O Zinâ

Ediçion

E notiçie da-a Liguria

Ex Ilva, i louanti occupan l’aeropòrto de Zena: cascia integraçion bloccâ

Neuva mobilitaçion di louanti de l’ex Ilva de Zena dòppo a lettia di commissäi, arrivâ inta neutte tra i 23 e i 24 d’ottobre, ch’a l’annonçiava a domanda pe allargâ a cascia integraçion à 870 dependenti de Corniggen, squæxi tutto l’organico. «Un scciaffo a-a çittæ», o commento di scindacati, za che a settemaña avanti l’ea stæto promisso che a fabrica a l’avieiva travaggiou delongo. A-i 19 d’ottobre i operäi an occupou l’aeropòrto de Zena e an deciarou d’ëse pronti à dormîghe. Dapeu, verso a seiaña, l’é arrivou unna communicaçion do ministëio do Travaggio: tutto fermo a-o manco fin a-i 27 de settembre, quande ghe saià l’incontro co-i scindacati naçionali.

Traduçion italiaña

Ex Ilva, i lavoratori occupano l’aeroporto di Genova: bloccata la cassa integrazione

Nuova mobilitazione dei lavoratori dell’ex Ilva di Genova in seguito a una lettera dei commissari, giunta nella notte tra il 23 e il 24 ottobre, con la quale veniva annunciata la richiesta di estendere la cassa integrazione a 870 dipendenti dello stabilimento di Cornigliano, la quasi totalità dell’organico. «Uno schiaffo alla città», il commento dei sindacati, dato che solo la settimana precedente era stato promesso che la fabbrica avrebbe continuato a operare. Il 19 ottobre hanno occupato l’aeroporto di Genova e hanno dichiarato di essere pronti a dormirci. Poi, verso la serata, è giunta una comunicazione del ministero del Lavoro: tutto fermo almeno fino al 27 settembre, data in cui è previsto un incontro con i sindacati nazionali.

Crixi Amt, serrou e trattative co-i creditoî: oua l’omòloga in Tribunâ

L’Amt e o Commun de Zena an annonçiou d’avei serrou e trattative co-i creditoî de l’açienda pe-i accòrdi d’arrangiamento do debito. O recorso pe l’omòloga o dovieiva ëse presentou in tribunâ a-o prinçipio da settimaña che vëgne, dòppo che l’esperto Giovanni Mottura o l’avià firmou l’attestaçion do cian de recatto. O giudiçe o l’avià 30 giorni pe esprimmise, dapeu se porrià consciderâ serrâ a proçedua de compoxiçion negoçiâ da crixi, inandiâ pe garantî a continuitæ de l’açienda. E mesue de proteçion son descheite a-i 21 d’ottobre. I scindacati an avvertio: «Se o percorso o no l’arrivià a-a fin, semmo pronti à portâ a lòtta da-e töe inte ciasse».

Traduçion italiaña

Crisi Amt, chiuse le trattative con i creditori: ora l’omologa in Tribunale

Amt e il Comune di Genova hanno annunciato la conclusione delle trattative con i creditori dell’azienda per gli accordi di ristrutturazione del debito. L’istanza di omologa sarà presentata in tribunale all’inizio della prossima settimana, una volta che l’esperto Giovanni Mottura avrà firmato l’attestazione del piano di risanamento. Il giudice avrà 30 giorni di tempo per pronunciarsi, dopodiché si potrà considerare chiusa la procedura di composizione negoziata della crisi, avviata per garantire la continuità aziendale. Le misure protettive sono scadute il 21 ottobre. I sindacati hanno avvertito: «Se il percorso non giungerà a buon fine, siamo pronti a spostare la battaglia dai tavoli alle piazze».

Sandöia, scorrio o Corradi: o neuvo allenatô o l’é o Luca D’Angelo

A Sandöia a l’à scorrio l’allenatô Bernardo Corradi dòppo a desfæta à Marasci contra l’Arezzo. Pe quarche giorno o nomme primäio pe piggiâne o pòsto o paiva quello do Marco Giampaolo, ch’o l’aiva za guiddou a squaddra pe doe vòtte into passou, ma in sciâ fin a soçietæ a l’à çernuo o Luca D’Angelo, che in Liguria o l’aiva za allenou o Spezza, esperiensa finia l’anno passou co-a descheita in Serie C. «L’é stæto façile dî de scì – o l’à dito in conferensa stampa –. Pe mi a squaddra a gh’à di valoî boniscimi. A primma cösa a l’é tiâse feua d’inte sbigge».

Traduçion italiaña

Sampdoria, esonerato Corradi: il nuovo allenatore è Luca D’Angelo

La Sampdoria ha esonerato l’allenatore Bernardo Corradi dopo la sconfitta a Marassi contro l’Arezzo. Per alcuni giorni il nome in pole position per sostituirlo è sembrato essere quello di Marco Giampaolo, che aveva già guidato la squadra in due occasioni in passato, ma alla fine la società ha optato per Luca D’Angelo, che in Liguria aveva già allenato lo Spezia, esperienza terminata l’anno scorso con la retrocessione Serie C. «È stato facile dire sì – ha dichiarato in conferenza stampa –. Per me la squadra ha buonissimi valori. La priorità assoluta è toglierci dai guai»,

E notiçie da l’Italia

Violense e devastaçioin inte çittæ, o governo o l’avaa un neuvo decretto

Doî giorni de battaggia à Milan a-i 17 e 18 d’ottobre. Tanto che gh’ea e proteste contra a montâ di prexi, di zoeni incappussæ an scciappou e veddriñe, sacchezzou e buteghe e tiou de bombe contra a poliçia. Scontri anche à Turin e Bològna. S’é portou in questua 271 persoñe, i ciù tanti minoî, 14 agenti ferii, mezo mion de guasti. O governo o l’à avou un neuvo decretto Seguessa, ch’o l’instituisce o crimine de parteçipaçion violenta à unna manifestaçion e peñe fin à 12 anni pe chi addeuvia i social pe inandiâle, e o l’à mandou 500 militari à Milan. O Mattarella: «Violense che no se peu açettâ, ma ghe veu unn’analixi profonda». Se temme do neuvo remescio pe-i giorni che vëgne.

Traduçion italiaña

Violenze e devastazioni nelle città, il governo vara un nuovo decreto

Due giorni di guerriglia a Milano il 17 e 18 ottobre. Durante le proteste contro il caro vita alcuni giovani incappucciati hanno infranto vetrine, saccheggiato negozi e lanciato ordigni contro le forze dell’ordine. Scontri si sono verificati anche a Torino e Bologna. Il bilancio è di 271 persone fermate, in gran parte minorenni, 14 agenti feriti e danni per mezzo milione di euro. Il governo ha varato un nuovo decreto Sicurezza, che introduce il reato di partecipazione violenta a una manifestazione e pene fino a 12 anni per chi utilizza i social network per organizzarle, e ha inviato 500 militari a Milano. Mattarella ha commentato: «Una violenza inaccettabile, che richiede però un’analisi profonda». Si temono nuovi disordini nei prossimi giorni.

Mezogiorno bloccou da-i trasportatoî, approvou un cian d’aggiutti pe 105 mioin

Into Mezogiorno a protesta di trasportatoî pe-i carburanti caistrioxi, asciddi pesanti pe-o trafego e sganzie veue inti supermercoei. A protesta a l’é arrivâ a-o pòrto de Napoli, in sce l’Adriatico s’é fermou e barche da pesca. O governo o l’à approvou un pacchetto d’aggiutti da 105 mioin, ma o l’à çernuo ascì a duessa con denonçie e identificaçioin. I ciù tanti an ciantou lì a mobilitaçion. A Procua de Napoli a l’à averto unn’investigaçion in scê poscibile infiltraçioin mafiose. Intanto l’Eni a l’à fæto 6,4 miliardi de guägni inti primmi neuve meixi de l’anno, +70% da-o 2025.

Traduçion italiaña

Mezzogiorno bloccato dai trasportatori, approvato un piano di aiuti da 105 milioni

Nel Mezzogiorno la protesta degli autotrasportatori contro il caro carburanti, pesanti disagi alla viabilità e scaffali vuoti nei supermercati. La protesta ha raggiunto il porto di Napoli, mentre sull’Adriatico si sono fermati i pescherecci. Il governo ha approvato un pacchetto di aiuti da 105 milioni di euro, ma ha anche adottato una linea dura con denunce e identificazioni. La maggior parte ha interrotto la mobilitazione. La Procura di Napoli ha aperto un’indagine sulle possibili infiltrazioni mafiorse. Nel frattempo Eni ha registrato utili per 6,4 miliardi di euro nei primi nove mesi dell’anno, +70% rispetto al 2025.

Mòrte do David Rossi, a commiscion parlamentare: «O Mussari o l’é o mandante»

O Giuseppe Mussari, passou prescidente do Monte dei Paschi di Siena, o saieiva o mandante de l’ammassamento do David Rossi, o cappo da communicaçion da banca attrovou mòrto pe unna cheita da-o barcon a-i 6 de marso do 2013: un tentativo d’intimidaçion finio inte unna tragedia. L’é quello che dixe i atti da commiscion parlamentare d’investigaçion in sciô caxo che i primmi proçedimenti giudiçiäi aivan clascificou comme un suiçidio. O Gabriele Ceccherelli, passou calciante fiorentin, o l’é indicou comme quello ch’o l’avieiva çernuo i executoî. Tutti doî dixan che no gh’intran e annonçian de quæle.

Traduçion italiaña

Morte di David Rossi, la commissione parlamentare: «Mussari è il mandante»

Giuseppe Mussari, ex presidente del Monte dei Paschi di Siena, sarebbe il mandante dell’omicidio di David Rossi, il capo della comunicazione della banca trovato morto in seguito a una caduta da una finestra il 6 marzo 2013: un tentativo di intimidazione finito in tragedia. È quanto emerge dagli atti della commissione parlamentare d’inchiesta sul caso che i precedenti procedimenti giudiziari avevano archiviato come suicidio. Gabriele Ceccherelli, ex calciante fiorentino, viene indicato come colui che avrebbe scelto gli esecutori materiali. Entrambi negano ogni coinvolgimento e annunciano querele.

E notiçie da-o mondo

Ucraina, a Casa Gianca a l’annonçia a tregua: «Meito da Melania Trump»

A Casa Gianca a l’à annonçiou o fermæ o feugo tra Ruscia e Ucraina à Olešky, con dâne o meito a-a first lady Melania Trump. Pe quella çittæ o pappa o l’aiva ciammou di aggiutti umanitäi e de scorrî e gente. Mosca a l’à confermou che a tregua a comensià da-i 27 d’ottobre. Pe-a primma vòtta a Ruscia a no l’à refuou un incontro à trei Putin-Trump-Zelensky. «Semmo apreuvo à discutte», o l’à dito o viçeministro de l’Estranxeo Ryabkov, ma o Putin o mette in ciæo: «I territöi de l’Ucraina de levante son rusci pe-a stöia». O Trump o l’aiva dito inti giorni avanti: «Semmo ciù vexin che mai a-a fin da guæra».

Traduçion italiaña

Ucraina, la Casa Bianca annuncia una tregua: «Merito di Melania Trump»

La Casa Bianca ha annunciato il cessate il fuoco tra Russia e Ucraina a Olešky, attribuendone il merito alla first lady Melania Trump. Per quella città il papa aveva sollecitato l’invio di aiuti umanitari e l’evacuazione della popolazione. Mosca ha confermato che la tregua entrerà in vigore il 27 ottobre. Per la prima volta la Russia non ha escluso un incontro a tre tra Putin, Trump e Zelensky. «Ne stiamo discutendo», ha dichiarato il viceministro degli Esteri Ryabkov, ma Putin mette in chiaro: «I territori dell’Ucraina orientale sono storicamente russi». Nei giorni scorsi Trump aveva affermato: «Siamo più vicini che mai alla fine della guerra».

Ondâ de proteste violente in Euröpa, in Fransa creuvifeugo e proibiçioin

Torna scontri inte ciasse de tutta l’Euröpa. In Fransa devastaçioin, inçendi e sacchezzi inte çittæ. Miggiæa de persoñe fermæ à Pariggi, çentanæa de poliçiòtti ferii. O Macron o l’à impòsto o creuvifeugo inte çerte çittæ e o l’à parlou a-a naçion: «Sento da raggia e da vergheugna, semmo pronti à proibî çerte reunioin». O ministro de l’Interno Nuñez o l’à ammisso che a poliçia a l’à «perso o contròllo» e o l’à offerto e dimiscioin, refuæ però da-o prescidente. Ma e tenscioin no s’ammerman: di studenti an bloccou l’intrâ a-o Louvre e i «gipponetti giani» an annonçiou de neuve proteste.

Traduçion italiaña

Ondata di proteste violente in Europa, in Francia scattano coprifuoco e divieti

Ancora scontri nelle piazze di tutta Europa. In Francia devastazioni, incendi e saccheggi nelle città. Migliaia di persone fermate a Parigi, centinaia di agenti feriti. Macron ha imposto il coprifuoco in alcune città e si è rivolto alla nazione: «Provo rabbia e vergogna, siamo pronti a vietare alcuni assembramenti». Il ministro dell’Interno Nuñez ha ammesso che la polizia ha «perso il controllo» e ha offerto le proprie dimissioni, respinte però dal presidente. Ma le tensioni non si placano: gli studenti hanno bloccato l’ingresso al Louvre e i «gilet gialli» hanno annunciato nuove manifestazioni.

Isræle, o Netanyahu o l’annonçia unna «gròssa operaçion militare» in Cisgiordania

O primmo ministro isrælian Benjamin Netanyahu o l’à serrou a Cisgiordania e o l’à annonçiou ch’o l’é pronto à unna gròssa operaçion militare dòppo l’attentato à un pòsto de blocco vexin à Hebron, con doî sordatti ammassæ e atri doî ferii. I doî attentatoî palestineixi son stæti ammassæ ascì. «Semmo apreuvo à inandiâ unn’operaçion comme no se ne veddeiva da-i tempi da Guæra di sëi giorni do 1967 – o l’à dito o Netanyahu quattro giorni primma de eleçioin –. Ne stabiliemo noiatri o momento, ma a l’é za in cantê». O ministro da drita estremma Smotrich o l’à ciammou unna «campagna comme Gazza» pe levâ d’insemme l’Anp.

Traduçion italiaña

Israele, Netanyahu annuncia una «maxi operazione militare» in Cisgiordania

Il primo ministro israeliano Benjamin Netanyahu ha disposto la chiusura della Cisgiordania e ha annunciato di essere pronto a una vasta operazione militare, in seguito a un attentato avvenuto a un posto di blocco vicino a Hebron, nel quale due soldati sono rimasti uccisi e altri due feriti. Anche i due attentatori palestinesi sono stati uccisi. «Stiamo preparando un’operazione come non se ne vedevano dai tempi della Guerra dei sei giorni del 1967», ha dichiarato Netanyahu a quattro giorni dalle elezioni, aggiungendo: «Ne stabiliremo noi i tempi, ma è già in cantiere». Il ministro di estrema destra Smotrich ha invocato una «campagna in stile Gaza» per annientare l’Anp.