O Zinâ

Ediçion

E notiçie da-a Liguria

Stadio Ferraris, da-o Commun luxe verde pe-a conçescion a-i privæ

O Conseggio do Commun de Zena o l’à approvou a delibera pe-a constituçion do drito de superfiçie in sciô stadio Ferraris pe un mascimo de 90 anni in cangio da requalificaçion do scito. O progetto de Zena e Sandöia o saià a-a base de unna cæga pubrica ch’a saià bandia à novembre pe poei comensâ i travaggi à marso do 2027. «O stadio o l’arrestià pubrico», a l’à dito a scindica Silvia Salis, ma inta convençion gh’é scrito che o Commun o dovià pagâ se a conçescion a scazzià pe inadempimenti di privæ. Da Zena parte unna battaggia pe avei di pòsti in pê pe-i tifoxi contra a reduçion da capiensa: a scindica a l’à scrito unna lettia a-o governo e a-e instituçioin sportive pe aggiornâ a normativa.

Traduçion italiaña

Stadio Ferraris, dal Comune via libera alla concessione ai privati

Il Consiglio comunale di Genova ha approvato la delibera per la costituzione del diritto di superficie sullo stadio Ferraris per una durata massima di 90 anni, a fronte della riqualificazione dell’immobile. Il progetto di Genoa e Sampdoria costituirà la base per il bando pubblico che verrà pubblicato a novembre, con l’obiettivo di avviare i lavori nel marzo 2027. «Lo stadio rimarrà pubblico», ha dichiarato la sindaca Silvia Salis, ma nella convenzione è scritto che il Comune dovrà pagare se la concessione decadrà per inadempimenti dei privati. Da Genova parte una battaglia per introdurre posti in piedi per i tifosi contro la riduzione della capienza: la sindaca ha inviato una lettera al governo e alle istituzioni sportive per aggiornare la normativa.

Ericsson, raggia pe-i liçençiamenti: Commun e Region ciamman o Governo

À Zena a raggia di dependenti de l’Ericsson corpii da-a proçedua de liçençiamento pe 131 persoñe: «Veu dî che mandan via o 40% da fòrsa travaggio», a denonçia di scindacati. I louanti an manifestou pe-e stradde a-i Erxelli e into çentro de Zena. Pe-o momento nisciuña avertua da l’açienda. O Commun e a Region an scrito a-o Governo pe domandâ unna töa de crixi naçionale e ottegnî da l’açienda l’impegno à arrestâ à Zena e anâ avanti à investîghe, za che l’Ericsson a l’à piggiou di contributi pubrichi into passou. Pe-i giorni che vëgnan s’aspeta de neuve mobilitaçioin e unna convocaçion da-a Prefettua.

Traduçion italiaña

Ericsson, rabbia per i licenziamenti: Comune e Regione chiamano il Governo

A Genova la rabbia dei dipendenti Ericsson coinvolti nella procedura di licenziamento che riguarda 131 persone: «Significa che mandano a casa il 40% della forza lavoro», denunciano i sindacati. I lavoratori hanno manifestato a Erzelli e nel centro di Genova. Al momento nessuna apertura da parte dell’azienda. Il Comune e la Regione hanno scritto al Governo per chiedere un tavolo di crisi nazionale e ottenere dall’azienda l’impegno a restare a Genova e a continuare a investire, dato che in passato Ericsson ha beneficiato di contributi pubblici. Per i prossimi giorni si attendono nuove mobilitazioni e una convocazione da parte della Prefettura.

Assoluçion pe-o Claudio Scajola: «Emmo beseugno de giustiçia, no de perde do tempo»

O scindico d’Impëia e passou ministro Claudio Scajola o l’é stæto assòlto a-a fin do proçesso donde o l’ea accaxonou de façilitaçion verso o Antonio Maiolino, propietäio de un terren donde s’ipotizzava di abuxi ediliçi. Inte unna telefonâ o scindico o l’aiva dito a-o comandante: «Scià me mande quelli cantonê feua da-e cogge». A sentensa de primmo graddo a l’é arrivâ dòppo quattr’anni. «Se o fæto o no l’existeiva no besognava manco comensâ un proçesso – o l’à deciarou –. Emmo beseugno de giustiçia, ma no de perde do tempo. Gh’ei unn’idea de quello che l’é costou sti quattr’anni? Spero che finisce a mæ predispoxiçion à ëse delongo indagou da sto tribunâ».

Traduçion italiaña

Assoluzione per Claudio Scajola: «Abbiamo bisogno di giustizia, non di perdere tempo»

Il sindaco di Imperia ed ex ministro Claudio Scajola è stato assolto al termine del processo in cui era accusato di favoreggiamento nei confronti di Antonio Maiolino, proprietario di un terreno su cui si ipotizzavano abusi edilizi. In una telefonata, il sindaco aveva detto al comandante: «Mi mandi quei vigili fuori dai coglioni». La sentenza di primo grado è arrivata quattro anni dopo. «Se il fatto non sussisteva, non c’era nemmeno bisogno di iniziare un processo – ha dichiarato –. Abbiamo bisogno di giustizia, ma non di perdere tempo. Avete idea di quanto siano costati questi quattro anni? Spero che finisca la mia attitudine a essere costantemente indagato da questo tribunale».

E notiçie da l’Italia

O governo o l’abolisce o bollo pe-e ciù tante machine, mesua da 2,3 miliardi

O governo italian o l’à abolio o bollo pe-e machine fin à 80 kw, o 70% de quelle in gio, e pe-e möto. O decreto, za pubricou in sciâ Gazzetta offiçiâ, o tocca 4,5 mioin de vettue e o l’é finançiou con 2,3 miliardi d’euro à compensaçion de intræ che manchian a-e Regioin. «Gh’é di atri che parlan de patrimoniale, noiatri levemmo a ciù detestâ tascia in sciâ propietæ», o commento da Meloni pe-a quæ a mesua a l’é definitiva. E oppoxiçioin attaccan: «Unna maneuvra elettorale sensa vergheugna». Intanto a segretäia do Pd Elly Schlein a propoñe un confronto co-o governo in scî 14 miliardi pe-a tranxiçion energetica, ma o campo largo o freña: «No gh’é e condiçioin pe conlaborâ».

Traduçion italiaña

Il governo abolisce il bollo per la maggior parte delle auto, misura da 2,3 miliardi

Il governo italiano ha abolito il bollo per le auto fino a 80 kW, il 70% di quelle circolanti, e per le moto. Il decreto, già pubblicato in Gazzetta ufficiale, riguarda 4,5 milioni di veicoli ed è finanziato con 2,3 miliardi di euro a compensazione dei mancati introiti per le Regioni. «C’è chi parla di patrimoniale, noi eliminiamo la più odiata tassa di proprietà», commenta Meloni, per la quale la misura è definitiva. Le opposizioni attaccano: «Una manovra elettorale spudorata». Intanto, la segretaria del Pd Elly Schlein propone un confronto con il governo sui 14 miliardi destinati alla transizione energetica, ma il campo largo frena: «Non ci sono le condizioni per collaborare».

Italia pronta à mandâ a Mæña militare pe garantî o passaggio de nave

L’Italia a l’é pronta à mandâ a Mæña militare à Bab el-Mandeb, o streito controllou da-i houthi vegnuo ancon ciù importante co-o blòcco de Hormuz, pe garantî o passaggio de seu nave da mercansia, anche sensa l’Union europea. «Emmo deçiso de no aspëtâ che a miscion Aspides a deçidde», l’annonçio do ministro da Defeisa Guido Crosetto. O viçeprescidente do Conseggio Matteo Salvini o l’à incontrou i imprenditoî italien che travaggian in Ruscia e l’ambasciou Paramonov o l’à apprexou: «Un retorno a-o sæximo». O Calenda o l’à attaccou: «Un traditô da patria».

Traduçion italiaña

Italia a inviare la Marina militare per garantire il transito delle navi

L’Italia è pronta a inviare la Marina militare a Bab el-Mandeb, lo stretto controllato dagli Houthi diventato ancora più importante col blocco di Hormuz – per garantire il transito delle proprie navi mercantili, anche senza l’Unione Europea. «Abbiamo deciso di non attendere la missione Aspides per prendere una decisione», ha annunciato il ministro della Difesa Guido Crosetto. Il vicepremier Matteo Salvini ha incontrato gli imprenditori italiani attivi in ​​Russia e l’ambasciatore Paramonov ha apprezzato: «Un ritorno al buon senso». Calenda ha attaccato: «Un traditore della patria».

Un cian pe scorrî o Lotito da-a Laçio, l’investigaçion da Procua de Romma

A Procua de Romma a l’à accaxonou o prescidente e l’amministratô delegou da Banca del Fucino, o Mauro Masi e o Francesco Maiolini, de voei alterâ e quöte da soçietæ de ballon Laçio con mette in gio de notiçie fäse pe costrenze o Claudio Lotito à mollâ a propietæ. A mæxima accusa a tocca a-o passou giornalista Luigi Bisignani. Pe-i magistrati i trei òmmi, che son stæti ascì perquixii, pontavan à fâ chinâ o prexo de açioin perché o prescidente da Laçio o vendesse o seu pacchetto. Ma o Masi o s’é defeiso: «Da-a denonçia do Lotito de accuse sensa nisciun fondamento, ghe fasso unna quæla pe calunnia».

Traduçion italiaña

Un piano per cacciare Lotito dalla Lazio: l’indagine della Procura di Roma

La Procura di Roma ha accusato il presidente e l’amministratore delegato della Banca del Fucino, Mauro Masi e Francesco Maiolini, di aver tentato di alterare le quote della società calcistica Lazio diffondendo notizie false per costringere Claudio Lotito a cedere la proprietà. La stessa accusa riguarda l’ex giornalista Luigi Bisignani. Secondo i magistrati, i tre, che sono stati anche sottoposti a perquisizione, miravano ad abbassare il prezzo delle azioni per indurre il presidente della Lazio a vendere la proprio pacchetto. Masi però si è difeso: «Dalla denuncia di Lotito accuse senza fondamento, sporgerò querela per calunnia nei suoi confronti».

E notiçie da-o mondo

Tenscion inti çê de l’Euröpa, o Macron: «Respondiemo a-i attacchi da Ruscia»

A tenscion a l’arresta erta tra Euröpa e Ruscia. Doî caccia italien an abbattuo un dron ch’o l’aiva violou o spaçio d’äia da Lituania. Pe-o ministro Crosetto «l’é façile ch’o fïse ruscio». Da lì à pöchi giorni doî aeroplen rusci son intræ torna inti çê de quello Paise. In Germania un dron o l’é preçipitou vexin à unna base de l’exerçito. O prescidente franseise Macron o l’à annonçiou: «Respondiemo a-i attacchi ibridi». L’Fbi a l’à dito che i servixi segretti rusci inandian di ammassamenti inti Stati Unii e inti Paixi europëi che sostëgnan l’Ucraina. Intanto però o Pentagono o l’é apreuvo à valuâ un cian pe retiâ 25mia sordatti da l’Euröpa, un terso de quelli che gh’é. A saieiva a reduçion ciù gròssa da-i tempi da Guæra Freida.

Traduçion italiaña

Tensione nei cieli d’Europa, Macron: «Risponderemo agli attacchi della Russia»

Resta alta la tensione tra Europa e Russia. Due caccia italiani hanno abbattuto un drone che aveva violato lo spazio aereo della Lituania. Secondo il ministro Crosetto «è probabile che fosse russo». Pochi giorni dopo due velivoli russi sono nuovamente entrati nei cieli di quel Paese. In Germania un drone è precipitato nei pressi di una base militare. Il presidente francese Macron ha annunciato: «Risponderemo agli attacchi ibridi». L’Fbi ha affermato che i servizi segreti russi stanno pianificando omicidi negli Stati Uniti e nei Paesi europei che sostengono l’Ucraina. Nel frattempo però il Pentagono sta valutando un piano per ritirare 25mila soldati dall’Europa, un terzo del contingente. Si tratterebbe della più ampia riduzione dai tempi della Guerra Fredda.

I grendi de l’intelligensa artifiçiale veuan frenâ, o Trump: «Tutte böxie»

OpenAI, l’açienda che ciù de tutti a l’é anæta spedia in sciô sviluppo de l’intelligensa artifiçiale, a saieiva dispòsta à frenâ in scî scistemi ciù avansæ, se i concorrenti fïsan d’accòrdio. E Anthtropic ascì a l’avieiva domandou d’avei do giudiçio perché a tecnologia no scappe a-o contròllo uman. O prescidente american Donald Trump però o l’à criticou e «fòrse negative», o l’à parlou de «böxie» comme quelle in sciô cangiamento climatico e o l’à azzonto: «Son mi l’unico erze che gh’é de beseugno». A Ciña a l’é d’accòrdio con lê: «L’allarmiximo e a competiçion mettan solo di sappelli a-o proçesso de governo globale de l’intelligensa artifiçiale».

Traduçion italiaña

I big dell’intelligenza artificiale vogliono frenare, Trump: «Tutte bugie»

OpenAI, l’azienda che più di ogni altra ha accelerato sullo sviluppo dell’intelligenza artificiale, sarebbe disposta a frenare sui sistemi più avanzati, a patto che anche i concorrenti accettassero di farlo. Anche Anthropic auspica prudenza affinché la tecnologia non sfugga al controllo umano. Il presidente statunitense Donald Trump, tuttavia, ha duramente criticato le «forze negative», ha parlato di «bugie» come quelle sul cambiamento climatico e ha aggiunto: «Sono io l’unico argine di cui c’è bisogno». La Cina concorda con lui: «L’allarmismo e la competizione non fanno altro che ostacolare il processo di governance globale dell’intelligenza artificiale».

O pappa Lion o leva e reduçioin a-e paghe di cardinæ

O pappa Lion XIV o l’à tiou sciù torna e paghe di cardinæ. O Françesco, vegnuo primma de lê, o ê aiva taggiæ do 10% comme mesua de contegnimento dòppo a pandemia de Covid. O Prevost, incangio, o l’à abrogou a reduçioin ma co-a preçisaçion che «e instituçioin da Santa Sede e do Vatican anian avanti inte l’impegno à garantî a sostegnibilitæ econòmica». I dæti no son pubrichi, ma segondo e agençie internaçionale un cardinâ ch’o travaggia inta Curia romaña o piggia tra i 4.500 e i 5mia euro a-o meise.

Traduçion italiaña

Papa Leone revoca le riduzioni agli stipendi dei cardinali

Papa Leone XIV ha aumentato nuovamente le retribuzioni dei cardinali. Francesco, suo predecessore, le aveva tagliate del 10% come misura di contenimento dopo la pandemia di Covid. Prevost, invece, ha revocato tale riduzione, specificando tuttavia che «le istituzioni della Santa Sede e del Vaticano continueranno a impegnarsi per garantire la sostenibilità economica». Le cifre non sono pubbliche, ma secondo le agenzie internazionali un cardinale in servizio presso la Curia romana percepisce tra i 4.500 e i 5mila euro al mese.