O Zinâ

Ediçion

E notiçie da-a Liguria

Senti a verscion registrâ:

O Toti o torna in libertæ: «No ghe l’ò co-i magistrati, ma con chi fa e lezze»

O Giovanni Toti, passou prescidente da Region Liguria, o l’é tornou in libertæ. A-o 1° d’agosto a giudiçe Paola Faggioni, apreuvo a-e dimiscioin presentæ a settemaña avanti, a l’à açettou a domanda de revoca di arresti in cà, che duavan da-i 7 de mazzo. Comme l’é arrivou a notiçia, i seu amixi e conlaboratoî ciù vexin son anæti à trovâlo inta villetta de Meggia. «No l’é bello sentîse privæ da libertæ quande se pensa de no avei fæto ninte de mâ», e primme poule do Toti. O giorno apreuvo o l’à incontrou i esponenti da seu lista e o l’à confermou: «A-e eleçioin no ghe saiò, ma diemo a nòstra in sciô candidou». E o l’à ciammou un intervento do Parlamento pe proteze i elezzui da-e mesue preventive: «No ghe l’ò co-i magistrati, ma con chi fa e lezze». Intanto l’é scciuppou o caxo do David Ermini, passou viçeprescidente do Csm e componente da direçion naçionale do Pd, nominou prescidente da holding do Spinelli. Gena tra i progrescisti, attacchi da-o çentro-drita: in sciâ fin o l’à mollou l’incarrego into partio.

Traduçion italiaña

Toti torna in libertà: «Non ce l’ho coi magistrati, ma con chi fa le leggi»

Giovanni Toti, ex presidente della Regione Liguria, è tornato in libertà. Il 1° agosto la giudice Paola Faggioni, a seguito delle dimissioni presentate la settimana precedente, ha accolto la richiesta di revoca degli arresti domiciliari, in vigore dal 7 maggio. Appena giunta la notizia, i suoi più stretti amici e collaboratori sono andati a trovarlo nella villa di Ameglia. «Non è piacevole sentirsi privati ​​della libertà quando si pensa di non aver fatto nulla di male», le prime parole di Toti. Il giorno dopo ha incontrato gli esponenti della sua lista e ha confermato: «Alle elezioni non ci sarò, ma sul candidato diremo la nostra». E ha chiesto un intervento del Parlamento per tutelare gli eletti dalle misure cautelari: «Non ce l’ho con i magistrati, ma con chi fa le leggi». Intanto è esploso il caso di David Ermini, ex vicepresidente del Csm e membro della direzione nazionale del Pd, nominato presidente della holding di Spinelli. Imbarazzo tra i progressisti, attacchi del centrodestra: alla fine ha rinunciato all’incarico nel partito.

Guasto a-o depuratô de Chinto, maccia scua in mâ

Unna gròssa maccia scua a s’é formâ in mâ davanti a-o Levante de Zena pe corpa de un guasto a-o depuratô de Chinto. Da quello che dixe l’Iren, o problema o no l’é stæto caxonou da unna rottua, ma da l’attivaçion improvista do conduto d’emergensa apreuvo à un flusso «anòmalo» arrivou da-a chintaña à monte do stabilimento. A-i 27 de luggio gh’ea stæto un fæto pægio ch’o l’aiva misso in deuvia o bypass, comme previsto da-e nòrme. A Procua de Zena a l’aspeta a primma relaçion de l’Arpal e da guardia de riva e intanto a l’à averto unn’investigaçion pe crimini ambientali: l’ipòtexi a l’é che segge stæto descarregou de sostanse no autorizzæ ch’an mandou in crixi o depuratô. O bagno o l’é proibio in sce un træto de mæña de 3 chilòmetri.

Traduçion italiaña

Guasto al depuratore di Quinto, chiazza scura in mare

Una grande chiazza scura si è formata nel mare antistante il Levante di Genova a causa di un guasto al depuratore di Quinto. Da quanto riferisce Iren, il problema non è stato causato da una rottura, ma dall’improvvisa attivazione della conduttura d’emergenza a causa di un flusso «anomalo» in arrivo dalla fognatura a monte dell’impianto. Il 27 luglio si era verificato un episodio simile che ha messo in funzione il bypass, come previsto dalle norme. La Procura di Genova attende la prima relazione dell’Arpal e della guardia costiera e nel frattempo ha aperto un’inchiesta per reati ambientali: l’ipotesi è che siano state scaricate sostanze non autorizzate che hanno mandato in crisi il depuratore. È vietata la balneazione in un tratto di costa di 3 chilometri.

Airopòrto de Zena, cheito o Cda: l’avvegnî o l’é à reisego

Neuve ombre in sce l’avvegnî de l’Airopòrto de Zena. L’assemblea di sòçi riunia a-i 29 de luggio a no l’à approvou l’aumento de capitale neçessäio pe rispettâ i limiti de lezze e o conseggio d’amministraçion o l’é cheito dòppo che trei quarti an dæto e dimiscioin, compreiso o prescidente Alfonso Lavarello. Tutto o l’é partio da-a maneuvra da Camia de Commerçio ch’a l’à exerçitou a prelaçion in sciô 15% de açioin de Aeroporti de Roma, che Msc a voeiva accattâ. L’ente o l’à offerto l’11% a-a compagnia, ch’a l’à refuou. Coscì oua a soçietæ a l’é tutta pubrica, ma a reisega de desfâse se i açionisti no ghe mettian drento 4 mioin e mezo. A-i 8 d’agosto a nòmina do neuvo Cda.

Traduçion italiaña

Aeroporto di Genova, decaduto il Cda: il futuro è a rischio

Nuove ombre sul futuro dell’aeroporto di Genova. L’assemblea dei soci convocata il 29 luglio non ha approvato l’aumento di capitale necessario per rispettare i limiti di legge e il consiglio di amministrazione è decaduto dopo le dimissioni dei suoi tre quarti, compreso il presidente Alfonso Lavarello. Tutto è iniziato con la manovra della Camera di Commercio che ha esercitato la prelazione sul 15% delle azioni di Aeroporti di Roma, che Msc voleva acquistare. L’ente ha offerto l’11% alla compagnia, che ha rifiutato. Quindi ora la società è tutta pubblica, ma rischia di sciogliersi se gli azionisti non immetteranno 4,5 milioni. L’8 agosto la nomina del nuovo Cda.

E notiçie da l’Italia

Senti a verscion registrâ:

Olimpiade, o caxo da pugile Imane Khelif: l’italiaña Carini a se retia de botto

Inta primma settemaña de Olimpiade à Pariggi tëgne banco in Italia a polemica in sciâ pugile algeriña Imane Khelif, ammissa da-o Comitato olimpico internaçionale à regattâ co-e dònne sciben che l’International Boxing Association a l’aiva taggiâ feua da-i mondiali feminin l’anno passou perché a mostrava di livelli de testosteron ciù erti do commun. A Khelif a l’à battuo l’italiaña Angela Carini, che dòppo quarche segondo a s’é inzenoggiâ e a l’à cento: «No me son arreisa, ma un pugno o m’à fæto tròppo mâ», a l’à dito. A prescidente do Conseggio Giorgia Meloni a l’à incontrou a Carini e a l’à commentou: «A no l’ea unna regatta à pao, çerte texi portæ à l’estremmo piccan in scî driti de dònne».

Traduçion italiaña

Olimpiadi, il caso della pugile Imane Khelif: l’italiana Carini si ritira subito

Polemica sulla pugile algerina Imane Khelif, ammessa dal Comitato Olimpico Internazionale a gareggiare con le donne nonostante l’International Boxing Association l’avesse esclusa dai mondiali l’anno scorso perché mostrava livelli di testosterone più alti del normale. Khelif ha battuto l’italiana Angela Carini, che dopo pochi secondi si è inginocchiata e ha pianto: «Non mi sono arresa, ma un pugno mi ha fatto troppo male», ha detto. La presidente del Consiglio Giorgia Meloni ha incontrato Carini e ha commentato: «Non è stata una gara alla pari, alcune tesi portate all’estremo impattano sui diritti delle donne».

Strage de Bològna, scontro tra o governo Meloni e e famigge de vittime

Scontro tra o governo italian e e famigge de vittime da strage da staçion de Bològna, attacco neofascista ch’o l’à caxonou 85 mòrti a-i 2 d’agosto do 1980. O Paolo Bolognesi, prescidente de l’assoçiaçion ch’a riunisce i pænti di mòrti, o l’à attaccou a Meloni: «A veitæ a fa ancon poia a-i nòstri governanti. Inte sto Paise gh’é a çensua in sciô stragiximo fascista». «Son corpia da-i attacchi sensa giustificaçion à mi mæxima e a-o governo – a replica da prescidente do Conseggio – Sostegnî che e reixe de quell’attentato figuan inta drita de Governo o l’é arresegou, anche pe-a sanitæ de chi çerca de fâ do seu megio pe-o ben de sta naçion». «Ch’a â ciante lì de fâ a vittima, a mincioña 85 mòrti», o commento do Bolognesi.

Traduçion italiaña

Strage di Bologna, scontro tra il governo Meloni e le famiglie delle vittime

Scontro tra il governo italiano e i familiari delle vittime della strage della stazione di Bologna, attentato neofascista che provocò 85 morti il ​​2 agosto 1980. Paolo Bolognesi, presidente dell’associazione che raccoglie i parenti dei morti, ha attaccato Meloni: «La verità spaventa ancora i nostri governanti. In questo Paese vige la censura sullo stragismo fascista». «Sono colpita dagli attacchi ingiustificati rivolti a me stessa e al governo – ribatte la presidente del Consiglio – Sostenere che le radici di quell’attacco figurino nella destra di governo è pericoloso, anche per l’incolumità di chi cerca di fare del suo meglio per il bene della questa nazione». «La smetta di fare la vittima, prende in giro 85 morti», commenta Bolognesi.

Trentin, ammassou l’orsa Kj1: a raggia di animalisti

A l’é stæta ammassâ l’orsa Kj1, ch’a l’aiva aggredio un turista franseise a-i 16 de luggio passæ in Trentin. À commandâ l’abbattimento l’é stæto o prescidente da Provinsa de Trento Maurizio Fugatti, ch’o l’à revocou e ordinanse ciù vege sospeise da-o Tar e firmou un neuvo decreto. Pe l’ente a l’ea unna «bestia gramma» e l’Ispra ascì o l’aiva definia à «reisego erto». Scceuppa a raggia di animalisti e di consummatoî, che annonçian di espòsti e de quæle. O ministro de l’Ambiente o contesta a deçixon: «Ammassâ i orsci a no l’é a soluçion».

Traduçion italiaña

Trentino, uccisa l’orsa Kj1: la rabbia degli animalisti

É stata uccisa l’orsa Kj1, che aveva aggredito una turista francese lo scorso 16 luglio in Trentino. A ordinare l’abbattimento è stato il presidente della Provincia di Trento Maurizio Fugatti, che ha revocato le precedenti ordinanze sospese dal Tar e ha firmato un nuovo decreto. Per l’ente era un «animale pericoloso» e anche l’Ispra l’aveva definita «ad alto rischio». Scoppia la rabbia di animalisti e consumatori, che annunciano esposti e querele. Il ministro dell’Ambiente contesta la decisione: «Uccidere gli orsi non è la soluzione».

E notiçie da-o mondo

Senti a verscion registrâ:

Ammassou o cappo de Hamas in Iran, monta a tenscion into Levante de Mezo

Isræle o l’à ammassou o cappo de Hamas Ismail Haniyeh à Teheran, tanto ch’o dormiva inta seu stançia. In scê primme s’é parlou de un miscile, ma gh’é l’ipòtexi che segge stæto unna bomba arrescosa che l’ea doî meixi. Allarme inte tutto o mondo pe-e conseguense de l’attacco. L’Iran o l’à promisso unna respòsta: «Paghian un prexo cao». De miliçie son stæte mobilitæ da-o Libano a-o Yemen pe attaccâ o Stato ebraico. I Stati Unii an dito che no son stæti informæ e inscistan pe-o fermæ o feugo à Gazza, ma intanto s’inandian pe mandâ ciù airoplen da battaggia into Levante de Mezo. A Fransa a l’à dito a-i seu çittæn in Iran che se ne vaggan ciù fito che peuan pe-o reisego «pesante» de unn’esclation militare.

Traduçion italiaña

Ucciso il capo di Hamas in Iran, sale la tensione in Medio Oriente

Israele ha ucciso il leader di Hamas Ismail Haniyeh a Teheran, mentre dormiva nella sua stanza. Inizialmente si è parlato di un missile, ma c’è l’ipotesi che si trattasse di una bomba nascosta due mesi fa. Allarme mondiale per le conseguenze dell’attacco. L’Iran ha promesso una risposta: «Pagheranno un caro prezzo». Le milizie sono state mobilitate dal Libano allo Yemen per attaccare lo Stato ebraico. Gli Stati Uniti hanno detto di non essere stati informati e insistono per un cessate il fuoco a Gaza, ma nel frattempo si preparano a inviare altri aerei da combattimento in Medio Oriente. La Francia ha detto ai suoi cittadini in Iran di andarsene il prima possibile per il rischio «aggravato» di una escalation militare.

Venezuela, o Maduro o guägna ma l’oppoxiçion a protesta: «Gh’é stæto di mastrussi»

Bollezzumme in Venezuela dòppo e eleçioin ch’an confermou o Nicolas Maduro comme prescidente. O candidou chavista o l’avieiva piggiou o 51,95% di voti quande mancava ciù pöche schede da scrutinâ. Ma pe l’oppoxiçion, representâ da-o Edmundo Gonzalez, gh’é stæto di mastussi à condiçionâ l’exito. O seu cappo María Corina Machado o l’à ciammou de proteste inte tutte e çittæ: «Emmo ottegnuo unna vittöia stòrica e pe recheuggila aniemo fin a-a fin», a l’à dito. Manco o segrettäio de Stato american Blinken o l’à reconosciuo l’eleçion do Maduro parlando de «preuve ciæe comme tutto». Ciña e Ruscia, incangio, stan da-a seu parte. Scontri inte ciasse, trei mòrti à Caracas.

Traduçion italiaña

Venezuela, Maduro vince ma l’opposizione protesta: «Ci sono stati brogli»

Agitazione in Venezuela dopo le elezioni che hanno confermato Nicolas Maduro presidente. Il candidato chavista ha ottenuto il 51,95% dei voti quando mancavano poche schede da scrutinare. Ma per l’opposizione, rappresentata da Edmundo Gonzalez, sono stati i brogli a influenzare il risultato. La sua leader María Corina Machado ha invitato alla protesta in ogni città: «Abbiamo ottenuto una vittoria storica e per raccoglierla andremo fino alla fine», ha detto. Nemmeno il segretario di Stato americano Blinken ha riconosciuto l’elezione di Maduro parlando di «prove schiaccianti». Cina e Russia, invece, stanno dalla sua parte. Scontri nelle piazze, tre morti a Caracas.

Scangio de prexonê tra Stati Unii e Ruscia co-a mediaçion da Turchia

Un importante scangio de prexonê tra Ruscia e Stati Unii o l’é avvegnuo a-o 1° d’agosto à l’airopòrto d’Ankara in Turchia. L’operaçion a l’à interessou 26 persoñe detegnue inte sette Paixi differenti. «Unn’impreisa diplomatica, l’angonia a l’é finia», o l’à dito o prescidente american Joe Biden. Tra i prexonê tornæ in libertæ gh’é o reporter do Wall Street Journal Evan Gershkovich (primmo giornalista american arrestou pe spionaggio da-i tempi da guæra freida), o passou marine Paul Whelan, ma ascì di oppoxitoî rusci. O conseggê pe-a seguessa naçionale Jake Sullivan o l’à dito che Washington a l’aiva travaggiou à un accòrdio ch’o l’avieiva dovuo comprende anche o Aleksej Navalnyj.

Traduçion italiaña

Scambio di prigionieri tra Stati Uniti e Russia con la mediazione della Turchia

Un importante scambio di prigionieri tra Russia e Stati Uniti ha avuto luogo il 1° agosto all’aeroporto di Ankara in Turchia. L’operazione ha coinvolto 26 persone detenute in sette Paesi diversi. «Un’impresa diplomatica, l’agonia è finita», ha detto il presidente americano Joe Biden. Tra i prigionieri tornati in libertà ci sono il reporter del Wall Street Journal Evan Gershkovich (il primo giornalista statunitense arrestato per spionaggio dai tempi della guerra fredda), l’ex marine Paul Whelan, ma anche oppositori russi. Il consigliere per la sicurezza nazionale Jake Sullivan ha detto che Washington stava lavorando a un accordo che avrebbe dovuto includere anche Aleksej Navalnyj.