O Zinâ

Ediçion

E notiçie da-a Liguria

Senti a verscion registrâ:

Salon Nautico de Zena, cresce i vixitatoî insemme a-i numei do settô

O Salon Nautico de Zena o l’à serrou con 118mia vixitatoî e passa, squæxi 14% in ciù che l’anno passou. Son i numei dæti a-a fin de l’ediçion 63, a primma co-i neuvi canæ do Waterfront, ch’a l’à visto a presensa da prescidente do Conseggio Giorgia Meloni e ben sette ministri do seu governo. L’anno che vëgne l’appontamento o saià da-i 19 a-i 24 de settembre. O settô da nautica in Italia o se conferma o primmo a-o mondo pe-a varsciua de esportaçioin, 3 miliardi e mezo, co-e vendie che crescian do 20% in sciô 2022 e arrivan à 7,33 miliardi. L’intençion a l’é quella de vegnî i megio de tutti anche pe-o salon, sciben che a mancansa d’infrastruttue pe arrivâ a-a spedia in çittæ a l’é sentia delongo comme un problema. In ponto viabilitæ o scindico Marco Bucci o l’à dæto un giudiçio poxitivo in sciâ gestion do trafego a-a Foxe e o l’à confermou che inte l’avvegnî corso Marconi o l’avià solo che unn’andania.

Traduçion italiaña

Salone Nautico di Genova, crescono i visitatori insieme ai numeri del settore

Il Salone Nautico di Genova ha chiuso con oltre 118mila visitatori, quasi il 14% in più dell’anno scorso. Sono i numeri forniti alla fine della 63esima edizione, la prima coi nuovi canali del Waterfront, che ha visto la presenza della presidente del Consiglio Giorgia Meloni e ben sette ministri del suo governo. L’anno prossimo l’appuntamento sarà dal 19 al 24 settembre. Il settore della nautica in Italia si conferma primo nel mondo per il valore delle esportazioni, 3 miliardi e mezzo, con le vendite che crescono del 20% sul 2022 e arrivano a 7,33 miliardi. L’obiettivo è quello di conquistare il primato anche per il salone, nonostante la mancanza di infrastrutture per arrivare rapidamente in città sia avvertita sempre come un problema. In tema di viabilità il sindaco Marco Bucci ha espresso un giudizio positivo sulla gestione del traffico alla Foce e ha confermato che in futuro corso Marconi avrà una sola corsia.

Regazzificatô, a protesta a scceuppa à Zena. Rattella Toti-Calenda

A l’é desbarcâ à Zena a protesta contra o regazzificatô à 3 chillòmetri da-a riva de Saña. A-i 25 de settembre çentanæa de persoñe an manifestou davanti a-o conseggio regionale e dapeu in ciassa De Ferræ a-o crio de «defendemmo o nòstro mâ». Intanto l’assemblea a l’à refuou unna resoluçion da minoransa ch’a l’impegnava o prescidente Toti e a zonta à esprimmise contra o progetto e à domandâ a-o Governo a sospenscion do cammin pe l’autorizzaçion. Incangio l’é stæto approvou un ordine do giorno da maggioransa ch’o parla in genere de «travaggi d’accompagnamento pe infrastruttue e progetti de valorizzaçion do territöio savoneise». O cappogruppo da Lega Stefano Mai o l’à retiou o seu papê ch’o speçificava a-o manco un miliardo d’euro pe-e compensaçioin. Inti giorni apreuvo s’é averto o scontro tra-o Calenda e o Toti. «Perché se veu levâ o regazzificatô da Piombino – se domanda o cappo de Azione –? A veitæ a l’é che a Meloni a veu sostegnî o seu scindico e o Toti o veu o terso incarrego». «O l’é lê ch’o cangia d’idea pe aggiuttâ doî conseggê – a respòsta do prescidente –. A Liguria a l’é o scimbolo do seu fallimento».

Traduçion italiaña

Rigassificatore, la protesta scoppia a Genova. Lite Toti-Calenda

È sbarcata a Genova la protesta contro il rigassificatore a 3 chilometri dalla costa di Savona. Il 25 settembre centinaia di persone hanno manifestato davanti al consiglio regionale e poi in piazza De Ferrari al grido di «difendiamo il nostro mare». Intanto l’assemblea ha respinto una risoluzione della minoranza che impegnava il presidente Toti e la giunta a esprimersi contro il progetto e a chiedere al Governo la sospensione dell’iter autorizzativo. Invece è stato approvato un ordine del giorno della maggioranza che parla in genere di «opere di accompagnamento per infrastrutture e progetti di valorizzazione del territorio savonese». Il capogruppo della Lega Stefano Mai ha ritirato il suo documento che specificava almeno un miliardo di euro per le compensazioni. Nei giorni seguenti si è aperto lo scontro tra Calenda e Toti. «Perché si vuole spostare il rigassificatore da Piombino – si domanda il leader di Azione –? La verità è che Meloni vuole favorire il suo sindaco e Toti vuole il terzo mandato». «È lui che cambia idea per aiutare due consiglieri – la risposta del presidente –. La Liguria è il simbolo del suo fallimento».

Portofin, o scindico Viacava indagou pe contrafaçion

O scindico de Portofin, o Matteo Viacava, o l’é indagou da-a Procua de Zena pe contrafaçion apreuvo ch’o l’à misso in vendia inta seu butega da tabaccante de borse de marche ciù avvoxæ ma fäse. Tutto o l’é partio da un articolo do Fatto Quotidiano pubricou inti giorni passæ. A Guardia di finansa a s’é presentâ inta butega e a l’à trovou 90 pessi ch’ean de imitaçioin. O Viacava, ch’o l’é o representante legale do stanco e o titolare da liçensa da-o 2005, o s’ea defeiso con parlâ de un attacco politico pe-a deçixon d’intitolâ unna stradda a-o Silvio Berlusconi. Pe-o momento o l’é l’unico indagou ma l’investigaçion a porrieiva spandise ascì a-i gestoî da butega e fiña a-i cantonê che parchezzavan e machine pròpio davanti a-e veddriñe.

Traduçion italiaña

Portofino, il sindaco Viacava indagato per contraffazione

Il sindaco di Portofino, Matteo Viacava, è indagato dalla Procura di Genova per contraffazione dopo aver messo in vendita nella sua tabaccheria borse delle marche più note ma false. Tutto è partito da un articolo del Fatto Quotidiano pubblicato negli scorsi giorni. La Guardia di finanza si è presentata nel negozio e ha trovato 90 capi taroccati. Viacava, che è il rappresentante legale della tabaccheria e titolare della licenza dal 2005, si era difeso parlando di attacco politico per la decisione di intitolare una strada a Silvio Berlusconi. Al momento è l’unico indagato ma l’inchiesta potrebbe estendersi anche ai gestori dell’attività e perfino ai vigili che parcheggiavano le auto proprio davanti alle vetrine.

E notiçie da l’Italia

Senti a verscion registrâ:

Migranti, governo ciù duo co-i minoî. Tenscion co-a Germania in scê Ong

Contròlli sanitäi ciù spedii pe açertâ l’etæ di migranti che se dixan minoî, ciù façile cacciâ feua chi à un permisso de soggiorno de longo periodo «pe raxoin grave d’ordine pubrico e seguessa do Stato». Son e novitæ prinçipæ contegnue into neuvo decreto avou da-o governo Meloni. Intanto se tarda à trovâ unn’inteisa à livello europeo: dòppo a firma do cançellê todesco Olaf Scholz, a l’é stæta l’Italia ch’a l’à domandou ciù tempo pe mesuâ o neuvo compromisso. Pròpio co-a Germania s’é registrou de tenscioin: apreuvo a-a notiçia di finançiamenti de Berlin a-e Ong, da Palaçio Chigi l’é strasuou da «sorpreisa» pe-e sette nave con bandea todesca che navegavan into Mediterraneo quande s’ea ancon apreuvo à negoçiâ in sciô patto. «Cöse gh’é derê? Quarchedun veu impedî un accòrdio? A l’é unna cösa ch’a no fonçioña», o l’à dito o ministro de l’Estranxeo Antonio Tajani.

Traduçion italiaña

Migranti, governo più duro coi minori. Tensione con la Germania sulle Ong

Controlli sanitari più rapidi per accertare l’età dei migranti che si dichiarano minorenni, più facile espellere chi ha un permesso di soggiorno di lungo periodo «per gravi ragioni di ordine pubblico e sicurezza dello Stato». Sono le principali novità contenute nel nuovo decreto varato dal governo Meloni. Intanto si tarda a trovare un’intesa a livello europeo: dopo la firma del cancelliere tedesco Olaf Scholz, è stata l’Italia a chiedere più tempo per valutare il nuovo compromesso. Proprio con la Germania si sono registrate tensioni: dopo la notizia dei finanziamenti di Berlino alle Ong, da Palazzo Chigi è trapelata «sorpresa» per le sette navi con bandiera tedesca che navigavano nel Mediterraneo quando erano ancora in corso le trattative sul patto. «Cosa c’è dietro? Qualcuno vuole impedire un accordo? È una cosa che non funziona», ha detto il ministro degli Esteri Antonio Tajani.

Strage in famiggia à Lusciandria: o l’ammassâ o figgio, a moggê e a seuxoa

Un òmmo de 67 anni, o Martino Benzi, o l’à ammassou a moggê, o figgio e a seuxoa avanti de levâse a vitta. A strage in famiggia a s’é consummâ à Lusciandria a-i 27 de settembre. O primmo allarme o l’é partio into giardin de un retio pe-i ançien donde a Carla Schiffo, de 78 anni, a l’é stæta attrovâ mòrta insemme a-o Benzi. Inta stacca l’òmmo o l’aiva un biggetto: «Anæ à cà, ghe troviei doî cadavei». E lì, dòppo cacciou zu a pòrta, i investigatoî an trovou a Monica Berta de 55 anni e o Matteo Benzi de 17. Tutti ammassæ à cotellæ. Î aivan çercæ da tutte e parte: o zoeno o no l’ea anæto a-a scheua e a dònna, ch’a no travaggiava da tempo perché mouta, a l’ea sparia. «Son arroinou, no gh’é ciù scampo», l’urtimo messaggio lasciou scrito da-o Benzi. Ancon da capî però e raxoin ch’an portou à un gesto mai tanto feo. L’òmmo o tegniva un blog donde o definiva seu figgio «l’orgheuggio da mæ vitta».

Traduçion italiaña

Strage in famiglia ad Alessandria: uccide figlio, moglie e suocera

Un uomo di 67 anni, Martino Benzi, ha ucciso la moglie, il figlio e la suocera prima di togliersi la vita. La strage in famiglia si è consumata ad Alessandria il 27 settembre. Il primo allarme è scattato nel giardino di una residenza per anziani dove Carla Schiffo, 78 anni, è stata trovata morta insieme a Benzi. Nella tasca l’uomo aveva un biglietto: «Andate a casa, troverete due cadaveri». E lì, una volta sfondata la porta, gli investigatori hanno trovato la 55enne Monica Berta e il 17enne Matteo Benzi. Tutti uccisi a coltellate. Li avevano cercati ovunque: il giovane non era andato a scuola e la donna, che non lavorava da tempo perché malata, era sparita. «Sono rovinato, non c’è più scampo», l’ultimo messaggio lasciato scritto da Benzi. Ancora da capire però le motivazioni che hanno portato a un gesto così crudele. L’uomo teneva un blog dove definiva suo figlio «l’orgoglio della mia vita».

Mafia, mòrto o Matteo Messina Denaro: pe lê nisciun morteuio

O Matteo Messina Denaro, l’urtimo boss da mafia stragista arrestou a-i 16 de zenâ dòppo 30 anni da arrescoso, o l’é mòrto a-i 25 de settembre inte l’uspiâ de l’Aquila. O l’aiva 61 anni e da longo tempo o pativa de un cancao a-o cölon. Da trei giorni o l’ea in cöma sensa sciortia. O l’ea stæto condannou pe-e strage de Capaci e via D’Amelio, pe-i massacri do '93 e pe l’assascinio do figgioame Giuseppe Di Matteo. Niscun morteuio, in sciô cadaveo l’é stæto commandou l’autopscia, comme l’é da prasci pe-i prexonê. «O se â veddià co-o Segnô e a seu consciensa», o l’à dito o Michele Pennisi, arçivesco emerito de Monreale. Dapeu o l’é stæto portou a-o çemetëio de Castelvetrano donde l’aspëtava i seu pænti, tra i quæ un ch’o l’à desconosciuo: «O l’aiva da vive de ciù stando in prexon».

Traduçion italiaña

Mafia, morto Matteo Messina Denaro: per lui nessun funerale

Matteo Messina Denaro, l’ultimo boss della mafia stragista arrestato il 16 gennaio dopo 30 anni di latitanza, è morto il 25 settembre all’ospedale dell’Aquila. Aveva 61 anni e da molto tempo soffriva di un tumore al colon. Da tre giorni era in coma irreversibile. Era stato condannato per le stragi di Capaci e via D’Amelia, per gli eccidi del '93 e per l’assassinio del ragazzino Giuseppe Di Matteo. Nessun funerale, sul cadavere è stata disposta l’autopsia, com’è prassi per i detenuti. «Se la vedrà con Dio e la sua coscienza», ha detto Michele Pennisi, arcivescovo emerito di Monreale. Poi è stato portato al cimitero di Castelvetrano dove lo aspettavano i suoi parenti, tra cui uno che lo ha disconosciuto: «Doveva vivere di più stando in prigione».

E notiçie da-o mondo

Senti a verscion registrâ:

Spari in scê gente à Rotterdam, træ vittime

Træ persoñe son mòrte inta çittæ olandeise de Rotterdam apreuvo che un òmmo de 32 anni vestio da militare o l’à sparou in sce unna casa e un uspiâ. E vittime son unna dònna de 39 anni co-a figgia de 14 e unn’atra dònna de 46 anni. A poliçia a l’é intrâ inte l’uspiâ tanto che o personale piggiou da un gran resato o portava feua i paçienti in scê carreghe e i lettin. O zoeno, ch’o l’à çercou de dâ feugo à tutti doî i pòsti, o l’é stæto arrestou da lì à no guæi. Ancon da capî e raxoin do gesto. «No poemo dî ninte, semmo apreuvo à investigâ – o l’à dito o procuou a-i giornalisti –. L’òmmo o l’ea un studente inte l’uspiâ e o l’ea za conosciuo pe unna condanna pe de açioin gramme in scê bestie».

Traduçion italiaña

Spari sulla folla a Rotterdam, tre vittime

Tre persone sono morte nella città olandese di Rotterdam dopo che un uomo di 32 anni vestito da militare ha sparato su una casa e un ospedale. Le vittime sono una donna di 39 anni con la figlia di 14 e un’altra donna di 46 anni. La polizia è entrata nell’ospedale mentre il personale in preda al panico portava fuori i pazienti su sedie e barelle. Il giovane, che ha cercato di dare fuoco a entrambi i luoghi, è stato arrestato poco dopo. Ancora da capire le ragioni del gesto. «Non possiamo dire nulla, stiamo indagando – ha detto il procuratore ai giornalisti –. L’uomo era uno studente nell’ospedale ed era già conosciuto per una condanna per maltrattamenti sugli animali».

Ucraina, mistëio in sciâ mòrte de l’armiraggio ruscio Sokolov

Segondo de fonte ucraine o commandante da flòtta ruscia do Mâ Neigro, o Viktor Sokolov, o l’é stæto ammassou in Crimea insemme à unna trenteña d’offiçiæ inte un attacco avvegnuo a settemaña passâ. Ma inte un video misso in gio da l’agençia ruscia Ria Novosti o Sokolov o se vedde inte unna riunion con di atri militari. E inte un segondo video mandou da Mosca l’armiraggio o l’é anæto fiña in diretta. Kiev a l’à dito ch’a faià e verifiche do caxo. Intanto o prescidente Vladimir Putin o l’à annonçiou che l’autoritæ atòmica Rosatom a l’é apreuvo à construe de neuve arme avansæ «pe mantegnî un equilibrio strategico into mondo». Intanto a Polònia a l’à dito ch’a mandià à Kiev solo de arme vege: «Quelle moderne servan à noiatri», o l’à ascciaio o prescidente Duda.

Traduçion italiaña

Ucraina, mistero sulla morte dell’ammiraglio russo Sokolov

Secondo fonti ucraine il comandante della flotta russa del Mar Nero, Viktor Sokolov, è stato ucciso in Crimea insieme a una trentina di ufficiali in un attacco avvenuto la settimana scorsa. Ma in un video diffuso dall’agenzia russa Ria Novosti Sokolov si vede in una riunione con altri militari. E in un secondo video divulgato da Mosca l’ammiraglio è andato persino in diretta. Kiev ha detto che farà le verifiche del caso. Intanto il presidente Vladimir Putin ha annunciato l’autorità atomica Rosatom sta realizzando nuove armi avanzate «per mantenere un equilibrio strategico nel mondo». Intanto la Polonia ha detto che manderà a Kiev solo armi vecchie: «Quelle moderne servono a noi», ha chiarito il presidente Duda.

Cangio stòrico in Fransa, o Macron o veu dâ ciù autonomia a-a Còrsega

O prescidente franseise Emmanuel Macron o l’à dito d’ëse d’accòrdio à reconosce l’autonomia a-a Còrsega inte un articolo da Constituçion. L’annonçio o l’é arrivou into mezo de unna vixita in sce l’isoa, ch’a l’appartëgne a-a Fransa da-o 1769. O Macron o l’à parlou de un «progetto de lezze organico» ch’o no dovià ëse «ni contra o stato ni sensa o stato». A Còrsega, segondo o prescidente, «a l’à beseugno de ciù libertæ pe sciortî d’inte unna scituaçion d’imcomprenscion e rouxia» co-o continente. Co-o neuvo statuto, tra l’atro, o Macron o se prega che «a lengua còrsa a se pòsse mostrâ megio e ch’a segge a-o çentro da vitta pubrica». Inti urtimi anni i independentisti an indandiou de gròsse proteste contra o governo franseise, accaxonou de no avei avvardou o militante Yvan Colonna, ammassou in prexon.

Traduçion italiaña

Svolta storica in Francia, Macron vuole dare più autonomia alla Corsica

Il presidente francese Emmanuel Macron ha detto di essere favorevole a riconoscere l’autonomia alla Corsica in un articolo della Costituzione. L’annuncio è arrivato nel corso di una visita sull’isola, che appartiene alla Francia dal 1769. Macron ha parlato di un «progetto di legge organico» che non dovrà essere «né contro lo stato né senza lo stato». La Corsica, secondo il presidente, «ha bisogno di più libertà per uscire da una situazione di incomprensione e risentimento» col continente. Col nuovo statuto, tra l’altro, Macron si augura che «la lingua corsa possa essere meglio insegnata e che sia al centro della vita pubblica». Negli ultimi anni gli indipendentisti hanno organizzato grosse proteste contro il governo francese, accusato di non aver tutelato il militante Yvan Colonna, ucciso in carcere.