O Zinâ

Ediçion

E notiçie da-a Liguria

Senti a verscion registrâ:

Scormatô do Besagno, neuvo ascado: o cantê o reisega o blòcco

O reisega de fermâse ancon pe di meixi o cantê do scormatô do Besagno, un travaggio da 200 mioin e passa ch’o dovieiva mette in seguessa a parte de Zena ciù segnâ da-e alluvioin. O Conseggio de Stato o l’à abilitou torna l’interdittiva antimafia contra o consòrçio ReseArch, a mandatäia do contræto. O prescidente ligure Giovanni Toti o l’à dito che inti giorni che vëgne ghe saià unna discuscion co-e atre impreise pe capî se porrian piggiâ o pòsto do consòrçio, intanto i loei peuan anâ avanti. Sedonca se ciammià a segonda e a tersa clascificâ da cæga pubrica, e inta pezo de ipòtexi se dovià fâne uña neuva: vorrieiva dî fermâ i travaggi, za in fòrte retardio co-a previxon de concluddise do 2025, fin a-a fin de l’anno.

Traduçion italiaña

Scolmatore del Bisagno, nuova tegola: il cantiere rischia lo stop

Rischia di fermarsi ancora per mesi il cantiere dello scolmatore del Bisagno, un’opera da oltre 200 milioni che dovrebbe mettere in sicurezza la parte di Genova più segnata dalle alluvioni. Il Consiglio di Stato ha riabilitato l’interdittiva antimafia contro il consorzio ReseArch, la mandataria dell’appalto. Il presidente ligure Giovanni Toti ha detto che nei prossimi giorni ci sarà un’interlocuzione con le altre imprese per capire se potranno subentrare al consorzio, nel frattempo i lavori possono continuare. In caso contrario verranno convocate la seconda e la terza classificata della gara, e nella peggiore delle ipotesi se ne dovrà fare una nuova: significherebbe fermare i lavori, già in forte ritardo con la previsione di concludersi nel 2025, fino alla fine dell’anno.

Monexi, scialpinisti investii da unna valanga: meue un òmmo de 44 anni

Tragedia in scê Arpe Ligure: un scialpinista de 44 anni, o Simone Rossi d’Arasce, o l’é mòrto investio da unna valanga à Monexi, in sciô monte Sciaccarê. O seu gruppo o l’ea sciortio pe unn’escurscioin a-i 10 de marso: ean çinque persoñe, i atri son arriëscii à sarvâse, pe lê no gh’é stæto ninte da fâ. Pe quella zöna o bollettin de l’Arpal o l’indicava un reisego de valanghe fin a-o livello 3, ma un di scampæ o l’à contou: «L’allerta a l’ea finia e noiatri semmo partii pe un percorso conosciuo». O Rossi o fava l’imprenditô e in passou o l’ea stæto assessô a-o Spòrt do Commun d’Arasce.

Traduçion italiaña

Monesi, scialpinisti travolti da una valanga: muore un uomo di 44 anni

Tragedia sulle Alpi Liguri: uno scialpinista di 44 anni, Simone Rossi di Alassio, è morto travolto da una valanga a Monesi, sul monte Saccarello. Il suo gruppo era uscito per un’escursione il 10 marzo: erano cinque persone, gli altri sono riusciti a salvarsi, per lui non c’è stato nulla da fare. Per quella zona il bollettino di Arpal indicava un rischio di valanghe fino al livello 3, ma uno dei sopravvissuti ha raccontato: «L’allerta era finita e noi siamo partiti per un percorso conosciuto». Rossi faceva l’imprenditore e in passato era stato assessore allo Sport del Comune di Alassio.

Influencer savoneise accaxonâ: miggiæa d’euro ascoxi a-o fisco

Unn’influencer savoneise, a Giuseppina Rizzotto, a l’é stæta denonçiâ da-a Guardia di finansa pe l’evaxon de miggiæa d’euro mai deciaræ a-o fisco. A dònna, ch’a l’à in scî 400mia follower tra Instagram e Tiktok, a l’avieiva ascoso in particolâ i guägni da Onlyfans, unna ciattaforma de contegnui à pagamento, da-o 2017 a-o 2023. Unna parte de quelli dinæ, segondo i investigatoî, a l’ea finia in sce di conti à l’estranxeo. A Rizzotto a s’aiva fæto a nòmina do 2021 quand’a s’ea candidâ co-o çentro-drita pe-o Commun de Saña. Quarchedun o l’aiva misso in gio un video hard de unna dònna ch’a se gh’assomeggiava comme s’o fïse o seu, lê a l’aiva presentou unna quæla.

Traduçion italiaña

Influencer savonese accusata: migliaia di euro nascosti al fisco

Un’influencer savonese, Giuseppina Rizzotto, è stata denunciata dalla Guardia di finanza per l’evasione di migliaia di euro mai dichiarati al fisco. La donna, che ha circa 400mila follower tra Instagram e Tiktok, avrebbe nascosto in particolare i ricavi da Onlyfans, una piattaforma di contenuti a pagamento, dal 2017 al 2023. Una parte di quel denaro, secondo gli investigatori, era finita su conti all’estero. Rizzotto era diventata famosa nel 2021 quando si era candidata col centrodestra per il Comune di Savona. Qualcuno aveva diffuso un video hard di una donna che le assomigliava spacciandolo per suo, lei aveva sporto querela.

E notiçie da l’Italia

Senti a verscion registrâ:

Bològna, inçendio inte un appartamento: mòrti trei figgeu con seu moæ

Tragedia a-i 15 de marso à Bològna: trei figgeu e seu moæ son mòrti inte un inçendio scciuppou de neutte inte un palaçio. I piccin, doî binelli e unna figgiña, ean inta mæxima stançia co-a dònna, de 32 anni e originäia da Romania. Da quello che l’é vegnuo feua, o feugo o saieiva partio da unna stiva elettrica: l’é façile che segge stæto o fumme à ammassâli. L’appartamento o l’é stæto sexio da-a magistratua. O poæ, ch’o l’ea spartio da-a moæ e o no ghe viveiva insemme, o s’é sentio mâ e o l’é stæto portou à l’uspiâ. «A l’ea unna figgia tanto corteise e graçiosa, unna belliscima famiggia», an contou i vexin ben ben sciätæ.

Traduçion italiaña

Bologna, incendio in appartamento: morti tre bambini con la madre

Tragedia il 15 marzo a Bologna: tre bambini e la loro madre sono morti in un incendio scoppiato di notte in un palazzo. I piccoli, due gemelli e una bimba, erano nella stessa stanza con la donna, 32enne originaria della Romania. Da quanto risulta, il fuoco sarebbe partito da una stufa elettrica: è probabile che sia stato il fumo a ucciderli. L’appartamento è stato sequestrato dalla magistratura. Il padre, che era separato dalla madre e non conviveva con lei, si è sentito male ed è stato portato in ospedale. «Era una ragazza molto gentile e carina, una bellissima famiglia», hanno raccontato i vicini sotto choc.

O çentrodrita o guägna in Abrusso ma o se scciappa in sciô terso incarrego

Dòppo a battòsta in Sardegna o çentrodrita o l’à guägno e eleçion regionale in Abrusso, donde l’é stæto confermou o Marco Marsilio comme prescidente contra o Luciano D’Amico, sostegnuo da-o campo larghiscimo di progrescisti. Fratelli d’Italia primmo partio, apreuvo gh’é o Pd e Forza Italia, vëgne zu a Lega ch’a passa da-o 27,5% a-o 7,6%. Intanto o Senato o l’à refuou l’emendamento da Lega in sciô terso incarrego a-i governatoî, coscì comme unna nòrma à sorpreisa ch’a pontava à levâ o segondo gio pe l’eleçion di scindichi. Unn’atra scciappeuia inta maggioransa, solo Italia Viva a l’à votou o mæximo.

Traduçion italiaña

Il centrodestra vince in Abruzzo ma si spacca sul terzo mandato

Dopo la sconfitta in Sardegna il centrodestra ha vinto le elezioni regionali in Abruzzo, dove è stato confermato Marco Marsilio come presidente contro Luciano D’Amico, sostenuto dal campo larghissimo dei progressisti. Fratelli d’Italia primo partito, dopo ci sono Pd e Forza Italia, crolla la Lega che passa dal 27,5% al 7,6%. Intanto il Senato ha rifiutato l’emendamento della Lega sul terzo mandato ai governatori, così come una norma a sorpresa che puntava a eliminare il secondo turno per l’elezione dei sindaci. Un’altra spaccatura nella maggioranza, solo Italia Viva ha votato allo stesso modo.

Foresto piggiou à cäsci e pugni da un carabinê: «No ò fæto ninte, ô denonçio»

Un òmmo de 23 anni, originäio da Guinea, o l’é stæto piggiou à cäsci e pugni da un carabinê ch’o l’ea apreuvo à arrestâlo pe rescistensa e dannezzamento. O l’é avvegnuo à Mòdena: à mostrâlo gh’é un video repiggiou da un passante e spantegou in scî social. Oua o protagonista o veu denonçiâ o militare: «M’an piccou sensa unna raxon, mi travaggio, no ò fæto niente de mâ», o dixe. À defendilo gh’é ascì o seu prinçipâ: «L’é sëi anni ch’o loua chì, an piggiou a persoña errâ». A Procua de Mòdena a l’à averto unn’investigaçion. Intanto o zoeno o l’é stæto lasciou anâ e o proçesso postiçipou a-i 18 d’arvî.

Traduçion italiaña

Straniero preso a calci e pugno da un carabiniere: «Non ho fatto niente, lo denuncio»

Un uomo di 23 anni, originario della Guinea, è stato preso a calci e pugni da un carabiniere che lo stava arrestando per resistenza e danneggiamento. È successo a Modena: a mostrarlo è un video ripreso da un passante e diffuso sui social. Ora il protagonista vuole denunciare il militare: «Mi hanno picchiato senza un motivo, io lavoro, non ho fatto niente di male», dice. A difenderlo c’è anche il suo datore di lavoro: «Lavora qui da sei anni, hanno preso la persona sbagliata». La Procura di Modena ha aperto un’inchiesta. Intanto il giovane è stato rilasciato e il processo posticipato al 18 aprile.

E notiçie da-o mondo

Senti a verscion registrâ:

O pappa: «Che l’Ucraina a l’ïse a bandea gianca». A Ruscia a-a preuva de eleçioin

L’Ucraina a dovieiva aveighe o cheu da «bandea gianca», ò sæ de «negoçiâ». L’à dito o pappa Françesco inte unn’intervista a-a svissera Rsi, de poule ch’an açeiso a dua reaçion de Kiev. «A nòstra bandea a l’é giana e bleu, con sta chì vivemmo, moimmo e guägnemmo. No ïsiemo mai de atre bandee», o l’à scrito o ministro de l’Estranxeo. Intanto o Vladimir Putin o parla torna de nucleare: «Da-o ponto de vista tecnico semmo pronti», o l’à dito. E intanto o veu mette de truppe a-o confin co-a Finlandia. In Ruscia, inte un climma de tenscion estremma, l’é comensou e eleçioin pe-o neuvo prescidente: Mosca a l’à misso in guardia da-e manifestaçioin d’oppoxiçioin, che se peuan punî in sciâ base da lezze.

Traduçion italiaña

Il Papa: «L’Ucraina alzi bandiera bianca». La Russia alla prova delle elezioni

L’Ucraina dovrebbe avere il coraggio della «bandiera bianca», cioè di «negoziare». Lo ha detto papa Francesco in un’intervista alla svizzera Rsi, parole che hanno acceso la dura reazione di Kiev. «La nostra bandiera è gialla e blu, con questa viviamo, moriamo e vinciamo. Non alzeremo mai altre bandiere», ha scritto il ministro degli Esteri. Intanto Vladimir Putin parla ancora di nucleare: «Dal punto di vista tecnico siamo pronti», ha detto. E intanto vuole schierare truppe al confine con la Finlandia. In Russia, in un clima di tensione estrema, sono iniziate le elezioni presidenziali: Mosca ha messo in guardia dalle manifestazioni di dissenso, punibili in base alla legge.

In Euröpa a primma lezze a-o mondo in sce l’intelligensa artifiçiale

O Parlamento europeo o l’à approvou a primma lezze a-o mondo in sce l’intelligensa artifiçiale. E neuve nòrme proibiscian çerte applicaçioin che mettan à reisego i driti de persoñe, comme i scistemi de categorizzaçion biometrica, l’estrapolaçion d’imagine de facce d’in sciâ Ræ ò da-e registraçioin de telecamere de guardia, i scistemi de reconoscimento de emoscioin in sciô travaggio e inte scheue. Ma ghe saià ascì de eçeçioin pe-e fòrse de poliçia inte çerti caxi particolæ. Intanto a Commiscion europea a l’à domandou de informaçioin à 8 zaganti do web, compreiso Facebook e Google, in sce l’intelligensa artifiçiale generativa e a diffuxon de deepfake.

Traduçion italiaña

In Europa la prima legge al mondo sull’intelligenza artificiale

Il Parlamento europeo ha approvato la prima legge al mondo sull’intelligenza artificiale. Le nuove norme proibiscono alcune applicazioni che mettono a rischio i diritti delle persone, come i sistemi di categorizzazione biometrica, l’estrapolazione di immagini dalle facce su Internet o dalle registrazioni delle telecamere di sorveglianza, i sistemi di riconoscimento delle emozioni nei luoghi di lavoro e nelle scuole. Ma ci saranno anche eccezioni per le forze dell’ordine in alcuni casi specifici. Intanto la Commissione europea ha chiesto informazioni a 8 colossi del web, compresi Facebook e Google, sull’intelligenza artificiale generativa e la diffusione di deepfake.

Oscar, Oppenheimer do Nolan o trionfa con sette premmi

Oppenheimer, l’urtimo cine do Christopher Nolan basou in sciâ biografia do poæ da bomba atòmica, o l’à trionfou a-a neutte di Oscar incasciando ben 7 premmi in sce 13 nòmine: megio cine, megio attô protagonista e comprimäio, megio regista, montaggio, fotografia e muxica originale. O premio pe-a megio attoa o l’é anæto a-a Emma Stone pe Poor Things do Yorgos Lanthimos, za Lion d’Öo à Veneçia, dond’a l’interpreta a Bella Baxter. O Jonathan Glazer o l’à battuo l’italian Matteo Garrone con The zone of interest comme megio cine in lengua foresta.

Traduçion italiaña

Oscar, Oppenheimer di Nolan trionfa con sette premi

Oppenheimer, l’ultimo film di Christopher Nolan basato sulla biografia del padre della bomba atomica, ha trionfato alla notte degli Oscar incassando ben 7 premi su 13 nomination: miglior film, miglior attore protagonista e comprimario, miglior regista, montaggio, fotografia e colonna sonora originale. Il premio per la miglior attrice è andato a Emma Stone per Poor Things di Yorgos Lanthimos, già Leone d’Oro a Venezia, dove interpreta Bella Baxter. Jonathan Glazer ha battuto l’italiano Matteo Garrone con The zone of interest come miglior film in lingua straniera