O Zinâ

Ediçion

E notiçie da-a Liguria

Senti a verscion registrâ:

Confermou i arresti in cà pe-o Toti, oua o recorso a-a Cassaçion

O Tribunâ do Riexamme de Zena o l’à confermou i arresti in cà pe-o Giovanni Toti, prescidente da Region Liguria accaxonou de corruçion e sospeiso da l’incarrego da-i 7 de mazzo. I giudiçi an refuou l’appello presentou da l’avvocato Stefano Savi pe-a raxon che o reisego de commette torna o crimine o saieiva ancon «concreto e attuale», sciben che no gh’é ciù quello de guastâ e preuve. L’interrogatöio davanti a-i pm? «De nisciuña importansa», scrive i magistrati. O Savi o l’à confermou che l’ordinansa a saià impugnâ in Cassaçion, ma intanto ghe saià unn’atra instansa de revoca e se domandià di neuvi incontri politichi inta villetta de Meggia donde o Toti o l’é costreito à stâ. O Riexamme o l’à denegou quæsesegge prescion pe-e dimiscioin, unna deçixon che solo o prescidente o porrià piggiâ, dixe l’avvocato. Intanto a scinistra e o Movimento 5 Stelle inandian unna gran manifestaçion co-i cappi naçionali à Zena pe domandâ de «liberâ a Liguria tegnua in ostaggio» e tornâ à votâ a-a spedia.

Traduçion italiaña

Confermati gli arresti domiciliari per Toti, ora il ricorso alla Cassazione

Il Tribunale del Riesame di Genova ha confermato gli arresti domiciliari per Giovanni Toti, presidente della Regione Liguria accusato di corruzione e sospeso dall’incarico dal 7 maggio. I giudici hanno rigettato l’appello presentato dall’avvocato Stefano Savi con la motivazione che il rischio di reiterare il reato sarebbe ancora «concreto e attuale», sebbene sia venuto meno quello di inquinamento delle prove. L’interrogatorio davanti ai pm? «Del tutto irrilevante», scrivono i magistrati. Savi ha confermato che l’ordinanza sarà impugnata in Cassazione, ma intanto ci sarà un’altra istanza di revoca e verranno chiesti nuovi incontri politici nella villetta di Ameglia dove Toti è costretto a soggiornare. Il Riesame ha negato qualsiasi pressione per le dimissioni, una decisione che solo il presidente potrà prendere, dice l’avvocato. Intanto la sinistra e il Movimento 5 Stelle preparano una grande manifestazione coi leader nazionali a Genova per chiedere di «liberare la Liguria tenuta in ostaggio» e tornare subito al voto.

Primma inauguraçion pe-o neuvo Palasport de Zena

L’é stæto presentou à Zena o neuvo campo do Palasport, primmo tascello do Waterfront firmou da l’architetto Renzo Piano. O spaçio o l’é stæto accattou torna pe 23 mioin da-o Commun, ch’o l’aiva venduo tutto l’edifiçio a-i privæ pe 14 mioin. «O l’é belliscimo e o saià un gran spaçio pe-i zeneixi, da addeuviâ tutti i giorni», o l’à dito o viçescindico Pietro Piciocchi. L’intençion a l’é d’arvîlo a-o pubrico do 2024 pe-o primmo evento internaçionale. O tiatro o porrià tegnî da 4mia à 5mia persoñe. Tra e novitæ, à parte i setti cô «verde pesto», gh’é unna neuva miagia luminosa, unn’acustica ciù boña, o pavimento de ciumento ch’o se peu crovî con parquet ò di atri materiali inte quattr’oe. O cavagno into mezo incangio o l’é arrestou intrego, comme comandou da-a Sovrintendensa. Tutto d’in gio ghe saià un çentro de commerçio con 100 butteghe e passa. E pròpio into cantê do Palasport inti giorni primma de l’evento un operäio de 31 anni o l’é cheito pe ciù de trei metri: pe fortuña e seu condiçioin no son grave. L’area a l’é stæta sexia.

Traduçion italiaña

Prima inaugurazione per il nuovo Palasport di Genova

È stata presentata a Genova la nuova arena del Palasport, primo tassello del Waterfront firmato dall’architetto Renzo Piano. Lo spazio è stato ricomprato per 23 milioni dal Comune, che aveva venduto tutto l’edificio ai privati per 14 milioni. «È bellissimo e sarà un grande spazio per i genovesi, da usare quotidianamente», ha detto il vicesindaco Pietro Piciocchi. L’obiettivo è aprirlo al pubblico nel 2024 per il primo evento internazionale. L’arena potrà contenere da 4mila a 5mila presone. Tra le novità, a parte i sedili color «verde pesto», ci sono una nuova parete luminosa, un’acustica migliorata, il pavimento in cemento che si può coprire con parquet o altri materiali in quattro ore. Il canestro centrale invece è rimasto intatto, come indicato dalla Soprintendenza. Tutto intorno ci sarà un centro commerciale con oltre 100 negozi. E proprio nel cantiere del Palasport nei giorni prima dell’evento un operaio di 31 anni è caduto per più di tre metri: per fortuna le sue condizioni non sono gravi. L’area è stata sequestrata.

A protesta di agricoltoî liguri contra i pòrchi sarvæghi: «O nòstro peson»

I agricoltoî liguri an manifestou davanti a-o palaçio da Region Liguria pe domandâ un cian straordenäio contra i pòrchi sarvæghi: «Un peson pe-e nòstre açiende», an scrito in scî cartelli. Çentanæa e impreise mobilitæ da-a Coldiretti pe denonçiâ a devastaçion de campagne pe corpa de ste bestie, pe tanti o problema ciù gròsso da affrontâ. I agricoltoî vorrieivan ciù abbattimenti, no solo pe man di caccioei, l’introduçion de gagge e un aumento da vigilansa. «Into 2022-23 a quöta assegnâ a l’ea de 30mia, se n’é abbattuo solo 13mia, o 45% – attacca o prescidente Gianluca Boeri –. No se poemo ciù permette de pagâ i danni».

Traduçion italiaña

La protesta degli agricoltori liguri contro i cinghiali: «Il nostro incubo»

Gli agricoltori liguri hanno manifestato davanti al palazzo della Regione Liguria per chiedere un piano straordinario contro i cinghiali: «Un incubo per le nostre aziende», hanno scritto sui cartelli. Centinaia le imprese mobilitate dalla Coldiretti per denunciare la devastazione delle campagne per colpa di questi animali, per molti il problema maggiore da affrontare. Gli agricoltori vorrebbero più abbattimenti, non solo per opera dei cacciatori, l’introduzione di gabbie e un aumento della vigilanza. «Nel 2022-23 la quota assegnata era di 30mila, ne sono stati abbattuti solo 13mila, il 45% – attacca il presidente Gianluca Boeri –. Non possiamo più permetterci di pagare i danni».

E notiçie da l’Italia

Senti a verscion registrâ:

Giustiçia, scì a-a neuva reforma: o Governo o l’abolisce l’abuso d’offiçio

Dòppo a reforma da magistratua avâ da-o Conseggio di ministri a Camia a l’à approvou – anche co-i voti de Azione e Italia Viva – o disegno de lezze propòsto da-o ministro da Giustiçia Carlo Nordio ch’o cangia ciù parte do còdixe penale e de l’ordinamento giudiçiäio. A primma novitæ a l’é l’aboliçion de l’abuso d’offiçio, un crimine contestou sorviatutto da scindichi e amministratoî locali. Cangia anche a definiçion do traffego d’influense inleçite, ch’o se porrià applicâ solo a-i caxi ciù gravi. L’avviso de garançia o saià consegnou de mainea da garantî a discreçion, saià obrigatöio interrogâ un indagou avanti d’applicâ unna mesua preventiva e ghe saià di neuvi limiti in scê interçettaçioin. In ciù o pubrico ministëio o no porrià appellâse à unna sentensa d’assoluçion de primmo graddo. «Da ancheu l’Italia a l’é un Paise ciù ingiusto», attacca e oppoxiçioin. O Nordio o l’à confermou che ghe saià unna «reforma organica» de interçettaçioin.

Traduçion italiaña

Giustizia, sì alla nuova riforma: il Governo abolisce l’abuso d’ufficio

Dopo la riforma della magistratura varata dal Consiglio dei ministri la Camera ha approvato – anche coi voti di Azione e Italia Viva – il disegno di legge proposto dal ministro della Giustizia Carlo Nordio che modifica più parti del codice penale e dell’ordinamento giudiziario. La prima novità è l’abolizione dell’abuso d’ufficio, un reato contestato soprattutto da sindaci e amministratori locali. Cambia anche la definizione del traffico di influenze illecite, che si potrà applicare solo ai casi più gravi. L’avviso di garanzia sarà consegnato in modo da garantire la riservatezza, sarà obbligatorio interrogare un indagato prima di applicare una misura cautelare e ci saranno nuovi limiti sulle intercettazioni. Inoltre il pubblico ministero non potrà appellarsi a una sentenza di assoluzione di primo grado. «Da oggi l’Italia è un Paese più ingiusto», attaccano le opposizioni. Nordio ha confermato che ci sarà una «riforma organica» delle intercettazioni.

Condannou à vitta, latitante pe giorni: trovou ascoso inta seu villa

O l’ea ascoso into cascetton do letto. Coscì i carabinê an trovou a-i 11 de luggio o Giacomo Bozzoli, da giorni latitante dòppo a condanna definitiva a-a prexon à vitta pe l’ammassamento do barba Mario Bozzoli, cacciou into forno da fonderia de famiggia into Brescian do 2015. Despëtenou con barba e mostasci inta seu villa de Soiano in sciô Lago, o l’aiva indòsso un borsello con 50mia euro. A-o 1° de luggio a sentensa da Cassaçion, ma a fuga a l’ea za comensâ da unna dexeña de giorni insemme co-a compagna e o figgio de 9 anni. À sponciâlo à consegnâse l’ea stæto primma o seuxo e dapeu o procuou de Brescia Guido Rispoli: «S’o l’à davei a-o cheu o ben de seu figgio o dovieiva constituîse – o l’aiva dito – solo coscì a famiggia a porrià torna quëtâ». O Bozzoli o s’é delongo dito innoçente e inta seu primma neutte in prexon o l’é stæto tegnuo d’euggio pe poia ch’o se fesse do mâ.

Traduçion italiaña

Condannato all’ergastolo, latitante per giorni: trovato nascosto nella sua villa

Era nascosto nel cassettone del letto. Così i carabinieri hanno trovato l’11 luglio Giacomo Bozzoli, da giorni latitante dopo la condanna definitiva all’ergastolo per l’omicidio dello zio Mario Bozzoli, gettato nel forno della fonderia di famiglia nel Bresciano nel 2015. Spettinato con barba e baffi nella sua villa di Soiano sul Lago, aveva addosso un borsello con 50mila euro. Il 1° luglio la sentenza di Cassazione, ma la fuga era già iniziata da una decina di giorni insieme alla compagna e al figlio di 9 anni. A spingerlo a consegnarsi era stato prima il suocero e poi il procuratore di Brescia Guido Rispoli: «Se ha veramente a cuore il bene di suo figlio dovrebbe costituirsi – aveva detto – solo così la famiglia potrà ritrovare la quiete». Bozzoli si è sempre detto innocente nella sua prima notte in carcere è stato sorvegliato a vista per timore che si facesse del male.

L’airopòrto de Malpensa intitolou a-o Silvio Berlusconi

L’airopòrto de Malpensa o l’é stæto intitolou a-o Silvio Berlusconi. Tra mille polemiche l’offiçialitæ a l’é arrivâ a-i 11 de luggio con unna nòtta do ministëio di Traspòrti ch’o minsoña unn’ordinansa de l’Enac ch’a stabilisce fin d’oua o cangio de denominaçion. L’annonçio l’aiva dæto a-i 5 de luggio o ministro Matteo Salvini, che ancheu o l’esprimme «gran satisfaçion». «Un giusto tributo» pe-o prescidente da Lombardia Attilio Fontana. Pe-a figgia Barbara Berlusconi «ben ògni mainea d’arregordâ mæ poæ». Ma à Milan l’é scciuppou a protesta, o scindico Beppe Sala pe-o primmo: «No gh’é ciù rispetto de nòrme». «O mondo o ne rià apreuvo, coscì a Meloni a l’indandia a repubrica de bananne», dixe i Çinque Stelle. O Pd o l’à presentou unn’interrogaçion a-o Salvini pe fâ ciæo in sciâ mancâ osservaçion da lezze ch’a prescrive un minimo de dex’anni da-a mòrte de unna persoña primma de intitolâghe un scito pubrico.

Traduçion italiaña

L’aeroporto di Malpensa intitolato a Silvio Berlusconi

L’aeroporto di Malpensa è stato intitolato a Silvio Berlusconi. Tra mille polemiche l’ufficialità è arrivata l’11 luglio con una nota del ministero dei Trasporti che cita un’ordinanza dell’Enac che stabilisce da subito il cambio di denominazione. L’annuncio lo aveva dato il 5 luglio il ministro Matteo Salvini, che oggi esprime «grande soddisfazione». «Un giusto tributo» per il presidente della Lombardia Attilio Fontana. Per la figlia Barbara Berlusconi «bene ogni modo di ricordare mio padre». Ma a Milano è scoppiata la protesta, in testa il sindaco Beppe Sala: «Non c’è più rispetto delle norme». «Il mondo ci riderà dietro, così Meloni instaura la repubblica delle banane», dicono i Cinque Stelle. Il Pd ha presentato un’interrogazione a Salvini per fare chiarezza sulla mancata osservazione della legge che prescrive un minimo di dieci anni dalla morte di una persona prima di intitolarle un luogo pubblico.

E notiçie da-o mondo

Senti a verscion registrâ:

A Nato a se rinfòrsa contra o Putin, a Ruscia: «Tornemmo a-a guæra freida»

A Nato a veu rinforsâ e defeise contra o Putin. Inta riunion de Washington i Paixi do Patto Atlantico an deliberou o stramuo di F16 e atri 40 miliardi à Kiev, an menassou a Ciña de sançioin s’a no finià d’aggiuttâ a Ruscia e an annonçiou che in sce l’adexon de l’Ucraina no se tornià inderê. Germania, Fransa, Italia e Polònia an firmou unna deciaraçion d’intençioin pe mette in deuvia di miscili à longo raggio boin à corpî di obiettivi in Ruscia da-o territöio todesco. Pe-o pòrtavoxe do Cremlin o l’é un «retorno a-a guæra freida», Pechin a parla de «provocaçion» e «böxie» e a l’attacca a Nato: «Ciantæla d’attissâ a-o scontro».

Traduçion italiaña

La Nato si rinforza contro Putin, la Russia: «Torniamo alla guerra fredda»

La Nato vuole rinforzare le difese contro Putin. Nella riunione di Washington i Paesi del Patto Atlantico hanno deliberato il trasferimento degli F16 e altri 40 miliardi a Kiev, hanno minacciato la Cina di sanzioni se non smetterà di aiutare la Russia e hanno annunciato che sull’adesione dell’Ucraina non si tornerà indietro. Germania, Francia, Italia e Polonia hanno firmato una dichiarazione d’intenti per sviluppare missili a lungo raggio capaci di colpire obiettivi in Russia dal territorio tedesco. Per il portavoce del Cremlino è un «ritorno alla guerra fredda», Pechino parla di «provocazione» e «bugie» e attacca la Nato: «Smettetela di incitare allo scontro»

Fransa, a scinistra a guägna e eleçioin ma oua serve un governo

Sorpreisa in Fransa: dòppo o segondo turno de eleçioin legislative o Nouveau Front Populaire do Mélenchon o l’é sciortio comme o primmo partio, segondo Ensemble do prescidente Emmanuel Macron, solo terso o Rassemblement National da Marine Le Pen ch’o l’aiva i ciù tanti voti a-o primmo turno. Ma oua s’arve a partia ciù ingarbuggiâ, quella do governo, visto che nisciuña fòrsa a gh’à a maggioransa assoluta. «Serve un neuvo rassemblement», l’appello do prescidente inte unna lettia a-i franseixi dòppo avei refuou pe-o momento e dimiscioin do primmo ministro Attal. I numei permettieivan de mette sciù unna coaliçion ascì sensa a scinistra estremma, che però a veu governâ. Intanto l’é stæto averto unna neuva investigaçion pe presonti finançiamenti inleçiti a-a Le Pen inta campagna pe-e eleçioin da prescidensa do 2022.

Traduçion italiaña

Francia, la sinistra vince le elezioni ma adesso serve un governo

Sorpresa in Francia: dopo il secondo turno delle elezioni legislative il Nouveau Front Populaire di Mélenchon è risultato primo partito, secondo Ensemble del presidente Emmanuel Macron, solo terzo il Rassemblement National di Marine Le Pen che aveva il maggior numero di voti al primo turno. Ma adesso si apre la partita più complicata, quella del governo, visto che nessuna forza ha la maggioranza assoluta. «Serve un nuovo rassemblement», l’appello del presidente in una lettera ai francesi dopo aver rifiutato per ora le dimissioni del primo ministro Attal. I numeri permetterebbero di formare una coalizione anche senza la sinistra estrema, che però vuole governare. Intanto è stata aperta una nuova inchiesta per presunti finanziamenti illeciti a Le Pen nella campagna per le elezioni presidenziali del 2022.

Stati Unii, o Joe Biden o no ghe mòlla: «Pòsso batte o Trump»

O Joe Biden o no mòlla a corsa a-a prescidensa di Stati Unii, ma o va avanti à conleçionâ de gaffe in pubrico. À l’incontro da Nato o l’à annonçiou o Zelensky comme «Vladimir Putin», dapeu o l’à ciammou «Trump» a seu viçe Kamala Harris. Ma d’in sciô parco o l’à asseguou: «Ò battuo o Trump unna vòtta e ô faiò torna, son chì pe finî o travaggio comensou». E inte unn’intervista o l’à dito: «No vaggo da nisciuña parte, l’elettô de mezo o me veu ancon prescidente». Sempre ciù democratichi però vorrieivan o seu retio. Anche o passou prescidente Barack Obama e a passâ speaker Nancy Pelosi avieivan parlou in privou pe scompartî de l’anscietæ in sciâ poscibilitæ de guägnâ e eleçioin. Fiña l’attô George Clooney, ch’o l’à finançiou o Partio Democratico, o l’à domandou un passo inderê inte un articolo in sciô New York Times.

Traduçion italiaña

Stati Uniti, Biden non si rassegna: «Posso battere Trump»

Joe Biden non lascia la corsa alla presidenza degli Stati Uniti, ma continua a collezionare gaffe in pubblico. Al vertice Nato ha annunciato Zelensky come «Vladimir Putin», poi ha chiamato «Trump» la sua vice Kamala Harris. Ma dal palco ha assicurato: «Ho battuto Trump una volta e lo farò ancora, sono qui per finire il lavoro iniziato». E in un’intervista ha detto: «Non vado da nessuna parte, l’elettore medio mi vuole ancora presidente». Sempre più democratici però vorrebbero il suo ritiro. Anche l’ex presidente Barack Obama e l’ex speaker Nancy Pelosi avrebbero parlato in privato per condividere i timori sulla possibilità di vincere le elezioni. Perfino l’attore George Clooney, che ha finanziato il Partito Democratico, ha chiesto un passo indietro in un articolo sul New York Times.