O Zinâ

Ediçion

E notiçie da-a Liguria

Senti a verscion registrâ:

A giudiçe a lascia o Toti a-i arresti in cà: «O peu ancon commette di crimini»

A giudiçe Paola Faggioni a l’à refuou l’instansa de revoca di arresti in cà pe-o prescidente da Liguria Giovanni Toti, accaxonou de corruçion. À presentâla l’ea stæto l’avvocato Stefano Savi, a Procua a l’aiva dæto pai negativo. Pe-a gip gh’é ancon o reisego de guastâ e preuve, visto che s’é ancon apreuvo à investigâ, e de resegondâ o crimine, prexempio inte eleçioin regionale do 2025. Pe fâla curta, pe fin che o Toti o l’arrestià in carrega, sciben che sospeiso, o saià tegnuo un reisego pe-o travaggio di inquirenti. O defensô o l’à annonçiou che faian recorso, ma i tempi son longhi, a-o manco un meise. «Domandiemo de poei incontrâ i soggetti co-i quæ discutte l’avvegnî politico», o l’à dito o Savi ch’o no l’à posciuo escludde l’ipòtexi de dimiscioin quande o Toti o l’avià posciuo parlâ co-i seu. Duo o cappo da Lega Matteo Salvini: «Soldiarietæ a-o Toti, a l’é davei giustiçia sta chì?». A seu lista in Liguria a ghe fa do cheu: «Prescidente, no t’arrende».

Traduçion italiaña

La giudice lascia Toti agli arresti domiciliari: «Può ancora commettere reati»

La giudice Paola Faggioni ha rigettato l’istanza di revoca degli arresti domiciliari per il presidente della Liguria Giovanni Toti, accusato di corruzione. A presentarla era stato l’avvocato Stefano Savi, la Procura aveva dato parere negativo. Per la gip c’è ancora il pericolo di inquinamento delle prove, visto che le indagini sono ancora in corso, e di reiterazione del reato, ad esempio nelle elezioni regionali del 2025. In sostanza, finché Toti rimarrà in carica, sebbene sospeso, sarà considerato un rischio per il lavoro degli inquirenti. Il difensore ha annunciato che faranno ricorso, ma i tempi sono lunghi, almeno un mese. «Chiederemo di poter incontrare i soggetti con cui discutere il futuro politico», ha detto Savi che non ha potuto escludere l’ipotesi delle dimissioni quando Toti avrà potuto parlare coi suoi. Duro il leader della Lega Matteo Salvini: «Solidarietà a Toti, è davvero giustizia questa?». La sua lista in Liguria gli fa coraggio: «Presidente, non ti arrendere».

San Comban, maio e moggê massacræ da-o passou galante da figgia

Maio e moggê de 62 e 65 anni, Angelo Imporzani e Karin Dupres, son stæti massacræ à pennaccæ da-o passou galante da figgia inta cà donde stavan à San Comban. I doî son stæti portæ in condiçioin graviscime à l’uspiâ San Martin de Zena, o seu can o l’é stæto ammassou. O zoeno, Andrea Bandini de 25 anni, o l’é stæto arrestou da-i carabinê dòppo unna fuga de vintiquattr’oe e passa inti bòschi de l’Aito. Segondo e testimonianse o no poeiva açettâ a fin da relaçion duâ pe çinque anni e o l’aiva za scrito a-a figgia menassando a moæ e a bestia. Lê a no l’aiva mai denonçiou. Portou in prexon à Marasci e sentio da-i pm, a-i quæ o l’à za fæto ben ben de ammiscioin, o l’é accaxonou de doggio tentativo d’ammassamento aggravou. A Procua a porrieiva contestâghe anche o stalking.

Traduçion italiaña

San Colombano, marito e moglie massacrati dall’ex fidanzato della figlia

Marito e moglie di 62 e 65 anni, Angelo Imporzani e Karin Dupres, sono stati massacrati a roncolate dall’ex fidanzato della figlia nella loro abitazione a San Colombano. I due sono stati portati in condizioni gravissime all’ospedale San Martino di Genova, il loro cane è stato ucciso. Il giovane, Andrea Bandini di 25 anni, è stato arrestato dai carabinieri dopo una fuga di più di ventiquattr’ore nei boschi della val d’Aveto. Secondo le testimonianze non riusciva ad accettare la fine della relazione durata cinque anni e aveva già scritto alla ragazza minacciando la madre e l’animale. Lei non lo aveva mai denunciato. Portato in carcere a Marassi e sentito dai pm, ai quali ha già fatto diverse ammissioni, è accusato di duplice tentato omicidio aggravato. La Procura potrebbe contestargli anche lo stalking,

Tursci, riscia mancâ de no guæi inta discuscion in sciô Liguria Pride

Sescion affogâ do Conseggio communale à Palaçio Tursci donde se discorriva in sciô Pride Village apreuvo a-e polemiche da Lega ch’a l’aiva accaxonou i organizzatoî de voei mostrâ a teoria gender tra i figgeu. I animi se son ascädæ dòppo l’intervento da conseggea Laura Gaggero de Fratelli d’Italia ch’a l’à parlou de «manipolaçion». Dapeu a Francesca Ghio da Lista RossoVerde a l’à dito «fæ angoscia», açendendo a raggia da maggioransa. Da lì à no guæi l’é scciuppou unna rattella tra o Cassibba e o Simone D’Angelo, cappogruppo do Pd, e i doî son anæti da-a vexin a-o scontro fixico. «Un climma d’intimidaçion», an dito i conseggê de l’oppoxiçion into sciortî tutti da-a sala rossa donde s’aiva da discutte ancon unna moçion in sciâ neuva diga. «Chi se ne va l’à delongo tòrto», o commento do scindico Marco Bucci o giorno apreuvo. L’Anpi a l’à condannou o «tentativo d’aggrescion» do Cassibba: «No açettemmo st’involuçion do costumme democratico».

Traduçion italiaña

Tursi, rissa sfiorata durante le discussione sul Liguria Pride

Seduta infuocata del Consiglio comunale a Palazzo Tursi dove si dibatteva del Pride Village dopo le polemiche della Lega che aveva accusato gli organizzatori di voler insegnare la teoria gender ai bambini. Gli animi si sono surriscaldati dopo l’intervento della consigliera Laura Gaggero di Fratelli d’Italia che ha parlato di «manipolazione». Poi Francesca Ghio della Lista RossoVerde ha detto «fate schifo», accendendo la rabbia della maggioranza. In breve è scoppiata una lite tra Cassibba e Simone D’Angelo, capogruppo del Pd, e i due sono andati vicini allo scontro fisico. «Un clima intimidatorio», hanno detto i consiglieri di opposizione uscendo tutti dalla sala rossa dove si doveva discutere ancora una mozione sulla nuova diga. «Chi se ne va ha sempre torto», il commento del sindaco Marco Bucci all’indomani. L’Anpi ha condannato il «tentativo di aggressione» di Cassibba: «Non accettiamo quest’involuzione del costume democratico».

E notiçie da l’Italia

Senti a verscion registrâ:

O G7 in Italia, approvou a deciaraçon da Meloni ma polemica in sce l’abòrto

S’é tegnuo à Borgo Egnazia, in Pulia, a riunion do G7 ospitâ da l’Italia. Inta deciaraçion finale a prescidente Giorgia Meloni a l’à ottegnuo l’inteisa di atri governanti in scî 50 miliardi de dòllari d’aggiutti à l’Ucraina pescando da-i fondi rusci bloccæ, unna coaliçion contra o traffego d’umoen, o cian Mattei pe l’Africa. Pe-a primma vòtta anche o pappa o l’à parteçipou: «Travaggiæ pe-a paxe – o l’à dito a-i grendi da Tæra – e pe unn’intelligensa artifiçiale à mesua d’òmmo». Ma inti primmi giorni à tegnî banco l’é stæto o caxo scciuppou co-a Fransa pe-a mancansa do ponto in sciâ garançia do drito d’abòrto into papê. O Macron o s’é dito «despiaxuo», a Meloni a l’à attaccou: «L’é mâ fâ da campagna elettorale a-o G7». Dapeu a çeña à Brindisi ch’a l’à ammermou a tenscion.

Traduçion italiaña

Il G7 in Italia, approvata la dichiarazione di Meloni ma polemica sull’aborto

Si è tenuto a Borgo Egnazia, in Puglia, il vertice del G7 ospitato dall’Italia. Nella dichiarazione finale la presidente Giorgia Meloni ha ottenuto l’intesa degli altri governanti sui 50 miliardi di dollari di aiuti all’Ucraina attingendo ai fondi russi bloccati, una coalizione contro il traffico di esseri umani, il piano Mattei per l’Africa. Per la prima volta anche il papa ha partecipato: «Lavorate per la pace – ha detto ai grandi della Terra – e per un’intelligenza artificiale a misura d’uomo». Ma nei primi giorni a tenere banco è stato il caso scoppiato con la Francia per la mancanza del punto sulla garanzia del diritto di aborto nel documento. Macron si è detto «dispiaciuto», Meloni lo ha attaccato: «È sbagliato fare campagna elettorale al G7». Poi la cena a Brindisi che ha stemperato la tensione.

Riscia in Parlamento, deputou leghista sospeiso pe 15 giorni

Riscia a-a Camia tanto che gh’ea a discuscion in sciô premierato e l’autonomia differençiâ. O deputou Leonardo Donno do Movimento 5 Stelle o l’à çercou de consegnâ unna bandea italiaña a-o ministro Calderoli, n’é vegnuo feua unna badaluffa inta quæ o Donno, ascì che protezzuo da-i commissi, o l’é finio in tæra. O deputou o l’à annonçiou ch’o stava ben dòppo un elettrocardiogramma e o l’à dito ch’o l’à piggiou un ficcòtto da-o leghista Iezzi, che però o l’à denegou: «Gh’ò provou, ma no l’ò corpio». O Iezzi o l’à piggiou 15 giorni de sospenscion, o Donno 4, sançioin anche pe di atri deputæ. L’oppoxiçion a l’à parlou d’aggrescion «squaddrista». O giorno apreuvo in Senato se cantava Bella ciao e di cöi comme «feua i fascisti». Segondo o viçesegrettäio da Lega Andrea Crippa l’é pezo «reciammâ o communiximo» che a Dexima Mas.

Traduçion italiaña

Rissa in Parlamento, deputato leghista sospeso per 15 giorni

Rissa alla Camera durante la discussioni sul premierato e l’autonomia differenziata. Il deputato Leonardo Donno del Movimento 5 Stelle ha cercato di consegnare una bandiera italiana al ministro Calderoli, ne è scaturito un parapiglia in cui Donno, benché protetto dai commessi, è finito a terra. Il deputato ha annunciato che stava bene dopo un elettrocardiogramma e ha detto di aver preso un cazzotto dal leghista Iezzi, che però ha negato: «Ho provato, ma non l’ho colpito». Iezzi ha preso 15 giorni di sospensione, Donno 4, sanzioni anche per altri deputati. L’opposizione ha parlato di aggressione «squadrista». Il giorno dopo in Senato si cantava Bella ciao e cori come «fuori i fascisti». Secondo il vicesegretario della Lega Andrea Crippa è peggio «richiamare il comunismo» che la Decima Mas.

Ballon, l’Italia do Spalletti in Germania pe defende o titolo europeo

L’Italia do Spalletti a comensa o campionato europeo in Germania con çercâ de defende o titolo conquistou à Londra do 2021. Con l’Albania comensa a fase à gioin. «A tenscion a cresce e a pòrta da contentessa – o l’à dito l’allenatô Luciano Spalletti –. I zugoei an da savei che semmo eröi e zaganti, a-i 60 mioin d’italien domando de zugâ con noiatri». O Donnarumma: «Voemo de atre neutte magiche». Inte l’urtima partia da amixi i azzurri an battuo a Bosnia pe 1-0 con unna ræ do Frattesi.

Traduçion italiaña

Calcio, l’Italia di Spalletti in Germania per difendere il titolo europeo

L’Italia di Spalletti inizia il campionato europeo in Germanio cercando di difendere il titolo conquistato a Londra nel 2021. Con l’Albania comincia la fase a gironi. «La tensione cresce e porta felicità – ha detto l’allenatore Luciano Spalletti –. I giocatori devono sapere che siamo eroi e giganti, ai 60 milioni di italiani chiedo di giocare con noi». Donnarumma: «Vogliamo altre notti magiche». Nell’ultima partita amichevole gli azzurri hanno battuto la Bosnia per 1-0 con un gol di Frattesi.

E notiçie da-o mondo

Senti a verscion registrâ:

Europee, a drita a fa o pin de voti: in Fransa o Macron o desfa o Parlamento

L’Euröpa a gia a drita. A-e urtime eleçioin cresce e formaçioin sovraniste, ascì che i partii da «maggioransa Ursula» mantëgnan e ciù tante carreghe in parlamento. O Ppe o se conferma o primmo partio con 398 setti in sce 720 totali. O prescidente franseise Emmanuel Macron, ch’o l’é anæto sotta de 16 ponti e passa contra a Marine Le Pen, o l’à desfæto l’Assemblée Nationale e convocou e neuve eleçioin a-a fin de zugno. In Germania Alternative für Deutschland a passa avanti de 2 ponti a-i soçialdemocratichi do Scholz. Fratelli d’Italia a-o mascimo stòrico con squæxi o 29%, cresce o Pd sorvia o 24%. L’attivista Ilaria Salis, elezzua co-e ciù tante preferense in Alleanza Verdi Sinistra, a l’é torna libera. A Ursula von der Leyen a çerca l’arrembo pe-o segondo incarrego inta Commiscion, tanto che o Salvini e a Le Pen strenzan un accòrdio pe l’unitæ da drita in Euröpa.

Traduçion italiaña

Europee, la destra fa il pieno di voti: in Francia Macron scioglie il Parlamento

L’Europa svolta a destra. Alle ultime elezioni crescono le formazioni sovraniste, anche se i partiti della «maggioranza Ursula» mantengono la maggior parte dei seggi in parlamento. Il Ppe si conferma primo partito con 398 seggi su 720 totali. Il presidente francese Emmanuel Macron, in svantaggio di oltre 16 punti percentuali contro Marine Le Pen, ha sciolto l’Assemblée National e convocato nuove elezioni alla fine di giugno. In Germania Alternative für Deutschland supera di 2 punti i socialdemocratici di Scholz. Fratelli d’Italia al massimo storico con quasi il 29%, cresce il Pd sopra il 24%. L’attivista Ilaria Salis, eletta col record di preferenze in Alleanza Verdi Sinistra, è di nuovo libera. Ursula von der Leyen cerca l’appoggio per il secondo mandato alla Commissione, mentre Salvini e Le Pen stringono un patto per l’unità della destra in Europa.

Isræle, o Gantz o lascia o governo. L’Onu a dixe de scì a-o cian di Stati Unii

O Bennet Gantz e o seu partio Unitæ naçionale an lasciou o governo isrælian, accaxonando o prescidente Benyamin Netanyahu de «impedî a vea vittöia» inta guæra de Gazza pe guägno politico e ciammando de neuve eleçioin. O cian do Biden pe-o fermæ o feugo o l’é passou into Conseggio de seguessa de l’Onu con 14 scì e l’astenscion da Ruscia. O progetto inte træ fase o l’intende mette fin a-o conflitto inta Striscia co-o retio progrescivo de l’exerçito isrælian e a liberaçion de tutti i ostaggi. Oua l’é tutto inte moen de Hamas. Ma l’accòrdio o pâ ancon lontan, anche perché va avanti i lansi de razzi de Hezbollah verso o nòrd d’Isræle, donde se temme unna neuva escalation che i Stati Unii fan de tutto pe schivâ.

Traduçion italiaña

Israele, Gantz lascia il governo. L’Onu dice sì al piano degli Stati Uniti

Bennet Gantz e il suo partito Unità nazionale hanno lasciato il governo israeliano, accusando il presidente Netanyahu di «impedire la vera vittoria» nella guerra di Gaza per convenienza politica e chiedendo nuove elezioni. Il piano di Biden per il cessate il fuoco è passato nel Consiglio di sicurezza dell’Onu con 14 sì e l’astensione della Russia. Il progetto in tre fasi intende mettere fine al conflitto nella Striscia col ritiro progressivo dell’esercito israeliano e la liberazione di tutti gli ostaggi. Ora è tutto nelle mani di Hamas. Ma l’accordo sembra ancora lontano, anche perché continuano i lanci di razzi di Hezbollah verso il nord di Israele, dove si teme una nuova escalation che gli Stati Uniti fanno di tutto per evitare.

A Ruscia a detta e condiçion pe fermâ a guæra, l’Ucraina: «A l’é unna burla»

A Ruscia a l’é pronta à fermâ a guæra e comensâ e negoçiaçioin se e truppe ucraine se retiàn areo da-e regioin de Donetsk, Lugansk, Zaporizhzhia e Kherson e se Kiev a s’impegnià à stâ feua da-a Nato. Son ste chì e condiçioin pòste da-o prescidente Vladimir Putin: pe-a primma vòtta Mosca a dixe ciæo e seu intençion. Ma l’Ucraina a no ghe stà: «Ninte de neuvo, a l’é unna burla». O Zelensky o l’à firmou un neuvo accòrdio co-o Biden in sciâ seguessa. O G7 o l’insciste: «Che a Ruscia a ferme l’aggrescion e ch’a paghe i danni», se leze inta deciaraçion finale con l’endosement a-a formola de paxe do Zelensky in vista da conferensa in Svissera.

Traduçion italiaña

La Russia detta la condizioni per fermare la guerra, l’Ucraina: «È una farsa»

La Russia è pronta a fermare la guerra e iniziare i negoziati se le truppe ucraine se ritireranno completamente dalle regioni di Donetsk, Lugansk, Zaporizhzhia e Kherson e se Kiev si impegnerà a stare fuori dalla Nato. Sono queste le condizioni poste dal presidente Vladimir Putin: per la prima volta Mosca dice chiaramente le sue intenzioni. Ma l’Ucraina non ci sta: «Niente di nuovo, è una farsa». Zelensky ha firmato un nuovo accordo con Biden sulla sicurezza. Il G7 insiste: «La Russia fermi l’aggressione e paghi i danni», si legge nella dichiarazione finale con l’endorsement alla formula di pace di Zelensky in vista della conferenza in Svizzera.