O Zinâ

Ediçion

E notiçie da-a Liguria

Senti a verscion registrâ:

A Piaggio Aerospace vendua a-a turca Baykar, luxe verde da-o ministëio

O ministëio de Impreise o l’à autorizzou i commissäi da Piaggio Aero Industries e Piaggio Aviation – e doe soçietæ che travaggian sotta o nomme de Piaggio Aerospace à vende tutti i stabilimenti à l’açienda turca Baykar, speçializzâ inta produçion de veicoli d’äia sensa pilòtto e tecnologie airospaçiale avansæ. A vertensa a l’ea comensâ do 2018. «Garantio o repiggio de l’açienda con unna vixon ciæa e ambiçiosa», o commento do ministro Adolfo Urso. Pe l’assessô regionale Paolo Ripamonti o l’é «un passo importante pe-a Liguria». I scindacati domandan de fâ ciæo in sce l’avvegnî e veuan de garançie pe-i sciti liguri.

Traduçion italiaña

Piaggio Aerospace ceduta alla turca Baykar, via libera dal ministero

Il ministero delle Imprese ha autorizzato i commissari di Piaggio Aero Industries e Piaggio Aviation – le due società che operano sotto il nome di Aerospace Airport – a vendere tutti gli impianti alla società turca Baykar, specializzata nella produzione di veicoli aerei senza pilota e tecnologie aerospaziali avanzate. La vertenza era iniziata nel 2018. «Garantito il rilancio dell’azienda con una visione chiara e ambiziosa», il commento del ministro Adolfo Urso. Per il consigliere regionale Paolo Ripamonti si tratta di «un passo importante per la Liguria». I sindacati chiedono chiarezza sul futuro e vogliono garanzie per i siti liguri.

Camallo mòrto à Pra, o collega: «Nisciuña rattella». Indagou anche o Benvenuti

«Nisciuña rattella, fòscia o l’à perso o contròllo do mezzo». L’à dito o collega do Patrizio Randazzo, o camallo ch’o guiddava a ralla ch’a l’à investio e ammassou o Giovanni Battista Macciò a-i 18 de dexembre into pòrto de Pra. L’òmmo, ch’o l’ea in sciâ ralla ferma, o l’é stæto asbriou de feua e o l’à patio ciù frattue. A Procua de Zena a l’à inscrito tra i indagæ pe ammassamento corposo sette persoñe, tra e quæ anche o console da Compagnia unica Antonio Benvenuti. I avvocati do Randazzo van avanti à sostegnî a verscion do corpo de seunno. L’ipòtexi de unna bæga tra lê e a vittima a no l’à trovou unna conferma. A-i 27 de dexembre à Staggen gh’é stæto a çeimònia d’adio a-o Macciò.

Traduçion italiaña

Camallo morto a Pra, collega: «Nessun litigio». Indagato anche Benvenuti

«Niente litigi, forse ha perso il controllo del mezzo». Lo ha detto il collega di Patrizio Randazzo, il camallo alla guida della ralla che ha investito e ucciso Giovanni Battista Maccio il 18 dicembre nel porto di Pra’. L’uomo, che era sulla ralla ferma, è stato sbalzato fuori e ha riportato fratture multiple. La Procura di Genova ha iscritto tra gli indagati per omicidio colposo sette persone, tra cui il console della Compagnia unica Antonio Benvenuti. I legali di Randazzo continuano a sostenere la versione del colpo di sonno. L’ipotesi di un dissidio tra lui e la vittima non ha trovato conferma. Il 27 dicembre si è svolta a Staglieno la cerimonia di addio a Macciò.

Menasse a-i scindichi d’Impëia e Carcre, scrite in scê miage e un proiettile à casa

O scindico d’Impëia e prescidente da Provinsa Claudio Scajola o l’é stæto menassou con unna scrita comparia o giorno de Dënâ in sce unna miagia de Castrevegio. «Scajola, per te infame ci son le lame», a frase in italian accompagnâ da-o disegno de unna messoia co-o martello. «À sto fæto ghe dà a mente o ministëio de l’Interno à Romma», o l’à dito o scindico inta conferensa stampa da fin de l’anno. Mæxima stöia pe-o Rodolfo Mirri, scindico de Carcre: seu moggê e seu figgio an trovou inta cascetta da pòsta un proiettile co-e seu lettie. «No gh’ò nisciun sospetto particolâ – o l’à dito – ò a-o manco sò de no avei fæto ninte de grave. Me ven da pensâ che segge nasciuo quarcösa inta campagna elettorale».

Traduçion italiaña

Minacce ai sindaci di Imperia e Carcare, scritte sui muri e proiettile a casa

Il sindaco di Imperia e presidente della Provincia Claudio Scajola è stato minacciato con una scritta apparsa il giorno di Natale su un muro a Castelvecchio. «Scajola, per te infame ci sono le lame», la frase in italiano accompagnata dal disegno di un falce con un martello. «Di questo si occupa il ministro dell’Interno a Roma», ha detto il sindaco nella conferenza stampa di fine anno. Vicenda simile per Rodolfo Mirri, sindaco di Carcare: moglie e figlio hanno trovato nella cassetta della posta un proiettile con le sue lettere. «Non ho particolari sospetti – ha detto – o almeno so di non aver fatto nulla di grave. Mi viene da pensare che sia nato qualcosa durante la campagna elettorale».

E notiçie da l’Italia

Senti a verscion registrâ:

A giornalista Cecilia Sala arrestâ in Iran, a l’é in prexon da-i 19 de dexembre

A giornalista italiaña Cecilia Sala a l’é stæta arrestâ a-i 19 de dexembre à Teheran, a capitale de l’Iran. Da unna settemaña a s’attreuva in isoamento inta prexon de Evin, donde se særa i contestatoî politichi. Ma a raxon do seu arresto a no l’é stæta formalizzâ. A Sala, ch’a l’à posciuo telefonâ à seu moæ e a-o compagno e a gh’à dito ch’a sta ben, a l’ea lì con un regolare visto giornalistico pe-o seu podcast pe Chora News. A l’aiva da tornâ a-i 20 de dexembre. «Travaggiemo co-a mascima discreçion pe portâla torna in Italia», o l’à dito o ministro de l’Estranxeo Antonio Tajani. A-i 17 de dexembre un iranian reçercou inti Stati Unii con l’accusa de vende de arme a-i terroristi o l’ea stæto arrestou à l’airopòrto de Malpensa.

Traduçion italiaña

Arrestata in Iran la giornalista Cecilia Sala, è in carcere dal 19 dicembre

La giornalista italiana Cecilia Sala è stata arrestata il 19 dicembre a Teheran, la capitale dell’Iran. Da una settimana è in isolamento nel carcere di Evin, dove vengono rinchiusi i dissidenti politici. Ma il motivo del suo arresto non è stato formalizzato. Sala, che ha potuto chiamare la madre e il compagno per dire loro che sta bene, era lì con un regolare visto giornalistico per il suo podcast per Chora News. Il suo ritorno era previsto per il 20 dicembre. «Lavoreremo con la massima discrezione per riportarla in Italia», ha detto il ministro degli Esteri Antonio Tajani. Il 17 dicembre un iraniano ricercato negli Stati Uniti con l’accusa di aver venduto armi a terroristi era stato arrestato all’aeroporto di Malpensa

Maneuvra finançiäia approvâ a-a Camia, se dimette o relatô de maggioransa

A maneuvra finançiäia a l’é stæta approvâ a-a Camia co-e dimiscioin do relatô de maggioransa Guido Liris de Fratelli d’Italia. Unna protesta contra l’andio d’examinâ a lezze solo inte unna ramma do Parlamento, comme capita da-o 2018 in avanti: «Domando a-o prescidente de fâse mediatô pe tornâ a-a lettua doggia», o l’à dito. E oppoxiçioin van à l’attacco: «O Parlamento o l’é misso a-o landon». O ministro de l’Economia Giancarlo Giorgetti: «Pronti à cangiâ e regole, ma deve fâlo o Parlamento». O governo o l’à pòsto a domanda de confiansa in sciô testo.

Traduçion italiaña

Approvata alla Camera la manovra finanziaria, si dimette il relatore di maggioranza

La manovra finanziaria è stata approvata alla Camera con le dimissioni del relatore di maggioranza Guido Liris di Fratelli d’Italia. Una protesta contro l’abitudine di esaminare il disegno di legge solo in un ramo del Parlamento, come avviene dal 2018 in poi: «Chiedo al presidente di mediare per tornare alla doppia lettura», ha detto. Le opposizioni vanno all’attacco: «Il Parlamento è irriso». Il ministro dell’Economia Giancarlo Giorgetti: «Pronto a cambiare le regole, ma deve farlo il Parlamento». Il governo ha posto la questione di fiducia sul testo.

O pappa Françesco o l’arve o Giubileo, unna pòrta santa inta prexon de Rebibbia

O pappa Françesco o l’à prinçipiou o Giubileo 2025 con l’avertua da pòrta santa da baxilica de San Pê a-i 24 de dexembre. «Sta chì a l’é a neutte che a pòrta da speransa a s’é desarrembâ in sciô mondo», o l’à dito o pontefiçe. Into giorno de San Steva o Françesco o l’à averto a segonda pòrta, quella inta prexon de Rebibbia, fæto unico inta stöia: «O l’é un dòmmo de dô e de speransa», e poule do pappa, che a-i detegnui o l’à domandou pròpio de «no perde mai a speransa». Dapeu o l’à ciammou de «forme d’amnistia ò de remiscion da peña». O ministro da Giustiçia Carlo Nordio, ch’o l’ea presente à Rebibbia, o l’à commentou: «No n’emmo parlou».

Traduçion italiaña

Papa Francesco apre il Giubileo, una porta santa nel carcere di Rebibbia

Papa Francesco ha aperto il Giubileo 2025 con l’apertura della porta santa della basilica di San Pietro, il 24 dicembre. «Questa è la notte in cui la porta della speranza si è spalancata sul mondo», ha detto il pontefice. Nel giorno di Santo Stefano Francesco ha aperto la seconda porta, quella del carcere di Rebibbia, fatto unico nella storia: «È una cattedrale di dolore e di speranza», le parole del papa, che ai detenuti ha chiesto proprio di «non perdere mai speranza». Ha poi invocato “forme di amnistia o di remissione della pena”. Il ministro della Giustizia Carlo Nordio, presente a Rebibbia, ha commentato: «Non ne abbiamo parlato».

E notiçie da-o mondo

Senti a verscion registrâ:

Airoplan de l’Azerbaijan preçipitou in Kazakhstan: «Abbattuo da un miscile ruscio»

Un airoplan de l’Azerbaijan Airlines, partio da Baku e in viægio pe Grozny in Cecenia, o l’é preçipitou à Dënâ in Kazakhstan dòppo ch’o l’à cangiou de rotta pe unn’emergensa à bòrdo. O conto o l’é de 38 mòrti, atre 32 persoñe se son sarvæ perché a parte derê a s’é destaccâ avanti che l’appægio o piggesse feugo. Segondo o governo de l’Azerbaijan e i Stati Unii, à caxonâ o desastro saieiva stæto un miscile ruscio. A Nato a l’à domandou unn’investigaçion. Intanto o Trump o l’à dito ch’o veu incontrâ o Putin primma che se peu e ch’o mettià fin a-a guæra in Ucraina a-a spedia. O prescidente ruscio ascì o ciamma «a fin da guæra», a Slovacchia a se mette à dispoxiçion pe-e negoçiaçioin.

Traduçion italiaña

Aereo azero precipitato in Kazakistan: «Abbattuto da un missile russo»

Un aereo dell’Azerbaijan Airlines, in partenza da Baku e diretto a Grozny in Cecenia, si è schiantato a Natale in Kazakistan dopo aver cambiato rotta a causa di un’emergenza a bordo. Il bilancio è di 38 morti, altre 32 persone si sono salvate perché la parte posteriore si è staccata prima che il velivolo prendesse fuoco. Secondo il governo dell’Azerbaijan e gli Stati Uniti, un missile russo avrebbe causato il disastro. La Nato ha chiesto un’indagine. Nel frattempo Trump ha detto che vuole incontrare Putin il prima possibile e che porrà fine rapidamente alla guerra in Ucraina. Anche il presidente russo chiede “la fine della guerra”, la Slovacchia si mette a disposizione per i negoziati.

Guæra à Gazza, ancon nisciuña tregua: à Dënâ i figgeu meuan de freido

No s’afferma manco à Dënâ a guæra à Gazza. Inta neutte di 25 de dexembre unna figgeua da nascion a l’é mòrta a-o zeo, e coscì atri doî figgin inte urtime settemañe inti campi pe-i pròfughi. O primmo ministro isrælian Netanyahu o l’à parlou de «pasci avanti» inte negoçiaçioin con Hamas pe-a liberaçion di ostaggi, ma l’organizzaçion palestineise a l’à reportou che e «neuve» condiçioin d’Isræle fan tardâ o fermæ o feugo. À Damasco çentanæa de persoñe an manifestou in defeisa di driti di crestien dòppo l’inçendio de un erbo de Dënâ pe man de combattenti incappussæ.

Traduçion italiaña

Guerra a Gaza, ancora nessuna tregua: a Natale i bambini muoiono di freddo

Nemmeno a Natale si ferma la guerra a Gaza. Nella notte del 25 dicembre una neonata è morta congelata, così come altri due bambini nelle ultime settimane nei campi profughi. Il primo ministro israeliano Netanyahu ha parlato di «passi avanti» nei negoziati con Hamas per la liberazione degli ostaggi, ma l’organizzazione palestinese ha riferito che le «nuove» condizioni di Israele stanno ritardando il cessate il fuoco. A Damasco centinaia di persone hanno manifestato in difesa dei diritti dei cristiani dopo l’incendio di un albero di Natale per mano di combattenti incappucciati.

Germania, attentato à Magdeburgo: çinque mòrti e ciù de 200 ferii

Attentato à Magdeburgo, in Germania, a-i 20 de dexembre: un òmmo a-a guidda de unna machina o l’à investio de gente a-o mercatin de Dënâ. Çinque persoñe son mòrte, tra e quæ un figgeu de neuv’anni, e ciù de 200 son arrestæ ferie, unna quaranteña in condiçioin pesante. L’attentatô o l’é o Taleb Al Abdulmohsen, un mego de l’Arabia Saudita, passou mossulman ch’o l’accaxonava a Germania de voei «islamizzâ l’Euröpa» e indicou comme vexin a-o partio d’estremma drita Afd (che intanto o l’à ciammou e dimiscioin do cançellê Olaf Scholz). O l’é vegnuo feua poxitivo à l’examme de dröghe e o saià sottopòsto à unna periçia pscichiatrica.

Traduçion italiaña

Germania, attentato a Magdeburgo: cinque morti e oltre 200 feriti

Attentato a Magdeburgo, in Germania, il 20 dicembre: un uomo al volante di un’auto ha investito la folla al mercatino di Natale. Cinque persone sono morte, tra cui un bambino di nove anni, e più di 200 sono rimaste ferite, una quarantina in gravi condizioni. L’attentatore è Taleb Al Abdulmohsen, medico dell’Arabia Saudita, ex musulmano che ha accusato la Germania di voler «islamizzare l’Europa» e indicato come vicino al partito di estrema destra Afd (che intanto ha chiesto le dimissioni del cancelliere Olaf Scholz). È risultato positivo al test antidroga e sarà sottoposto a perizia psichiatrica.