ultimi cinque anni

Per la prima volta negli ultimi cinque anni la Banca centrale europea ha abbassato i tassi di interesse di un quarto di punto, portando a 4,25% quello sui rifinanziamenti, a 3,75% quello sui depositi e a 4,50% quello sui prestiti. Il taglio non ha stupito molto, d’altra parte la Bce ha rivisto al rialzo le stime per l’inflazione che salgono dal 2,3% al 2,5%. La stima per il Pil cresce dallo 0,6% allo 0,9%. Il futuro resta incerto. «Non posso confermare che siamo in un processo di rientro – ha detto la presidente Christine Lagarde –. È una strada accidentata e i prossimi mesi lo saranno altrettanto».