O Zinâ

Ediçion

E notiçie da-a Liguria

Senti a verscion registrâ:

Sanitæ, a revoluçion do Bucci: Alisa ciù picciña, a costià 7,5 mioin de meno

O prescidente ligure Marco Bucci o l’à inandiou a revoluçion da sanitæ regionale. À neuv’anni da-a seu instituçion, da-o 1° de settembre l’Alisa a faià röso à unna neuva açienda dita Liguria Salute, con ciù pöchi dependenti (da 109 à unna quaranteña), ciù pöche fonçioin e costi ciù contegnui, con un avanso de 7 mioin e mezo inte un anno. O disegno de lezze o l’é stæto approvou da-a zonta, oua o dovià passâ in commiscion e dapeu in conseggio. «No â serremmo perché no ne convëgne», o l’à dito o prescidente Marco Bucci. O personale de ciù o saià stramuou in Region e inte çinque Asl. Tutte e fonçioin de programmaçion, coordinamento e governo de açiende passian a-o departimento regionale.

Traduçion italiaña

Salute, la rivoluzione di Bucci: Alisa più piccola, costerà 7,5 milioni in meno

Il presidente ligure Marco Bucci ha dato il via alla rivoluzione della sanità regionale. A nove anni dalla sua istituzione, dal 1° settembre Alisa farà spazio a una nuova azienda chiamata Liguria Salute, con meno dipendenti (da 109 a una quarantina), meno funzioni e costi più contenuti, con un risparmio di 7 milioni e mezzo all’anno. Il disegno di legge è stato approvato dalla giunta, ora dovrà passare in commissione e poi in Consiglio. «Non la chiudiamo perché non ci conviene», ha detto il presidente Marco Bucci. Il personale in eccesso verrà trasferito alla Regione e alle cinque Asl. Tutte le funzioni di programmazione, coordinamento e governance aziendale saranno trasferite al dipartimento regionale.

Prescide piggiou à mascoin da-a moæ de un studente à Sestri Ponente

O prescide de l’instituto profescionale Bergese de Sestri Ponente, o Andrea Ravecca, o l’é stæto piggiou à mascoin e pugni da-a moæ de un studente ch’o l’aiva piggiou unna nòtta. O l’é capitou a-i 15 de mazzo. A dònna, reçevua into scagno, a l’avieiva comensou à sbraggiâ, o prescide o l’à ciammou a poliçia, e unna vòtta sciortii a rattella a l’é vegnua violenta. L’òmmo o l’é stæto portou à l’uspiâ. O Ravecca o l’à presentou unna denonçia e o l’à commentou: «Son despiaxuo pe-a deriva da soçietæ. A mæ denonçia a dev’ëse un exempio educativo pe-i zoeni». O ministro de l’Instruçion Valditara o l’à ciammou pe esprimmighe vexinansa e solidarietæ.

Traduçion italiaña

Preside preso a schiaffi dalla madre di uno studente a Sestri Ponente

Il presidente dell’istituto professionale Bergese di Sestri Ponente, Andrea Ravecca, è stato preso a schiaffi e pugni dalla madre di uno studente che aveva preso una nota. È successo il 15 maggio. La donna, ricevuta in ufficio, avrebbe iniziato a urlare, il presidente ha chiamato la polizia, e una volta usciti la lite è diventata violenta. L’uomo è stato portato in ospedale. Ravecca ha sporto denuncia e ha commentato: «Mi dispiace per la deriva della società. La mia denuncia deve essere un esempio educativo per i giovani». Il ministro dell’Istruzione Valditara lo ha chiamato per esprimergli vicinanza e solidarietà.

A Sandöia in Serie C pe-a primma vòtta, a raggia di tifoxi à Boggiasco

A Sandöia a l’é finia in Serie C pe-a primma vòtta inta seu stöia. A retroçescion a l’é arrivâ in sciô campo dòppo o 0-0 co-a Juve Stabia e insemme a vittöia do Brescia, da Salernitaña e do Frosinon. «Un di momenti de ciù gran dô» ch’o l’impoñe «unn’assonçion de responsabilitæ piña», se leze into scrito mandou in gio da-a soçietæ o giorno apreuvo: «O primmo pensceo o va a-i nòstri tifoxi, a loiatri e nòstre scuse». I gruppi da Sud an dæto appontamento a-i 22 de mazzo à 8 e meza da seia anche «à chi se sente in dovei de dâ de respòste». Erta tenscion a-o primmo allenamento à Boggiasco a-i 16 de mazzo. Un çentanâ de tifoxi, autorizzæ à intrâ da-a poliçia, an fæto partî a contestaçion. Comme gesto scimbòlico i zogoei s’an levou e magge, che saian donæ a-i figgeu do Gaslini

Traduçion italiaña

La Sampdoria in Serie C per la prima volta, la rabbia dei tifosi a Bogliasco

La Sampdoria è finita in Serie C per la prima volta nella sua storia. La retrocessione è arrivata sul campo dopo lo 0-0 con la Juve Stabia e la vittoria contemporanea di Brescia, Salernitana e Frosinone. «Uno dei momenti di maggior dolore» che impone «una piena assunzione di responsabilità», si legge nel comunicato diffuso dalla società il giorno dopo: «Il primo pensiero va ai nostri tifosi, a loro le nostre scuse». I gruppi del Sud hanno dato appuntamento al 22 maggio alle 20.30 anche «a chi si sente in dovere di dare risposte». Alta tensione al primo allenamento a Bogliasco il 16 maggio. Un centinaio di tifosi, autorizzati a entrare dalla polizia, hanno fatto partire la contestazione. Come gesto simbolico i giocatori si sono tolti la maglia, che verrà donata ai bambini del Gaslini.

E notiçie da l’Italia

Senti a verscion registrâ:

Caxo de Garlasco, perquixio a cà do Sempio. I genitoî da Poggi: «Mäveggiæ»

Neuva sorpreisa in sciô caxo de l’ammassamento da Chiara Poggi a-i 13 d’agosto do 2007 à Garlasco, in provinsa de Pavia, pe-o quæ l’é stæto condannou o passou galante Alberto Stasi. S’é fæto unna perquixiçion inta cà do Andrea Sempio, l’amigo do fræ da vittima e neuvo indagou. I genitoî da Poggi se son diti «mäveggiæ»: «I magistrati no peuan stâ de d’ato a-a lezze, gh’é za stæto un proçesso, coscì se reneuva o patimento». Intanto sciòrte feua un messaggio che a Paola Cappa, coxiña da Chiara, o l’avieiva mandou à un amigo: «Gh’ò poia ch’emmo misso o Stasi à sequæo». I inquirenti acquixian anche i Dna da Cappa e da seu binella e ascì d’atri quattro amixi do Stasi e do Marco Poggi. Nisciun de loiatri o l’é indagou.

Traduçion italiaña

Caso Garlasco, perquisita la casa di Sempio. I genitori di Poggi: «Basiti»

Nuovo colpo di scena nel caso dell’omicidio di Chiara Poggi il 13 agosto 2007 a Garlasco, in provincia di Pavia, per cui è stato condannato l’ex fidanzato Alberto Stasi. È stata effettuata una perquisizione presso l’abitazione di Andrea Sempio, amico del fratello della vittima e nuovo indagato. I genitori di Poggi si sono detti «basiti»: «I magistrati non possono stare al di sopra della legge, c’è già stato un processo, così la sofferenza si rinnova». Nel frattempo è spuntato un messaggio che Paola Cappa, cugina di Chiara, avrebbe inviare a un amico: «Mi sa che abbiamo incastrato Stasi». Gli inquirenti acquisiranno anche il Dna di Cappa e della sua gemella, nonché di altri quattro amici di Stasi e di Marco Poggi. Nessuno di loro è indagato.

Violensa contra e dònne, polemica in sciô ministro Nordio

Polemica pe-e poule do ministro da Giustiçia Carlo Nordio in sciô brassalletto elettrònico pe prevegnî i crimini contra e dònne. «Into momento de l’allarme – o l’à dito in Senato – ben ben de spesso a vittima a l’é à unna distansa ch’a no permette l’intervento da poliçia». Donca ghe tocca trovâ «de mainee de defendise da pe loiatre, maniman con recoviâse in gexa ò da-o speçiâ». De frase «vergognose», l’attacco do Pd e do Movimento 5 Stelle. Intanto à Fregene, in sciâ mæña à nòrd de Romma, unna dònna de 58 anni a l’é stæta ammassâ con 15 cotellæ e a compagna do figgio a l’é stæta arrestâ. À Civitavecchia unn’atra dònna à l’é stæta ammassâ à cotellæ da-o compagno che in sciâ fin o s’é consegnou.

Traduçion italiaña

Violenza contro le donne, polemica sul ministro Nordio

Polemiche per le parole del ministro della Giustizia Carlo Nordio sul braccialetto elettronico per prevenire i crimini contro le donne. «Al momento dell’allarme – ha detto in Senato – molto spesso la vittima si trova a una distanza tale da non consentire l’intervento delle forze dell’ordine». Devono quindi trovare «metodi di autodifesa, magari rifugiandosi in chiesa o in farmacia». Frasi «vergognose», l’attacco del Pd e del Movimento 5 Stelle. Nel frattempo a Fregene, sul litorale a nord di Roma, una donna di 58 anni è stata uccisa con 15 coltellate e la compagna del figlio è stata arrestata. A Civitavecchia un’altra donna è stata accoltellata a morte dal compagno che alla fine si è costituito.

O pappa Lion: «Mai ciù a guæra». O Sinner o l’incontra: «Sciâ veu zugâ?»

O pappa Lion o l’à fæto un appello a-i grendi do mondo into primmo Regina Coeli à San Pê: «Mai ciù a guæra». O l’à ciammou «unna paxe giusta e ch’a due» in Ucraina e che s’afferme o feugo à Gazza. Dapeu o l’à parlou a-i zoeni in scê vocaçioin: «N’aggiæ poia, açettæ l’invito da Gexa». A-i giornalisti che l’an incontrou o l’à dito che seggian di operatoî de paxe: «Desarmemmo e poule e aggiuttiemo à desarmâ a Tæra», o l’à azzonto. Inti giorni apreuvo o pontefiçe o l’à riçevuo o campion de tennis Jannik Sinner, co-o quæ o scompartisce a pascion sportiva. «Sciâ veu zugâ?», gh’à dito o tennista. O Prevost o gh’à respòsto mostrandoghe e lampe e i mòbili: «Lascemmo stâ, chì l’é megio de no, magara à Wimbledon me lascieivan…».

Traduçion italiaña

Papa Leone: «Mai più la guerra». Sinner lo incontra: «Vuole giocare?»

Papa Leone ha lanciato un appello ai grandi del mondo durante il primo Regina Coeli a San Pietro: «Mai più la guerra». Ha chiesto «una pace giusta e duratura» in Ucraina e un cessate il fuoco a Gaza. Poi ha parlato ai giovani delle vocazioni: «Non abbiate paura, accogliete l’invito della Chiesa». Ai giornalisti che lo hanno incontrato ha rivolto l’invito ad essere operatori di pace: «Disarmeremo le parole e aiuteremo a disarmare la Terra», ha aggiunto. Nei giorni successivi il pontefice ha ricevuto il campione di tennis Jannik Sinner, con cui condivide la passione sportiva. «Vuoi giocare?» gli ha chiesto il tennista. Prevost ha risposto mostrandogli lampade e mobili: «Lasciamo perdere, qui è meglio di no, magari a Wimbledon mi lascerebbero…».

E notiçie da-o mondo

Senti a verscion registrâ:

Ucraina, negoçiaçioin à Istanbul sensa o Putin: nisciun accòrdio pe-a tregua

O Putin o l’à propòsto de negoçiaçioin dirette con l’Ucraina à Istanbul, e primme da trei anni in sà, ma o Zelensky o l’à ciammou a tregua de botto e o prescidente ruscio in sciâ fin o no s’é presentou. Mosca a l’à communicou che à l’incontro ghe saieiva stæto unna delegaçion guiddâ da-o Medinsky, passou ministro da Coltua e conseggê do prescidente. «Unna burla, a Ruscia a no piggia e negoçiaçioin pe da bon», o commento de Kiev. O ministro de l’Estranxeo Lavrov o l’à definio o Zelensky «unna persoña penosa». «No capitià niente fintanto che mi e o Putin no s’incontriemo», o l’à dito o prescidente american Donald Trump. À tutte e mainee l’é arrivou un accòrdio in sciô scangio de prexonê, ma ancon nisciuña tregua.

Traduçion italiaña

Ucraina, negoziati a Istanbul senza Putin: nessun accordo per la tregua

Putin ha proposto di avviare negoziati diretti con l’Ucraina a Istanbul, i primi in tre anni, ma Zelensky ha invocato una tregua subito e alla fine il presidente russo non si è presentato. Mosca ha annunciato che all’incontro avrebbe partecipato una delegazione guidata da Medinsky, ex ministro della Cultura e consigliere del presidente. «Una presa in giro, la Russia non prende sul serio i negoziati», il commento di Kiev. Il ministro degli Esteri Lavrov ha definito Zelensky «una persona penosa». «Non succederà nulla finché Putin e io non ci incontreremo», ha affermato il presidente degli Stati Uniti Donald Trump. In ogni caso si è giunti a un accordo sullo scambio dei prigionieri, ma ancora nessuna tregua.

Guæra India-Pakistan, s’afferma o feugo co-a mediaçion di Stati Unii

S’afferma de ficco o feugo tra India e Pakistan co-a mediaçion di Stati Uniti. L’annonçio o l’é stæto dæto da-o prescidente Donald Trump dòppo «unna longa neutte de descorsci» e giorni de scontri tra i doî Paixi co-o reisego de unn’escalation nucleare. L’accòrdio o l’é stæto confermou da Islamabad e Neuva Delhi. O segretäio de Stato Rubio o l’à dito che i doî governi oua se parlian inte un pòsto neutrale. Ma za da lì à quarche oa s’é sentio di scceuppi into Kashimir indian e l’é partio za l’accusa de violaçion de l’inteisa. Intanto se dixe ascì che o Trump o saieiva pronto à reconosce a Palestiña, ma l’ambasciou american in Isræle o responde ch’en de «sciollaie».

Traduçion italiaña

Guerra India-Pakistan, cessate il fuoco con la mediazione degli Stati Uniti

Cessate il fuoco immediato tra India e Pakistan con la mediazione degli Stati Uniti. L’annuncio è stato dato dal presidente Donald Trump dopo «una lunga notte di colloqui» e giorni di scontri tra i due Paesi con il rischio di una escalation nucleare. L’accordo è stato confermato da Islamabad e Nuova Delhi. Il segretario di Stato Rubio ha affermato che i due governi parleranno ora in una sede neutrale. Ma già dopo qualche ora si sono udite esplosioni nel Kashimir indiano ed è già scattata l’accusa di violazione dell’intesa. Intanto si dice anche che Trump sarebbe pronto a riconoscere la Palestina, ma l’ambasciata americana in Israele risponde che sono «sciocchezze».

O Depardieu condannou pe violensa sessuale in sce doe dònne

O Gérard Depardieu o l’é stæto condannou in Fransa à un anno e mezzo de prexon co-a sospenscion condiçionale da peña pe violensa sessuale. L’attô de 76 anni o l’é stæto tegnuo corpeive d’abuxi a-o manco in sce doe dònne che l’an accaxonou de fæti avvegnui in sciô set do 2021. O tribunâ o l’à condannou ascì à l’imposcibilitæ d’ëse elezzuo e o l’à inscrito into registro di autoî de crimini sessuali. O Depardieu o presentià l’appello: «Ancheu, quande s’é accaxonæ de unn’aggrescion sessuale, se vëgne condannæ in automatico», o l’à dito l’avvocato. Pe-a Juliette Binoche, prescidente da giuria à Cannes, a condanna «a l’é fruto de quello che s’é fæto de sti urtimi anni anche chì a-o festival».

Traduçion italiaña

Depardieu condannato per violenza sessuale su due donne

Gérard Depardieu è stato condannato in Francia a un anno e mezzo di carcere con sospensione condizionale della pena per violenza sessuale. L’attore 76enne è stato riconosciuto colpevole di abusi su almeno due donne che lo hanno accusato di fatti accaduti sul set nel 2021. Il tribunale lo ha inoltre condannato all’ineleggibilità e lo ha iscritto nel registro degli autori di crimini sessuali. Depardieu presenterà ricorso: «Oggi, quando si viene accusati di violenza sessuale, si viene automaticamente condannati», ha affermato l’avvocato. Per Juliette Binoche, presidente della giuria di Cannes, la condanna «è il frutto di ciò che abbiamo fatto anche in questi ultimi anni qui al festival».