O Zinâ

Ediçion

E notiçie da-a Liguria

Senti a verscion registrâ:

Pronto soccorso pin de gente, l’oppoxiçion a l’attacca o Bucci

Pronto soccorso into ravaxo in Liguria inti giorni dòppo o Primmo de l’anno. O scceuppo de l’influensa into periodo de Dënâ, con ciù pöchi meghi in serviçio, o l’à fæto ammuggiâ çentanæa de paçienti inti uspiæ. L’oppoxiçion a l’à pontou o dio contra a zonta do Marco Bucci, ch’o l’aiva za vixitou e struttue zeneixi. L’assessô a-a Sanitæ Massimo Nicolò o l’à dito che sta scituaçion a l’ea prevista e che o cian pe dâ resciöo a-i pronto soccorso co-i studdi averti inti giorni de festa o l’à fonçionou. A strategia pe l’avvegnî a comprende di letti inte Rsa à dispoxiçion di uspiæ pe levâ i ançien da-i corridoî. I gruppi de minoransa an domandou de convocâ unna commiscion Sanitæ a-a spedia.

Traduçion italiaña

Pronto soccorso affollati, l’opposizione attacca Bucci

Pronto soccorso nel caos in Liguria nei giorni dopo Capodanno. Il boom di influenza nel periodo natalizio, con meno medici in servizio, ha causato l’accumulo di centinaia di pazienti negli ospedali. L’opposizione ha puntato il dito contro la giunta di Marco Bucci, che aveva già visitato le strutture genovesi. L’assessore alla Sanità Massimo Nicolò ha detto che questa situazione era prevista e che il piano per dare respiro ai pronto soccorso con studi aperti nei giorni festivi ha funzionato. La strategia futura prevede posti letto nelle Rsa a disposizione degli ospedali per togliere gli anziani dai corridoi. I gruppi di minoranza hanno chiesto che venga convocata rapidamente una commissione Sanità.

Tentativo d’ammassamento à Certosa, òmmo trovou stramortio a-o Primmo de l’anno

Un òmmo de 43 anni de naçionalitæ ecuadoriaña o l’é stæto trovou stramortio à Certosa a-a mattin do Primmo de l’anno. O Pablo Edoardo Laniz Vargas – sto chì o seu nomme – o l’é stæto aggredio, fòscia perché o dava tròppo fastidio into festezzâ, e o l’é finio in rianimaçion à l’uspiâ Galliera con un traumatiximo a-a testa. A Procua de Zena a l’indaga pe tentativo d’ammassamento. I carabinê son apreuvo à controllâ e registraçioin de telecamere pe arrivâ a-o responsabile: segondo loiatri a violensa a l’ea fruto de unna spediçion punitiva e l’é bon che ghe fïse ciù persoñe.

Traduçion italiaña

Tentato omicidio a Certosa, uomo trovato privo di sensi a Capodanno

Un cittadino ecuadoriano di 43 anni è stato trovato privo di sensi a Certosa la mattina di Capodanno. Pablo Edoardo Laniz Vargas – questo il suo nome – è stato aggredito, forse perché dava troppo fastidio durante i festeggiamenti, ed è finito in rianimazione all’ospedale Galliera con un trauma cranico. La Procura di Genova indaga per tentato omicidio. I carabinieri stanno controllando le riprese delle telecamere per risalire al responsabile: secondo loro la violenza sarebbe frutto di una spedizione punitiva ed è probabile che fossero coinvolte più persone.

Protesta pe l’aumento di pedaggi de autostradde, a Region a blòcca e tariffe di treni

O 2025 o l’é comensou co-a montâ de tariffe pe-i treni e e autostradde in Liguria. I primmi, previsti da-o contræto de serviçio con Trenitalia inta mesua do 2,5%, son stæti bloccæ da-a Region: «No se peu açettâ che i utenti pagan de ciù con tutti i asciddi ch’an da patî», o l’à dito l’assessô Marco Scajola. A-i 9 de zenâ arrivià un provedimento, intanto se peu domandâ inderê i dinæ pagæ in de ciù. Incangio l’é stæto confermou l’aumento di pedaggi de l’1,8% in sciâ ræ de Autostrade per l’Italia. O deputou do Partio Democratico Lorenzo Basso o l’à domandou a-o ministëio de tegnî feua a Liguria, o conseggê regionale Roberto Arboscello o l’à ciammou l’intervento da zonta Bucci.

Traduçion italiaña

Protesta per l’aumento dei pedaggi autostradali, la Regione blocca le tariffe dei treni

Il 2025 è iniziato con il rialzo delle tariffe ferroviarie e autostradali in Liguria. I primi, previsti dal contratto di servizio con Trenitalia nella misura del 2,5%, sono stati bloccati dalla Regione: «È inaccettabile che gli utenti paghino di più con tutti i disagi che devono subire», ha detto l’assessore Marco Scajola. Il 9 gennaio arriverà un provvedimento, intanto si potrà richiedere il rimborso dei soldi pagati in eccesso. Confermato invece l’aumento dei pedaggi dell’1,8% sulla rete di Autostrade per l’Italia. Il deputato del Pd Lorenzo Basso ha chiesto al ministero di escludere la Liguria, l’assessore regionale Roberto Arboscello ha invocato l’intervento della zona Bucci.

E notiçie da l’Italia

Senti a verscion registrâ:

Caxo Cecilia Sala, l’Iran o veu a liberaçion do Abedini arrestou à Malpensa

S’ingarbuggia o caxo da giornalista italiaña Cecilia Sala, arrestâ in Iran a-i 19 de dexembre pe «violaçion de lezze da Repubrica islamica», comme l’à dito o governo. Teheran a veu a liberaçion do Mohammad Abedini Najafabadi, iranian arrestou à Malpensa a-i 16 de dexembre, do quæ i Stati Unii domandan l’estradiçion. A moæ da Sala, Elisabetta Vernoni, a l’à incontrou a prescidente do Conseggio Giorgia Meloni co-i ministri competenti e a l’à ciammou o scilençio stampa pe no compricâ ancon de ciù o dafâ. A giornalista a l’à fæto savei ch’a dòrme in tæra, a-o freido, e gh’an levou i speggetti. O Abedini o s’é defeiso con dî ch’o l’é un studioso e no un terrorista. O seu avvocato o l’à domandou i arresti in cà, a Procua a l’à dæto un pai negativo.

Traduçion italiaña

Caso Cecilia Sala, l’Iran vuole la liberazione di Abedini arrestato a Malpensa

Si complica il caso della giornalista italiana Cecilia Sala, arrestata in Iran il 19 dicembre per «violazione delle leggi della Repubblica islamica», come ha affermato il governo. Teheran vuole la liberazione di Mohammad Abedini Najafabadi, iraniano arrestato a Malpensa il 16 dicembre, di cui chiedono l’estradizione gli Stati Uniti. La madre di Sala, Elisabetta Vernoni, ha incontrato la presidente del Consiglio Giorgia Meloni con i ministri competenti e ha chiesto il silenzio stampa per non complicare ulteriormente la faccenda. La giornalista ha fatto sapere che dorme per terra, al freddo, e le sono stati tolti gli occhiali. Abedini si è difeso dicendo che è uno studioso e non un terrorista. Il suo avvocato ha chiesto gli arresti domiciliari, la Procura ha dato parere negativa.

Primmo de l’anno, 309 ferii in Italia e un zoeno ammassou da un carabinê

Son stæti 309 i ferii in Italia inti festezzamenti pe-o Primmo de l’anno, i ciù tanti di urtimi anni. Pe 69 de loiatri gh’é stæto beseugno do recòvero à l’uspiâ pe bruxeuie, lexoin a-i euggi e a-e moen caxonæ da-i furgai, ma ascì corpi de pistòlla e cotellæ. O ciù piccin o l’aiva solo doî anni, à Napoli. Neutte de sangue à Villa Verucchio, in provinsa de Rimini, donde un zoeno egiçian de 23 anni o l’à accotellou quattro persoñe e dapeu o s’é asbriou contra i carabinê: un di militari o l’à ammassou tiandoghe co-a pistòlla e oua o l’é indagou pe defeisa stramesuâ.

Traduçion italiaña

Capodanno, 309 feriti in Italia e un giovane ucciso da un carabiniere

Sono stati 309 i feriti in Italia durante i festeggiamenti di Capodanno, il numero più alto degli ultimi anni. Per 69 di loro è stato necessario il ricovero in ospedale per ustioni, lesioni agli occhi e alle mani causate dai fuochi d’artificio, ma anche colpi di pistola e coltellate. Il più piccolo aveva solo due anni, a Napoli. Notte di sangue a Villa Verucchio, in provincia di Rimini, dove un ragazzo egiziano di 23 anni ha accoltellato quattro persone e poi si è scagliato contro i carabinieri: uno dei militari lo ha ucciso sparandogli con la pistola e ora è indagato per eccesso di difesa.

Arrestou à Romma o Gianni Alemanno. Sardegna, a Todde deciarâ descheita

O Gianni Alemanno, passou scindico de Romma e fondatô do movimento Indipendenza!, o l’é stæto arrestou a-o derê de l’anno con l’accusa d’avei violou e regole in sciâ mesua di travaggi à vantaggio da soçietæ. L’urtima neutte do 2024 o l’à passâ in prexon à Rebibbia. O Alemanno o l’ea stæto condannou à un anno e dexe meixi pe traffego d’influense inleçite inte l’investigaçion Mondo de Mezo. Tæramòtto politico in Sardegna: a prescidente da Region Alessandra Todde, elezzua con progrescisti e Çinque Stelle, a l’é stæta deciarâ descheita da-a Corte d’appello pe de inregolaritæ in scê speise da campagna elettorale. Oua l’urtima poula a tocca a-o Conseggio regionale.

Traduçion italiaña

Arrestato a Roma Gianni Alemanno. Sardegna, Todde dichiarata decaduta

Gianni Alemanno, ex sindaco di Roma e fondatore del movimento Indipendenza!, è stato arrestato il 31 gennaio con l’accusa di aver violato le norme sulla misura dei lavori socialmente utili. L’ultima notte del 2024 l’ha trascorsa in carcere a Rebibbia. Alemanno era stato condannato a un anno e dieci mesi per traffico di influenze illecite nell’inchiesta Mondo di Mezzo. Terremoto politico in Sardegna: la presidente della Regione Alessandra Todde, eletta con i progressisti e i Cinque Stelle, è stata dichiarata decaduta dalla Corte d’Appello per irregolarità sulle spese elettorali. Ora l’ultima parola spetta al Consiglio regionale.

E notiçie da-o mondo

Senti a verscion registrâ:

Attentato à New Orleans, machina in scê gente: 15 mòrti e 30 ferii

Chinze persoñe son mòrte e atre 30 son arrestæ ferie inte un attentato à New Orleans inta neutte do Primmo de l’anno. Unna machina a l’à investio e gente à Bourbon Street, into quartê franseise da çittæ. L’assascin, ch’o l’à ascì sparou con unn’arma, o l’é o Shamsud-Din Bahar Jabbar, 42 anni, veteran de l’exerçito american, ch’o l’aiva di problemi finançiäi dòppo o divòrçio. A poliçia a l’à ammassou. Inta machina gh’an trovou unna bandea de l’Isis e de bombe. À Las Vegas unna Tesla a l’é scciuppâ a-i 2 de zenâ davanti à un Trump Hotel, caxonando 7 ferii. De drento gh’ea un atro militare, Matthew Alan Livelsberger, ch’o s’é ammassou con un corpo de pistòlla. Segondo l’Fbi no gh’é de ligammi tra i doî fæti.

Traduçion italiaña

Attentato a New Orleans, auto sulla folla: 15 morti, 30 feriti

Quindici persone sono morte e altre 30 sono rimaste ferite in un attentato a New Orleans la notte di Capodanno. Un’auto ha investito la folla in Bourbon Street, nel quartiere francese della città. L’aggressore, che ha anche sparato con una pistola, è Shamsud-Din Bahar Jabbar, 42 anni, un veterano dell’esercito americano che aveva problemi finanziari dopo il divorzio. La polizia lo ha ucciso. Nell’auto hanno trovato una bandiera dell’Isis e delle bombe. A Las Vegas una Tesla è esplosa il 2 gennaio davanti al Trump Hotel, provocando 7 feriti. All’interno c’era un altro militare, Matthew Alan Livelsberger, che si è suicidato con un colpo di pistola. Secondo l’Fbi non ci sono collegamenti tra i due fatti.

A Ruscia a l’à serrou i bronzin do gazzo, o Putin o festezza 25 anni a-o poei

Co-o prinçipio do 2025 a Ruscia a l’à serrou i bronzin do gazzo à l’Euröpa, apreuvo a-o descazze do contræto de çinque anni firmou da Mosca e Kiev a-a fin do 2019. L’interruçion da fornitua a representa «uña de ciù gren desfæte da Ruscia», o l’à dito o prescidente ucraino Zelensky. Pe l’Union europea gh’é «quattro rotte alternative». Intanto o Putin o l’à festezzou 25 anni a-o governo: «Poemo ëse pin d’orgheuggio pe quello che s’é fæto». O Elon Musk o l’à definio o Zelensy «o campion de laddroniçi de tutti i tempi» e o prescidente todesco Steinmeier un «tiranno antidemocratico» con prevedde «unna vittöia epica pe l’Afd» a-e eleçioin di 23 de frevâ.

Traduçion italiaña

La Russia ha chiuso i rubinetti del gas, Putin festeggia 25 anni al potere

Con l’inizio del 2025 la Russia ha chiuso i rubinetti del gas all’Europa, in seguito alla scadenza del contratto quinquennale firmato da Mosca e Kiev alla fine del 2019. L’interruzione della fornitura costituisce “una delle maggiori sconfitte della Russia”, ha affermato il presidente ucraino Zelensky. Per l’Unione Europea ci sono “quattro rotte alternative”. Intanto Putin festeggia 25 anni al potere: «Possiamo essere pieni di orgoglio per ciò che abbiamo realizzato». Elon Musk ha definito Zelensy «il campione dei furti di tutti i tempi» e il presidente tedesco Steinmeier un «tiranno antidemocratico» prevedendo «una vittoria epica per l’Afd» nelle elezioni del 23 febbraio.

Desastro in Corea do Sud, açidente inte un airopòrto: 179 mòrti

Un airoplan da compagnia à bon patto Jeju Air da Corea do Sud, partio da Bangkok in Thailandia, o l’é anæto à piccâ inte l’airopòrto de Muan a-i 29 de dexembre. O conto definitivo o l’é de 179 mòrti e 2 scampæ. O l’é o pezo desastro d’airoplen mai avvegnuo into Paise asiatico. L’açidente o saieiva stæto caxonou da un guasto a-o carrello de l’appægio, ch’o no se saieiva averto apreuvo a-o scontro con un sciammo d’öxelli inta fase d’atterraggio. A poliçia coreaña a l’à fæto de perquixiçioin inti scagni da compagnia pe «determinâ a-a spedia a caxon e a responsabilitæ de st’açidente».

Traduçion italiaña

Disastro in Corea del Sud, incidente in un aeroporto: 179 morti

Un aereo della compagnia aerea low cost sudcoreana Jeju Air, partito da Bangkok in Thailandia, si è schiantato nell’aeroporto di Muan il 29 dicembre. Il bilancio finale è di 179 morti e 2 sopravvissuti. È il peggior disastro aereo mai accaduto nel Paese asiatico. L’incidente sarebbe stato causato da un guasto al carrello del velivolo, che non si sarebbe aperto in seguito alla collisione con uno stormo di uccelli in fase di atterraggio. La polizia coreana ha perquisito gli uffici dell’azienda per «determinare rapidamente la causa e la responsabilità di questo incidente».