O Zinâ

Ediçion

E notiçie da-a Liguria

Senti a verscion registrâ:

Sestri Levante, òmmo o l’ammassa a moggê: «A l’aiva a deprescion»

Un òmmo de 74 anni, Giampaolo Bregante, o l’à ammassou a moggê Cristina Marini de 72 con un corpo de pistòlla inta cà donde stavan. O l’é avvegnuo a-i 19 de settembre à Sestri Levante. L’òmmo, passou comandante in scê nave, o s’é consegnou a-i carabinê con dîghe ch’o voeiva mette fin a-a deprescion da dònna, che lê a no voeiva piggiâ de meixiñe e a l’ea vegnua aggresciva. Tutti ô conosceivan comme unna persoña queta. O primmo ch’o l’é arrivou o l’é stæto o figgio, avvertio da-o poæ. L’ammassamento o l’é stæto repiggiou da unna telecamera de drento a-o scito: se vedde che i doî ratellan, dapeu o Bregante o va inte unn’atra stançia e o piggia l’arma, detegnua in regola. A dònna a meue de botto. À carrego de l’òmmo no gh’ea de denonçie. Oua o l’é accaxonou d’ammassamento volontäio e o l’arresta in prexon.

Traduçion italiaña

Sestri Est, uomo uccide moglie: «Aveva la depressione»

Un uomo di 74 anni, Giampaolo Bregante, ha ucciso con un colpo di pistola la moglie Cristina Marini, 72enne, nella casa in cui vivevano. È successo il 19 settembre a Sestri Levante. L’uomo, ex comandante di navi, si è consegnato ai carabinieri dicendo di voler porre fine alla depressione della donna, che si rifiutava di assumere farmaci ed era diventata aggressiva. Tutti lo conoscevano come una persona tranquilla. Il primo ad arrivare è stato il figlio, avvertito dal padre. L’omicidio è stato ripreso da una telecamera all’interno dell’appartamento: i due si vedono litigare, poi Bregante va in un’altra stanza e prende la pistola, detenuta legalmente. La donna muore immediatamente. A carico dell’uomo non c’erano denunce. Ora è accusato di omicidio volontario e resta in carcere.

Eleçioin, incontro Bucci-Orlando. Zena a fermià o Conseggio do Commun

Primmo incontro e streita de man tra o Marco Bucci e o Andrea Orlando, i prinçipæ candidæ a-a prescidensa da Region Liguria. I doî se son visti a-o Salon Nautico e an parlou pe quattro menuti da campagna elettorale e di impegni ligæ a-o Pnrr. À Zena i loei do Conseggio do Commun s’affermian inte doe settemañe avanti de eleçioin pe avansâ che a sala rossa a vëgne unna tribuña, ma l’oppoxiçion a l’é sätâ sciù: «Un veo scciaffo a-i elettoî». Fratelli d’Italia o l’à presentou pe-o primmo e seu liste, i atri vegnian apreuvo a-a fin do meise. Comensa à veddise ascì i cappi naçionali: o Tajani o l’à fæto unna conferensa stampa, o Salvini o saià a-i 27 settembre a-o Tiatro da Zoventù.

Traduçion italiaña

Elezioni, incontro Bucci-Orlando. Genova chiuderà il Consiglio Comunale

Primo incontro e stretta di mano tra Marco Bucci e Andrea Orlando, i principali candidati alla presidenza della Regione Liguria. I due si sono incontrati al Salone Nautico e hanno parlato per quattro minuti della campagna elettorale e degli impegni legati al Pnrr. A Genova i lavori del Consiglio comunale si fermeranno nelle due settimane prima delle elezioni per evitare ce la sala rossa si trasformi in tribuna, ma l’opposizione è insorta: «Un vero schiaffo agli elettori». Fratelli d’Italia ha presentato per prima le sue liste, le altre seguiranno a fine mese. Iniziano a vedersi anche i leader nazionali: Tajani ha tenuto una conferenza stampa, Salvini sarà il 27 settembre al Teatro della Gioventù.

S’avvexiña o derby da Lanterna, erta tenscion tra i tifoxi

Monta a tenscion à Zena inta settemaña primma do derby de Coppa Italia ch’o se zughià a-i 25 de settembre. Di gruppi de tifoxi do Zena e da Sandöia an comensou à affrontâse à distansa. S’é arresegou o scontro ciù vòtte in ciassa Alimonda, o quartê generale di rossobleu, e inta seiaña di 19 de settembre duxento persoñe con caschi gianchi e bacchi son restæ vexin à Brignoe, ma in sciâ fin o contatto o no gh’é stæto. Di atri an imbrattou i murales feua da-a Gradinata Nord, a Sud a l’à condannou o gesto. A Digos a l’é apreuvo à indagâ e a porrieiva emette di atri Daspo: a-a giornâ d’ancheu son 144 tra tifoxi do Zena e do Döia. A Prefettua a no l’à piggiou de provedimenti in sciâ partia ch’a vëgne, ma a l’à garantio che a violensa a saià punia.

Traduçion italiaña

Il derby della Lanterna si avvicina, alta tensione tra i tifosi

Sale la tensione a Genova in vista del derby di Coppa Italia del 25 settembre. Gruppi di tifosi di Genoa e Sampdoria hanno iniziato a fronteggiarsi a distanza. Lo scontro è stato più volte rischiato in piazza Alimonda, quartier generale dei rossoblu, e la sera del 19 settembre duecento persone con caschi bianchi e bacchi sono rimaste nei pressi di Brignole, ma alla fine il contatto non c’è stato. Altri hanno imbrattato i murales fuori dalla Gradinata Nord, la Sud ha condannato il gesto. La Digos sta indagando e potrebbe emettere ulteriori Daspo: ad oggi sono 144 tra tifosi di Zena e Döia. La Prefettura non ha preso provvedimenti sulla prossima partita, ma ha garantito che la violenza sarà punita.

E notiçie da l’Italia

Senti a verscion registrâ:

Neuva alluvion in Emilia Romagna, doî despersci e polemiche

Unna neuva alluvion, dòppo quella de l’anno passou, a l’à corpio l’Emilia Romagna. I sciummi son anæti de sorva e an rotto i erzi, campi e stradde allagæ, frañe in scî bricchi, tanti paixi son finii sott’ægua, e scheue son arrestæ serræ. A scituaçion ciù grave à Traversara de Bagnacavallo into Bologneise, donde o sciumme o l’é sciortio, de cæ son vegnue zu e doe persoñe son desperse. Squæxi 1.500 i çittæn scorrii d’in cà, çerti portæ à sarvamento co-i elicòtteri d’in scî teiti. E gh’é za unna polemica co-o Governo. O ministro da Proteçion çivile Nello Musumeci o l’à dito: «Mezo miliardo a-a Region inte dex’anni, comme l’an speiso?». E o l’à azzonto o giorno apreuvo: «Quande ceuve in Emilia o l’é o finimondo, gh’é quarcösa che no va ben». «Unna vergheugna, o Mattarella o l’à ciammou, a Meloni no», a respòsta da prescidente provisöia Irene Priolo.

Traduçion italiaña

Nuova alluvione in Emilia Romagna, due dispersi e polemiche

Una nuova alluvione, dopo quella dello scorso anno, ha colpito l’Emilia Romagna. I fiumi hanno straripato e hanno rotto gli argini, campi e strade allagate, frane sulle alture, molti paesi sono finiti sott’acqua, le scuole sono rimaste chiuse. La situazione peggiore è a Traversara di Bagnacavallo nel bolognese, dove il fiume è esondato, le case sono crollate e due persone risultano disperse. Quasi 1.500 cittadini sfollati dalle loro case, alcuni salvati con gli elicotteri dai tetti. E c’è già polemica con il Governo. Il ministro della Protezione civile Nello Musumeci ha detto: «Mezzo miliardo alla Regione in dieci anni, come lo hanno speso?». E aggiungeva il giorno dopo: «Quando piove in Emilia è il finimondo, c’è qualcosa che non va». «Una vergogna, ci ha chiamato Mattarella, Meloni no», ha risposto la presidente facente funzione Irene Priolo.

O Salvini o reisega 6 anni de prexon: «Son corpeive d’avei defeiso i confin»

A Procua de Palermo a l’à ciammou sëi anni de prexon pe-o ministro Matteo Salvini, accaxonou de sequestro de persoña e refuo d’atti d’offiçio pe avei impedio o desbarco de 147 migranti da-a nave Open Arms à Lampedusa. «Son corpeive d’avei defeiso i confin de l’Italia, no ghe mòllo», a reaçion do Salvini. Solidarietæ da-a prescidente Meloni: «Un antefæto graviscimo». Pe contra l’Anm a defende i magistrati: «Inscinuaçioin d’addeuvio politico da giustiçia e forme de prescion no dovue». A-o Salvini l’é arrivou ascì o sostëgno de l’ongareise Viktor Orbán, prescidente de turno de l’Union europea: «T’ê o nòstro eröe». Intanto o ministro Roberto Fitto o l’é stæto nominou viçeprescidente da Commiscion europee co-a delega a-o Pnrr: «L’Italia a torna protagonista», se recilla a Meloni.

Traduçion italiaña

Salvini rischia 6 anni di carcere: «Sono colpevole di aver difeso i confini»

La Procura di Palermo ha chiesto a sei anni di carcere per il ministro Matteo Salvini, accusato di sequestro di persona e omissione di atti d’ufficio per aver impedito lo sbarco di 147 migranti dalla nave Open Arms a Lampedusa. «Sono colpevole di difendere i confini dell’Italia, non mollo», la reazione di Salvini. Solidarietà dalla presidente Meloni: «Un precedente gravissimo». L’Anm difende invece i magistrati: «Insinuazioni di uso politico della giustizia e forme di pressioni indebite». Salvini ha ricevuto il sostegno anche dell’ungherese Viktor Orbán, presidente ad interim dell’Unione Europea: «Sei il nostro eroe». Intanto il ministro Roberto Fitto è stato nominato vicepresidente della Commissione europea con delega al Pnrr: «L’Italia protagonista», esulta Meloni.

Mòrto o Totò Schillaci, eröe de Italia '90: à miggiæa pe l’urtimo saluo

Mondo do ballon in desmuo. O Totò Schillaci, eröe di mondiali do 1990, o l’é mòrto à 59 anni. Co-e seu ræ o l’à fæto assunnâse tutti i italien e dapeu i tifoxi da Juventus e de l’Inter. Mouto da tempo de un cancao, o l’ea stæto recoverou in condiçioin grave a-i 7 de settembre into reparto de pneumologia de l’uspiâ Çivico de Palermo, dond’o l’ea nasciuo. Un menuto de scilençio o l’é stæto comandou da-a Figc in sce tutti i campi. A-o morteuio into dòmmo miggiæa de persoñe, tra e quæ i passæ compagni, o prescidente da Figc Antonio Gravina, e autoritæ da çittæ e unna delegaçion do Palermo. «O Segnô o t’à convocou pe zugâ inta squaddra do Pareiso», o l’à dito inta predica o parreco Filippo Sarullo.

Traduçion italiaña

Morto Totò Schillaci, eroe di Italia '90: in migliaia per l’ultimo saluto

Mondo del calcio in lutto. È morto all’età di 59 anni Totò Schillaci, eroe dei mondiali del 1990. Con le sue reti ha fatto sognare tutti gli italiani e poi i tifosi della Juventus e dell’Inter. Malato da tempo di cancro, era stato ricoverato in gravi condizioni il 7 settembre nel reparto di pneumologia dell’ospedale Civico di Palermo, dove era nato. La Figc ha disposto un minuto di silenzio su tutti i campi. Al funerale in cattedrale migliaia di persone, tra cui gli ex compagni, il presidente della Figc Antonio Gravina, le autorità cittadine e una delegazione di Palermo. «Dio ti ha chiamato a giocare nella squadra del Paradiso», ha detto durante l’omelia il parroco Filippo Sarullo.

E notiçie da-o mondo

Senti a verscion registrâ:

Attacco d’Isræle contra Hezbollah in Libano, scceuppa i çercapersoñe

Strage in Libano e Sciria pe l’attacco d’Isræle contra Hezbollah ch’o l’à fæto scciuppâ à distansa primma di çercapersoñe e dapeu di walkie talkie e di araddi, caxonando dexeñe de mòrti e çentanæa de ferii. Pe-o movimento sciita o Stato ebraico o l’à tutta a responsabilitæ de l’operaçion. «Quello ch’o l’à fæto Isræle o l’é unna deciaraçion de guæra contra a sovranitæ do Libano», o l’à dito o cappo di Hezbollah libaneixi Hassan Nasrallah. Va avanti i attacchi da l’äia inti contorni de Beirut: a-o manco 8 mòrti, tra i quæ o Ibrahim Aqil, cappo de l’unitæ çernua de l’organizzaçion mossulmaña. Unna raffega de furgai a l’é cheita in sciâ Galilea comme respòsta.

Traduçion italiaña

Israele attacca Hezbollah in Libano, esplodono i cercapersone

Strage in Libano e Siria per l’attacco israeliano contro Hezbollah che ha fatto esplodere a distanza prima i cercapersone e poi i walkie-talkie e le radio, provocando decine di morti e centinaia di feriti. Per il movimento sciita lo Stato ebraico ha tutta la responsabilità dell’operazione. «Quello che Israele ha fatto è una dichiarazione di guerra contro la sovranità del Libano», ha detto il leader libanese di Hezbollah Hassan Nasrallah. Continuano gli attacchi aerei alla periferia di Beirut: almeno 8 morti, tra cui Ibrahim Aqil, leader dell’unità d’élite dell’organizzazione musulmana. In risposta, una raffica di razzi è piovuta sulla Galilea.

Ucraina, da l’Euröpa luxe verde a-e arme pe attaccâ a Ruscia

O Parlamento europeo o l’à approvou l’uso de arme de l’Occidente in Ruscia, da settemañe into mezo da discuscion. A resoluçion a l’invita i Stati componenti à «revocâ a-a spedia e restriçioin à l’addeuvio contra di obiettivi militari legittimi in sciô territöio ruscio». Pe-o ciù conträie e delegaçioin italiañe. «Quello che domanda o Parlamento europeo o ne pòrta à unna guæra mondiale con de arme nucleare», o l’à deciarou o prescidente da Duma Volodin, e o l’à menassou: «In caxo d’attacchi in profonditæ, a Ruscia a respondià con de arme ciù forte». Intanto a prescidente da Commiscion Ursula von der Leyen a l’à vixitou torna Kiev. L’Union europea a conferma un prestito da 35 miliardi d’euro.

Traduçion italiaña

Ucraina, dall’Europa via libera alle armi per attaccare la Russia

Il Parlamento europeo ha approvato l’uso di armi occidentali in Russia, dopo settimane di dibattito. La risoluzione esorta gli Stati membri a “revocare tempestivamente le restrizioni sull’occupazione contro obiettivi militari legittimi sul territorio russo”. Perlopiù contrarie le delegazioni italiane. «Ciò che chiede il Parlamento europeo ci porterà a una guerra mondiale con armi nucleari», ha dichiarato il presidente della Duma Volodin, e ha minacciato: «In caso di attacchi in profondità, la Russia risponderà con armi più forti». Nel frattempo la presidente della Commissione Ursula von der Leyen ha nuovamente visitato Kiev. L’Unione Europea conferma un prestito di 35 miliardi di euro.

Stati Unii, neuvo attentato a-o Trump tanto ch’o zeuga à golf

Neuvo tentativo d’assascinâ o Donald Trump, candidou prescidente repubrican a-e eleçion inti Stati Unii, comme l’à definito l’Fbi. À West Palm Beach s’é sentio di spari vexin à un scito donde o Trump o l’ea apreuvo à zugâ à golf, aloa i agenti da seguessa an averto o feugo contra un òmmo armou ch’o l’é descappou e dapeu o l’é stæto acciappou. «Ninte m’affermià», o commento do passou prescidente ch’o l’à accaxonou l’avversäia Kamala Harris e o prescidente d’ancheu Joe Biden d’ëse i responsabili de aggrescioin co-a seu «retòrica». L’Fbi a l’indaga in sciô presonto attentatô ch’o saieiva stæto vexin a-o club pe dozz’oe, ma lê o dixe ch’o no l’à sparou manco unna vòtta.

Traduçion italiaña

Usa, nuovo attentato a Trump mentre gioca a golf

Nuovo tentativo di assassinare Donald Trump, candidato repubblicano alle presidenziali degli Stati Uniti, come lo definisce l’Fbi. A West Palm Beach si sono sentiti degli spari vicino al luogodove Trump stava giocando a golf, quindi gli agenti della sicurezza hanno aperto il fuoco su un uomo armato che è fuggito e poi è stato catturato. «Niente mi fermerà», ha commentato l’ex presidente che ha accusato l’avversaria Kamala Harris e l’attuale presidente Joe Biden di essere responsabili delle aggressioni con la loro «retorica». L’Fbi indaga sul presunto aggressore che sarebbe rimasto vicino al club per 12 ore, ma lui dice che non ha sparato un solo colpo.