O Zinâ

Ediçion

E notiçie da-a Liguria

Senti a verscion registrâ:

Tempo grammo in Liguria, 300 millimetri d’ægua e i sciummi fan poia

Settemaña diffiçile pe-a Liguria ascidiâ da-o tempo grammo e stæta toccâ apeña da-i effetti de l’aragan Kirk. Inta valle da Stua l’é cheito ciù de 300 millimetri d’ægua inte manco vintiquattr’oe. À Zena, inta neutte tra i 7 e i 8 d’ottobre, o riâ de Feggin – che da anni o l’aspeta d’ëse misso in seguessa – o l’é anæto de sorva, pe fortuña sensa fâ guæi de danni. O Commun o l’à serrou e scheue, comme tanti atri paixi in provinsa. Unna fraña a l’à isoou unna trenteña de persoñe à Bertê, into territöio de Mason. O terren o no l’é stæto ciù bon de sciorbî mai tanta ægua e ben ben di sciummi se son ingrosciæ. Pe sta raxon into Levante l’é stæto deçiso l’allerta rossa. Dapeu o reciammo d’äia da sud o l’à portou un fòrte vento de borrasca: in scî bricchi de Ronco s’é registrou unna raffega de 138 km/h.

Traduçion italiaña

Maltempo in Liguria, 300 millimetri di pioggia e i fiumi fanno paura

Settimana difficile per la Liguria tormentata dal maltempo e sfiorata dagli effetti dell’uragano Kirk. In Valle Stura sono caduti oltre 300 millimetri di pioggia in meno di ventiquattr’ore. A Genova, nella notte tra il 7 e l’8 ottobre, il rio Fegino – che da anni attende la messa in sicurezza – è esondato, per fortuna senza causare grossi danni. Il Comune ha chiuso le scuole, come hanno fatto tanti altri paesi della provincia. Una frana ha isolato trenta persone a Bertè, nel territorio di Masone. Il terreno non è più stato in grado di assorbire così tanta acqua e molti fiumi si sono ingrossati. Per questo nel Levante è stata emessa l’allerta rossa. Poi il richiamo di aria da sud ha portato un forte vento di burrasca: sulle alture di Ronco Scrivia si è registrata una raffica di 138 km/h.

Ventemiggia, desbarrassou l’accampamento abuxivo di migranti

L’accampamento abuxivo di migranti inta giæa da Reuia à Ventemiggia o l’é stæto desbarrassou co-i mezzi do Commun a-a mattin di 10 d’ottobre. E persoñe che ghe stavan an dovuo abbandonâ e tende e son stæte identificæ pe capî s’avessan fæto domanda de proteçion internaçionale ò se fïsan inregolari. «A l’é unn’açion dovua pe-i rescidenti de Gianchette e pe tutti i ventemiggeixi – o l’à dito o scindico Giuseppe Di Muro – che se meitan de vive inte unna çittæ segua. L’é façile accaxonâme d’ëse razzista, ma son stæto o primmo à firmâ pe-o ponto d’ascistensa spantegou».

Traduçion italiaña

Ventimiglia, sgomberato l’accampamento abusivo dei migranti

L’accampamento abusivo di migranti in Val Roia a Ventimiglia è stato sgomberato con i mezzi del Comune la mattina del 10 ottobre. Le persone che vi abitavano hanno dovuto abbandonare le tende e sono state identificate per capire se avevano chiesto la protezione internazionale o erano irregolari. «È un dovere per gli abitanti delle Gianchette e per tutti i ventimigliesi – ha detto il sindaco Giuseppe Di Muro – che meritano di vivere in una città sicura. È facile accusarmi di essere razzista, ma sono stato il primo a firmare per il punto di assistenza diffuso».

Doî figgeu piccin mòrti in Liguria, a Procua a l’indaga in sce unna pediatra

Doe tragedie inte pöchi giorni con di figgeu piccin protagonisti in Liguria. Unna figgetta de un anno a l’é mòrta à Mocònexi a-i 4 d’ottobre dòppo ch’a l’é stæta mandâ à cà da-o pronto soccorso de Lavagna, gestio da-i meghi do Gaslini, donde i genitoî l’aivan portâ pe di desturbi a-a pansa. A Procua de Zena a l’à averto unn’investigaçion. L’é vegnuo feua che a figgiña a l’ea stæta vixitâ da unna pediatra de unna cooperativa addeuviâ pe crovî i turni de neutte: oua a dònna a l’é indagâ pe capî cöse segge capitou. A-i 9 d’ottobre à Sestri Levante unna figgeua da nascion de manco un meise a l’é stæta trovâ mòrta inta chiña da seu poæ. Pe-i meghi porrieiva ëse un caxo de Sids, a scindrome da mòrte improvista infantile: in Italia s’astimma un caxo in sce doamia.

Traduçion italiaña

Due bambini morti in Liguria, la Procura indaga su una pediatra

Due tragedie in pochi giorni che vedono protagonisti bambini piccoli in Liguria. Una bimba di un anno è morta a Moconesi il 4 ottobre dopo essere stata rimandata a casa dal pronto soccorso di Lavagna, gestito dai medici del Gaslini, dove i genitori l’avevano portata per disturbi addominali. La Procura di Genova ha aperto un’inchiesta. È emerso che la figlia è stata visitata da una pediatra dipendente di una cooperativa adibita alla copertura dei turni notturni: la donna è ora indagata per capire cosa sia successo. Il 9 ottobre a Sestri Levante una bambina di meno di un mese è stata trovata morta nella culla dal padre. Per i medici potrebbe trattarsi di Sids, sindrome della morte improvvisa infantile: in Italia si stima un caso su duemila.

E notiçie da l’Italia

Senti a verscion registrâ:

Maneuvra, neuvo scontro: revixon a-o cadastro pe-e cæ renovæ co-o Superbonus

E varsciue a-o cadastro di inmòbili renovæ co-i dinæ pubrichi do Superbonus saian sottopòste à revixon. L’à annonçiou o ministro de l’Economia Giancarlo Giorgetti into presentâ in Parlamento o Psb (o cian strutturale di conti). Ma a novitæ a no ghe gusta a-e oppoxiçioin: «Son pronti à tasciâ a cà de 15 mioin d’italien», remarca o cappo di Verdi Angelo Bonelli. Ma anche Forza Italia o l’à di dubbi: «E famigge son za assæ corpie». Da Pontida o segrettäio da Lega Matteo Salvini o l’assegua: «O governo o l’é fæto d’amixi, l’é ciæo che d’ògni tanto discorrimmo». O viçeministro de l’Economia Maurizio Leo o l’à dito che o bonus pe-o reneuvo da primma casa o porrieiva tornâ a-o 50%. Intanto a Procua de Bari a l’indaga in sce un passou dependente da banca Intesa Sanpaolo ch’o l’aggueitava inti conti da Giorgia Meloni e da seu Arianna, e ascì atri politichi, giornalisti e magistrati.

Traduçion italiaña

Manovra, nuovo scontro: revisione catastale per le case ristrutturate col Superbonus

Saranno sottoposti a revisione i valori catastali degli immobili ristrutturati con i soldi pubblici del Superbonus. Lo ha annunciato il ministro dell’Economia Giancarlo Giorgetti nel corso della presentazione del Psb (piano strutturale del bilancio) in Parlamento. Ma la novità non piace all’opposizione: «Sono pronti a tassare le case di 15 milioni di italiani», rimarca il leader dei Verdi Angelo Bonelli. Ma anche Forza Italia ha dei dubbi: «Le famiglie sono già abbastanza colpite». Da Pontida il segretario della Lega Matteo Salvini assicura: «Il governo è fatto di amici, è ovvio che ogni tanto non siamo d’accordo». Il viceministro dell’Economia Maurizio Leo ha detto che il bonus per la ristrutturazione della prima casa potrebbe tornare al 50%. Intanto la Procura di Bari indaga su un ex dipendente della banca Intesa Sanpaolo che spiava nei conti correnti di Giorgia Meloni e della sorella Arianna, oltre ad altri politici, giornalisti e magistrati.

Tragedia vexin à Caserta, un òmmo o strangoa a moggê davanti a-i figgi

Un òmmo o l’à strangoou a moggê davanti a-i figgi de 4 e 6 anni, che dapeu an mostrou a-a lalla co-o telefonin l’imagine do còrpo da moæ inversou in sciô letto. O l’é avvegnuo à San Felice a Cancello, in provinsa de Caserta. L’assascin, Luzmil Toci, o l’é un arbaneise de 30 anni, a vittima unna dònna de 24 anni, Eleonor Toci, da mæxima naçionalitæ. L’òmmo o l’é stæto arrestou da-i carabinê e o l’à confessou de botto: «Ò ammassou mæ moggê». O no l’à sacciuo dâ un movente e o no l’à parlou de rattelle. A Leonor a l’ea vegnua in Italia che l’é quarche meise pe conzonzise torna co-o maio, ch’o l’ea arrivou pe travaggiâ comme manente inti campi. Con lê a l’aiva portou i figgi perché fessan unna vitta ciù boña, ma inta mattinâ di 9 d’ottobre a no s’é ciù addesciâ.

Traduçion italiaña

Tragedia vicino a Caserta, uomo strangola la moglie davanti ai figli

Un uomo ha strangolato la moglie davanti ai bambini di 4 e 6 anni, i quali hanno poi mostrato al telefono alla zia l’immagine del corpo della madre riverso sul letto. È accaduto a San Felice Cancelliere, in provincia di Caserta. L’assassino, Luzmil Toci, è un albanese di 30 anni, la vittima una donna di 24 anni, Eleonor Toci, della stessa nazionalità. L’uomo è stato arrestato dai carabinieri e ha subito confessato: «Ho ucciso mia moglie». Non ha saputo fornire un movente e non ha parlato di litigi. Leonor era venuta in Italia qualche mese fa per raggiungere il marito, arrivato per lavorare come bracciante nei campi. Con sé aveva portato i bambini perché facessero una vita migliore, ma la mattina del 9 ottobre non si è più svegliata.

Mòrto o Sammy Basso, unna vitta dedicâ a-a reçerca in sciâ progeria

O l’é mòrto à 28 anni o Sammy Basso, reçercatô e biològo co-a progeria de Hutchinson-Gilford, unna moutia ræa ch’a fa vegnî vegi a-a spedia. Nisciun de quelli co-a seu patologia o l’ea mai arrivou a-a seu etæ. A vitta o l’à speisa pe-a sciensa e a divulgaçion, çercando de mandâ avanti a reçerca in sciâ progeria: o gene responsabile o l’é stæto descoverto do 2003, quande lê o gh’aiva 8 anni. Nominou cavaggeo da Repubrica da-o prescidente Mattarella, o l’aiva un rappòrto fiña co-o pappa. Çentanæa i messaggi de dô de cheu dòppo o patî a-o restorante ch’o no gh’à dæto scampo a-i 6 d’ottobre. Da lì à çinque giorni o mortöio into Viçentin con 4mia persoñe vegnue da l’estranxeo ascì, squæxi unna festa, comm’o l’ea inti seu dexidëi. «Arregordæme con pregâ, ma anche con beive un gòtto de vin. Sacciæ ch’ò visciuo contento», e poule che lê mæximo o l’aiva scrito pe sto momento.

Traduçion italiaña

Morto Sammy Basso, una vita dedicata alla ricerca sulla progeria

Sammy Basso, ricercatore e biologo affetto da progeria di Hutchinson-Gilford, una malattia rara che causa un invecchiamento precoce, è morto all’età di 28 anni. Nessuno con la sua patologia aveva mai raggiunto la sua età. Una vita spesa per la scienza e la divulgazione, cercando di portare avanti la ricerca sulla progeria: il gene responsabile fu scoperto nel 2003, quando aveva 8 anni. Nominato cavaliere della Repubblica dal presidente Mattarella, aveva un rapporto anche con il papa. Centinaia i messaggi di cordoglio dopo il malore al ristorante che non gli ha dato scampo il 6 ottobre. Dopo cinque giorni il funerale nel Vicentino con 4mila persone giunte anche dall’estero, quasi una festa, come era nei suoi desideri. «Ricordatevi di me pregando, ma anche bevendo un bicchiere di vino. Sappiate che ho vissuto felice», le parole che lui stesso aveva scritto per questo momento.

E notiçie da-o mondo

Senti a verscion registrâ:

Isræle o l’attacca a miscion de l’Onu, o Netanyahu: «O Libano o peu finî comme Gazza»

«Poei sarvâ o Libano primma ch’o cazze inte l’abimmo de unna longa guæra ch’a portià destruçion e patimenti, comme vedemmo à Gazza». O l’é l’avvertimento do primmo ministro isrælian Benjamin Netanyahu tanto che s’allarga l’operaçion de tæra contra Hezbollah. Gh’é stæto di attacchi de l’exerçito contra a miscion Unifil de l’Onu into sud do Paise: ferio quattro sordatti, un o saieiva in condiçioin grave, corpio unna base italiaña. Intanto o Stato ebraico o l’à deçiso a respòsta à l’attacco co-i miscili da l’Iran do 1° d’ottobre: «Se no scombattemmo, moiemo». O prescidente american Joe Biden o temme unna guæra in sce larga scâ. A-i 7 d’ottobre Isræle o s’é affermou pe regordâ e vittime do massacro de l’anno passou. Inte moen de Hamas gh’é ancon 101 ostaggi, 35 za deciaræ mòrti.

Traduçion italiaña

Israele attacca la missione Onu, Netanyahu: «Il Libano può finire come Gaza»

«Potete salvare il Libano prima che cada nel baratro di una lunga guerra che porterà distruzione e sofferenza, come vediamo a Gaza». È l’avvertimento del primo ministro israeliano Benjamin Netanyahu mentre si espande l’operazione di terra contro Hezbollah. Ci sono stati attacchi dell’esercito contro la missione Onu dell’Unifil nel sud del Paese: quattro soldati feriti, uno sarebbe in gravi condizioni, colpita una base italiana. Intanto lo Stato ebraico ha deciso la risposta all’attacco missilistico iraniano del 1° ottobre: ​​"Se non combattiamo, moriremo". Il presidente degli Stati Uniti Joe Biden teme una guerra su larga scala. Il 7 ottobre Israele si è fermato per ricordare le vittime del massacro dello scorso anno. Nelle mani di Hamas ci sono ancora 101 ostaggi, 35 già dichiarati morti.

L’aragan Milton o corpisce l’America, 13 mòrti e 3 mioin sensa luxe

A-o manco 13 mòrti, ciù de 3 mioin de famigge sensa luxe, miggiæa de gente scorrie d’in cà e çentanæa d’abitaçioin destrute. O l’é l’effetto de l’aragan Milton ch’o s’é abbattuo in sciâ Florida, inti Stati Unii, a-i 10 d’ottobre. O governatô o l’à dito che o scenäio o no l’é o pezo che s’aspëtavan ma à tutte e mainee 80mia persoñe an passou a neutte inti çentri de recovio. I venti fortiscimi an arrancou o teito de un stadio de baseball: i video mostran di tòcchi che xeuan e a struttua destreppâ comme s’a fïse de papê. Intanto in scî social gia di scriti donde se sostëgne che o climma o l’é «mastrussou» da l’amministraçion democratica ch’a «contròlla» anche l’aragan. «Accuse che fan rie», a replica do prescidente Biden.

Traduçion italiaña

L’uragano Milton colpisce l’America, 13 morti e 3 milioni senza elettricità

Almeno 13 morti, più di 3 milioni di famiglie senza elettricità, migliaia di sfollati e centinaia di abitazioni distrutte. È l’effetto dell’uragano Milton che si è abbattuto sulla Florida, negli Stati Uniti, il 10 ottobre. Il governatore ha affermato che lo scenario non è il peggiore che si aspettassero, ma comunque 80mila di persone hanno trascorso la notte nei centri di accoglienza. I venti fortissimi hanno squarciato il tetto di uno stadio di baseball: i video mostrano pezzi che volano e la struttura squarciata come se fosse di carta. Intanto sui social circolano scritte dove si sostiene che il clima viene «manipolato» dall’amministrazione democratica che «controlla» anche l’uragano. «Accuse ridicole», ribatte il presidente Biden.

O premio Nobel pe-a paxe a-i scampæ da-a bomba atòmica in Giapon

O l’é stæto assegnou a-i scampæ da-a bomba atòmica in sciô Giapon o Premio Nobel pe-a paxe do 2024. O reconoscimento o l’é anæto a l’organizzaçion antinucleare Hidankyo: «Gazza a l’é comme o Giapon d’80 anni inderê», o l’à dito un fonçionäio. O Nobel pe-a meixiña a-i reçercatoî americhen Victor Ambros e Gary Ruvkun pe-a descoverta di micro-Rna. À l’american John Hopfield e a-o britannico Geoffrey Hinton o premio pe-a fixica: an misso e base pe l’imprendimento de machine e l’intelligensa artifiçiale. O Nobel pe-a chimica o l’é stæto assegnou à David Baker, Damis Hassabis e John Jumper pe-e reçerche in sciâ struttua de proteiñe. Pe-a lettiatua chi l’à guägno a l’é a scrittoa da Corea do Sud Han Kang.

Traduçion italiaña

Il premio Nobel per la pace ai sopravvissuti della bomba atomica in Giappone

È stato assegnato ai sopravvissuti alla bomba atomica sul Giappone il Premio Nobel per la pace nel 2024. Il riconoscimento è andato all’organizzazione antinucleare Hidankyo: «Gaza è come il Giappone di 80 anni fa», ha detto un funzionario. Premio Nobel per la medicina ai ricercatori statunitensi Victor Ambros e Gary Ruvkun per la scoperta dei micro-Rna. Assegnato all’americano John Hopfield e al britannico Geoffrey Hinton il premio per la fisica: hanno gettato le basi per l’apprendimento delle macchine e l’intelligenza artificiale. Il Nobel per la chimica è stato assegnato a David Baker, Damis Hassabis e John Jumper per le ricerche sulla struttura delle proteine. Per la letteratura la vincitrice è la scrittrice sudcoreana Han Kang.