O Zinâ

Ediçion

E notiçie da-a Liguria

O Toti o no se dimette, o çentro-drita: «Avanti fin a-a fin de l’incarrego»

O prescidente ligure Giovanni Toti o no se dimette e o l’aspeta a fin di arresti in cà co-o sostëgno da seu maggioransa. O l’é l’exito di incontri politichi avvegnui in settemaña inta seu rescidensa de Meggia co-o permisso do Tribunâ de Zena. A-i 24 de zugno l’é arrivou o viçeprescidente Piana co-i assessoî Scajola e Giampedrone, a-i 28 i cappi regionali di partii Rosso, Rixi e Bagnasco ch’an deciarou: «Avanti fin a-a fin de l’incarrego». L’avvocato Savi o confia d’ottegnî a revoca da mesua de prevençion a-o Riexamme ò tutt’a-o ciù a-a Cassaçion. Tutti i atri indagæ prinçipæ son de longo a-i arresti. O Signorini, l’unico in prexon à Marasci, o l’é stæto liçensiou ascì da l’Iren, ch’a gh’aiva za levou e deleghe da conseggê d’amministraçion. O seu avvocato o l’à presentou l’instansa a-o Riexamme, a deçixon a l’arrivià a-i primmi de luggio.

Traduçion italiaña

Toti non si dimette, il centrodestra: «Avanti fino alla fine del mandato»

Il presidente ligure Giovanni Toti non si dimette e aspetta la fine degli arresti domiciliari col sostegno della sua maggioranza. È l’esito degli incontri politici avvenuti in settimana nella sua residenza di Ameglia col permesso del Tribunale di Genova. Il 24 giugno sono arrivati il vicepresidente Piana con gli assessori Scajola e Giampedrone, il 28 i leader regionali dei partiti Rosso, Rixi e Bagnasco che hanno dichiarato: «Avanti fino alla fine del mandato». L’avvocato Savi confida di ottenere la revoca della misura cautelare al Riesame o al massimo alla Cassazione. Tutti gli altri indagati principali sono sempre agli arresti. Signorini, l’unico in carcere a Marassi, è stato anche licenziato da Iren, che gli aveva già tolto le deleghe da consigliere d’amministrazione. Il suo avvocato ha presentato istanza al Riesame, la decisione arriverà ai primi di luglio.

Rapallo e Sanremmo, elezzui i neuvi scindichi Ricci e Mager

Son stæti elezzui a-o segondo turno, a-i 23 e 24 de zugno, i scindichi de Rapallo e Sanremmo. Inta çittæ do Tigullio a vittöia a l’é anæta a-a Elisabetta Ricci, sostegnua da-o çentro-drita e da-o scindico in sciortia Carlo Bagnasco, ch’a l’à ottegnuo o 52,16% di voti. Battuo o Armando Ezio Capurro, za scindico de Rapallo, candidou çivico da mæxima area politica con l’arrembo do Francesco Angiolani e do Pd. Into Ponente, pe contra, o candidou de Fratelli d’Italia, Lega e Forza Italia Gianni Rolando o l’à dovuo fâ röso a-o Alessandro Mager, çivico sostegnuo ascì da-o Fellegara do Pd a-o ballottaggio, ch’o l’à piggiou o 51,1% de preferense.

Traduçion italiaña

Rapallo e Sanremo, eletti i nuovi sindaci Ricci e Mager

Sono stati eletti al secondo turno, il 23 e 24 giugno, i sindaci di Rapallo e Sanremo. Nella città del Tigullio la vittoria è andata a Elisabetta Ricci, sostenuta dal centro-destra e dal sindaco uscente Carlo Bagnasco, che ha ottenuto il 52,16% dei voti. Battuto Armando Ezio Capurro, già sindaco di Rapallo, candidato civico della stessa area politica con l’appoggio di Francesco Angiolani e del Pd. Nel Ponente, invece, il candidato di Fratelli d’Italia, Lega e Forza Italia Gianni Rolando ha dovuto cedere il passo ad Alessandro Mager, civico sostenuto anche da Fellegara del Pd al ballottaggio, che ha raccolto il 51,1% delle preferenze.

Ponte Morandi, manca o tecnico precäio: proçesso à reisego

O proçesso pe-o deruo do ponte Morandi à Zena o va à reisego d’affermâse. L’udiensa di 27 de zugno a l’é comensâ con doe de retardio e i problemi porrieivan presentâse torna inti giorni che vëgnan. A raxon? O tecnico, dependente precäio de unn’açienda de Romma ch’a l’à piggiou o serviçio de registraçion de udiense, o no s’é presentou. O seu contræto o l’é descheito e o l’avieiva tantiscime oe de straordenäio mai pagæ. O Tribunâ o l’à domandou de mandâ un tecnico do ministëio da Giustiçia da Milan. O pm Airoldi, esperto d’informatica, o l’é arriëscio à fâ fonçionâ o scistema, ma pe-i pròscimi appontamenti a seguessa de mëgâla a no gh’é.

Traduçion italiaña

Ponte Morandi, manca il tecnico precario: processo a rischio

Il processo per il crollo di ponte Morandi a Genova rischia di fermarsi. L’udienza del 27 giugno è iniziata con due ore di ritardo e i problemi potrebbero ripresentarsi nei prossimi giorni. La ragione? Il tecnico, dipendente precario di un’azienda di Roma che ha acquisito il servizio di registrazione delle udienze, non si è presentato. Il suo contratto è scaduto e avrebbe moltissime ore di straordinario mai pagate. Il Tribunale ha chiesto di inviare un tecnico del ministero della Giustizia da Milano. Il pm Airoldi, esperto di informatica, è riuscito a far funzionare il sistema, ma per i prossimi appuntamenti la certezza di trovare una soluzione non c’è.

E notiçie da l’Italia

Pescara, ammassou à 17 anni da doî zoeni pe un debito da 250 euro

Un zoeno de 17 anni, Christopher Thomas Luciani, o l’é stæto ammassou à Pescara con vintiçinque cotellæ a-i 23 de zugno. O còrpo o l’é stæto attrovou inta seiaña inte un parco da çittæ. À levâghe a vitta son stæti atri doî zoeni de 16 anni, figgi de un avvocato e de un maresciallo di carabinê, dòppo unna ratella pe un debito de 250 euro ligou a-a vendia de dröga. Dòppo o delitto a compagnia de zoeni a l’é anæta à fâse o bagno in mâ e un di assascin o l’à lasciou o cotello ancon brutto de sangue derê à un scheuggio. «Voeivan fâlo patî e dapeu ammassâlo», o l’à scrito o giudiçe ch’o l’à dispòsto de tegnîli inte un instituto. A Procua a porrieiva contestâghe ascì a premeditaçion.

Traduçion italiaña

Pescara, ucciso a 17 anni da due ragazzi per un debito da 250 euro

Un ragazzo di 17 anni, Christopher Thomas Luciani, è stato ucciso a Pescara con venticinque coltellate il 23 giugno. Il corpo è stato trovato nella serata in un parco della città. A togliergli la vita sono stati altri due giovani di 16 anni, figli di un avvocato e di un maresciallo dei carabinieri, dopo una lite per un debito di 250 euro legato allo spaccio di droga. Dopo il delitto la compagnia di ragazzi è andata a fare il bagno in mare e uno degli assassini ha lasciato il coltello ancora sporco di sangue dietro a uno scoglio. «Volevano farlo soffrire e poi ucciderlo», ha scritto il giudice che ha disposto di tenerli in un istituto. La Procura potrebbe contestare loro anche la premeditazione.

Fratelli d’Italia, scceuppa un neuvo caxo: cöi fascisti e offeise antisemite tra i zoeni

Unna neuva tempesta in sce Fratelli d’Italia, o primmo partio do Paise. A segonda parte de l’investigaçion giornalistica de Fanpage a mostra di militanti de Gioventù nazionale, a seçion di zoeni do partio, autoî de cöi fascisti e offeise antisemite sensa savei d’ëse registræ. A prescidente do Conseggio Giorgia Meloni a l’à piggiou poxiçion: «Chi à di sentimenti razzisti, antisemiti ò nostalgichi o s’é inarou de casa perché sti sentimenti son incompatibili con Fratelli d’Italia». Però dapeu a l’à attaccou: «Infiâse inte riunioin di partii o l’é da regimme». O prescidente do Senato Ignazio La Russa o l’à parlou de «frase che no se peuan açettâ». A Flaminia Pace, segrettäia do gruppo Pinciano de Gioventù nazionale, a l’à dæto a dimiscioin. Ma l’oppoxiçion a domanda de serrâ o movimento: «A l’é unn’organizzaçion fascista».

Traduçion italiaña

Fratelli d’Italia, scoppia un nuovo caso: cori e offese antisemite tra i giovani

Una nuova tempesta su Fratelli d’Italia, il primo partito del Paese. La seconda parte dell’inchiesta giornalistica di Fanpage mostra militanti di Gioventù Nazionale, la sezione giovanile del partito, autori di cori fascisti e offese antisemite senza sapere di essere registrati. La presidente del Consiglio Giorgia Meloni ha preso posizione: «Chi ha sentimenti razzisti, antisemiti o nostalgici ha sbagliato casa perché questi sentimenti sono incompatibili con Fratelli d’Italia». Poi però ha attaccato: «Infiltrarsi nelle riunioni dei partiti è da regime». Il presidente del Senato Ignazio La Russa ha parlato di «frasi inaccettabili». Flaminia Pace, segretaria del gruppo Pinciano di Gioventù Nazionale, ha rassegnato le dimissioni. Ma l’opposizione chiede di chiudere il movimento: «È un’organizzazione fascista».

A Ilaria Salis a va in Parlamento, ma in Lombardia veuan sexîghe a paga

A Ilaria Salis a l’intra into Parlamento europeo da elezzua pe l’Alleanza Verdi Sinistra. Dòppo 15 meixi de prexon à Budapest incomensa l’avventua politica ma l’ombra da detençion a no l’é ancon scentâ: «A mæ costion giudiçiäia a no l’é ancon serrâ – a l’à contou –. Gh’ò l’inmunitæ, ma l’Ongaia a peu domandâ a revoca e inte quello caxo dovià esprimmise o Parlamento europeo». Intanto però o Conseggio regionale da Lombardia o l’à approvou unna moçion de Fratelli d’Italia ch’a domanda de sexî o saläio da deputâ pe pagâ i danni de unna presonta occupaçion de unna casa popolare de 15 anni inderê.

Traduçion italiaña

Ilaria Salis va in Parlamento, ma in Lombardia vogliono pignorarle lo stipendio

Ilaria Salis entra nel Parlamento europeo da eletta per l’Alleanza Verdi Sinistra. Dopo 15 mesi di prigione a Budapest inizia l’avventura politica ma l’ombra della detenzione non si è ancora diradata: «La mia vicenda giudiziaria non è ancora chiusa – ha raccontato –. Godo dell’immunità, ma l’Ungheria può chiedere la revoca e in quel caso dovrà esprimersi il Parlamento europeo». Intanto però il Consiglio regionale della Lombardia ha approvato una mozione di Fratelli d’Italia che chiede di pignorare il salario della deputata per pagare i danni di una presunta occupazione di una casa popolare di 15 anni fa.

E notiçie da-o mondo

Union europea, accòrdio pe-a Ursula von der Leyen prescidente da Commiscion

A todesca Ursula von der Leyen a saià torna a prescidente da Commiscion europea. L’accòrdio o l’é stæto serrou inta seiaña di 27 de zugno da popolari, liberali e soçialisti. L’estone Kaja Kallas a l’é stæta çernua comme erta representante, o portogheise Antonio Costa o saià o prescidente do Conseggio. Italia taggiâ feua, sciben che a Meloni a l’é sciortia ciù fòrte da-e eleçioin, e donca astegnua in sciâ nòmina da von der Leyen. Ma i 398 voti de Ppe, Pse e liberali porrieivan no ëse assæ pe passâ a preuva de l’eleçion segretta in parlamento. Intanto in Fransa o prescidente Macron, ch’o l’à tòsto desfæto l’Assemblea naçionale, o promette ch’o l’arrestià in carrega fin à l’urtimo giorno, à mazzo do 2027.

Traduçion italiaña

Unione europea, accordo per Ursula von der Leyen presidente della Commissione

La tedesca Ursula von der Leyen sarà ancora la presidente della Commissione europea. L’accordo è stato chiuso nella serata del 27 giugno da popolari, liberali e socialisti. L’estone Kaja Kallas è stata scelta come alta rappresentante, il portoghese Antonio Costa sarà il presidente del Consiglio. Italia tagliata fuori, nonostante Meloni fosse uscita più forte dalle elezioni, e quindi astenuta sulla nomina di von der Leyen. Ma i 398 voti di Ppe, Pse e liberali potrebbero non essere abbastanza per superare la prova dell’elezione segreta in parlamento. Intanto in Francia il presidente Macron, che ha appena sciolto l’Assemblea nazionale, promette che rimarrà in carica fino all’ultimo giorno, a maggio 2027.

Stati Unii, desfæta pe-o Biden into primmo confronto in televixon co-o Trump

O primmo confronto in televixon pe-e eleçioin inti Stati Unii o l’à misso d’accòrdio tutti i analisti: pe-o Joe Biden a l’é stæta unna desfæta. O prescidente in carrega o s’é presentou contra o Donald Trump co-a voxe röca, in confuxon e i euggi into veuo. A seu squaddra a l’annonçia ch’o no lascià a corsa pe-a prescidensa, ma oua into Partio Democratico no son guæi à defendilo e tanti vorrieivan sostituîlo. Inte st’ipòtexi i nommi che gian son quelli da Kamala Harris, a seu viçeprescidente, do Gavin Newsom, governatô da Califòrnia, ma anche da Michelle Obama, a passâ first lady.

Traduçion italiaña

Stati Uniti, disfatta per Biden nel primo confronto in televisione con Trump

Il primo confronto in televisione per le elezioni negli Stati Uniti ha messo d’accordo tutti gli analisti: per Joe Biden è stata una disfatta. Il presidente in carica si è presentato contro Donald Trump con la voce roca, in confusione e gli occhi nel vuoto. Il suo staff annuncia che non lascerà la corsa per la presidenza, ma ora nel Partito Democratico non sono molti a difenderlo e tanti vorrebbero sostituirlo. In quest’ipotesi i nomi che circolano sono quelli di Kamala Harris, la sua vicepresidente, Gavin Newsom, governatore della California, ma anche Michelle Obama, l’ex first lady.

WikiLeaks, o Julian Assange o torna in libertæ dòppo 12 anni

O Julian Assange, o fondatô de WikiLeaks, o l’é tornou in libertæ. O giornalista e attivista o l’à açettou de deciarâse corpeive de conspiraçion contra i Stati Unii pe-o seu ròllo inte WikiLeaks e o l’à ottegnuo a renonçia a-a domanda d’estradiçion in Gran Bretagna. Dòppo çinque anni o l’à lasciou a prexon de mascima seguessa into Regno Unio, o l’à formalizzou o pattezzamento into tribunâ de Saipan e o l’é xoou into seu Paise, l’Australia. Pe-o momento o no porrià tornâ inti Stati Unii sensa unn’autorizzaçion. Unn’odissea duâ pe 12 anni, tra denonçie pe crimini de guæra e accaxonamenti pe violensa sessuale.

Traduçion italiaña

WikiLeaks, Julian Assange torna in libertà dopo 12 anni

Julian Assange, fondatore di WikiLeaks, è tornato in libertà. Il giornalista e attivista ha accettato di dichiararsi colpevole di cospirazione contro gli Stati Uniti per il suo ruolo in WikiLeaks e ha ottenuto la rinuncia alla richiesta di estradizione in Gran Bretagna. Dopo cinque anni ha lasciato il carcere di massima sicurezza nel Regno Unito, ha formalizzato il patteggiamento nel tribunale di Saipan ed è volato nel suo Paese, l’Australia. Per ora non potrà tornare negli Stati Uniti senza un’autorizzazione. Un’odissea durata 12 anni, tra denunce per crimini di guerra e accuse di violenza sessuale.