A denonçia da conseggea Ghio: «Violentâ in casa à 12 anni»

«Gh’aiva 12 anni e stava into cheu da Zena di mosci quande son stæta violentâ tra e miage de casa mæ, ciù vòtte, pe di meixi, da-o dirigente de unn’açienda». Con ste poule chì a Francesca Ghio, conseggea da Lista RossoVerde into Commun de Zena, a l’à denonçiou inta sala rossa de Palaçio Tursci o fæto do quæ a l’é stæta vittima. Apreuvo à sta testimoniansa a Procua a l’à averto unn’investigaçion pe violensa sessuale aggravâ, sciben che l’é passou squæxi vint’anni e o crimine o porrieiva ëse anæto in prescriçion. A Ghio, pe mezo do seu avvocato, a l’à fæto savei ch’a l’é pronta à conlaborâ e ch’a faià o nomme do responsabile. «No ô fasso pe-a refæta ma perché de atre dònne no s’attreuvan inte unna scituaçion pægia». A conseggea a l’é stæta ciammâ ascì da-a prescidente Giorgia Meloni

Traduçion italiaña

La denuncia della consigliera Ghio: «Violentata in casa a 12 anni»

«Avevo 12 anni e vivevo nel cuore della Genova bene quando sono stata violentata tra le mura di casa, ripetutamente, per mesi, dal dirigente di un’azienda». Con queste parole Francesca Ghio, consigliere della Lista RossoVerde nel Comune di Genova, ha denunciato nella sala rossa di Palazzo Tursi il fatto di cui è stata vittima. A seguito di questa testimonianza la Procura ha aperto un’indagine per violenza sessuale aggravata, anche se sono passati quasi vent’anni e il reato potrebbe essere caduto in prescrizione. Ghio, tramite il suo legale, ha fatto sapere di essere pronta a collaborare e che farà il nome del responsabile. «Non lo faccio per essere risarcita ma perché altre donne non si trovino ad affrontare una situazione simile». La consigliera è stata chiamata anche dalla presidente Giorgia Meloni

Primmo conseggio regionale co-o Bucci: «O prinçipio de un neuvo cammin»

Primma sescion do Conseggio regionale co-o Marco Bucci prescidente da Liguria, a-i 26 de novembre. O neuvo governatô o l’à fæto zuamento: «O l’é o prinçipio de un neuvo cammin pe-a nostra region – o l’à dito into seu descorso –. Voemo fâ quarcösa de megio de quello ch’emmo ancheu. Voemo che se pòsse parlâ, ma in sciâ fin emmo da deçidde». O Stefano Balleari o l’é stæto elezzuo prescidente do Conseggio, comme previsto, ma o l’à piggiou un voto de meno de quelli da maggioransa. À l’incomenso i banchi de l’oppoxiçion son arrestæ veui perché i conseggê de minoransa ean in retardio. «Vergheugna, ghe veu do respetto», o l’à dito o Bucci ch’o l’aiva za perso a paçiensa. A-i 28 de novembre primma riunion da zonta ch’a saià presentâ a-o conseggio a-i 3 de dexembre.

Traduçion italiaña

Primo consiglio regionale con Bucci: «L’inizio di un nuovo cammino»

Prima seduta del Consiglio regionale con Marco Bucci presidente della Liguria, il 26 novembre. Il nuovo governatore ha giurato: «È l’inizio di un nuovo percorso per la nostra regione – ha detto nel suo discorso –. Vogliamo fare qualcosa di meglio di quello che abbiamo oggi. Vogliamo che si possa parlare, ma alla fine dobbiamo decidere». Stefano Balleari è stato eletto presidente del Consiglio, come previsto, ma ha preso un voto in meno rispetto a quelli della maggioranza. Inizialmente i banchi dell’opposizione sono rimasti vuoti perché i consiglieri di minoranza erano in ritardo. «Vergogna, serve rispetto», ha detto Bucci che aveva già perso la pazienza. Il 28 novembre prima riunione della giunta che sarà presentata al consiglio il 3 dicembre.

Grua cheita in sce unna Rsa à Zena: 94 ançien portæ de feua

Unna grua de 24 metri a l’é cheita d’inte un cantê e a l’à piccou in sce unna Rsa. O l’é capitou a-i 27 de novembre in stradda Domenico Chiodo, sotta o Righi. Pe fortuña no gh’ea nisciun de sotta e no gh’é stæto manco un ferio. A palaçiña, co-a covertua dannezzâ e arrestâ sens’ægua e rescädamento, a l’é stæta tutta desbarassâ inta neutte e i 94 ançien rescidenti an dovuo stramuâse inte de atre struttue ò à cà de famigge. A Procua de Zena a l’à averto unn’investigaçion pe deruo corposo. Da-i primmi açertamenti l’é vegnuo feua un problema de manutençion, visto che a tore de metallo a-a base da struttua a s’é destoccâ. Oua besorrià capî chi gh’aiva a responsabilitæ. I travaggi ean quelli pe tiâ sciù de neuve rescidense donde unna vòtta gh’ea l’instituto Liberti.

Traduçion italiaña

Gru caduta su una Rsa a Genova: 94 anziani evacuati

Una gru di 24 metri è caduta da un cantiere e ha colpito una Rsa. È successo il 27 novembre in via Domenico Chiodo, nei pressi del Righi. Fortunatamente sotto non c’era nessuno e non si registra nemmeno un ferito. La palazzina, con il tetto rovinato e rimasta senza acqua e riscaldamento, è stata interamente sgomberata nella notte e i 94 anziani residenti sono stati costretti a trasferirsi in altre strutture o presso le case dei familiari. La Procura di Genova ha aperto un’indagine per furto d’auto. Dalle prime valutazioni è emerso un problema di manutenzione, visto che la torre metallica alla base della struttura si è staccata. Ora bisognerà capire chi sono i responsabili. I lavori erano quelli per la realizzazione di nuove residenze dove un tempo sorgeva l’istituto Liberti.