Migranti inti container à Rieu, ascado pe-a zonta Bucci: indaga a Procua
«Un gròsso sappello». Coscì o scindico Marco Bucci o l’à definio o caxo scciuppou à Zena in sciô çentro pe-i migranti minoî ospitæ inti container à Rieu. Dòppo e polemiche de settemañe passæ, da-i giornali l’é vegnuo feua che o parchezzo piggiou à pixon da-a Misecoop o l’ea da Valentina Militerno, unna conlaboratoa de l’assessoa a-i Serviçi soçiali Lorenza Rosso e moggê de l’imprenditô Carlo De Romedis. A propietäia do scito a l’à dæto e dimiscioin e l’assessoa a l’à deciarou ch’a no saiva niente di accòrdi fæti tra i privæ. A Procua de Zena a l’à averto unn’investigaçion sensa indagæ e manco ipòtexi de reato. Ma intanto a costion a l’é tòsto arrivâ à Palaçio Tursci. «Quello terren o no saià addeuviou pe nisciuña attivitæ de l’amministraçion – o l’à dito o Bucci in conseggio –. Con l’avvocatua emmo açertou che no gh’é de problemi legali, ma un poscibile conflitto d’interesse scì. Oua beseugna trovâ unna soluçion». L’oppoxiçion a l’à ciammou à gran voxe e dimiscioin de l’assessoa Rosso, ma o Bucci o l’à torna respòsto: «O scindico e a zonta son unna cösa sola, se no gh’é de confiansa me ne vaggo, gh’ò za pronto a lettia de dimiscioin».
Traduçion italiaña
Migranti nei container a Rivarolo, guai per la giunta Bucci: indaga la Procura
«Un grosso inciampo». Così il sindaco Marco Bucci ha definito il caso scoppiato a Genova sul centro per i migranti minori ospitati nei container a Rivarolo. Dopo le polemiche delle scorse settimane, dai giornali è emerso che il parcheggio preso in affitto dalla Misecoop era di Valentina Militerno, una collaboratrice dell’assessora ai Servizi sociali Lorenza Rosso e moglie dell’imprenditore Carlo De Romedis. La proprietaria del terreno ha dato le dimissioni e l’assessora ha dichiarato che non sapeva nulla degli accordi fatti tra privati. La Procura di Genova ha aperto un’inchiesta senza indagati né ipotesi di reato. Ma intanto la questione è arrivata subito a Palazzo Tursi. «Quel terreno non sarà usato per nessuna attività dell’amministrazione – ha detto Bucci in consiglio –. Con l’avvocatura abbiamo accertato che non ci sono problemi legali, ma un possibile conflitto d’interesse sì. Ora bisogna trovare una soluzione». L’opposizione ha chiesto a gran voce le dimissioni dell’assessora Rosso, ma Bucci ha di nuovo risposto: «Il sindaco e la giunta sono una cosa sola, se non c’è fiducia me ne vado, ho già pronta la lettera di dimissioni».
Tæramòtto in Provinsa à Saña, s’indaga in scî concorsci
Scrollon inta Provinsa de Saña. A direttoa generale Giulia Colangelo e o responsabile de l’offiçio legale Maurizio Novaro son finii indagæ, a primma pe mätrattamenti e açioin de persecuçion, tutti doî pe avei aggiuttou di candidæ inti concorsci pe-a seleçion do personale. L’investigaçion a l’é partia che l’é un anno da-a denonçia pe stalking presentâ da unna dependente che a Colangelo a l’avieiva mandou à fâ a speisa e di atri dafæ de carattere personale. De de lì i fanæ da Procua avieivan misso in luxe anche de inregolaritæ pe fâ intrâ in Provinsa a figgia de un politico ligure. À fâ de prescioin saieiva stæto o scindico d’Arbisseua de d’ato, o Maurizio Garbarini, lê ascì indagou, pe-o quæ a mæxima Colangelo a louava comme segrettäia generale. Saieivan sette e persoñe tiæ drento inte l’insemme. «Son corpio à livello personale, ma o mæ dovei o l’é d’avvardâ l’interesse de l’Ente e anâ avanti con l’attivitæ amministrativa», o l’à commentou o prescidente da Provinsa Pierangelo Olivieri.
Traduçion italiaña
Terremoto in Provincia a Savona, si indaga sui concorsi
Terremoto nella Provincia di Savona. La direttrice generale Giulia Colangelo e il responsabile dell’ufficio legale Maurizio Novaro sono finiti indagati, la prima per maltrattamenti e atti persecutori, entrambi per aver favorito alcuni candidati nei concorsi per la selezione del personale. L’inchiesta è partita un anno fa dalla denuncia per stalking presentata da una dipendente che Colangelo avrebbe mandato a fare la spesa e altre commissioni personali. Da lì i fari della Procura avrebbero messo in luce anche irregolarità per far entrare in Provincia la figlia di un politico ligure. A fare pressioni sarebbe stato il sindaco di Albisola Superiore, Maurizio Garbarini, anche lui indagato, per il quale la stessa Colangelo lavorava come segretaria generale. Sarebbero sette le persone coinvolte nel complesso. «Sono colpito a livello personale, ma il mio dovere è tutelare l’interesse dell’Ente e andare avanti con l’attività amministrativa», ha commentato il presidente della Provincia Pierangelo Oliveri.
Migranti, à Ventemiggia ninte Cpr ma scceuppa o caxo politico
O çentro pe-i rimpatri di migranti o se faià in Liguria ma o no saià à Ventemiggia. O l’à annonçiou o ministro de l’Interno Matteo Piantedosi ch’o l’à vixitou o Ponente a-i 2 d’ottobre. Inta çittæ de confin se mettià sciù un çentro de «resciöo» into vegio Ferrotel, ma o Cpr o l’é unna struttua ciù «delicâ», o l’à dito o ministro. E ipòtexi in sciâ töa, segondo e indiscreçioin de stampa, son e caserme desmisse de Dian Castello, Vallecreusa e Arbenga. Ma i scindichi e i esponenti de l’oppoxiçion no son d’accòrdio e parlan de unna «soluçion indegna». Intanto à Ventemiggia gh’é do remescio pe-e poule do conseggê Roberto Parodi in sciô Cpr: «Vorrieiva vedde se fïsan d’accòrdio – o l’à dito con referensa a-i atri Commun –. L’é comme se te mettessan sotta o barcon a rumenta de Vallecreusa». Un paragon, quello tra i migranti e a rumenta, ch’o l’à fæto scciuppâ a boriaña.
Traduçion italiaña
Migranti, a Ventimiglia niente Cpr ma scoppia il caso politico
Il centro per i rimpatri dei migranti si farà in Liguria ma non sarà a Ventimiglia. Lo ha annunciato il ministro dell’Interno Matteo Piantedosi che ha visitato il Ponente il 2 ottobre. Nella città di confine si allestirà un centro di «sollievo» nell’ex Ferrotel, ma il Cpr è una struttura più «delicata», ha detto il ministro. Le ipotesi sul tavolo, secondo le indiscrezioni di stampa, sono le caserme dismesse di Diano Castello, Vallecrosia e Albenga. Ma i sindaci e gli esponenti dell’opposizione non sono d’accordo e parlano di una «soluzione indegna». Intanto a Ventimiglia c’è agitazione per le parole del consigliere Roberto Parodi sul Cpr: «Vorrei vedere se fossero d’accordo – ha detto con riferimento agli altri Comuni –. È come se ti mettessero sotto la finestra l’immondizia di Vallecrosia». Un paragone, quello tra i migranti e l’immondizia, che ha fatto scoppiare la bufera.
E notiçie da l’Italia
Senti a verscion registrâ:
Mestre, un autobo o preçipita da un ponte: 21 mòrti
Strage à Mestre, vexin à Veneçia, donde un autobo ch’o portava unna quaranteña de turisti o l’é anæto zu da un ponte pe 10 metri e o l’à piggiou feugo. A tragedia a s’é consummâ inta seiaña di 3 d’ottobre, in sciâ bertella pe l’A4. I mòrti son 21, tutti foresti levou l’autista. Atre 15 persoñe son stæte recoveræ inti uspiæ, 10 son gravi. O mezzo o ne vegniva da Veroña e o l’ea stæto noezzou da un campezzo de Marghera. A Procua de Veneçia a l’à averto unn’investigaçion pe ammassammento stradale plurimo, pe-o momento sensa indagæ. Gh’é doe ipòtexi in sciâ dinamica: unna maneuvra arreisegâ insemme a-e condiçioin do guard-rail ch’o no l’avieiva tegnuo ò ascì un patî de l’autista ch’o no l’é ciù arriëscio à controllâ a vettua. L’autopscia a porrieiva fâ do ciæo. Nisciun contatto con di atri mezzi avanti de cazze into veuo. Tra e vittime gh’é un figgin de un anno, unna figgetta de 12 e unna dònna in luña d’amê: o maio o s’é sarvou.
Traduçion italiaña
Mestre, autobus precipita da un viadotto: 21 morti
Strage a Mestre, vicino a Venezia, dove un autobus che trasportava una quarantina di turisti è caduto da un viadotto per 10 metri e ha preso fuoco. La tragedia si è consumata nella serata del 3 ottobre, sulla bretella per l’A4. I morti sono 21, tutti stranieri eccetto l’autista. Altre 15 persone sono state ricoverate negli ospedali, 10 sono gravi. Il mezzo proveniva da Verona ed era stato noleggiato da un campeggio di Marghera. La Procura di Venezia ha aperto un’inchiesta per omicidio stradale plurimo, al momento senza indagati. Ci sono due ipotesi sulla dinamica: una manovra azzardata insieme alle condizioni del guard-rail che non avrebbe tenuto oppure un malore dell’autista che non è più riuscito a controllare la vettura. L’autopsia potrebbe fare chiarezza. Nessun contatto con altri mezzi prima di cadere nel vuoto. Tra le vittime ci sono un bimbo di un anno, una ragazzina di 12 e una donna in luna di miele: il marito si è salvato.
Migranti, scontro Governo-magistratua in sciâ giudiçe de Catania
A l’é vegnua l’enneximo scontro tra o Governo e a magistratua l’emergensa migranti in Italia. À açende a miccia l’é stæto unna sentensa da giudiçe Iolanda Apostolico do tribunâ de Catania ch’a no l’à convalidou o trattegnimento de trei tunexin consciderando l’urtimo decreto in contrasto co-a normativa europea. A prescidente do Conseggio Giorgia Meloni a l’à dito d’ësighe arrestâ de natta e a l’à definio «da no credde» e motivaçioin, o Governo o l’à annonçiou ch’o faià recorso, l’Anm a l’à defeiso a collega. A giudiçe a l’à parlou de «costion giuridica, ch’a no vëgne personale». Ma un video pubricou da-o ministro Salvini o mostra l’Apostolico inte unna manifestaçion do 2018 contra a poliçia pe domandâ de fâ desbarcâ i migranti da-a nave Diciotti. Lê a l’à respòsto: «Ea lì pe avansâ che ghe fïse di atri scontri». A Lega a ne domanda a radiaçion, l’Anm a dixe ch’a veddià «se e comme intervegnî», ma a manifesta da preoccupaçion pe-o “screening in scî giudiçi” e a sostëgne che a poxiçion tersa a se mesue co-i provedimenti.
Traduçion italiaña
Migranti, scontro Governo-magistratura sulla giudice di Catania
È diventata l’ennesimo scontro tra il Governo e la magistratura l’emergenza migranti in Italia. Ad accendere la miccia è stata una sentenza della giudice Iolanda Apostolico del tribunale di Catania che non ha convalidato il trattenimento di tre tunisini considerando l’ultimo decreto in contrasto con la normativa europea. La presidente del Consiglio Giorgia Meloni ha detto di essere basita e ha definito «incredibili» le motivazioni, il Governo ha annunciato che farà ricorso, l’Anm ha difeso la collega. La giudice ha parlato di «questione giuridica, che non diventi personale». Ma un video pubblicato dal ministro Salvini mostra Apostolico in una manifestazione del 2018 contro la polizia per chiedere di fare sbarcare i migranti dalla nave Diciotti. Lei ha replicato: «Ero lì per evitare che ci fossero altri scontri». La Lega ne chiede la radiazione, l’Anm dice che vedrà «se e come intervenire», ma manifesta preoccupazione per lo “screening sui giudici” e sostiene che la terzietà si misuri coi provvedimenti.
Campi Flegrei, torna a poia: inte 3 meixi o cian d’evacuaçion
Ancon da poia in Campania pe-o neuvo sciammo de tæramòtti inta zöna di Campi Flegrei. Un scrollon fòrte, do quarto graddo Richter, o l’é stæto sentio à Napoli inta seiaña di 2 d’ottobre. O governo o l’à approvou un decreto ch’o prevedde un cian d’evacuaçion da tiâ zu da chì a trei meixi e unn’analixi do reisego di sciti con de construçioin. Ghe saià ascì di neuvi fondi pe-a proteçion çivile, 52 mioin e passa, ascì che a Region Campania a no l’à vosciuo parteçipâ: «Speremmo ch’a cange d’idea inte settemañe che vëgnan», o l’à dito o ministro Nello Musumeci. Intanto l’é comensou e preuve d’evacuaçion inti uspiæ e gh’é de quelli Commun, comme Pozzuoli, ch’an za inandiou e verifiche in scî edifiçi de propietæ.
Traduçion italiaña
Campi Flegrei, torna la paura: in 3 mesi il piano di evacuazione
Ancora paura in Campania per il nuovo sciame sismico nella zona dei Campi Flegrei. Una forte scossa, di magnitudo 4 sulla scala Richter, è stata sentita a Napoli nella serata del 2 ottobre. Il governo ha approvato un decreto che prevede un piano di evacuazione da stilare in tre mesi e un’analisi del rischio delle aree edificate. Ci saranno anche nuovi fondi per la protezione civile, oltre 52 milioni, anche se la Regione Campania non ha voluto partecipare: «Speriamo che cambi idea nelle prossime settimane», ha detto il ministro Nello Musumeci. Intanto sono iniziate le prove d’evacuazione negli ospedali e ci sono alcuni Comuni, come Pozzuoli, che hanno già avviato le verifiche sugli edifici di proprietà.
E notiçie da-o mondo
Senti a verscion registrâ:
Ruscia, o Putin o l’annonçia: «O neuvo miscile nucleare o fonçioña»
O prescidente ruscio Vladimir Putin o l’à affermou che Mosca a l’à conduto con bon exito l’urtima preuva do miscile nucleare Burevestnik. Segondo i rusci, l’arma a l’avieiva unna portâ teòrica fin à 20mia chillòmetri e a porrieiva xoâ à 50-100 metri d’ertixe sensa fâse vedde da-i radar, donca o se porrieiva addeuviâ pe corpî i Stati Unii ascì. Intanto o prescidente american Joe Biden o l’à domandou a-o Congresso ciù dinæ pe l’Ucraina apreuvo che o Pentagono o l’à avvertio che i fondi son a-e cannie. In ponto guæra, 50 persoñe e passa son mòrte inte un attacco ruscio in sce Kupiansk e à Karkhiv un miscile o l’à corpio un palaçio: tra e vittime un figgeu de 10 anni trovou sensa vitta insemme à seu madonnâ.
Traduçion italiaña
Russia, Putin annuncia «Il nuovo missile nucleare funziona»
Il presidente russo Vladimir Putin ha affermato che Mosca ha condotto con successo l’ultima prova del missile nucleare Burevestnik. Secondo i russi, l’arma avrebbe una portata teorica fino a 20mila chilometri e potrebbe volare a 50-100 metri di altezza senza farsi rilevare dai radar, quindi si potrebbe usare per colpire anche gli Stati Uniti. Intanto il presidente americano Joe Biden ha chiesto al Congresso più soldi per l’Ucraina dopo che il Pentagono ha avvertito che i fondi sono agli sgoccioli. Per quanto riguarda la guerra, oltre 50 persone sono morte in un attacco russo su Kupiansk e a Karkhib un missile ha colpito un palazzo: tra le vittime un bambino di 10 anni trovato senza vita insieme a sua nonna.
Murcia, inçendio inte doe discoteche: 13 mòrti e ferii
Inçendio catastròfico à l’arba do 1º d’ottobre inte doe discoteche de Murcia, çittæ spagnòlla de 400mia abitanti abbinellâ con Zena. O feugo, o fumme e i derui de struttue an caxonou 13 mòrti e dëxeñe de ferii. Atre 5 persoñe ch’ean desperse son stæte attrovæ vive e in boña sanitæ. I pompê son arriëscii à asmortâ e sciamme dòppo de oe de travaggio. Segondo e primme ipòtexi l’inçendio o l’é stæto descadenou da un curtoçircuito, ma di video scompartii in scî social network mostran de gente con di furgai piccin açeixi tanto che ballan. Da quello ch’o l’à fæto savei o Commun, i locali Teatre e Fonda Milagros no gh’aivan de liçensa e no poeivan manco arvî: do 2022 aivan reçevuo l’ordine de serrâ pe de violaçioin de nòrme de seguessa.
Traduçion italiaña
Murcia, incendio in due discoteche: 13 morti e feriti
Incendio catastrofico all’alba del 1º ottobre in due discoteche di Murcia, città spagnola di 400mila abitanti gemellata con Genova. Il fuoco, il fumo e i crolli delle strutture hanno causato 13 morti e decine di feriti. Altre 5 persone che erano disperse sono state ritrovate vive e in buona salute. I vigili del fuoco sono riusciti a spegnere le fiamme dopo ore di lavoro. Secondo le prime ipotesi l’incendio è stato innescato da un cortocircuito, ma alcuni video condivisi sui social network mostrano persone con piccoli razzi accesi mentre ballano. Da quello che ha fatto sapere il Comune, i locali Teatre e Fonda Milagros non avevano la licenza e non potevano nemmeno aprire: nel 2022 avevano ricevuto l’ordine di chiusura per violazioni delle norme di sicurezza.
O Premio Nobel pe-a paxe à l’attivista iraniaña Narges Mohammadi
A Narges Mohammadi, attivista iraniaña pe-i driti de dònne, in prexon da-o 2016, a l’à reçevuo o Premio Nobel pe-a paxe. «A seu lòtta coraggiosa a l’à comportou di enormi costi personali», o l’à affermou o comitato pe-o Nobel. A Mohammadi a l’é stæta arrestâ 13 vòtte e condannâ 5 vòtte pe un totale de 31 anni de prexon e 154 frustæ. «Un momento stòrico pe-a lòtta pe-a libertæ in Iran», o commento da famiggia. O Nobel pe-a meixiña o l’é anæto à l’ongareise Katalin Karikó e l’american Drew Weissman pe avei inandiou i studdi ch’an portou a-e vacciñe à Rna messaggê contra o Covid. O premio pe-a letteratua o l’é stæto assegnou a-o norvegeise Jon Fosse pe-i seu travaggi de tiatro e «pròsa innovativa». Lê o s’é dito «mäveggiou, ma no guæi».
Traduçion italiaña
Il Premio Nobel per la pace all’attivista iraniana Narges Mohammadi
Narges Mohammadi, attivista iraniana per i diritti delle donne, in carcere dal 2016, ha ricevuto il Premio Nobel per la pace. «La sua lotta coraggiosa ha comportato enormi costi personali», ha affermato il comitato per il Nobel. Mohammadi è stata arrestata 13 volte e condannata 5 volte per un totale di 31 anni di prigione e 154 frustate. «Un momento storico per la lotta per la libertà in Iran», il commento della famiglia. Il Nobel per la medicina è andato all’ungherese Katalin Karikó e all’americano Drew Weissman per aver avviato gli studi che hanno portato ai vaccini a Rna messaggero contro il Covid. Il premio per la letteratura è stato assegnato al norvegese Jon Fosse per le sue opere di teatro e «prosa innovativa». Lui si è detto «meravigliato, ma non troppo».
Migranti inti container à Rieu, ascado pe-a zonta Bucci: indaga a Procua
