O Mattarella: «No a-a democraçia da maggioransa», a Meloni: «No strumentalizzælo»
No à l’assolutiximo de Stato, nisciuña restriçion in nomme do dovei de governâ: «Unna democraçia da maggioransa a saieiva unna contradiçion ch’a no peu guarî». Son e poule prononçiæ da-o prescidente da Repubrica Sergio Mattarella into descorso in sciâ relaçion tra libertæ e democraçia a-a Settemaña soçiale di cattòlichi à Trieste. Un reciammo che tanti an ligou a-a reforma do premierato vosciua da-o governo Meloni. O cappo da Lega Matteo Salvini o l’à attaccou: «O pòpolo o vota, o pòpolo o guägna. Tutt’a-o ciù chì gh’é o problema da dittatua de minoranse, miga a-a reversa». Dapeu l’é intervegnuo a prescidente do Conseggio: «No se fa un piaxei a-e instituçioin se ògni cösa che dixe o Mattarella a ven strumentalizzâ». A Meloni a l’à scrito ascì unna lettia dòppo l’investigaçion de Fanpage in sce Gioventù nazionale: «Emmo za fæto i conti co-i Vint’anni, into partio no gh’é pòsto pe-i nostalgichi di totalitariximi do Neuveçento e pe-i antisemiti ò pe quæsesegge manifestaçion de folclore nescio».
Traduçion italiaña
Mattarella: «No alla democrazia della maggioranza». Meloni: «Non strumentalizzatelo»
No all’assolutismo di Stato, nessuna restrizione in nome del dovere di governare: «Una democrazia della maggioranza sarebbe una contraddizione insanabile». Sono le parole pronunciate dal presidente della Repubblica Sergio Mattarella nel discorso sul rapporto tra libertà e democrazia alla Settimana sociale dei cattolici a Trieste. Un richiamo che molti hanno collegato alla riforma del premierato voluta dal governo Meloni. Il leader della Lega Matteo Salvini ha attaccato: «Il popolo vota, il popolo vince. Al massimo qui c’è il problema della dittatura delle minoranze, non viceversa». Poi è intervenuta la presidente del Consiglio: «Non si fa un favore alle istituzioni se ogni cosa che dice Mattarella viene strumentalizzata». Meloni ha scritto anche una lettera dopo l’inchiesta di Fanpage su Gioventù nazionale: «Abbiamo già fatto i conti col Ventennio, nel partito non c’è posto per i nostalgici dei totalitarismi del Novecento e per gli antisemiti o per qualsiasi manifestazione di stupido folklore».
Romma, dònna ammassâ da-o passou compagno con unna scciuppettâ
Unna dònna de 50 anni, Manuela Petrangeli, a l’é stæta ammassâ pe-a stradda à Romma a-i 4 de luggio da-o passou compagno Gianluca Molinaro con un corpo de scceuppo tiou da unna machina in corsa. I doî s’ean mollæ che l’ea trei anni. A dònna a l’ea tòsto sciortia da l’instituto donde a travaggiava comme fixoterapista e a l’ea apreuvo à anâ à piggiâ o figgio de 9 anni à cà di messiäi. I soccorsci no son servii. L’òmmo, 53 anni, o s’é presentou inte unna caserma di carabinê con l’arma de l’assascinio. O l’ea za stæto denonçiou pe stalking da unn’atra passâ compagna, moæ da seu primma figgia, e pròpio lê a l’avieiva convinto à consegnâse.
Traduçion italiaña
Roma, donna uccisa dall’ex compagno con una fucilata
Una donna di 50 anni, Manuela Petrangeli, è stata uccisa per strada a Roma il 4 luglio dall’ex compagno Gianluca Molinaro con un colpo di fucile sparato da un’auto in corsa. I due si erano lasciati tre anni fa. La donna era appena uscita dall’istituto dove lavorava come fisioterapista e stava andando a prendere il figlio di 9 anni a casa dei nonni. Inutili i soccorsi. L’uomo, 53 anni, si è presentato in una caserma dei carabinieri con l’arma del delitto. Era già stato denunciato per stalking da un’altra precedente compagna, madre della sua prima figlia, e proprio lei lo avrebbe convinto a consegnarsi.
Alluvion in Valle d’Aòsta, çentanæa portæ via co-i elicòtteri: Cogne isoâ pe un meise
O tempo grammo o l’à sciätou e valladde do Nòrd Òvest con frañe, allagamenti, inondaçioin, stradde bloccæ e gente scorrie d’in cà. Unna vea alluvion a l’à corpio Cogne e Cervinia in Valle d’Aòsta. Into commun do Gran Paradiso, arrestou isoou e sens’ægua, çentanæa de persoñe son stæte portæ via con di elicòtteri. I travaggi pe arvî torna a stradda son comensæ a-a spedia, ma o paise o l’arrestià taggiou feua pe un meise, coscì a ministra do Turiximo Daniela Santanchè a l’à propòsto de portâ i villezzanti in elicòttero, à condiçion che staggan a-o manco pe quattro giorni. In Valtournenche se conta za mioin de danni apreuvo che o sciumme o l’à invaso buteghe, magazzin e garaxe, ma tante attivitæ an za repiggiou, coscì comme i mezzi da remontâ.
Traduçion italiaña
Alluvione in Valle d’Aosta, centinaia evacuati con gli elicotteri: Cogne isolata per un mese
Il maltempo ha sconvolto le vallate del Nord Ovest con frane, allagamenti, inondazioni, strade bloccate e sfollati. Una vera alluvione ha colpito Cogne e Cervinia in Valle d’Aosta. Nel comune del Gran Paradiso, rimasto isolato e senz’acqua, centinaia di persone sono state evacuate con elicotteri. I lavori per riaprire la strada sono iniziati immediatamente, ma il paese rimarrà irraggiungibile per un mese, così la ministra del Turismo Daniela Santanchè ha proposto di portare i vacanzieri in elicottero, a condizioni che si fermino almeno per quattro giorni. In Valtournenche si contano già milioni di danni dopo che il fiume ha invaso negozi, magazzini e garage, ma tante attività sono già ripartite, così come gli impianti di risalita.
