O Zinâ

Ediçion

E notiçie da-a Liguria

Senti a verscion registrâ:

Saña contra o regazzificatô, o Toti contestou: «Poie sensa fondamento»

Tenscion ancon erta à Saña e in Rivea donde s’allarga a protesta contra o progetto pe mette un regazzificatô à l’amâ. Inta 16mia an parteçipou a-a cadeña umaña in sciâ mæña da Saña à Spötorno a-i 10 de settembre. L’Union di industriali a l’à domandou de çerne un scito ciù lontan pe-a nave Golar Tundra e a l’à parlou de «ponti critichi» pe l’interferensa co-e atre attivitæ econòmiche, mascime pe-i aberghi. «No stemmo à insciâ de poie sensa fondamento», a respòsta do Giovanni Toti ch’o l’é stæto contestou con de offeise e di scigoi à Saña da un çentanâ de persoñe a-o crio de «defendemmo o nòstro mâ». «No son mi à autorizzâlo, gh’é unna proçedua ambientale e de seguessa ch’a tia drento 53 enti – o l’à dito torna o prescidente da Region e commissäio de governo –. Chi va avanti à dî o conträio ô fa co-a maiçia de unna politica ch’a veu bloccâ sto Paise». Intanto o scindico Marco Russo con unna nòtta o l’à domandou a-o Toti de fermâse e de sospende i termini da prattica.

Traduçion italiaña

Rigassificatore, Toti contestato a Savona: «Paure senza fondamento»

Tensione ancora alta a Savona e in Riviera dove si allarga la protesta contro il progetto per collocare un rigassificatore al largo. In 16mila hanno partecipato alla catena umana sulla spiaggia da Savona a Spotorno il 10 settembre. L’Unione degli industriali ha chiesto di scegliere un sito più lontano per la nave Golar Tundra e ha parlato di «criticità» per l’interferenza con le altre attività economiche, soprattutto per gli alberghi. «Non alimentiamo paure senza fondamento», la risposta di Toti che è stato contestato con insulti e fischi a Savona da un centinaio di persone al grido di «difendiamo il nostro mare». «Non sono io ad autorizzarlo, c’è una procedura ambientale e di sicurezza che coinvolge 53 enti – ha ribadito il presidente della Regione e commissario di governo –. Chi continua a dire il contrario lo fa con la malizia di una politica che vuole bloccare questo Paese». Intanto il sindaco Marco Russo con una nota ha chiesto a Toti di fermarsi e di sospendere i termini della pratica.

Ponte Morandi, a Region e o Commun veuan i danni

L’é comensou torna à Zena o proçesso pe-o deruo do ponte Morandi. Tra chi se constituio parte çivile gh’é ascì a Region Liguria, representâ da-o viçedirettô generale da prescidensa Iacopo Avegno, ch’o l’à parlou de un «grave danno à l’imagine» e do «danno morale che tutti i liguri an patio». A Liguria, contesta l’ente, a l’é stæta perçepia comme «unna region in roiña, imposcibile da arrivâghe, donde l’ea fiña arreisegou anâ in vacansa» e pe questo a veu unna refæta. Mæxima poxiçion quella do Commun de Zena. Intanto a Maria Lucia Conti, unna passâ dirigente do ministëio di Trasporti, a l’à dito che un òrgano tecnico o poeiva prescrive unna limitaçion de trafego in sciô ponte dæto che a relaçion a remarcava a condiçion no guæi boña di cavi di stralli.

Traduçion italiaña

Ponte Morandi, Regione e Comune vogliono i danni

È ricominciato a Genova il processo per il crollo di ponte Morandi. Tra chi si è costituito parte civile c’è anche la Regione Liguria, rappresentata dal vicedirettore generale della presidenza Iacopo Avegno, che ha parlato di un «grave danno all’immagine» e del «danno morale che tutti i liguri hanno sofferto». La Liguria, contesta l’ente, è stata percepita come «una regione allo sfascio, irraggiungibile, dove era addirittura pericoloso andare in vacanza» e per questo vuole un risarcimento. Stessa posizione quella del Comune di Genova. Intanto Maria Lucia Conti, un’ex dirigente del ministero dei Trasporti, ha detto che un organo tecnico poteva prescrivere una limitazione di traffico sul ponte dato che la relazione evidenziava lo stato non molto buono dei cavi degli stralli.

O Santori o confronta o pesto co-a caneva, polemiche in Liguria

Polemiche in Liguria pe-e poule do Mattia Santori, o fondatô do movimento de Sardeñe e ancheu conseggê in Commun à Bològna pe-o Pd, ch’o l’à portou in salla unn’arbanella de pesto e uña de cannabidiölo, a sostansa chimica presente inta caneva, pe protestâ contra o decreto do governo Meloni ch’o â clascifica comme unna dröga. «Tutti doî – o l’à dito o Santori – contëgnan di reiseghi pe-a sanitæ». Prexempio o pesto, o l’à azzonto, «o peu contegnî de fregogge de fruta co-a sguscia, che pe-i allergichi a peu ëse mortale». E tutti doî, o l’é anæto avanti, «peuan fâ ben: o pesto perché o fa parte de unna dieta equilibrâ e a caneva pe-i seu effetti analgexichi, antinsciammatöi e antiepilettichi». «Mangiæ ciù pesto e fæve ciù pöche canne», o l’à commentou o Toti. A Lega a l’à annonçiou ch’a ciammià i danni d’imagine, Fratelli d’Italia o l’à domandou a-o Pd de piggiâ e distanse.

Traduçion italiaña

Santori paragona il pesto e la cannabis, polemiche in Liguria

Polemiche in Liguria per le parole di Mattia Santori, il fondatore del movimento delle Sardine e oggi consigliere comunale a Bologna per il Pd, che ha portato in aula un barattolo di pesto e uno di cannabidiolo, la sostanza chimica presente nella cannabis, per protestare contro il decreto del governo Meloni che la classifica come una droga. «Entrambi – ha detto Santori – contengono rischi per la salute». Per esempio il pesto, ha aggiunto, «può contenere tracce di frutta col guscio, che per gli allergici può essere mortale». Ed entrambi, ha continuato, «possono fare bene: il pesto perché fa parte di una dieta equilibrata e la cannabis per i suoi effetti analgesici, antinfiammatori e antiepilettici». «Mangiate più pesto e fatevi meno canne», ha commentato Toti. La Lega ha annunciato che chiederà i danni d’immagine, Fratelli d’Italia ha chiesto al Pd di prendere le distanze.

E notiçie da l’Italia

Senti a verscion registrâ:

Migranti, Lampedusa into ravaxo. I atri Paixi særan e pòrte

Gran ravaxo à Lampedusa, donde l’é desbarcou çentanæa de migranti inte pöchi giorni, fin à 7mia quelli stivæ inte l’hotspot de l’isoa. Tantiscime persoñe in fia pe lasciâ o meu, proteste e tenscioin co-a poliçia ch’a l’à giaminou pe çercâ de contegnîle. O Commun o l’à deciarou o stato d’emergensa. «Chì a l’é a fin do mondo, no s’arriësce à portâ via a rumenta», l’allarme do parreco. Pöcassæ 2.500 migranti son stæti stramuæ, ma i arrivi no s’afferman. O Governo o ciamma l’aggiutto de l’Union Europea pe trovâ unna soluçion, appello scompartio da-e Naçioin Unie ascì. Intanto però a Fransa e l’Austria annonçian di rinfòrsi a-i confin con l’Italia pe contrastâ e intræ grandestiñe e a Germania a særa o reçevimento con sospende o mecaniximo de solidarietæ.

Traduçion italiaña

Migranti, Lampedusa nel caos. Gli altri Paesi chiudono le porte

Caos totale a Lampedusa, dove sono sbarcati centinaia di migranti in pochi giorni, fino a 7 mila quelli ammassati nell’hotspot dell’isola. Tantissime persone in fila per lasciare il molo, proteste e tensioni con la polizia che ha faticato per cercare di contenerle. Il Comune ha dichiarato lo stato d’emergenza. «Qui è l’apocalisse, non si riesce a smaltire la spazzatura», l’allarme del parroco. Circa 2.500 migranti sono stati trasferiti, ma gli arrivi non si fermano. Il Governo invoca l’aiuto dell’Unione Europea per trovare una soluzione, appello condiviso anche dalle Nazioni Unite. Intanto però la Francia e l’Austria annunciano rinforzi ai confini con l’Italia per contrastare gli ingressi clandestini e la Germania chiude l’accoglienza sospendendo il meccanismo di solidarietà.

Mòrti in sciô travaggio, çinque vittime inte un giorno

Çinque mòrti in sciô travaggio in Italia inte ciù pöco che 24 oe a-i 14 de settembre. À Arzano, vexin à Napoli, un operäio de 44 anni o l’é preçipitou pe 10 metri tanto ch’o montava di pannelli fotovoltaichi. À Bològna un operäio stradale de 52 anni ch’o l’ea apreuvo à louâ in sciâ pista de l’airopòrto Marconi o l’é stæto sciaccou da un mezzo da seu dita. Torna à Napoli, un operäio de 66 anni de l’Asia, l’açienda da rumenta, o l’é stæto investio da un camio inte un depòxito. À Salerno un marittimo de 29 anni o l’é stæto misso sotta da un camio into garaxe de unna nave, o seu collega o l’é arrestou gravemente ferio. In sciâ fin, in provinsa de Treviso, un enòlogo de 47 anni o l’é cheito inte unna giusterna de vin apreuvo à un patî caxonou da-e esalaçioin de gazzo. E solo un giorno avanti atri trei operäi ean mòrti inte unna fabrica de povie da scceuppo à Casalbordino, in provinsa de Chieti. I dæti de l’Inail astimman trei mòrti a-o giorno inte tutto o Paise pe di açidenti in sciô travaggio.

Traduçion italiaña

Morti sul lavoro, cinque vittime in un giorno

Cinque morti sul lavoro in Italia in meno di 24 ore il 14 settembre. Ad Arzano, vicino a Napoli, un operaio di 44 anni è precipitato per 10 metri mentre montava pannelli fotovoltaici. A Bologna un operaio stradale di 52 anni che stava lavorando sulla pista dell’aeroporto Marconi è stato schiacciato da un mezzo della sua ditta. Ancora a Napoli, un operaio 66enne dell’Asia, l’azienda dei rifiuti, è stato investito da un camion in un deposito. A Salerno un marittimo di 29 anni è stato travolto da un camion nel garage di una nave, il suo collega è rimasto gravemente ferito. Infine, in provincia di Treviso, un enologo di 47 anni è caduto in una cisterna di vino dopo un malore causato dalle esalazioni gassose. E solo un giorno prima altri tre operai erano morti in una fabbrica di polvere da sparo a Casalbordino, in provincia di Chieti. I dati dell’Inail stimano tre morti al giorno in tutto il Paese per infortuni sul lavoro.

Covid, un studio o descreuve o ligammo co-i geni de Neanderthal

Saieiva dovuo a-i geni de l’òmmo de Neanderthal a ciù erta diffuxon do Covid inta valle Seriaña, into Bergamasco, un di sciti ch’an registrou ciù vittime inta segonda ondâ. À descrovîlo o l’é un studio de l’instituto Mario Negri pubricou in sciâ revista iScience. Segondo i esperti, unna vòtta sti geni protezeivan da-e infeçioin, oua incangio n’espoñan à unna moutia ciù pesante pe caxon de unna respòsta inmunitäia tròppo fòrte. A-o studio l’à parteçipou squæxi 10mila abitanti de Bergamo e provinsa ch’an impio un questionäio in sciâ seu stöia clinica e de famiggia. Quelli che s’aivan piggiou o Covid in forma grave l’ea ciù bon ch’avessan di pænti de primmo graddo mòrti pe-o mæximo virus, un dæto ch’o conferma o ròllo da genetica inte l’evoluçion da moutia.

Traduçion italiaña

Covid, uno studio rivela il legame coi geni di Neanderthal

Sarebbe dovuta ai geni dell’uomo di Neanderthal la maggiore diffusione del Covid nella valle Seriana, nel Bergamasco, una delle zone che hanno registrato più vittime durante la seconda ondata. A rivelarlo è uno studio dell’istituto Mario Negri pubblicato sulla rivista iScience. Secondo gli esperti, una volta questi geni proteggevano dalle infezioni, ora invece ci espongono a una malattia più severa a causa di una risposta infiammatoria eccessiva. Allo studio hanno partecipato quasi 10mila abitanti di Bergamo e provincia che hanno compilato un questionario sulla loro storia clinica e familiare. Per coloro che hanno contratto il Covid in forma grave era più probabile avere parenti di primo grado morti per lo stesso virus, un dato che conferma il ruolo della genetica nell’evoluzione della malattia.

E notiçie da-o mondo

Senti a verscion registrâ:

Inondaçioin in Libia e tæramòtto in Maròcco: miggiæa de vittime

A-o manco 11mia persoñe son mòrte inte unna devastante inondaçion ch’a l’à corpio a çittæ de Derna, in Libia, segondo l’urtimo conto da Mezaluña Rossa. Atre 10mia son ancon desperse. Segondo l’Unicef son 300mia i figgeu corpii da-a catastrofe e à fâ poia l’é ascì o reisego che se beive de l’ægua atteuscegâ. Dexeñe de miggiæa i abitanti scorrii d’in cà. Delongo in Africa son squæxi 3mila e vittime caxonæ da-o fortiscimo tæramòtto in Maròcco, i ferii son doe vòtte tanto. O scrollon de 7 graddi Richter o l’à corpio unna zöna à 70 chillòmetri da Marrakesh e o l’à destruto di paixi intreghi. In scî monti de l’Atlante, pe trovâ de gente ancon vive tanto che a tæra a va avanti à tremoâ, se scava fiña co-e moen nue, za che i soccorsci no riëscian à arrivâ.

Traduçion italiaña

Inondazioni in Libia e terremoto in Marocco: migliaia di vittime

Almeno 11mila persone sono morte in una devastante inondazione che ha colpito la città di Derna, in Libia, secondo l’ultimo bilancio della Mezzaluna Rossa. Altri 10mila sono ancora dispersi. Secondo l’Unicef sono 300mila i bambini colpiti dalla catastrofe e a far paura è anche il rischio che si beva acqua contaminata. Decine di migliaia gli abitanti sfollati. Sempre in Africa sono quasi 3mila le vittime causate dal fortissimo terremoto in Marocco, i feriti sono il doppio. La scossa di magnitudo 7 sulla scala Richter ha colpito una zona a 70 chilometri da Marrakesh e ha distrutto interi villaggi. Sui monti dell’Atlante, per trovare sopravvissuti mentre la terra continua a tremare, si scava persino con le mani nude, poiché i soccorsi non riescono ad arrivare.

O Kim Jong-Un o vixita o Putin in Ruscia: «Mosca a guägnià a guæra»

O Kim Jong-Un, o cappo mascimo da Corea do Nòrd, o l’é anæto in Ruscia co-o seu treno blindou pe fâ vixita a-o prescidente Vladimir Putin. I doî se son incontræ pe doe oe into cosmòdromo de Vostočnyj, un scito donde se monta insemme di lansatoî addeuviæ in guæra. «L’eròico exerçito ruscio – o l’à dito o Kim – o l’ottegnià unna gran vittöia in Ucraina, unna lòtta sacra pe punî a streuppa do mâ». O Putin o l’à annonçiou che Mosca a daià unna man à Pyongyang pe produe di satelliti, o l’à parlou de poscibile conlaboraçioin in campo militare tra-i doî Paixi e o l’à açettou l’invito à vixitâ a Corea do Nòrd, ascì ch’o no l’à dito quande o gh’anià.

Traduçion italiaña

Kim Jong-Un visita Putin in Russia: «Mosca vincerà la guerra»

Kim Jong-Un, leader supremo della Corea del Nord, è andato in Russia col suo treno blindato per far visita al presidente Vladimir Putin. I due si sono incontrati per due ore nel cosmodromo di Vostočnyj, un sito dove si assemblano lanciatori usati in guerra. «L’eroico esercito russo – ha detto Kim – otterrà una grande vittoria in Ucraina, una lotta sacra per punire l’accozzaglia del male». Putin ha annunciato che Mosca darà una mano a Pyongyang per produrre satelliti, ha parlato di possibili collaborazioni in campo militare tra i due Paesi e ha accettato l’invito a visitare la Corea del Nord, anche se non ha detto quando ci andrà.

A Bce a tia sciù torna i tasci: 4,5%, mai coscì erti da quande gh’é l’euro

Ennexima montâ di tasci d’interesse da parte da Banca çentrale europea: ancon un quarto de ponto in azzonta pe arrivâ a-o 4,5%, a varsciua ciù erta da quande gh’é l’euro. «I tasci oua son à un livello ch’o l’assegua o fin», commenta a Bce. L’inflaçion a chiña ma, segondo i economisti, a l’arrestià ancon tròppo erta pe tròppo tempo. Corpa sorviatutto di prexi de l’energia che d’agosto son torna montæ. Gh’é de bon che, pe-a primma vòtta da dexe meixi in sà, o Conseggio direttivo o dixe che porriëscimo ëse arrivæ a-o mascimo di tasci. Unna politica ch’a se tia adòsso e critiche de ciù governi, compreiso quello italian, tanto che a Germania a l’é za in reçescioin e l’Olanda a l’é in sciâ mæxima stradda.

Traduçion italiaña

La Bce alza ancora i tassi: 4,5%, mai così alti da quando c’è l’euro

Ennesimo rialzo dei tassi d’interesse da parte della Banca centrale europea: ancora un quarto di punto in aggiunta per arrivare al 4,5%, il valore più alto da quando c’è l’euro. «I tassi ora sono a un livello che assicura l’obiettivo», commenta la Bce. L’inflazione scende ma, secondo gli economisti, resterà ancora troppo alta per troppo tempo. Colpa soprattutto dei prezzi dell’energia che ad agosto sono nuovamente saliti. L’aspetto positivo è che, per la prima volta da dieci mesi a questa parte, il Consiglio direttivo dice che potremmo essere arrivati al massimo dei tassi. Una politica che si attrae le critiche di più governi, compreso quello italiano, mentre la Germania è già in recessione e l’Olanda è sulla stessa strada.