O Zinâ

Ediçion

E notiçie da-a Liguria

Senti a verscion registrâ:

Eleçioin regionale, o voto o s’avvexiña: rattella Bucci-Orlando

Eleçion regionale delongo ciù vexiñe e in Liguria monta o livello do scontro politico. A settemaña a s’é averta co-o Ferruccio Sansa, conseggê da Region e cappolista de l’Alleanza Verdi Sinistra, ch’o l’à misso in difficortæ o candidou prescidente Andrea Orlando con deciarâse contra o progetto do neuvo uspiâ Galliera de Zena. Un atro caxo o s’é averto in scê poule attribuie a-o Nicola Morra, candidou de Uniti per la Costituzione, che inte unn’intervista a-o Foglio o l’avieiva dito: «I elettoî devan dâse conto che o Bucci o l’é un mouto oncològico e o porrieiva no portâ a-a fin l’incarrego». Indignaçion into çentro-drita, o passou senatô o l’à replicou: «Titolo inmorale, m’an fæto un traghetto». Dapeu o Bucci e o Orlando se son missi à rattellâ de persoña à l’avertua de l’Expo da Fontañaboña à San Comban. «Ciantila de dî de fäscitæ», o gh’à dito o Bucci. «O l’é un bulletto modello Trump», l’attacco do Orlando inte unna nòtta. Descheito tutti i termini, son 9 i candidæ a-a carrega de prescidente, 20 e liste che î sostëgnan.

Traduçion italiaña

Elezioni regionali, il voto si avvicina: lite Bucci-Orlando

Elezioni regionali sempre più vicine e in Liguria cresce il livello dello scontro politico. La settimana si è aperta con Ferruccio Sansa, consigliere regionale e capolista di Alleanza Verdi Sinistra, che ha messo in difficoltà il candidato alla presidenza Andrea Orlando dichiarandosi contrario al progetto del nuovo ospedale Galliera di Genova. Un altro caso si è aperto sulle parole attribuite a Nicola Morra, candidato di Uniti per la Costituzione, che in un’intervista al Foglio avrebbe detto: «Gli elettori devono rendersi conto che Bucci è un malato oncologico e potrebbe non portare a termine il mandato». Indignazione nel centrodestra, l’ex senatore ha ribattuto: «Titolo immorale, mi hanno fatto un tranello». Poi Bucci e Orlando si sono messi a litigare all’apertura dell’Expo Fontanabuona a San Colombano. «Smettila di dire falsità», gli ha detto Bucci. «È un bulletto modello Trump», ha attaccato Orlando in una nota. Esauriti tutti i termini, sono 9 i candidati alla carica di presidente, 20 le liste che li sostengono.

Operäio o cazze into cantê do memoriale do Morandi: mòrto o giorno apreuvo

Un operäio de 39 anni, Marco Ricci, o l’é mòrto tanto ch’o louava into cantê do memoriale do ponte Morandi à Zena. L’açidente o l’é avvegnuo a-i 3 d’ottobre: l’òmmo, ch’o travaggiava pe unna dita toscaña, o l’ea apreuvo à montâ de grixelle da arente a-o veuo de l’ascensô da ludoteca ch’a vegnià. À un çerto ponto, into camminâ inderê, o l’à misso o pê in sce unna töa e o l’à fæto un xeuo de 13 metri. E condiçioin son parsciue despiæ da-o primmo momento, o giorno apreuvo o l’à finio de vive. A Procua de Zena a l’à averto unn’investigaçion pe ammassamento corposo: s’indaga in sciô respetto de nòrme de seguessa. Da-i primmi açertamenti l’é vegnuo feua che e töe no ean fissæ e no gh’ea de proteçioin da banda pe poeise mesciâ sensa reiseghi.

Traduçion italiaña

Operaio cade nel cantiere del memoriale del Morandi: morto il giorno dopo

Un operaio di 39 anni, Marco Ricci, è morto mentre lavorava nel cantiere del memoriale del ponte Morandi a Genova. L’incidente è avvenuto il 3 ottobre: ​​l’uomo, che lavorava per un’azienda toscana, stava montando delle grate vicino al vano ascensore della futura ludoteca. Ad un certo punto, mentre camminava all’indietro, ha messo il piede su una tavola e ha fatto un volo di 13 metri. Le condizioni sembravano disperate fin dal primo momento, il giorno dopo ha smesso di vivere. La Procura di Genova ha aperto un’inchiesta per omicidio colposo: si indaga sul rispetto delle norme di sicurezza. Dai primi accertamenti è emerso che le tavole non erano fissate e non c’erano protezioni laterali per potersi muovere senza pericoli.

Zena, o Blazquez: «A soçietæ a l’é in vendia». Derby, feua de prexon i tifoxi violenti

O Andres Blazquez o l’à confermou: o Zena o l’é in vendia. L’amministratô delegou da soçietæ rossobleu o l’à incontrou i representanti di club di tifoxi inte unna riunion a pòrte serræ. «O Zena – o l’à dito – o l’é ancon de propietæ de 777 Partners. A-Cap, soçietæ in crensa verso 777, a l’à tutto l’interesse de fâ cresce a varsciua do Zena, anche in vista de unna lascita, in tutto ò in parte, ch’a l’avvegnià de seguo». In ciù o l’à promisso che à zenâ a squaddra a saià rinforsâ con trei zugoei. Intanto son za sciortii d’in prexon i çinque ultras (doî da Sandöia e trei do Zena) arrestæ pe avei parteçipou a-i scontri inta giornâ do derby de Coppa Italia. Un de loiatri, un tifoso rossobleu de 61 anni, o l’é stæto misso a-i arresti in cà co-o permisso d’anâ a travaggiâ. Pe tutti i atri Daspo de 5 anni e òbrigo de firma.

Traduçion italiaña

Genoa, Blazquez: «La società è in vendita». Derby, scarcerati i tifosi violenti

Andres Blazquez ha confermato: il Genoa è in vendita. L’amministratore delegato della società rossoblù ha incontrato in una riunione a porte chiuse i rappresentanti dei club dei tifosi. «Il Genoa – ha detto – è ancora di proprietà dei 777 Partners. A-Cap, società creditrice verso 777, ha tutto l’interesse ad accrescere il valore del Genoa, anche in vista di una cessione, totale o parziale, che sicuramente avverrà». Inoltre ha promesso che a gennaio la squadra sarà rinforzata con tre giocatori. Intanto sono già usciti dal carcere i cinque ultras (due della Sampdoria e tre del Genoa) arrestati per aver partecipato agli scontri nel giorno del derby di Coppa Italia. Uno di loro, un tifoso rossoblù di 61 anni, è stato messo agli arresti domiciliari con il permesso di andare a lavorare. Per tutti gli altri Daspo di 5 anni e obbligo di firma.

E notiçie da l’Italia

Senti a verscion registrâ:

Guasto in sciâ linia à Romma, treni into ravaxo inte tutta l’Italia

Ciù de 100 treni scassæ, retardi fin à quattr’oe, un gran ravaxo inte staçioin, miggiæa de turisti e viægiatoî cotidien bloccæ in scê banchiñe à aspëtâ de notiçie. Ste chì e conseguense de un guasto a-a linia elettrica inta croxea ferroviäia de Romma ch’o l’à taggiou inte doî l’Italia a-i 3 d’ottobre. O trafego o s’é affermou à 6.30 da mattin e o l’é repiggiou da lì à træ oe, ma con di gròsci problemi pe tutta a giornâ. O ministro di Traspòrti Matteo Salvini, assotterrou da-i attacchi de oppoxiçioin ch’an ciammou e seu dimiscioin, o l’à parlou de un errô da parte de «unn’impreisa privâ che l’à acciantou un ciöu in sce un cavo». O giorno apreuvo a Rfi, dòppo «e verifiche neçessäie», a l’à sospeiso o contræto co-a dita Str92.

Traduçion italiaña

Guasto sulla linea a Roma, treni nel caos in tutta Italia

Oltre 100 treni cancellati, ritardi fino a quattro ore, caos nelle stazioni, migliaia di turisti e pendolari bloccati sulle banchine in attesa di notizie. Sono le conseguenze del guasto alla linea elettrica del nodo ferroviario di Roma che lo scorso 3 ottobre ha tagliato in due l’Italia. Il traffico si è bloccato alle 6.30 ed è ripartito dopo tre ore, ma con seri problemi durante tutta la giornata. Il ministro dei Trasporti Matteo Salvini, sommerso dagli attacchi dell’opposizione che ne ha chiesto le dimissioni, ha parlato di un errore da parte di «un’impresa privata che ha piantato un chiodo su un cavo» . Il giorno successivo Rfi, dopo le «necessarie verifiche», ha sospeso il contratto con la ditta Str92.

Manuvra, o Giorgetti: «Sacrifiçi pe tutti». Forza Italia: «Conträi à de neuve tasce»

«Approviemo unna maneuvra ch’a domandià di sacrifiçi à tutti». À dîlo inte unn’intervista o l’é stæto o ministro de l’Economia Giancarlo Giorgetti annonçiando che ghe saià de tasce in scî guägni straordenäi e che tutto o Paise o l’avià da sostegnî sto sfòrso, persoñe e ascì soçietæ «picciñe, medie e grende». Ma Forza Italia o l’à fermou tutti: «Semmo conträi comme tutto à de neuve tasce», o l’à dito o segretäio Antonio Tajani. O sottosegretäio Freni o l’à çercou de mëgâla: «No se studia de neuve tasce pe nisciun, o l’é ciæo che tutti devan fâ o seu». E inta maggioransa monta a tenscion. Ma anche l’oppoxiçion a l’à i seu ciæti: l’é sätou l’accòrdio con Italia Viva a-e eleçioin regionale, o Giuseppe Conte o l’à dito che «o campo largo o no l’existe ciù».

Traduçion italiaña

Manovra, Giorgetti: «Sacrifici per tutti». Forza Italia: «Contrari a nuove tasse»

«Approveremo una manovra che richiederà sacrifici a tutti». Lo ha detto in un’intervista il ministro dell’Economia Giancarlo Giorgetti annunciando che ci saranno tasse sui profitti extra e che tutto il Paese dovrà sostenere questo sforzo, le persone e anche le imprese “piccole, medie e grandi”. Ma Forza Italia ha dato un altolà: «Siamo contrari tutti a nuove tasse», ha detto il segretario Antonio Tajani. Il sottosegretario Freni ha cercato di abbassare i toni: «Non sono allo studio nuove tasse per nessuno, è ovvio che ognuno deve fare la propria parte». E nella maggioranza la tensione sale. Ma anche l’opposizione ha i suoi guai: è saltato l’accordo con Italia Viva alle regionali, Giuseppe Conte ha detto che «il campo largo non esiste più».

Caxo Ferragni, investigaçion serrâ: «Guägno ingiusto de 2,2 mioin d’euro»

Un «guägno ingiusto» de 2 mioin e 200mia euro e consummatoî dannezzæ. Son ste chì e accuse portæ da-a Procua de Milan contra l’influencer Chiara Ferragni, indagâ pe frouxo aggravou apreuvo a-o caxo di pandori Pink Christmas e de euve de Pasqua Dolci Preziosi. L’investigaçion a l’é serrâ, oua s’aspeta a respòsta da defeisa ch’a çerchià d’ottegnî l’archiviaçion. Pe-i avvocati sto fæto o no l’à nisciuña importansa penale e a costion a l’é za stæta destrigâ da l’Agcom co-a sançion de un mion. In base a-i açertamenti da Guardia de finansa, a conrelaçion tra accattâ o pandoro e contribuî à l’uspiâ Regina Margherita de Turin a l’avieiva fæto cazze in castagna ben ben de persoñe. Unna confeçion de l’ediçion limitâ a costava in media 9,38 euro contra i 3,68 de un pandoro normale. Anche pe-a Balocco, segondo i pm, ghe saieiva stæto un guägno ingiusto de 2 mioin e passa.

Traduçion italiaña

Caso Ferragni, chiuse le indagini: «Ingiusto profitto di 2,2 milioni di euro»

Un «ingiusto profitto» da 2 milioni e 200mila euro e un danno ai consumatori. Sono queste le accuse mosse dalla Procura di Milano contro l’influencer Chiara Ferragni, indagata per truffa aggravata in seguito al caso dei pandori Pink Christmas e delle uova di Pasqua Dolci Preziosi. L’indagine è chiusa, si attende ora la risposta della difesa che cercherà di ottenere l’archiviazione. Per gli avvocati questa faccenda non ha rilevanza penale e la questione è già stata risolta dall’Agcom con la sanzione di un milione. Secondo gli accertamenti della Guardia di Finanza, la correlazione tra l’acquisto del pandoro e la contribuzione all’ospedale Regina Margherita di Torino avrebbe indotto in errore molte persone. Una confezione dell’edizione limitata costava in media 9,38 euro contro i 3,68 di un pandoro normale. Anche per Balocco, secondo i pm, ci sarebbe stato un ingiusto profitto di oltre 2 milioni.

E notiçie da-o mondo

Senti a verscion registrâ:

Levante de Mezo, a guæra a s’allarga à Iran e Libano

S’allarga a guæra into Levante de Mezo. Dòppo i attacchi da-o çê in Libano ch’an caxonou a mòrte do Hassan Nasrallah, o cappo de Hezbollah, Isræle o l’à comensou unna campagna de tæra. A-o 1° d’ottobre l’Iran o l’à tiou 180 miscili into Stato ebraico, squæxi tutti bloccæ da-o scistema de defeisa Iron Dome. Unica vittima un palestineise corpio à Gerico. Isræle o l’inandia a respòsta contra i stabilimenti petroliferi, comme ipotizzou ascì da-o Biden. «Se ô faian, mandiemo Tel Aviv in çenie», l’avvertimento de Teheran. «Semmo in guæra contra l’asse do mâ», o l’à dito o Netanyahu. Intanto s’avvexiña l’anniversäio da strage di 7 d’ottobre pe man de Hamas. «O l’é stæto legittimo, leviemo Isræle da mezo», e poule de l’ayatollah Khamenei a conmemoraçion do Nasrallah.

Traduçion italiaña

Medio Oriente, la guerra si allarga a Iran e Libano

Si espande la guerra in Medio Oriente. Dopo gli attacchi aerei in Libano che hanno provocato la morte di Hassan Nasrallah, leader di Hezbollah, Israele ha lanciato una campagna di terra. Il 1° ottobre l’Iran ha scagliato 180 missili sullo Stato ebraico, quasi tutti bloccati dal sistema di difesa Iron Dome. Unica vittima un palestinese colpito a Gerico. Israele sta preparando la risposta contro le piattaforme petrolifere, come aveva ipotizzato anche Biden. «Se lo faranno, manderemo Tel Aviv in cenere», ha avvertito Teheran. «Siamo in guerra contro l’asse del male», ha detto Netanyahu. Intanto si avvicina l’anniversario della strage del 7 ottobre per mano di Hamas. «È stato legittimo, elimineremo Israele», le parole dell’ayatollah Khamenei in occasione della commemorazione di Nasrallah.

Austria, a drita estremma a guägna e eleçioin co-o 30%

A drita estremma a l’à guägno e eleçioin in Austria. L’Fpö, o Partio da libertæ, o l’é vegnuo a primma forsa do Paise con squæxi o 30% di voti, ben ben de ciù che e previxoin, o 13% in ciù da-e eleçioin passæ. «Anche i austriachi se son espressi de mainea ciæa pe-o cangiamento», o l’à commentou o partio do Herbert Kickl. Cazze pe contra l’Övp, o Partio popolare do cançellê Nehammer ch’o s’afferma a-o 26,2%, 11 ponti de meno da çinque anni in sà. Gran deluxon ma nisciuña avertua à l’ipòtexi de unn’alleansa co-a drita estremma. A scinistra a tëgne ma a no va de là do 20,4%. «Ancheu o l’é un giorno neigro da democraçia», o l’à dito o Klaus Seltenheim, segretäio di soçialisti de l’Spö.

Traduçion italiaña

Austria, l’estrema destra vince le elezioni con il 30%

L’estrema destra ha vinto le elezioni in Austria. L’Fpö, il Partito della Libertà, è diventato la prima forza del Paese con quasi il 30% dei voti, ben al di sopra delle previsioni, il 13% in più rispetto alle elezioni precedenti. «Anche gli austriaci si sono espressi chiaramente a favore del cambiamento», ha commentato il partito di Herbert Kickl. Crolla invece l’Övp, il Partito popolare del cancelliere Nehammer che si ferma al 26,2%, 11 punti in meno rispetto a cinque anni fa. Grande delusione ma nessuna apertura all’ipotesi di un’alleanza con l’estrema destra. La sinistra tiene ma non va oltre il 20,4%. «Oggi è un giorno nero per la democrazia», ​​ha detto Klaus Seltenheim, segretario dei socialisti della Spö.

Stati Unii, o prescidente Biden: «No sò se e eleçioin saian in paxe»

«Me fio che e eleçion americañe saian libere e giuste, no sò se saian in paxe. Cös’o l’à dito o Trump o l’é ben ben arresegou». Son stæte e poule do prescidente Joe Biden ch’o s’é presentou a-a cheita inta sala stampa da Casa Gianca. Ormai manca ciù un meise a-o voto, in programma a-i 5 de novembre. Intanto i doî candidæ viçeprescidenti, o Tim Walz e o James David Vance, se son dæti battaggia inte un confronto televixivo çivile e sensa corpi à effetto. Nisciun l’à respòsto in sciô sostëgno à un attacco preventivo d’Isræle contra l’Iran. O scontro o s’é açeiso in sce l’inmigraçion e l’abòrto.

Traduçion italiaña

Usa, il presidente Biden: «Non so se le elezioni saranno pacifiche»

«Confido che le elezioni americane saranno libere e giuste, non so se saranno pacifiche. Quello che ha detto Trump è molto pericoloso». Sono state le parole del presidente Joe Biden che si è improvvisamente presentato nella sala stampa della Casa Bianca. Ormai manca solo un mese al voto, previsto per il 5 novembre. Nel frattempo i due candidati alla vicepresidenza, Tim Walz e James David Vance, si sono sfidati in un confront televisivo civile, senza colpi ad effetto. Nessuno ha risposto riguardo al sostegno di Israele ad un attacco preventivo contro l’Iran. Lo scontro si è acceso su immigrazione e aborto.