Approvou l’autonomia differençiâ, l’oppoxiçion a l’inandia o referendum
L’autonomia differençiâ a l’é unna lezze: dòppo unna discuscion duâ pe tutta a neutte a Camia a l’à approvou o provedimento à l’arba di 19 de zugno. Oua ògni Region a porrià domandâ a-o Stato de gestî da pe lê çerte matëie tra e 23 indicæ into testo. «L’Italia a l’é ciù fòrte e ciù giusta», a l’à dito a prescidente Meloni. Pe-a Lega «unna vittöia stòrica». E oppoxiçioin annonçian l’arrecuggeita de firme pe-o referendum abrogativo in sce unna lezze che ciamman «scciappa-Italia». Ma à protestâ gh’é anche di prescidenti de çentro-drita into Mezogiorno. L’Union Europea a l’à misso in guardia: «Dâ de competense in ciù a-e Regioin o compòrta di reiseghi pe-a coexon e e finanse pubriche». Intanto in Senato l’é arrivou anche o primmo «scì» a-o disegno de lezze in sciô premierato ch’o cangia a Constituçion.
Traduçion italiaña
Approvata l’autonomia differenziata, l’opposizione prepara il referendum
L’autonomia differenziata è legge: dopo una discussione durata tutta la notte la Camera ha approvato il provvedimento all’alba del 19 giugno. Ora ogni Regione potrà chiedere allo Stato di gestire da sé alcune materie tra le 23 indicate nel testo. «L’Italia è più forte e più giusta», ha detto la presidente Meloni. Per la Lega «una vittoria storica». Le opposizioni annunciano la raccolta delle firme per il referendum abrogativo su una legge che chiamano «spacca-Italia». Ma a protestare sono anche alcuni presidenti di centrodestra nel Mezzogiorno. L’Unione Europea ha messo in guardia: «Dare ulteriori competenze alle Regioni comporta rischi per la coesione e le finanze pubbliche». Intanto in Senato è arrivato anche il primo «sì» al disegno di legge sul premierato che cambia la Costituzione.
Louante mòrto con un brasso destaccou, l’aivan abbandonou in sciâ stradda
Un louante de 31 anni d’origine indiaña, Satnam Singh, o l’é mòrto dòppo un graviscimo açidente in sciô travaggio a-i 17 de zugno inte unn’açienda agricola inte campagne de Latiña. L’òmmo o l’aiva perso o brasso inte un machinäio rebellou da un trattô, ma o figgio do baccan, incangio de ciammâ soccorso, o l’à abbandonou davanti à cà seu. Portou à l’uspiâ San Camillo de Romma o l’à finio de vive da lì à trei giorni. «A l’é stæta unna scemmaia, mi ghe l’aiva dito ch’o no s’avvexinesse, ma lê o l’à fæto de testa seu», e poule do prinçipâ Renzo Lovato, che oua o l’é indagou pe ammassamento corposo. «Da mi o no l’é in regola», o l’avieiva respòsto o figgio Antonello à di zoeni che l’an visto mollâ lì o Satnam e scappâ via. «Un atto de barbaritæ», a l’à dito a ministra do Travaggio Elvira Calderone, dô e raggia da-i scindicati. A-i 20 de zugno un zoeno de 18 anni o l’é mòrto investio da un machinäio tanto ch’o louava inte un campo in Lombardia. «O l’ea apreuvo à fâ quello ch’o l’à sempre dexidiou», o regòrdo da moæ.
Traduçion italiaña
Bracciante morto con un braccio staccato, lo avevano abbandonato in strada
Un bracciante di 31 anni di origine indiana, Satnam Singh, è morto dopo un gravissimo incidente sul lavoro il 17 giugno in un’azienda agricola nelle campagne di Latina. L’uomo aveva perso il braccio in un macchinario trainato da un trattore, ma il figlio del titolare, invece di chiamare i soccorsi, lo ha abbandonato davanti a casa sua. Portato all’ospedale San Camillo di Roma ha smesso di vivere dopo tre giorni. «È stata una leggerezza, io lo avevo avvisato che non si avvicinasse, ma lui ha fatto di testa sua», le parole del titolare Renzo Lovato, che ora è indagato per omicidio colposo. «Da me non sta in regola», avrebbe risposto il figlio Antonello ad alcuni ragazzi che lo hanno visto abbandonare Satman e scappare via. «Un atto di barbarie», ha detto la ministra del Lavoro Elvira Calderone, dolore e rabbia dai sindacati. Il 20 giugno un giovane di 18 anni è morto investito da un macchinario mentre lavorava in un campo in Lombardia. «Stava facendo quello che ha sempre desiderato», il ricordo della madre.
O Roberto Baggio rapinou inta seu villa tanto ch’o l’ammiava Italia-Spagna
O campion de ballon Roberto Baggio o l’é stæto rapinou e piccou inta seu villa in provinsa de Viçensa tanto ch’o l’ammiava in televixon a partia Italia-Spagna di europëi co-a seu famiggia. O passou zugou da Naçionale o l’à çercou de fermâ i çinque laddri, ch’ean armæ, ma un de loiatri o l’à corpio in sciâ fronte con unna pistòlla. O Baggio, insemme co-a moggê e i figgi, o l’é arrestou serrou pe ciù de mez’oa inte unna stançia tanto che i malemmi portavan via i oggetti de prexo. Dapeu o l’é arriëscio à cacciâ zu a pòrta e o l’à ciammou i carabinê che son apreuvo à investigâ pe trovâ i responsabili. «Graçie pe l’affeçion, oua ò da fâme passâ a poia», o l’à commentou.
Traduçion italiaña
Roberto Baggio rapinato nella sua villa mentre guardava Italia-Spagna
Il campione di calcio Roberto Baggio è stato rapinato e picchiato nella sua villa in provincia di Vicenza mentre guardava in televisione la partita Italia-Spagna degli europei con la sua famiglia. L’ex giocatore della Nazionale ha cercato di fermare i cinque ladri, che erano armati, ma uno di loro lo ha colpito in fronte con una pistola. Baggio, insieme alla moglie e ai figli, è rimasto chiuso per più di mezz’ora in una stanza mentre i malviventi portavano via gli oggetti di pregio. Poi è riuscito a sfondare la porta e ha chiamato i carabinieri che stanno indagando per trovare i responsabili. «Grazie per l’affetto, ora devo superare la paura», ha commentato.
