O Zinâ

Ediçion

E notiçie da-a Liguria

Senti a verscion registrâ:

Eleçioin, o çentro-drita ligure o l’indica o Piciocchi comme candidou scindico

O viçescindico de Zena Pietro Piciocchi o l’é stæto indicou da-a coaliçion de çentro-drita in Liguria comme candidou a-e eleçioin pe-o Commun che se tegnian à mazzo. A deçixon definitiva a tocchià a-i cappi naçionali di partii. O l’é stæto o prescidente da Region Marco Bucci à dâ l’asbrio ciammando unna riunion con tutti i segrettäi regionali a-i 10 de zenâ: «Saieiva ben che tutti ghe dessan unna bòtta, da l’atra parte no gh’é nisciun», o l’à attaccou. Inti progrescisti, defæti, a discuscion a l’é ancon averta. O cappo de l’oppoxiçion Andrea Orlando o l’à dito che o candidou o porrieiva arrivâ a-i primmi de frevâ e ch’o porrià ëse çivico ò politico, basta ch’o segge bon à unî tutte e fòrse.

Traduçion italiaña

Elezioni, il centrodestra ligure indica Piciocchi come candidato sindaco

Il vicesindaco di Genova Pietro Piciocchi è stato indicato dalla coalizione di centrodestra in Liguria come candidato alle elezioni comunali che si terranno a maggio. La decisione finale spetterà ai leader nazionali dei partiti. A dare l’impulso è stato il presidente della Regione Marco Bucci, che ha convocato per il 10 gennaio una riunione con tutti i segretari regionali: «Sarebbe bene che tutti si dessero una mossa, dall’altra parte non c’è nessuno», ha attaccato. Tra i progressisti, infatti, il dibattito è ancora aperto. Il leader dell’opposizione Andrea Orlando ha affermato che il candidato potrebbe arrivare già a febbraio e che potrà essere civico o politico, purché riesca a unire tutte le forze.

Tragedia à San Pê d’Æña: unna seu a s’ammassa, l’atra a l’é graviscima

Tragedia a-a mattin di 7 de zenâ inte un palaçio de San Pê d’Æña, donde doe seu son cheite into pòrtego da-o quarto cian. A ciù zoena (31 anni) a s’é cacciâ de seu voentæ e a l’é mòrta, l’atra (34 anni) a l’à çercou de fermâla e a l’é arrestâ gravemente feria. Da-i fæti che l’é vegnuo feua, quella ch’a s’é ammassâ a l’aiva poia che ghe levessan i quattro figgi pe consegnâli a-o poæ. O passou maio o l’ea stæto condannou à quattro meixi pe mätrattamenti. «O Segnô o m’aspeta», a l’aiva scrito o giorno primma. A Procua de Zena a l’à averto unn’investigaçion pe instigaçion a-o suiçidio. A dònna ch’a s’é sarvâ a no sa ancon da mòrte da seu, pe quello a no l’é stæta sentia da-i inquirenti. Intanto o Tribunâ o no l’à posciuo che deçidde de consegnâ i figgi a-o poæ, dæto ch’o no l’à trovou de raxoin conträie: l’òmmo o l’ea stæto accaxonou de lexoin, ma no gh’ea de preuve.

Traduçion italiaña

Tragedia a Sampierdarena: una sorella si suicida, l’altra rimane gravemente ferita

Tragedia la mattina del 7 gennaio in un palazzo di Sampierdarena: due sorelle sono cadute nell’androne dal quarto piano. La più giovane (31 anni) si è buttata volontariamente ed è morta, l’altra (34 anni) ha cercato di fermarla ed è rimasta gravemente ferita. Dai fatti emersi, la donna suicida aveva paura che le portassero via i quattro figli per consegnarli al padre. L’ex marito era stato condannato a quattro mesi per maltrattamenti. «Dio mi sta aspettando», aveva scritto il giorno prima. La Procura di Genova ha aperto un’indagine per istigazione al suicidio. La donna che si è salvata non sa ancora della morte della sorella, per questo non è stata sentita dagli inquirenti. Nel frattempo il Tribunale non ha potuto che decidere di consegnare i bambini al padre, non trovando ragioni contrarie: l’uomo era stato accusato di lesioni, ma non c’erano prove.

Corruçion, o Spinelli o fa recorso in Cassaçion e o l’accaxoña o Toti

L’imprenditô Aldo Spinelli o l’à fæto recorso in Cassaçion contra o pattezzamento pe corruçion into proçedimento ch’o l’à toccou anche o passou prescidente ligure Giovanni Toti. A contestaçion a l’é in sce l’occupaçion abuxiva de l’area ex Enel. Ma into papê scrito da-i avvocati gh’é ascì de accuse a-o Toti: segondo sta texi l’ea stæto lê à sponciâ o Spinelli à dâghe di dinæ con quella che ciamman «concuscion criptica», un rappòrto ch’o pâ da amixi, ma o l’é finalizzou à ottegnî di vantaggi graçie a-o seu ròllo. Intanto a giudiçe Paola Faggioni a l’à decretou l’archiviaçion pe-o figgio Roberto Spinelli perché o no saiva ninte di accòrdi tra o poæ, o Toti e o Signorini.

Traduçion italiaña

Corruzione, Spinelli ricorre in Cassazione e accusa Toti

L’imprenditore Aldo Spinelli ha presentato ricorso in Cassazione contro il patteggiamento per corruzione nel procedimento che ha interessato anche l’ex presidente della Liguria Giovanni Toti. La contestazione riguarda l’occupazione abusiva dell’area ex Enel. Ma nel documento redatto dagli avvocati ci sono anche accuse a Toti: secondo questa tesi sarebbe stato lui a spingere Spinelli a dargli dei soldi con quella che chiamano la «concussione criptica», un rapporto apparentemente amichevole, ma finalizzato a ottenere vantaggi grazie al proprio ruolo. Intanto la giudice Paola Faggioni ha decretato l’archiviazione per il figlio Roberto Spinelli perché non sapeva nulla degli accordi tra il padre, Toti e Signorini.

E notiçie da l’Italia

Senti a verscion registrâ:

A Cecilia Sala a l’é tornâ in Italia, pe l’Iran «nisciuña repicca»

A l’é tornâ à cà a Cecilia Sala, a giornalista italiaña fæta prexonea in Iran a-i 19 de dexembre e liberâ a-i 8 de zenâ. À piggiâla à l’airopòrto de Ciampino gh’ea i genitoî, o galante, o ministro de l’Estranxeo Antonio Tajani e a prescidente do Conseggio Giorgia Meloni ch’a gh’à dito: «Oua t’æ da stâ queta, t’ê stæta fòrte». O poæ o l’à ringraçiou o governo pe-o «travaggio straordenäio». «Son imbarlugâ e contentiscima – e primme poule da giornalista –. No ò dormio pe di giorni, ò cento quande ò visto o çê». A portavoxe do governo de Teheran a l’à dito che l’arresto o no l’ea unna repicca pe quello do Mohammad Abedini Najafabadi, l’inzegnê iranian bloccou à Malpensa in sce domanda di Stati Unii. Pe-a Meloni a liberaçion da Sala a l’é stæta «un gran zeugo de squaddra. L’emoscion ciù grande, dî a seu moæ ch’a tornava».

Traduçion italiaña

Cecilia Sala è tornata in Italia, per l’Iran «nessuna ritorsione»

È tornata a casa Cecilia Sala, la giornalista italiana fatta prigioniera in Iran il 19 dicembre e liberata l’8 gennaio. A prenderla all’aeroporto di Ciampino c’erano i genitori, il fidanzato, il ministro degli Esteri Antonio Tajani e la presidente del Consiglio Giorgia Meloni che le ga detto: «Ora devi stare serena, sei stata forte». Il padre ha ringraziato il governo per lo «straordinario lavoro». «Sono confusa e felicissima – le prime parole della giornalista –. Non ho dormito per giorni, ho pianto quando ho visto il cielo». La portavoce del governo di Teheran ha affermato che l’arresto non è una ritorsione per quello di Mohammad Abedini Najafabadi, l’ingegnere iraniano bloccato a Malpensa su richiesta degli Stati Uniti. Per Meloni la liberazione di Sala è stata «un grande gioco di squadra. L’emozione più grande, dire alla madre che tornava»

Incontro Meloni-Trump, scceuppa o caxo Starlink ma o Governo o denega

Un muggio de polemiche dòppo l’incontro inti Stati Unii tra a prescidente do Conseggio Giorgia Meloni e o Donald Trump. In scê voxe de unn’inteisa pe unna fornitua da un miliardo e mezo da parte de SpaceX, l’açienda do Elon Musk ch’a produxe o scistema satellitare Starlink, Palaçio Chigi o l’à denegou: «Normali approfondimenti». Dapeu, inta conferensa stampa pe-o prinçipio de l’anno, a Meloni a l’à dito: «Co-o Musk no ò mai parlou de Starlink, o no l’é un reisego pe-a democraçia. E interferense son quelle do Soros». A premier a l’à antiçipou ch’a porrieiva anâ à l’insediamento do Trump a-i 20 de zenâ. À chi gh’à domandou s’a se candidià torna do 2027 a l’à respòsto: «No ô sò, faiò quello che serve a-o çentro-drita».

Traduçion italiaña

Incontro Meloni-Trump, esplode il caso Starlink ma il governo smentisce

Tante polemiche dopo l’incontro negli Stati Uniti tra la presidente del Consiglio Giorgia Meloni e Donald Trump. Sulle voci di un’intesa per una fornitura da 1,5 miliardi da parte di SpaceX, la società di Elon Musk che produce il sistema satellitare Starlink, Palazzo Chigi ha smentito: «Normali approfondimenti». Più tardi, alla conferenza stampa di inizio anno, Meloni ha detto: «Con Musk non ho mai parlato di Starlink, non è un pericolo per la democrazia. L’interferenza è quella di Soros». La premier ha anticipato che potrebbe recarsi all’insediamento di Trump il 20 gennaio. A chi le chiedeva se si sarebbe ricandidata nel 2027, ha risposto: «Non lo so, farò ciò che serve al centrodestra».

Dònna ammassâ da-o maio in casa, un atra accotellâ e feria inte un parchezzo

Unna dònna de 29 anni, Eliza Stefania Feru, a l’é stæta ammassâ da-o maio à Gualdo Tadino, in Umbria, a-i 6 de zenâ. L’òmmo, Daniele Bordicchia de 38 anni, o gh’à sparou un corpo de pistòlla in casa con l’arma de serviçio detegnua pe-o seu travaggio de guardia privâ. Dapeu o l’à giâ verso lê mæximo e o s’é ammassou. Inta mæxima giornâ à Seriate, in provinsa de Bergamo, unna dònna de 39 anni a l’é stæta accotellâ da seu maio into parchezzo de un supermercou: a l’é in condiçioin grave. L’òmmo o l’ea za stæto denonçiou pe mätrattamenti.

Traduçion italiaña

Donna uccisa dal marito in casa, un’altra accoltellata e ferita in un parcheggio

Una donna di 29 anni, Eliza Stefania Feru, è stata uccisa dal marito a Gualdo Tadino, in Umbria, il 6 gennaio. L’uomo, Daniele Bordicchia, 38 anni, le ha sparato un colpo di pistola in casa con l’arma di servizio che deteneva per il suo lavoro di guardia giurata. Poi l’ha rivolta contro sé stesso e si è ucciso. Nello stesso giorno a Seriate, in provincia di Bergamo, una donna di 39 anni è stata accoltellata dal marito nel parcheggio di un supermercato: le sue condizioni sono gravi. L’uomo era già stato denunciato per maltrattamenti.

E notiçie da-o mondo

Senti a verscion registrâ:

Inçendio apocalittico à Los Angeles, 10mia construçion à feugo e dexe mòrti

Inferno de feugo à Los Angeles, inti Stati Unii. Un inçendio grandiscimo o l’à bruxou 14mia ettari de terren e 10mia construçioin, costrenzendo à l’evacuaçion de 200mia persoñe. O conto o l’é de dexe mòrti, ma o monta delongo. S’astimma za 150 miliardi de danni. E sciamme an devastou o quartê Pacific Palisades, donde ghe vive ben ben di personaggi do cine e gente milionäie comme o Billy Crystal, a Diane Warren e a Paris Hilton. O feugo o l’à fiña destruto l’icònico Sunset Boulevard. «O l’é o pezo desastro de natua inta stöia da çittæ», o l’à dito o cappo di pompê. O prescidente elezzuo Donald Trump o l’à accaxonou i democratichi: «N’an reduto in çenie». O Joe Biden, ancon in carrega, o l’à scassou a vixita a-o pappa Françesco.

Traduçion italiaña

Incendio apocalittico a Los Angeles, 10mila edifici in fiamme e dieci morti

Inferno di fuoco a Los Angeles, negli Stati Uniti. Un vasto incendio ha bruciato 14mila ettari di terreno e 10mila edifici, costringendo all’evacuazione di 200mila persone. Il bilancio è di dieci morti, ma continua ad aumentare. Si stimano già danni per 150 miliardi. Le fiamme hanno devastato il quartiere di Pacific Palisades, dove vivono molti personaggi del film e milionari come Billy Crystal, Diane Warren e Paris Hilton. L’incendio ha distrutto persino l’iconico Sunset Boulevard. «È il peggior disastro naturale nella storia della città», ha affermato il capo dei vigili del fuoco. Il presidente eletto Donald Trump ha attaccato i democratici: «Ci hanno ridotto in cenere». Joe Biden, ancora in carica, ha annullato la visita a papa Francesco.

O Trump o veu conquistâ Panamà e Groenlandia, l’Euröpa a ô condanna

O prescidente elezzuo di Stati Unii Donald Trump o no l’escludde d’addeuviâ a fòrsa militare pe reconquistâ o canâ de Panamà e annette a Groenlandia, territöio da Danimarca da-o 1953. O l’à dito inte unna conferensa stampa à Mar-a-Lago. In ciù o l’à menassou l’uso da fòrsa econòmica contra o Canada e o l’à annonçiou de voei cangiâ de nomme a-o Gorfo do Mescico, ch’o vegnieiva «d’America». O l’à confermou ascì ch’o domandià o 5% do Pil a-i amixi da Nato. Da l’Euröpa arriva ben ben di mogogni: «E frontee no se cangian co-a fòrsa». Intanto o tycoon o l’é stæto condannou pe-o caxo di pagamenti a-a passâ pornostar Stormy Daniels: o no l’anià in prexon, ma o saià o primmo prescidente american pregiudicou.

Traduçion italiaña

Trump vuole conquistare Panama e Groenlandia, l’Europa lo condanna

Il presidente eletto degli Stati Uniti Donald Trump non esclude di ricorrere alla forza militare per riconquistare il Canale di Panama e annettere la Groenlandia, territorio della Danimarca dal 1953. Lo ha affermato in una conferenza stampa a Mar-a-Lago. Inoltre ha minacciato di ricorrere alla forza economica contro il Canada e ha annunciato di voler cambiare nome al Golfo del Messico, che diventerebbe «d’America». Ha anche confermato che chiederà il 5% del Pil ai Paesi alleati ella Nato. Dall’Europa giungono molte proteste: «I confini non si spostano con la forza». Nel frattempo il tycoon è stato condannato per i pagamenti all’ex pornostar Stormy Daniels: non andrà in prigione, ma sarà il primo presidente degli Stati Uniti pregiudicato.

Ucraina, neuvo attacco in Ruscia. Isræle contra Hezbollah, speranse pe Gazza

L’exerçito ucraino o l’à inandiou un neuvo attacco inta region ruscia do Kursk, stæto cacciou inderê segondo o governo de Mosca. A-a giornâ d’ancheu Kiev a l’à perso squæxi a meitæ di territöi ch’a l’aiva conquistou a stæ passâ inte quella zöna. O prescidente ucraino Zelensky o l’é stæto à Romma pe incontrâ a Meloni e o Mattarella (invitou à Kiev) ch’an confermou o sostëgno de l’Italia a-o seu Paise. Into Levante de Mezo Isræle o l’accaxoña Hezbollah de no osservâ e condiçioin da tregua e o l’avverte za ch’o l’addeuvià a fòrsa. Ma o segrettäio de Stato american Blinken à Pariggi o l’à dito che l’accòrdio pe un fermæ o feugo inta Striscia de Gazza o l’é «assæ vexin».

Traduçion italiaña

Ucraina, nuovo attacco in Russia. Israele contro Hezbollah, speranze per Gaza

L’esercito ucraino ha lanciato un nuovo attacco nella regione russa di Kursk, respinto secondo il governo di Mosca. Oggi Kiev ha perso quasi la metà dei territori conquistati la scorsa estate in quella zona. Il presidente ucraino Zelensky è stato a Roma per incontrare Meloni e Mattarella (invitato a Kiev) che hanno confermato il sostegno dell’Italia al suo Paese. In Medio Oriente Israele accusa Hezbollah di non rispettare i termini della tregua e ha già avvertito che farà ricorso alla forza. Ma il segretario di Stato americano Blinken ha dichiarato a Parigi che l’accordo per un cessate il fuoco nella Striscia di Gaza è «molto vicino».