O Zinâ

Ediçion

E notiçie da-a Liguria

Senti a verscion registrâ:

Zena, frañe à raffega in çittæ: 20 feua de casa, 40 isoæ

Un gròsso miagion o l’é deruou in Castelletto à Zena into doppodisnâ di 9 de novembre. À vegnî zu l’é stæto o parchezzo de un condominio. Nisciun ferio, ma unna montagna de tæra e zetto a l’é finia adòsso a-i barcoin di palaçi de sotta, insemme a-e machine rebellæ da-a fraña. Unna vinteña de persoñe son stæte scorrie d’in casa e trei casamenti son arrestæ sensa rescädamento za che i pompê an serrou o gazzo pe seguessa. O l’é solo un di guasti caxonæ da l’ægua di urtimi giorni. Unna stradda a l’é deruâ ascì à Trasta, unna quaranteña i rescidenti isoæ. Unn’atra fraña a l’é avvegnua à Quessi in sce unna creusa. Intanto a Region a l’à deciarou o stato d’emergensa pe-o tempo grammo e a l’à stançiou un mion e mezo pe-i travaggi da fâ ciù de sprescia. À mette in conto anche a lebecciadda di primmi de novembre s’astimma 50 mioin de danni pe-o patrimònio pubrico e privou.

Traduçion italiaña

Genova, frane a raffica in città: 20 evacuati, 40 isolati

Un grosso muraglione è crollato in Castelletto a Genova nel pomeriggio del 9 novembre. A cedere è stato il parcheggio di un condominio. Nessun ferito, ma una montagna di terra e detriti è finita addosso alle finestre dei palazzi sottostanti, insieme alle macchine trascinate dalla frana. Una ventina di persone sono state evacuate e tre caseggiati sono rimasti senza riscaldamento poiché i vigili del fuoco hanno chiuso il gas per sicurezza. È solo uno dei danni causati dalla pioggia degli ultimi giorni. Una strada è crollata anche a Trasta, una quarantina i residenti isolati. Un’altra frana è avvenuta a Quezzi su una mulattiera. Intanto la Regione ha dichiarato lo stato d’emergenza per il maltempo e ha stanziato un milione e mezzo per i lavori più urgenti. Mettendo in conto anche la mareggiata dei primi di novembre si stimano 50 milioni di danni per il patrimonio pubblico e privato.

Regazzificatô, o Pd: «I tecnichi l’an bocciou». O Toti: «Pregiudiçi»

S’açende torna a bæga in sciô regazzificatô. «I pai di tecnichi a-i quæ o Toti o s’appellava oua son pubrichi e dixan bello ciæo ch’o no se peu stramuâ into pòrto de Saña-Voæ. O commissäio o no gh’à ciù de scuse e o no peu no tegnî in conto quello che scrive di enti tersi». L’attacco o l’arriva da-o Pd e in particolâ da-o conseggê regionale Roberto Arboscello ch’o l’à scrito unna lettia averta pe domandâ a-o Toti de tornâ inderê ò sedonca dâ e dimiscioin. Pronta a replica do prescidente ligure: «A struttua do commissäio a l’à sospeiso o cammin da Conferensa di serviçi inte l’aspëtâ a valutaçion de recheita ambientale naçionale ch’a tocca pròpio a-i enti che i esponenti do Pd minsoñan inta lettia. Se a commiscion a deciarià o progetto ammiscibile, m’imagiño che o conseggê Arboscello o l’agge e scuse pronte pe-i pregiudiçi ch’o l’à manifestou». Sabbo neuva protesta con un corteo verso o Commun de Saña.

Traduçion italiaña

Rigassificatore, il Pd: «I tecnici lo hanno bocciato». Toti: «Pregiudizi»

Si riaccende lo scontro sul rigassificatore. «I pareri dei tecnici ai quali Toti si appellava ora sono pubblici e dicono chiaramente che non si può trasferire nel porto di Savona-Vado. Il commissario non ha più scuse e non può non considerare quello che scrivono enti terzi». L’attacco arriva dal Pd e in particolare dal consigliere regionale Roberto Arboscello che ha scritto una lettera aperta per chiedere a Toti di tornare indietro o altrimenti dare le dimissioni. Pronta la replica del presidente ligure: «La struttura commissariale ha sospeso l’iter della Conferenza dei servizi in attesa della valutazione di impatto ambientale nazionale che spetta proprio agli enti che gli esponenti del Pd citano nella lettera. Se la commissione dichiarerà il progetto ammissibile, immagino che il consigliere Arboscello abbia le scuse pronte per i pregiudizi che ha espresso». Sabato nuova protesta con un corteo verso il Comune di Savona.

Mortâ in sciô Tamigi pe promeuve a Liguria, scceuppa a polemica

Un mortâ stramesuou in sce unna ciatta ch’a navega in sciô Tamigi: coscì a Liguria a l’à vosciuo promeuvise à Londra in occaxon do World Travel Market, uña de ciù importante fee turistiche do mondo. A campagna Pesto, Masterpiece of Liguria a l’é stæta inandiâ da-a Region e pagâ mezo mion d’euro. E pròscime tappe saian Berlin, Neuva York e Pariggi. L’intençion a l’é quella de spantegâ a perçeçion da Liguria comme destinaçion turistica pe tutto l’anno anche co-i seu produti tipichi. No l’é mancou però e polemiche, sorviatutto dòppo un articolo che o Secolo o l’à dedicou à l’iniçiativa ascì con de voxe critiche. «O giornale ch’o dovieiva tegnî co-a Liguria o stà con quelli che o pesto o gh’arresta in sciô steumago?», o l’à attaccou o Toti in scî social. «Nisciun peu dîne che notiçie pubricâ», a dua respòsta do Comitato de redaçion do giornale.

Traduçion italiaña

Mortaio sul Tamigi per promuovere la Liguria, scoppia la polemica

Un mortaio gigante su una chiatta che naviga sul Tamigi: così la Liguria ha voluto promuoversi a Londra in occasione del World Travel Market, una delle più importanti fiere turistiche mondiali. La campagna Pesto, Masterpiece of Liguria è stata organizzata dalla Regione e pagata mezzo milione di euro. Le prossime tappe saranno Berlino, New York e Parigi. L’intenzione è quella di diffondere la percezione della Liguria come destinazione turistica per tutto l’anno anche coi suoi prodotti tipici. Non sono mancate però le polemiche, soprattutto dopo un articolo che il Secolo ha dedicato all’iniziativa anche con voci critiche. «Il giornale che dovrebbe tifare la Liguria sta con quelli a cui il pesto rimane indigesto?», ha attaccato Toti sui social. «Nessuno può dirci che notizie pubblicare», la dura risposta del Comitato di redazione del quotidiano.

E notiçie da l’Italia

Senti a verscion registrâ:

L’Italia a manda i migranti in Albania, inteisa tra i governi

A prescidente do Conseggio Giorgia Meloni a l’à firmou unn’inteisa co-o prescidente albaneise Rama in sciâ gestion di migranti. L’accòrdio o prevedde de mette sciù di çentri pe-i rimpatri in Albania e l’intençion a l’é quella de mettili in deuvia in primmaveia pe fâghe passâ 36-39mia persoñe à l’anno, feua che i minoî, e dònne gräie e e persoñe con di problemi. I migranti se ghe porrian trattegnî fin à 18 meixi. A commiscion europea a l’à domandou de informaçioin, tanto che l’oppoxiçion a l’attacca: pe-a Elly Schlein, segrettäia do Pd, l’accòrdio «o pâ in averta violaçion de lezze internaçionale». E anche in Albania s’é levou di mogogni contra o Rama da-a parte da drita.

Traduçion italiaña

L’Italia manda i migranti in Albania, intesa tra i governi

La presidente del Consiglio Giorgia Meloni ha firmato un’intesa col presidente albanese Rama sulla gestione dei migranti. L’accordo prevede di allestire centri per i rimpatri in Albania e l’intenzione è quella di metterli in funzione in primavera per farci passare 36-39mila persone all’anno, esclusi i minori, le donne incinte e le persone vulnerabili. I migranti potranno essere trattenuti fino a 18 mesi. La commissione europea ha chiesto informazioni, mentre l’opposizione attacca: per Elly Schlein, segretaria del Pd, l’accordo «sembra in aperta violazione delle leggi internazionali». E anche in Albania si sono alzate lamentele contro Rama da parte della destra.

A corsa de l’Italia pe sarvâ a Indi Gregory, i giudiçi veuan destaccâghe e machine

I giudiçi ingreixi an refuou l’appello di genitoî da Indi Gregory, a figgeua d’8 anni con unna moutia di mitocondri giudicâ imposcibile da cuâ. O termine pe-o destacco de machine che â tëgnan viva o l’é stæto fissou a-i 13 de novembre. O giudiçe o l’aiva za autorizzou i meghi à ciantâ lì e cue perché anâ avanti no saieiva inte l’interesse da picciña. O governo italian o gh’aiva dæto a çittadinansa pe poeila portâ à l’uspiâ Bambin Gesù de Romma. A prescidente Meloni a l’aiva scrito unna lettia a-o segrettäio de Stato pe-a Giustiçia pe «senscibilizzâ e autoritæ giudiçiäie» reciammando l’articolo 32 da Convençion de l’Aia in argomento de responsabilitæ di genitoî e mesue de proteçion di minoî.

Traduçion italiaña

La corsa dell’Italia per salvare Indi Gregory, i giudici vogliono staccarle le macchine

I giudici inglesi hanno respinto l’appello dei genitori di Indi Gregory, la bambina di 8 anni con una malattia dei mitocondri giudicata incurabile. Il termine per il distacco delle macchine che la tengono in vita è stato fissato al 13 novembre. Il giudice aveva già autorizzato i medici a interrompere le cure perché continuare non sarebbe nell’interesse della piccola. Il governo italiano le aveva dato la cittadinanza per poterla portare all’ospedale Bambin Gesù di Roma. La presidente Meloni aveva scritto una lettera al segretario di Stato per la Giustizia per «sensibilizzare le autorità giudiziarie» richiamando l’articolo 32 della Convenzione dell’Aia in materia di responsabilità genitoriale e misure di protezione dei minori.

O Tar o leva l’òbrigo d’espoñe o prexo medio da benziña

Ninte ciù òbrigo d’espoñe i prexi medi pe-i benzinæ: o Tar do Laçio o l’à scassou o decreto do marso passou, accuggendo coscì o recorso propòsto da de assoçiaçion di gestoî. Contra a deçixon o ministëio de Impreise o l’à tòsto annonçiou ch’o faià appello: «A nòrma – se leze inte unna nòtta – a l’à dæto preuva da seu validitæ, comme mostra i prexi che chiñan delongo». A-o momento se paga 1,82 euro pe-o gasòlio e 1,83 euro pe-a benziña, pöcassæ 10 citti de meno che inti mæximi giorni d’ottobre. Segondo o ministëio i prexi in Italia oua son ciù basci che quelli di atri gren Paixi europëi.

Traduçion italiaña

Il Tar elimina l’obbligo di esporre il prezzo medio della benzina

Niente più obbligo di esporre i prezzi medi per i benzinai: il Tar del Lazio ha annullato il decreto dello scorso marzo, accogliendo così il ricorso proposto da alcune associazioni dei gestori. Contro la decisione il ministero delle Imprese ha subito annunciato che farà appello: «La norma – si legge in una nota – ha dato prova della sua efficacia, come dimostrano i prezzi che continuano a calare». Al momento si paga 1,82 euro e 1,83 euro per la benzina, circa 10 centesimi in meno rispetto agli stessi giorni di ottobre. Secondo il ministero i prezzi in Italia adesso sono più bassi di quelli degli altri grandi Paesi europei.

E notiçie da-o mondo

Senti a verscion registrâ:

Isræle-Hamas, 10mia mòrti à Gazza. Se travaggia pe-a liberaçion di ostaggi

Dexemia mòrti e passa inta Striscia de Gazza da l’incomenso da neuva guæra into Levante de Mezo. L’exerçito isrælian o revendica d’avei ammassou di commandanti de Hamas ascoxi inti tunnel. Intanto se tratta pe-a liberaçion di ostaggi. Al-Arabiya a l’aiva dæto notiçia de un accòrdio pe lasciâ anâ de dònne e di minoî palestineixi in cangio de 100 prexonee e figgeu, ma de vivagne isræliañe an smentio: «No gh’é nisciuña inteisa». «Mantegniemo o contròllo in sce Gazza anche dòppo a guæra, no s’arrecommandiemo à de fòrse internaçionale», o l’à dito o Netanyahu. I Stati Unii però s’oppoñan à unna neuva occupaçion da Striscia e no sostëgnan nisciun stramuo forsou de palestineixi in de feua. «Tròppi palestineixi son stæti ammassæ», o l’à deciarou o segrettäio de Stato american Blinken.

Traduçion italiaña

Israele-Hamas, 10mila morti a Gaza. Si lavora per la liberazione degli ostaggi

Oltre diecimila morti nella Striscia di Gaza dall’inizio della nuova guerra in Medio Oriente. L’esercito israeliano rivendica di aver ucciso comandanti di Hamas nascosti nei tunnel. Intanto si tratta per la liberazione degli ostaggi. Al-Arabiya aveva dato notizia di un accordo per rilasciare donne e minori palestinesi in cambio di 100 prigioniere e bambini, ma fonti israeliane hanno smentito: «Non c’è nessuna intesa». «Manterremo il controllo su Gaza anche dopo la guerra, non ci affideremo a forze internazionali», ha detto Netanyahu. Gli Stati Uniti però si oppongono a una nuova occupazione della Striscia e non sostengono nessun trasferimento forzato di palestinesi al di fuori. «Troppi palestinesi sono stati uccisi», ha dichiarato il segretario di Stato americano Blinken

Spagna, accòrdio soçialisti-independentisti. Sangue inte stradde de Madrid

À squæxi quattro meixi da-e eleçioin o Partio Soçialista spagnòllo o l’à trovou l’accòrdio con Junts per Catalunya pe l’arrembo esterno à un neuvo governo in cangio de unn’amnistia in scî independentisti catalen con di proçesci averti. Tutti i 7 parlamentari de Junts garantiscian o voto pe-a segonda investitua do Pedro Sánchez e a «stabilitæ da legislatua», ma solo se o governo o mantegnià i impegni in sciô «reconoscimento naçionale da Catalogna». E intanto che l’oppoxiçion a parla de un «golpe contra a democraçia e a lezze», into cheu de Madrid o Alejo Vidal-Quadras, passou prescidente do Partio Popolare da Catalogna e fondatô de Vox, o l’é stæto piggiou da un corpo de pistòlla. A seu vitta a no l’é a reisego.

Traduçion italiaña

Spagna, accordo socialisti-indipendentisti. Sangue nelle strade di Madrid

A quasi quattro mesi dalle elezioni il Partito Socialista spagnolo ha trovato l’accordo con Junts per Catalunya per l’appoggio esterno a un nuovo governo in cambio di un’amnistia sugli indipendentisti catalani con processi aperti. Tutti i 7 parlamentari di Junts garantiscono il voto per la seconda investitura di Pedro Sánchez e la «stabilità della legislatura», ma solo se il governo manterrà gli impegni sul «riconoscimento nazionale della Catalogna». E mentre l’opposizione parla di «golpe contro la democrazia e la legge», nel cuore di Madrid Alejo Vidal-Quadras, ex presidente del Partito Popolare della Catalogna e fondatore di Vox, è stato raggiunto da un colpo di pistola. La sua vita non è in pericolo.

Borrasca a-o largo da Fransa, 100 ferii in sce unna nave da croxea

A-o manco çento passaggê da nave da croxea Spirit of Discovery son restæ ferii inte unna borrasca a-o largo da riva de Ponente da Fransa. Çinque de loiatri an avuo de lexoin ciù grave. Dòppo avei sätou o scâ à Las Palmas inte Canäie, a nave a l’aiva tentou a rotta verso o pòrto de La Coruña, ma e condiçioin gramme do tempo an costreito o capitanio à piggiâ a deçixon de tornâ in Gran Bretagna. Coscì o viægio de 14 giorni o l’é stæto interrotto. A nave, ch’a portava 980 persoñe con unn’etæ media de 75 anni, a s’é cegâ con fâ partî o scistema de seguessa.

Traduçion italiaña

Burrasca al largo della Francia, 100 feriti su una nave da crociera

Almeno cento passeggeri della nave da crociera Spirit of Discovery sono rimasti feriti in una burrasca al largo delle coste occidentali della Francia. Cinque di loro hanno riportato ferite più gravi. Dopo aver saltato lo scalo a Las Palmas nelle Canarie, la nave aveva tentato la rotta verso il porto di La Coruña, ma le cattive condizioni del tempo hanno costretto il capitano a prendere la decisione di tornare in Gran Bretagna. Così il viaggio di 14 giorni è stato interrotto. La nave, che trasportava 980 persone con età media di 75 anni, si è inclinata facendo partire il sistema di sicurezza.