O Zinâ

Ediçion

E notiçie da-a Liguria

Senti a verscion registrâ:

A Procua europea a l’indaga in sciâ neuva diga de Zena

A Procua europea a l’indaga pe turbativa de cæga pubrica in sciô contræto pe-i travaggi da neuva diga do pòrto de Zena. L’investigaçion a l’é stæta assegnâ à l’unitæ de poliçia economica-finançiäia da guardia di finansa de Zena. Inte settemañe passæ a Procua de Zena a l’à transmisso i atti de l’interçettaçion di 21 de settembre do 2021 – arrecuggeita in occaxon de l’investigaçion pe corruçion – donde o passou prescidente da Region Giovanni Toti o dixe à l’imprenditô Aldo Spinelli: «A diga… semmo za anche chi â fa, segondo mi guägna Salini-Fincantieri». E coscì l’é stæto in davei. A cæga a l’ea finia ascì sotta a lente de l’Anac, l’Autoritæ anticorruçion, ch’a l’aiva contestou à l’Autoritæ portuale e proçedue pe l’assegnaçion.

Traduçion italiaña

La Procura europea indaga sulla nuova diga di Genova

La Procura europea indaga sull’appalto per i lavori della nuova diga nel porto di Genova. L’indagine è stata affidata al nucleo di polizia economico-finanziaria della guardia di finanza di Zena. Nelle scorse settimane la Procura di Genova ha trasmesso gli atti dell’intercettazione del 21 settembre 2021 – raccolti in occasione dell’inchiesta per corruzione – in cui l’ex presidente della Regione Giovanni Toti dice all’imprenditore Aldo Spinelli: «La diga… sappiamo già chi lo fa, secondo me vince Salini-Fincantieri». E così è avvenuto in effetti. La gara era finita anche nel mirino dell’Anac, l’Autorità anticorruzione, che aveva contestato all’Autorità portuale le procedure per l’affidamento.

Eleçioin in Liguria, gh’é o primmo candidou prescidente

O Nicola Morra, passou prescidente da commiscion antimafia do Parlamento, o l’é o primmo candidou offiçiâ a-e eleçioin regionale in Liguria. O l’é in corsa pe-a lista Uniti per la Costituzione fondâ da-o passou senatô Mattia Crucioli: tutti doî ean stæti elezzui co-o Movimento 5 Stelle. Intanto e coaliçioin prinçipæ son ancon derê à discutte. Inti progrescisti o nomme do passou ministro Andrea Orlando o gia che l’é di meixi, ma l’accòrdio o no gh’é ancon e oua i Çinque Stelle veuan propoñe o senatô Luca Pirondini. Into çentro-drita se parla do viçescindico de Zena Pietro Piciocchi, da deputâ Ilaria Cavo e do segrettäio regionale de Forza Italia Carlo Bagnasco, ma l’urtima poula a tocca a-i cappi naçionali. Gh’é da aspëtâse che a campagna elettorale a no parte avanti di primmi di settembre.

Traduçion italiaña

Elezioni in Liguria, c’è il primo candidato presidente

Nicola Morra, ex presidente della commissione parlamentare antimafia, è il primo candidato ufficiale alle regionali in Liguria. È in corsa per la lista Uniti per la Costituzione fondata dall’ex senatore Mattia Crucioli: entrambi erano stati eletti con il Movimento 5 Stelle. Intanto le principali coalizioni continuano a discutere. Nei progressisti circola da mesi il nome dell’ex ministro Andrea Orlando, ma l’accordo ancora non c’è e ora i Cinque Stelle vogliono proporre il senatore Luca Pirondini. Nel centrodestra si parla del vicesindaco di Genova Pietro Piciocchi, della deputata Ilaria Cavo e del segretario regionale di Forza Italia Carlo Bagnasco, ma l’ultima parola spetta ai leader nazionali. C’è da aspettarsi che la campagna elettorale non inizierà prima dell’inizio di settembre.

Erboi de çent’anni taggiæ à Zena, polemiche e proteste

Polemiche à ciù no poei à Zena pe-a deçixon de taggiâ 15 pin de çent’anni inti giardin davanti a-a staçion de Brignoe. Apreuvo a-o deruo de un erbo inte unna neutte do marso passou, l’Aster a l’aiva incarregou unna dita de Turin de fâ de analixi da-e quæ l’é vegnuo feua che ste ciante ean à reisego de cazze e anavan cacciæ zu. A communicaçion a l’é arrivâ verso a meitæ d’agosto pe comensâ o travaggio a-i 19 do meise. A-o conseggio do verde à Tursci i ambientalisti an domandou un meise in ciù pe compî di studdi approfondii e valuâ de alternative, ma l’assessô Mauro Avvenente o no l’à vosciuo aspëtâ: «A seguessa primma de tutto». À ninte l’é servio tutte e manifestaçioin de protesta. Pe-i esperti do WWF i erboi taggiæ no gh’aivan nisciuña moutia. L’Aster a l’à promisso ch’a l’acciantià di neuvi pin da ottobre in là.

Traduçion italiaña

Alberi secolari tagliati a Genova, polemiche e proteste

Polemiche a non finire a Genova per la decisione di abbattere 15i pini secolari nei giardini davanti alla stazione Brignole. In seguito al crollo di un albero in una notte del marzo scorso, Aster aveva incaricato una ditta torinese di effettuare analisi dalle quali era emerso che queste piante rischiavano di cadere e andavano abbattute. La comunicazione è arrivata verso metà agosto per iniziare i lavori il 19 del mese. Alla consulta del verde di Tursi gli ambientalisti hanno chiesto un mese in più per compiere studi approfonditi e valutare alternative, ma l’assessore Mauro Avvenente non ha voluto aspettare: «La sicurezza prima di tutto». Inutili sono state tutte le manifestazioni di protesta. Per gli esperti del WWF gli alberi tagliati non presentavano alcuna malattia. Aster ha promesso che pianterà nuovi pini da ottobre in poi.

E notiçie da l’Italia

Senti a verscion registrâ:

Barca a-o fondo pe unna tempesta in Siçilia, 7 mòrti

Unna barca à veia de 56 metri, ciammâ Bayesian e con bandea ingreise, a l’é anæta a-o fondo inta neutte tra-i 19 e i 20 d’agosto apreuvo à unna tempesta a-o largo de Porticello, in Siçilia. De 22 persoñe che gh’ea à bòrdo, 12 passaggê e 10 componenti da ciusma, 7 son mòrte e 15 son stæte portæ à sarvamento. Tra e vittime gh’é ascì o tycoon britannico Mike Lynch co-a figgia Hannah e o prescidente da Morgan Stanley International Jonathan Bloomer. Un video registrou da-e telecamere de unna villa o mostra a barca ch’a s’abimma inte un menuto. I còrpi son stæti repiggiæ da-i magroin di pompê à squæxi 50 metri de profonditæ. A Procua de Termini a l’à averto unn’investigaçion pe naufraggio, desastro, ammassamento plurimo e lexoin: l’ipòtexi a l’é quella de unna riga d’erroî ch’avieivan mandou a Bayesian a-o fondo.

Traduçion italiaña

Barca affondata per una tempesta in Sicilia, 7 morti

Una barca a vela di 56 metri, chiamata Bayesian e battente bandiera inglese, è affondata nella notte tra il 19 e il 20 agosto a causa di una tempesta al largo di Porticello, in Sicilia. Delle 22 persone a bordo, 12 passeggeri e 10 membri dell’equipaggio, 7 sono morte e 15 sono state portate in salvo. Tra le vittime ci sono anche il magnate britannico Mike Lynch con la figlia Hannah e il presidente della Morgan Stanley International Jonathan Bloomer. Un video registrato dalle telecamere in una villa mostra la barca che si inabissa in un minuto. I corpi sono stati recuperati dai vigili del fuoco a una profondità di quasi 50 metri. La Procura di Termini ha aperto un’inchiesta per naufragio, disastro, omicidio plurimo e lesioni: l’ipotesi è quella di una serie di errori che avrebbero fatto affondare il Bayesian.

«Un complòtto pe indagâ l’Arianna Meloni», o caxo o sciata a politica

Un neuvo caxo o l’à invexendou a politica italiaña dòppo l’articolo do Alessandro Sallusti, direttô de Il Giornale, segondo o quæ ghe saieiva un complòtto pe indagâ l’Arianna Meloni, a seu da prescidente do Conseggio e responsabile da segrettaia politica de Fratelli d’Italia, pe traffego d’influense in scê nòmine do governo. «Un schema za visto contra o Silvio Berlusconi», a l’à dito a premier. Pe l’Anm o l’é «l’enneximo attacco a-a magistratua pe delegittimâla». «Son sciätâ pe-o metodo – a l’à commentou l’Arianna Meloni –. N’ò mai influensou e manco çercou d’influensâ de deçixoin». Intanto gh’é do bollezzumme into Movimento 5 Stelle co-o Beppe Grillo contra o Giuseppe Conte: «O scimbolo, o nomme e a regola do segondo incarrego – o l’à misso in ciæo o fondatô – no se peuan negoçiâ pe ninte».

Traduçion italiaña

«Un complotto per indagare Arianna Meloni», il caso agita la politica

Un nuovo caso agita la politica italiana dopo l’articolo di Alessandro Sallusti, direttore de Il Giornale, secondo il quale ci sarebbe un complotto per indagare su Arianna Meloni, sorella della presidente del Consiglio e responsabile della segreteria politica di Fratelli di Italia, per traffico di influenze su nomine governative. «Un disegno già visto contro Silvio Berlusconi», ha detto la premier. Per l’Anm si tratta “dell’ennesimo attacco alla magistratura per delegittimarla”. «Sono sconvolta per il metodo – ha commentato Arianna Meloni –. Non ho mai influenzato né ho cercato di influenzare le decisioni». Intanto nel Movimento 5 Stelle c’è fermento con Beppe Grillo contro Giuseppe Conte: «Il simbolo, il nome e il governo della seconda carica – ha chiarito il fondatore – non sono in alcun modo negoziabili».

Tennis, o Sinner poxitivo doe vòtte à l’antidoping: o l’é stæto descorpou

Torna ascadi pe-o Jannik Sinner, o tennista italian numero 1 a-o mondo. A-i 20 d’agosto l’International Tennis Integrity Agency a l’à spantegou i exiti de unn’investigaçion averta dòppo ch’o l’ea stæto trovou poxitivo pe doe vòtte à un steròide proibio. O Sinner o l’é stæto descorpou perché quella sostansa a saieiva stæta inte moen do seu fixoterapista. «Oua me lascio derê sto periodo desfortunou», o l’à commentou. Ma o caxo o fa discutte. «Ti doviësci stâ via pe doî anni, e teu prestaçioin son megioæ», l’à accaxonou o tennista australian Nick Kyrgios. O giudiçio definitivo o tocca a l’Agençia mondiale antidoping.

Traduçion italiaña

Tennis, Sinner positivo due volte all’antidoping: è stato scagionato

Ancora problemi per Jannik Sinner, il tennista italiano numero 1 al mondo. Il 20 agosto, l’International Tennis Integrity Agency ha diffuso i risultati di un’indagine aperta dopo che era risultato positivo per due volte a uno steroide vietato. Sinner è stato scagionato perché quella sostanza sarebbe stata nelle mani del suo fisioterapista. «Ora mi lascio alle spalle questo periodo sfortunato», ha commentato. Ma il caso fa discutere. «Dovresti stare lontano per due anni, le tue prestazioni sono migliorate», ha rimproverato il tennista australiano Nick Kyrgios. La sentenza definitiva spetta all’Agenzia mondiale antidoping.

E notiçie da-o mondo

Senti a verscion registrâ:

Stati Unii, a Harris a l’açetta a nomination: «Saiò a prescidente de tutti»

A Kamala Harris a l’à açettou a nomination do Partio Democratico pe-a prescidensa di Stati Unii. «Sta chì – a l’à dito into seu descorso – a no l’é solo l’eleçion ciù importante da nòstra vitta, ma de unna generaçion ascì». Torna lê: «Saiò a prescidente de tutti, mai amiga di dittatoî comm’o l’é o Trump». À dâghe l’asbrio pe-a corsa a-a Casa Gianca inti giorni da convention l’é stæto o passou prescidente Barack Obama co-a moggê Michelle: «Semmo pronti pe-a prescidensa Harris. Yes, she can». In sciô parco anche o prescidente d’ancheu Joe Biden: «A democraçia a dev’ëse mantegnua. Çerne a Kamala comme viçeprescidente a l’é stæta a megio deçixon da mæ vitta».

Traduçion italiaña

Stati Uniti, Harris accetta la nomination: «Sarò la presidente di tutti»

Kamala Harris ha accettato la nomination del Partito Democratico alla presidenza degli Stati Uniti. «Questa – ha detto nel suo intervento – non è solo l’elezione più importante della nostra vita, ma di una generazione». E ancora: «Sarò la presidente di tutti, mai amica dei dittatori come lo è Trump». A lanciare la sua corsa alla Casa Bianca nei giorni della convention è stato l’ex presidente Barack Obama con la moglie Michelle: «Siamo pronti per la presidenza Harris. Yes, she can». Sul palco c’è anche l’attuale presidente Joe Biden: «La democrazia deve essere mantenuta. Scegliere Kamala come vicepresidente è stata la migliore decisione della mia vita».

Isræle-Hamas, trattative in montâ pe fermâ a guæra

Va avanti i incontri pe arrivâ à un fermæ o feugo à Gazza, ascì che da-i erti fonçionäi di Stati Unii e d’Isræle l’é partio un allarme: «L’accòrdio o l’é in scî pissi de fallî». Intanto a-o Cairo gh’é stæto un neuvo gio de negoçiaçioin con l’intençion de trovâ un compromisso in scî corridoî Filadelfia e Netzarim, in scî quæ o Netanyahu o vorrieiva mantegnî o contròllo. O neuvo ministro de l’Estranxeo de l’Iran Abbas Araghchi e l’erto representante de l’Union europea Josep Borrell an parlou insemme: «Ciammemmo o dialogo pe correze e politiche erræ di Paixi europëi», o l’à dito o Araghchi.

Traduçion italiaña

Israele-Hamas, trattative in salita per fermare la guerra

Gli incontri per arrivare a un cessate il fuoco a Gaza continuano, anche se alti funzionari statunitensi e israeliani hanno lanciato l’allarme: «L’accordo è sul punto di fallire». Intanto al Cairo si è svolto un nuovo ciclo di negoziati volto a trovare un compromesso sui corridoi Filadelfia e Netzarim, sui quali Netanyahu vorrebbe mantenere il controllo. Il nuovo ministro degli Esteri iraniano Abbas Araghchi e l’alto rappresentante dell’Unione europea Josep Borrell hanno avuto un colloquio: «Chiediamo al dialogo per correggere le politiche sbagliate dei paesi europei», ha detto Araghchi.

Ucraina avanti in Ruscia co-e bombe americañe

L’Ucraina a pòrta avanti l’operaçion militare inta region de Kursk, in sciô territöio da Ruscia. Kiev a l’à revendicou l’attacco à unna çentrale nucleare con de bombe americañe. «Guägniemo à Kursk comme emmo guägno contra o terroriximo», o l’à dito o Putin. Mosca a l’à accaxonou i Stati Unii d’avei parteçipou à l’offensciva con di «còrpi privæ militari» americhen. L’Union europea a giustifica ancon l’invaxon: «A l’é unna conseguensa de açioin do Putin contra a lezze». O Pentagono o l’afferma che l’Ucraina a l’à o drito à attaccâ inderê, ma o l’é ancon apreuvo à valuâ l’açion in sciô territöio ruscio.

Traduçion italiaña

Ucraina avanti in Russia con le bombe americane

L’Ucraina continua l’operazione militare nella regione di Kursk, in territorio russo. Kiev ha rivendicato l’attacco a una centrale nucleare con bombe americane. «Vinceremo a Kursk come abbiamo vinto contro il terrorismo», ha detto Putin. Mosca ha accusato gli Stati Uniti di partecipare all’offensiva con «corpi militari privati» americani. L’Unione Europea continua a giustificare l’invasione: «È una conseguenza delle azioni di Putin contro la legge». Il Pentagono afferma che l’Ucraina ha il diritto di contrattaccare, ma sta ancora valutando l’azione sul territorio russo.