O Zinâ

Ediçion

E notiçie da-a Liguria

Senti a verscion registrâ:

O Toti o pattezza pe corruçion impròpia e finançiamento inleçito

O passou prescidente da Region Liguria Giovanni Toti o l’à domandou de pattezzâ unna condanna à doî anni e un meise pe corruçion impròpia e finançiamento inleçito. De sta mainea o porrià avansâse o proçesso spedio ch’o saieiva comensou a-i 5 de novembre. Oua l’urtima deçixon a pertocca a-o giudiçe. L’accòrdio tra a defeisa e a Procua o prevedde ascì a confisca d’84mia euro, tegnui pe guägno derivou da-i crimini, versæ da-o Spinelli e da l’Esselunga a-o seu comitato elettorale. A peña a saià convertia inte 1500 oe de travaggi à vantaggio da soçietæ. «Gh’é l’amao de no portâ avanti scin a-a fin e nòstre raxoin e o resciöo pe veddine reconosciuo unna boña parte», o commento do Toti, ch’o l’arresta indagou pe-o voto de scangio. «Ancon d’assæ ch’o l’aiva da mostrâ a seu innoçensa, a l’é a preuva da seu consciensa brutta», l’attacco di avversäi politichi. Anche o Signorini, passou prescidente de l’Autoritæ portuale, o veu pattezzâ 3 anni e 5 meixi pe schivâ a prexon. Poscibile che s’arrive à un accòrdio pægio anche pe-o Aldo Spinelli.

Traduçion italiaña

Toti patteggia per corruzione impropria e finanziamento illecito

L’ex presidente della Regione Liguria Giovanni Toti ha chiesto di patteggiare due anni e un mese per corruzione impropria e finanziamento illecito. In questo modo potrà evitare il ​​processo immediato che sarebbe iniziato il 5 novembre. Ora la decisione finale spetta al giudice. L’accordo tra la difesa e la Procura prevede anche la confisca di 84 milioni di euro, ritenuti profitti di reato, versati da Spinelli ed Esselunga al suo comitato elettorale. La pena sarà convertita in 1500 ore di lavori socialmente utili. «C’è l’amarezza di non perseguire fino in fondo le nostre ragioni e il sollievo nel vederci riconosciuta una buona parte di esse», commenta Toti, che resta indagato per il voto di scambio. «Meno male che doveva dimostrare la sua innocenza, è la prova della sua coscienza sporca», l’attacco degli oppositori politici. Anche Signorini, ex presidente dell’Autorità Portuale, vuole patteggiare 3 anni e 5 mesi per evitare il carcere. Possibile che si raggiunga un accordo simile anche per Aldo Spinelli.

Eleçioin regionale, o scindico Bucci o l’é o candidou do çentro-drita

O scindico de Zena Marco Bucci o l’é o candidou do çentro-drita pe-a prescidensa da Region Liguria. A mesciata à sorpreisa a l’é arrivâ dòppo o fallimento prolongou de trattative tra i partii: i cappi da coaliçion, e sorviatutto a prescidente Giorgia Meloni, an ciammou o Bucci e l’an convinto à cangiâ d’opinion. «Me candido contra i scignori che dixan de na à tutto», o l’à dito o scindico ch’o s’ea tiou feua unna primma vòtta à mazzo pe-a seu moutia. «O l’é lê a persoña giusta pe guägnâ», a benediçion che gh’é arrivou da tutto o çentro-drita. O Bucci, ch’o saià l’avversäio prinçipâ do Andrea Orlando, o l’à asseguou che pe-a campagna elettorale o l’addeuvià solo che i dinæ di partii e nisciuña donaçion da-i privæ. Segondo o Pd a candidatua a l’é «unna mancansa de rispetto pe-i zeneixi». A scinistra e i 5 Stelle an ciammou e dimiscioin.

Traduçion italiaña

Elezioni regionali, il sindaco Bucci è candidato del centrodestra

Il sindaco di Genova Marco Bucci è il candidato del centrodestra alla presidenza della Regione Liguria. La mossa a sorpresa è arrivata dopo il prolungato fallimento delle trattative tra i partiti: i leader della coalizione, e soprattutto la presidente Giorgia Meloni, hanno chiamato Bucci e lo hanno convinto a cambiare idea. «Mi candido contro i signori del no a tutto», ha detto il sindaco che si era chiamato fuori già a maggio per la sua malattia. «È la persona giusta per vincere», la benedizione giunta da tutto il centrodestra. Bucci, che sarà il principale avversario di Andrea Orlando, ha assicurato che per la campagna elettorale utilizzerà solo i soldi dei partiti e nessuna donazione da parte dei privati. Secondo il Pd la candidatura è «una mancanza di rispetto per i genovesi». La sinistra e i 5 Stelle hanno chiesto le dimissioni.

Delitto do trapan, dòppo 29 anni accaxonou un carrossê

Dòppo 29 anni gh’é un indagou pe-o «delitto do trapan». Un gio de böa pe l’ammassamento da Maria Luigia Borrelli, a dònna de 42 anni, infermea de giorno e prostituta de neutte, massacrâ a-i 5 de settembre do 1995 inte un basso do carroggio di Indoei à Zena. A Procua a l’à domandou l’arresto pe-o Fortunato Verduci, un carrossê de Staggen che ancheu o l’à 65 anni, ma o giudiçe o l’à dito de no perché no gh’é ciù d’esigense preventive. I investigatoî son arrivæ à lê da unna maccia de sangue confrontâ, graçie a-e neuve tecnologie, co-a banca dæti ch’a contëgne o Dna de detegnui. E o seu o l’ea compatibile con quello de un pænte lontan in prexon à Brescia. Pe-i inquirenti o Verduci, ch’o l’é mouto de zeugo, o l’avieiva ammassou a Antonella (coscì a l’ea dita) pe arröbâghe l’incascio. In sciô còllo e in sciô peto da vittima gh’ea 15 beuggi fæti con un trapan.

Traduçion italiaña

Delitto del trapano, dopo 29 anni accusato un carrozziere

Dopo 29 anni c’è un investigatore per il “reato del trapano”. Una svolta per l’omicidio di Maria Luigia Borrelli, la donna di 42 anni, infermiera di giorno e prostituta di notte, trucidata il 5 settembre 1995 in un della basso di vico Indoratori a Genova. La Procura ha chiesto l’arresto per Fortunato Verduci, un carrozziere di Staglieno che oggi ha 65 anni, ma il giudice ha detto di no perché non ci sono più le esigenze cautelari. Gli investigatori sono arrivati ​​a lui da una macchia di sangue comparata, grazie alle nuove tecnologie, con il database contenente il Dna dei detenuti. E il suo era compatibile con quella di un lontano parente in carcere a Brescia. Secondo gli inquirenti Verduci, affetto da ludopatia, avrebbe ucciso Antonella (così veniva chiamata) per rubarle l’incasso. Sul collo e sul petto della vittima sono stati trovati 15 fori praticati con un trapano.

E notiçie da l’Italia

Senti a verscion registrâ:

Caxo Boccia-Sangiuliano, o passou ministro indagou da Procua e Corte di conti

A Corte di conti a l’à averto unn’investigaçion in sciô caxo Boccia-Sangiuliano pe verificâ se gh’é stæto di danni a-e casce do Stato, in particolâ pe-i viægi do passou ministro da Coltua. «Son contento, coscì se porrià açertâ l’onestæ di mæ comportamenti: no l’é stæto speiso manco un euro pubrico e ne daiò preuva co-i papê», o l’à dito o Sangiuliano. A Procua ascì a l’indaga pe destornaçion de dinæ pubrichi e revellaçion do segretto instruttöio. Sotta a lente da Guardia de finansa gh’é anche doe trasferte à Riva e Polignano. Intanto unna neuva polemica a l’é scciuppâ tra l’imprenditoa e a Bianca Berlinguer pe unn’intervista scassâ in sce Rete4. «A voeiva dî che a nòmina a l’ea stæta fermâ da-a Arianna Meloni, ma a no gh’aiva de preuve», a l’à dito a giornalista. «Fäso – a replica da Boccia – me ne son anæta pe schivâ o gossip».

Traduçion italiaña

Caso Boccia-Sangiuliano, l’ex ministro indagato da Procura e Corte dei conti

La Corte dei conti ha aperto un’inchiesta sul caso Boccia-Sangiuliano per verificare se ci siano stati danni all’erario, in particolare per i viaggi dell’ex ministro della Cultura. «Sono contento, così si potrà accertare la correttezza dei miei comportamenti: non è stato speso un solo euro pubblico e ne darò prova con i documenti», ha detto Sangiuliano. La Procura indaga anche per peculato e rivelazione di segreto istruttorio. Sotto la lente della Guardia di finanza anche due trasferte a Riva Ligure e Polignano. Intanto è scoppiata una nuova polemica tra l’imprenditrice e Bianca Berlinguer per un’intervista annullata su Rete4. «Voleva dire che la nomina era stata fermata da Arianna Meloni, ma non aveva prove», ha detto la giornalista. «Falso – la replica di Boccia – Me ne sono andata per evitare il gossip».

Viareggio, investio e ammassou dòppo avei arröbou unna borsa

Unna dònna de 65 anni, Cinzia Dal Pino, a l’é stæta arrestâ pe ammassamento corposo pe avei investio pe quattro vòtte co-a seu machina un mandillâ ch’o gh’aiva arröbou a borsa. O l’é capitou inta seiaña di 8 de settembre à Viareggio, in Toscaña. A vittima a se ciammava Said Malkoun, argerin de 47 anni: o l’é stæto sciaccou contra a veddriña de unna buttega tanto ch’o camminava in sciô marciapê. «No voeiva ammassâlo, ma fermâlo con piccâghe inte gambe», a l’à dito a Dal Pino a-o giudiçe. A dònna, unn’imprenditoa, a l’à contou che l’òmmo o l’aiva menassâ de deuviâ un cotello s’a no gh’avesse mollou a borsa, ma a poliçia a no gh’à trovou adòsso nisciuña arma. A Dal Pino, a-a primma stæta missa in prexon, a l’é stæta mandâ a-i arresti in cà co-o brassallo elettrònico.

Traduçion italiaña

Viareggio, investito e ucciso dopo aver rubato una borsa

Una donna di 65 anni, Cinzia Dal Pino, è stata arrestata per omicidio colposo con l’accusa di aver investito quattro volte con la sua auto un ladro che le aveva rubato la borsa. È successo la sera dell’8 settembre a Viareggio, in Toscana. La vittima si chiamava Said Malkoun, 47enne algerino: è stato schiacciato contro il vetro di un negozio mentre camminava sul marciapiede. «Non volevo ucciderlo, ma fermarlo colpendolo alle gambe», ha detto Dal Pino al giudice. La donna, un’imprenditrice, ha riferito che l’uomo ha minacciato di usare un coltello se lei non avesse consegnato la borsa, ma la polizia non gli ha trovato alcuna arma addosso. Dal Pino, subito messa in carcere, è stata mandata agli arresti domiciliari col braccialetto elettronico.

A Fransa a reciamma a propietæ da Trinità dei Monti, tenscion con l’Italia

A scainâ da Trinità dei Monti, monumento icònico de Romma, o l’é fino into mezo de unna rattella dòppo un rappòrto da Corte di conti de Pariggi ch’o critica a gestion «approscimativa» de çinque gexe franseixi da Capitale e a ne reciamma a propietæ. «Ben, aloa mandiemo di esperti a-o Louvre pe fâ a recogniçion aggiornâ di ben portæ via à l’Italia inta stöia che l’an reiso o museo ciù vixitou do mondo», a reaçion do Fabio Rampelli de Fratelli d’Italia, viçeprescidente da Camia. À dî a veitæ o patrimònio franseise à Romma o l’é amministrou da unn’instituçion controllâ drita da l’ambasciâ da Fransa into Vatican, comme parte d’accòrdi internaçionali tra i doî Stati che ne vëgnan fiña da-o 1790.

Traduçion italiaña

La Francia reclama la proprietà della Trinità dei Monti, tensione con l’Italia

La scalinata della Trinità dei Monti, monumento iconico di Roma, è finita al centro di una contesa dopo una relazione della Corte dei conti di Parigi che critica la gestione «approssimativa» delle cinque chiese francesi della Capitale e ne reclama la proprietà. «Bene, allora manderemo esperti al Louvre per fare la ricognizione aggiornata dei beni sottratti all’Italia nella storia che ne hanno fatto il museo più visitato al mondo», la reazione di Fabio Rampelli di Fratelli d’Italia, vicepresidente della Camera. In realtà il patrimonio francese a Roma è amministrato da un’istituzione controllata direttamente dall’ambasciata francese in Vaticano, nell’ambito di accordi internazionali tra i due Stati risalenti addirittura al 1790.

E notiçie da-o mondo

Senti a verscion registrâ:

O Putin: «Se n’attaccan co-i miscili à longo raggio a l’é guæra co-a Nato»

Se l’Ucraina a l’addeuvia di miscili à longo raggio de l’Occidente pe corpî a Ruscia veu dî che «i Paixi da Nato son in guæra» e Mosca a piggià «e deçixoin do caxo». O l’é l’avvertimento do prescidente Vladimir Putin dòppo che l’american Joe Biden e o britannico Keir Starmer se son visti pe descorrî de sta poscibilitæ. Ma di atri Paixi son delongo conträi e pe-o momento anche i Stati Unii an confermou che no ghe saià un cangio de politica. Intanto un portavoxe da Commiscion europea o responde a-o Putin: «Ninte de quello ch’o dixe o porrià cangiâ a poxiçion de l’Union, compreiso o sostëgno militare pe fin ch’o l’anià avanti à attaccâ l’Ucraina».

Traduçion italiaña

Putin: «Se ci attaccano coi missili a lungo raggio è guerra con la Nato»

Se l’Ucraina usa missili occidentali a lungo raggio per colpire la Russia, significa che “i paesi della Nato sono in guerra” e Mosca prenderà “decisioni appropriate”. È l’avvertimento del presidente Vladimir Putin dopo che l’americano Joe Biden e il britannico Keir Starmer si sono incontrati per discutere di tale possibilità. Ma gli altri Paesi sono sempre contrari e per ora anche gli Usa hanno confermato che non ci sarà alcun cambiamento di politica. Intanto un portavoce della Commissione europea risponde a Putin: «Niente di ciò che dirà cambierà la posizione dell’Unione, compreso il sostegno militare finché continuerà ad attaccare l’Ucraina».

Stati Unii, a Harris avanti in sciô Trump con l’arrembo da Taylor Swift

A Kamala Harris a va megio che o Trump into confronto televixivo e a ghe domanda de fâne un atro, ma o candidou repubrican o se refua e o l’attacca l’Abc pe avei «buzzancou» a desfia co-o fact checking. «Mi no son o Biden, i cappi do mondo se rian de ti, o Putin o te mangia», quarcheduña de frase ciù fòrte contra a candidâ democratica. Un sondaggio da Cnn o l’à dæto a vittöia da viçeprescidente co-o 63%. E a cantante Taylor Swift, uña de persoñe con ciù influensa a-o mondo, a l’à annonçiou in sce Instagram ch’a votià pe-a Harris, attissando coscì a raggia do Trump: «A mangià de repentio».

Traduçion italiaña

Stati Uniti, Harris avanti su Trump con l’appoggio di Taylor Swift

Kamala Harris la spunta su Trump nel duello televisivo e gli chiede di farne un altro, ma il candidato repubblicano rifiuta e attacca Abc per aver «truccato» la sfida con il fact-checking. «Non sono Biden, i leader mondiali ridono di te, Putin ti sta mangiando», alcune delle frasi più forti contro la candidata democratica. Un sondaggio della Cnn dà la vittoria al vicepresidente con il 63%. E la cantante Taylor Swift, una delle persone più influenti al mondo, ha annunciato su Instagram che voterà per Harris, scatenando così l’ira di Trump: «Se ne pentirà».

Bacchezzâ da l’Union europea, Apple a l’à da rende 13 miliardi

Apple a dovià rende 13 miliardi d’euro. O l’é l’exito da deçixon da Corte de giustiçia europea ch’a l’à scassou a sentensa do Tribunâ in scî accòrdi fiscali de l’Irlanda à vantaggio de l’açienda e a l’à confermou in definitiva quello che a Commiscion a l’aiva stabilio do 2016, saieiva à dî che sti aggiutti, sfrütæ da-o 1991 a-o 2014, ean feua da-a lezze. Tutti dinæ che oua Dublin a dovià repiggiâ. «Unna vittöia pe-i çittæn europëi», a l’à commentou a viçeprescidente Vestager. «Emmo pagou tutto, no gh’é mai stæto nisciun accòrdio particolâ», a defeisa de Apple. Refuou ascì o recorso de Google e Alphabet contra a sançion da 2,4 miliardi d’euro applicâ da Bruxelles pe abuso de poxiçion dominante.

Traduçion italiaña

Stangata dall’Unione europea, Apple deve restituire 13 miliardi

Apple dovrà restituire oltre 13 miliardi di euro. È il risultato della decisione della Corte di giustizia europea che ha annullato la sentenza del Tribunale sul regime fiscale irlandese a favore della società e confermato definitivamente quanto la Commissione aveva stabilito nel 2016, ossia che tali aiuti, sfruttati a partire dal 1991 e dal 2014, erano fuori legge. Tutti soldi che Dublino ora dovrà recuperare. «Una vittoria per i cittadini europei», ha commentato la vicepresidente Vestager. «Abbiamo pagato tutto, non c’è mai stato alcun accordo speciale», si difende Apple. Respinto anche il ricorso di Google e Alphabet contro la sanzione da 2,4 miliardi di euro comminata da Bruxelles per abuso di posizione dominante.