O Zinâ

Ediçion

E notiçie da-a Liguria

Senti a verscion registrâ:

Rattella tra vexin à Santa Margaita, un òmmo ammassou à cotellæ

Ammassamento a-a seia di 19 d’agosto à Santa Margaita, inte unna palaçiña popolare de Costamezzaña. Un òmmo de 58 anni, o Sergio Frisinghelli, o l’à accotellou o Alessio Grana de 35 pe de rattelle tra vexin. Oua o l’é in prexon, accaxonou d’assascinio volontäio. Segondo a verscion contâ a-i carabinê, o Grana o saieiva vegnuo a-a pòrta e o l’avieiva çercou de piccâlo con un bacco, o Frisinghelli o l’avieiva piggiou d’inte un armäio un cotello da caccia e o l’avieiva corpio pe defendise, in sciâ fin o l’à ciammou i soccorsci. Segondo i atri condòmini a no l’ea a primma vòtta che o Grana, a vittima, o dava di problemi: conosciuo pe ëse aggrescivo, o l’ea za stæto segnalou a-e fòrse de l’ordine. O Frisinghelli, incangio, o l’ea tegnuo pe unna brava persoña: giardinê e dj, o fava o volontäio inta proteçion çivile. Ma gh’é di elementi che porrieivan contradîlo: e cotellæ son stæte doe, uña mortale a-o cheu, l’atra ciù legia a-a goa. E o sangue o no l’é stæto trovou in cà, ma in sciô ballou. Di dubbi in scî quæ i investigatoî veuan fâ ciæo.

Traduçion italiaña

Lite tra vicini a Santa Margherita, un uomo ucciso a coltellate

Omicidio la sera del 19 agosto a Santa Margherita, in una palazzina popolare di Costamezzana. Un uomo di 58 anni, Sergio Frisinghelli, ha accoltellato Alessio Grana di 35 per dissidi condominiali. Ora è in carcere, accusato di omicidio volontario. Secondo la versione raccontata ai carabinieri, Grana si sarebbe presentato alla porta e avrebbe cercato di percuoterlo con un bastone, Frisinghelli avrebbe preso da un armadio un coltello da caccia e lo avrebbe colpito per difendersi, infine ha chiamato i soccorsi. Secondo altri condomini non era la prima volta che Grana, la vittima, creava problemi: conosciuto per essere aggressivo, era già stato segnalato alle forze dell’ordine. Frisinghelli, invece, era considerato una brava persona: giardiniere e dj, faceva il volontario in protezione civile. Ma ci sono elementi che potrebbero contraddirlo: le coltellate sono state due, una mortale al cuore, l’altra più superficiale alla gola. E il sangue non è stato trovato in casa, ma sul pianerottolo. Dubbi su cui gli investigatori vogliono fare luce.

Mai coscì cado à Zena, 40 graddi e passa in Liguria. Ma da-a fin d’agosto cangia tutto

Un cado mai visto à Zena. A-i 21 d’agosto s’é marcou o neuvo record de temperatua in çittæ con 38,5 graddi registræ da-a staçion do çentro fonçionale de l’Arpal a-a Foxe. Primma o dæto ciù erto o l’ea quello di 7 d’agosto do 2015, 38,1 graddi into mæximo scito. In Liguria – e in particolâ inte l’entrotæra de Saña – s’é toccou i 41 graddi. Feua da nòrma anche e minime de neutte, che inte çerti caxi son arrestæ in scî 30 graddi. Pe boña parte da settemaña o ministëio da Sanitæ o l’à assegnou à Zena o bollin rosso ch’o veu dî condiçioin de reisego no solo pe-i ançien, i figgeu e chi gh’à de patologie, ma anche pe-e persoñe zoene e sañe. Un scenäio destinou à cangiâ areo inte l’urtima settemaña d’agosto, co-a cheita drastica de temperatue e l’arrivo de un çiclon in sciô Mediterranio ch’o pòrta de l’ægua e de tempeste.

Traduçion italiaña

Mai così caldo a Genova, oltre 40 gradi in Liguria. Ma da fine agosto cambia tutto

Un caldo mai visto a Genova. Il 21 agosto è stato segnato il nuovo record di temperatura in città con 38,5 gradi registrati dalla stazione del centro funzionale di Arpal alla Foce. Prima il dato più alto era quello del 7 agosto 2015, 38,1 gradi nello stesso luogo. In Liguria – e in particolare nell’entroterra di Savona – si sono toccati i 41 gradi. Fuori norma anche le minime notturne, che in alcuni casi sono rimaste intorno ai 30 gradi. Per buona parte della settimana il ministero della Salute ha assegnato a Genova il bollino rosso che significa condizioni di rischio non solo per gli anziani, i bambini e chi ha patologie, ma anche per le persone giovani e sane. Uno scenario destinato a cambiare completamente nell’ultima settimana di agosto, con la caduta drastica delle temperature e l’arrivo di un ciclone sul Mediterraneo che porta pioggia e temporali.

Inçendi into Ponente, 34 persoñe scorrie d’in cà

Bruxa o Ponente da Liguria. Da-i 21 d’agosto a provinsa d’Impëia a l’é devastâ da-o feugo. L’inçendio ciù gròsso inti bòschi de Çeiaña: e sciamme se son avveixinæ a-e cæ e 34 persoñe son stæte scorrie pe seguessa. Segondo e primme stimme son squæxi 300 i ettari de vegetaçion anæti in fumme. O fronte o l’ea partio da Veresso, in scî bricchi de Sanremmo. Atri doî inçendi son scciuppæ tra Taggia e Badalucco e in sciâ stradda de Pontedasce. Pöcassæ 60 tra pompê e volontäi e persoñe ch’an travaggiou pe astallâ o feugo ciù i elicòtteri e i canadair ch’an cacciou de l’ægua sensa fermâse. Un inçendio criminoso, «de seguo fæto apòsta», segondo o scindico de Çeiaña.

Traduçion italiaña

Incendi nel Ponente, 34 sfollati

Brucia il Ponente della Liguria. Dal 21 agosto la provincia di Imperia è devastata dal fuoco. L’incendio più esteso nei boschi di Ceriana: le fiamme si sono avvicinate alle case e 34 persone sono state evacuate per precauzione. Secondo le prime stime sono quasi 300 gli ettari di vegetazione andati in fumo. Il fronte era partito da Verezzo, sulle alture di Sanremo. Altri due incendi sono divampati tra Taggia e Badalucco e lungo la strada di Pontedassio. Circa 60 tra vigili del fuoco e volontari le persone che hanno lavorato per domare il fuoco più gli elicotteri e i canadair che hanno gettato acqua senza fermarsi. Un incendio doloso, «sicuramente fatto apposta», secondo il sindaco di Ceriana.

E notiçie da l’Italia

Senti a verscion registrâ:

Violensa de gruppo in sce unna figgia de 19 anni à Palermo

Sette zoeni son stæti arrestæ pe unna violensa de gruppo in sce unna figgia de 19 anni à Palermo inta neutte tra i 6 e i 7 de luggio. À repiggiâ i avvegnimenti son stæte e telecamere de guardia. Trei do gruppo son finii in prexon, un o l’ea ancon minô a-o tempo di fæti. «Gh’ò criou de ciantâla lì, ma loiatri rieivan», a l’à contou a vittima. «A l’ea d’accòrdio», an provou à defendise i indagæ. Un de loiatri o l’à comensou à cianze davanti a-o giudiçe: «Domando scusa a-a figgia e a-a seu famiggia, son tornou inderê pe aggiuttâla ma m’an dito ch’a l’aiva dæto o consenso. Me son arroinou a vitta». O garante pe-a proteçion di dæti personali o l’à arregordou e conseguense penale pe chi spandesse in gio o video. O ministro Salvini o parla torna de castraçion chimica pe-i autoî de violense. E ancon à luggio doe coxiñe de 13 anni son stæte violentæ da un gruppo de sëi figgioami inte un cabannon. L’unico grande o l’é stæto trovou e arrestou

Traduçion italiaña

Violenza di gruppo su una ragazza di 19 anni a Palermo

Sette ragazzi sono stati arrestati per una violenza di gruppo su una ragazza di 19 anni a Palermo nella notte tra il 6 e il 7 luglio. A riprendere l’accaduto sono state le telecamere di sorveglianza. Tre del gruppo sono finiti in carcere, uno era ancora minorenne all’epoca dei fatti. «Gli ho gridato di smetterla, ma loro ridevano», ha raccontato la vittima. «Era d’accordo», hanno provato a difendersi gli indagati. Uno di loro ha iniziato a piangere davanti al giudice: «Chiedo scusa alla ragazza e alla sua famiglia, sono tornato indietro per aiutarla ma mi hanno detto che era consenziente. Mi sono rovinato la vita». Il garante per la protezione dei dati personali ha ricordato le conseguenze penali per chi diffondesse il video. Il ministro Salvini parla nuovamente di castrazione chimica per gli autori di violenze. E ancora a luglio due cugine di 13 anni sono state violentate da un gruppo di sei adolescenti in un capannone. L’unico maggiorenne è stato trovato e arrestato.

«In Italia i pövei mangian megio che i ricchi», polemica in sciô ministro Lollobrigida

«In Italia gh’emmo unn’educaçion alimentare interclascista: de sovente i pövei mangian megio, perché accattan à bon patto di produti de qualitæ». Son e poule do ministro de l’Agricoltua e da Sovranitæ alimentare Francesco Lollobrigida a-o Meeting de Rimini de Comunione e Liberazione. Segondo o ministro, «inti Paixi comme i Stati Unii gh’é unna differensa soçiale tra chi à ciù dinæ e mangia megio e chi n’à ciù pöchi e accatta da röba gramma». A polemica a no s’é fæta aspëtâ. «Mi penso sorviatutto à quelli italien che fan fadiga à fâ a speisa, no gh’é manco beseugno de poule quande gh’é un governo ch’o stà in sce un atro mondo», a l’à commentou a segretäia do Pd Elly Schlein. O passou ministro Andrea Orlando o çerne l’ironia: «Beseugna fâ quarcösa pe-i ricchi che mangian mâ, meschinetti». O cappogruppo de Fratelli d’Italia a-a Camia Tommaso Foti o l’intervëgne in defeisa do Lollobrigida: «In Italia – o l’à dito – spende ciù pöco veu dî accattâ di produti de gran qualitæ sensa speise de trasformaçion e promoçion. Semmo ciù affortunæ de atre coltue alimentare».

Traduçion italiaña

«In Italia i poveri mangiano meglio dei ricchi», polemica sul ministro Lollobrigida

«In Italia abbiamo un’educazione alimentare interclassista: spesso i poveri mangiano meglio, perché comprano a buon prezzo prodotti di qualità». Sono le parole del ministro dell’Agricoltura e della Sovranità alimentare Francesco Lollobrigida al Meeting di Rimini di Comunione e Liberazione. Secondo il ministro, «nei Paesi come gli Stati Uniti c’è un divario sociale tra chi ha più soldi e mangia meglio e chi ne ha meno e acquista cibo di scarsa qualità». La polemica non s’è fatta attendere. «Io penso soprattutto a quegli italiani che fanno fatica a fare la spesa, non c’è nemmeno bisogno di parole quando c’è un governo che sta su un altro pianeta», ha commentato la segretaria del Pd Elly Schlein. L’ex ministro Andrea Orlando sceglie l’ironia: «Bisogna fare qualcosa per i ricchi che mangiano male, poveretti». Il capogruppo di Fratelli d’Italia alla Camera Tomaso Foti interviene in difesa di Lollobrigida: «In Italia – ha detto – spendere meno significa comprare prodotti di alta qualità senza spese di trasformazione e promozione. Siamo più fortunati di altre culture alimentari».

Addio a-o Toto Cutugno, un scimbolo da canson italiaña into mondo

O l’é stæto un di ciù ammæ in patria, ma anche un scimbolo da canson italiaña à l’estranxeo graçie à L’italiano, o seu tòcco ciù avvoxou. A-i 22 d’agosto, à l’etæ d’80 anni, se n’é anæto o Toto Cotugno. O l’ea recoverou à Milan pe-o pezoamento de unna longa moutia. Cantautô, compoxitô e conduttô televixivo, o l’ea cresciuo a-a Spezza, figgio de un sottofiçiâ da Mæña siçilian. O l’aiva marcou chinze parteçipaçioin a-o Festival de Sanremmo con unna stòrica exibiçion co-o Ray Charles do 1990. A-o morteuio à Milan unna gexa gremenia de gente: tra i cantanti vegnui à saluâlo gh’ea o Gianni Morandi e o Pupo.

Traduçion italiaña

Addio a Toto Cutugno, un simbolo della canzone italiana nel mondo

È stato uno dei più amati in patria, ma anche un simbolo della canzone italiana all’estero grazie a L’italiano, il suo brano più famoso. Il 22 agosto, all’età di 80 anni, si è spento Toto Cutugno. Era ricoverato a Milano per l’aggravarsi di una lunga malattia. Cantautore, compositore e conduttore televisivo, era cresciuto alla Spezia, figlio di un sottufficiale della Marina siciliano. Aveva all’attivo quindici partecipazioni al Festival di Sanremo con una storica esibizione con Ray Charles nel 1990. Al funerale a Milano una chiesa gremita di gente: tra i cantanti venuti a salutarlo c’erano Gianni Morandi e Pupo.

E notiçie da-o mondo

Senti a verscion registrâ:

Ruscia, preçipitou un airoplan da Wagner: dæto pe mòrto o Prigozhin

O Yevgeny Prigozhin, cappo do Gruppo Wagner ch’o l’aiva tentou o corpo de Stato in Ruscia, o saieiva mòrto a-i 23 d’agosto, ascì che no gh’é ancon de conferme offiçiæ. L’é tòsto seguo ch’o fïse in sce un airoplan privou ch’o l’é cheito tra Mosca e San Peterburgo. À bòrdo gh’ea dexe persoñe, tutte ligæ a-a miliçia e tutte mòrte into creppo. «O l’é stæto ammassou da-i treitoî da Ruscia», l’é stæto scrito in sciô canâ Telegram vexin a-a Wagner. Ma un segondo airoplan da Wagner o l’é atterrou à Mosca e segondo çerte fonte o Prigozhin o porrieiva ëse stæto lì adòsso. «O l’ea un òmmo da-o destin diffiçile ma de talento», o l’à dito o Putin con garantî unn’investigaçion. «Noiatri no gh’emmo ninte da fâ, ô san tutti chi l’é o responsabile», o l’à commentou o Zelensky. «No fæ de sciollaie», l’appello da Wagner a-i seu merçenäi.

Traduçion italiaña

Russia, precipitato un aereo della Wagner: dato per morto Prigozhin

Yevgeny Prigozhin, capo del Gruppo Wagner che aveva tentato il colpo di Stato in Russia, sarebbe morto il 23 agosto, anche se non ci sono ancora conferme ufficiali. È pressoché certo che fosse su un aereo privato che è precipitato tra Mosca e San Pietroburgo. A bordo c’erano dieci persone, tutte legate alla milizia e tutte morte nello schianto. «È stato ammazzato dai traditori della Russia», è stato scritto sul canale Telegram vicino alla Wagner. Ma un secondo aereo della Wagner è atterrato a Mosca e secondo alcune fonti Prigozhin potrebbe essere stato lì sopra. «Era un uomo dal destino difficile ma di talento», ha detto Putin garantendo un’indagine. «Noi non c’entriamo nulla, lo sanno tutti chi è il responsabile», ha commentato Zelensky. «No fate stupidaggini», l’appello della Wagner ai suoi mercenari.

O Trump o se consegna in prexon, primma föto segnaletica de un prescidente american

O passou prescidente di Stati Unii Donald Trump o l’é anæto à consegnâse inta prexon d’Atlanta dòppo avei reçevuo a quarta incriminaçion, quella pe avei çercou d’inversâ l’exito de eleçioin in Georgia. O Trump o l’é stæto arrestou con 13 imputaçioin e o l’é sciortio da lì à vinti menuti co-a fotografia segnaletica, a primma inta stöia co-a faccia de un prescidente american. «N’ò fæto ninte de mâ, o l’é un giorno ben ben triste pe l’America. Quello ch’o l’é avvegnuo o l’é unna parodia da giustiçia», o l’à dito primma de partî torna co-o seu jet.

Traduçion italiaña

Trump si consegna in carcere, prima foto segnaletica di un presidente americano

L’ex presidente degli Stati Uniti Donald Trump è andato a consegnarsi nel carcere di Atlanta dopo aver ricevuto la quarta incriminazione, quella per aver cercato di sovvertire l’esito delle elezioni in Georgia. Trump è stato arrestato con 13 imputazioni ed è uscito dopo venti minuti con la fotografia segnaletica, la prima nella storia col volto di un presidente americano. «Non ho fatto niente di male, è un giorno molto triste per l’America. Quello che è successo è una parodia della giustizia», ha detto prima di ripartire col suo jet.

Anche l’India a va in sciâ Luña, a neuva miscion a l’é arriëscia

L’India a l’é o quarto Paise a-o mondo, dòppo l’Union Sovietica, i Stati Unii e a Ciña, à mette i pê in sciâ Luña. O l’é l’exito poxitivo da miscion Chandrayaan-3: o veicolo spaçiale, lansou a-i 14 de luggio passæ, o l’é introu in òrbita a-i 5 d’agosto e o l’à toccou o seu do satellite a-i 23 d’agosto. Unna deschinâ legia, arriëscia a-a perfeçion, ch’a permette de realizzâ un seunno accæzou pe di anni. «Un giorno stòrico», l’à definio o prescidente indian Narendra Modi. Pöchi giorni avanti l’ea fallio a miscion da Ruscia e à pesâ gh’ea ascì o brutto regòrdo da Chandrayaan-2 ch’a l’ea preçipitâ do 2019.

Traduçion italiaña

Anche l’India va sulla Luna, la nuova missione è riuscita

L’India è il quarto Paese al mondo, dopo l’Unione Sovietica, gli Stati Uniti e la Cina, a mettere piede sulla Luna. È l’esito positivo della missione Chandrayaan-3: il veicolo speciale, lanciato il 14 agosto scorso, è entrato in orbita il 5 agosto e ha toccato il suolo del satellite il 23 agosto. Una discesa morbida, riuscita alla perfezione, che permette di realizzare un sogno accarezzato per anni. «Un giorno storico», lo ha definito il presidente indiano Narendra Modi. Pochi giorni prima era fallita la missione della Russia e a pesare c’era anche il brutto ricordo della Chandrayaan-2 che era precipitata nel 2019.