O Zinâ

Ediçion

E notiçie da-a Liguria

Senti a verscion registrâ:

A Liguria tutta insemme: «Basta pedaggi in scê autostradde»

A Liguria a domanda à unna voxe sola de levâ ò redue i pedaggi pe-e autostradde piñe de cantê. À mettilo pe scrito gh’é un papê votou in conseggio regionale da tutte e fòrse politiche, maggioransa e oppoxiçion, co-a benediçion do prescidente Marco Bucci: «L’é arrivou o momento de fâse sentî – o l’à deciarou –. L’obiettivo o no l’é pagâ ciù pöco, ma de mandâ o messaggio che e autostradde an da fonçionâ. Se o scistema o no fonçioña no l’é giusto domandâ o prexo pin». Anche in Commun à Zena l’é passou un provedimento pægio, con un voto conträio e tutti i atri d’accòrdio. O Bucci o l’à annonçiou che a settemaña che vëgne ghe saià un incontro co-a soçietæ Autostrade à Zena e se ne parlià ascì a-i 23 de zenâ à Romma.

Traduçion italiaña

La Liguria all’unanimità: «Basta pedaggi sulle autostrade»

La Liguria chiede all’unanimità di eliminare o ridurre i pedaggi sulle autostrade piene di cantieri. A metterlo per iscritto è un documento votato in consiglio regionale da tutte le forze politiche, maggioranza e opposizione, con la benedizione del presidente Marco Bucci: «È giunto il momento di farci sentire – ha dichiarato –. L’obiettivo non è pagare meno, ma per far passare il messaggio che le autostrade devono funzionare. Se il sistema non funziona non è giusto chiedere il prezzo intero». Un provvedimento analogo è stato approvato in Comune a Genova, con il voto contrario e tutti gli altri favorevoli. Bucci ha annunciato che la prossima settimana ci sarà un incontro con la società Autostrade a Genova e se ne parlerà anche il 23 gennaio a Roma.

Condanna de un anno à quattro poliçiòtti ch’an piccou un giornalista

A Corte d’appello de Zena a l’à condannou à un anno de prexon i quattro poliçiòtti ch’an piccou e bacchezzou o giornalista Stefano Origone inti scontri tra manifestanti antifascisti e poliçia in ciassa Corvetto a-i 23 de mazzo do 2019, in occaxon de un comiçio de CasaPound. A peña a l’é sospeisa co-a condiçionale. Into primmo graddo i agenti, accaxonæ de lexoin corpose, ean stæti condannæ à 40 giorni. A Cassaçion a l’aiva definio a sentensa «contradittöia» e «con de mancanse». Oua incangio se parla de lexoin volontäie aggravæ. «Ea lì pe fâ o mæ travaggio e no aiva mesciou un dio contra nisciun», o seu commento. Dòppo çinque anni o ministëio o no l’à ancon indennizzou.

Traduçion italiaña

Quattro poliziotti condannati a un anno per aver picchiato un giornalista

La Corte d’appello di Genova ha condannato a un anno di reclusione i quattro poliziotti che hanno picchiato e manganellato il giornalista Stefano Origone durante gli scontri tra manifestanti antifascisti e polizia in piazza Corvetto il 23 maggio 2019, in occasione di un comizio di CasaPound. La pena è sospesa con la condizionale. In primo grado gli agenti, accusati di lesioni personali, erano stati condannati a 40 giorni. La Cassazione ha definito la sentenza «contraddittoria» e «carente». Adesso invece si parla di lesioni volontarie aggravate. «Ero lì per fare il mio lavoro e non ho alzato un dito contro nessuno», ha commentato. Dopo cinque anni il ministero non lo ha ancora risarcito.

Sanremmo, detegnuo liberou o çerca de tornâ in prexon

Un detegnuo tunexin de 26 anni, ch’o l’ea stæto condannou pe laddroniçio e rapiña, o s’é arrampinou in sciâ garitta à l’intrâ da prexon de Sanremmo perché o no voeiva tornâ in libertæ. Pe doe vòtte o l’à çercou de scompassâ a miagia, ma in sciâ fin i poliçiòtti l’an convinto à mollâghe. O fæto o l’é stæto denonçiou da-a Uilpa, un di scindacati da poliçia penitençiäia. «Capita anche sto chì in Valle Armea, un instituto ch’o conta 275 detegnui», o commento do segrettäio regionale Fabio Pagani. L’òmmo o çercava de tornâ de drento perché o no l’aiva un scito donde dormî.

Traduçion italiaña

Sanremo, detenuto liberato tenta di tornare in prigione

Un detenuto tunisino di 26 anni, condannato per furto e rapina, si è arrampicato sulla garitta all’ingresso del carcere di Sanremo perché non voleva tornare in libertà. Ha tentato due volte di scavalcare il muro, ma alla fine la polizia lo ha convinto a rinunciare. A denunciare il fatto è stata la Uilpa, uno dei sindacati della polizia penitenziaria. «Succede anche questo in Valle Armea, un istituto che conta 275 detenuti», ha commentato il segretario regionale Fabio Pagani. L’uomo stava cercando di rientrare perché non aveva un luogo in cui dormire.

E notiçie da l’Italia

Senti a verscion registrâ:

A ministra Santanchè à proçesso, inta maggioransa se rattella

A ministra do Turiximo Daniela Santanchè a l’é stæta mandâ à proçesso à Milan pe fäso inti conti da soçietæ Visibilia. A deçixon do giudiçe a scròlla a maggioransa, che però a ghe conferma a confiansa fin a-o terso graddo de giudiçio, tanto che l’oppoxiçion a domanda a-a prescidente Giorgia Meloni de «pretende» e dimiscioin. Intanto o çentro-drita o rattella in sciô terso incarrego di governatoî: a Lega a veu candidâ torna o Luca Zaia in Veneto, da Forza Italia o Gasparri o commenta: «Troviemo a mainea de levâghe a famme». Inti avversäi ascì gh’é de quelli che son d’accòrdio, comme o Vincenzo De Luca, ch’o veu corrî ancon in Campania, e o scindico de Milan Beppe Sala. In ponto giustiçia, l’é arrivou o primmo scì da Camia a-a spartiçion de carree pe-i magistrati.

Traduçion italiaña

La Santanchè a processo, nella maggioranza si litiga

La ministra del Turismo Daniela Santanchè è stata rinviata a giudizio a Milano per falso in bilancio nella società Visibilia. La decisione del giudice scuote la maggioranza, che però conferma la propria fiducia fino al terzo grado di giudizio, mentre l’opposizione chiede alla presidente Giorgia Meloni a «pretendere» le sue dimissioni. Intanto il centrodestra litiga sul terzo mandato dei governatori: la Lega vuole ricandidare Luca Zaia in Veneto, da Forza Italia Gasparri commenta: «Troveremo il modo di sfamarlo». Anche tra gli avversari c’è chi la pensa così, come Vincenzo De Luca, che vuole ancora candidarsi in Campania, e il sindaco di Milano Beppe Sala. In tema di giustizia, è arrivato il primo sì della Camera sulla separazione delle carriere per i magistrati.

A denonçia de attiviste: «N’an domandou de levâse e miande in questua»

«M’an domandou de despuggiâme, de levâme e miande e d’ascoacciâme træ vòtte, divan pe fâ di contròlli». A l’é a denonçia spantegâ inte un video in scî social da de manifestante ambientaliste de Extinc tion Rebellion, fermæ dòppo ch’aivan parteçipou à unn’açion de protesta davanti a-o stabilimento de Leonardo e portæ in questua à Brescia. Segondo sta testimoniansa, in sce 25 persoñe o trattamento o saieiva stæto reservou solo che a-e dònne. A Questua, inte unna nòtta, a refua quelle ch’a definisce de «reconstruçioin sensa fondamento» e a parla de perquixiçioin fæte sempre «into respetto di driti e da dignitæ de persoñe».

Traduçion italiaña

La denuncia delle attiviste: «Ci hanno chiesto di toglierci le mutande in questura»

«Mi hanno chiesto di spogliarmi, di togliermi le mutande e di fare tre _squat, a detta loro per effettuare dei controlli.» È l’accusa diffusa in un video sui social da manifestanti ambientaliste di Extinction Rebellion, fermate dopo aver partecipato a un’azione di protesta davanti allo stabilimento Leonardo e portate in questura a Brescia. Secondo questa testimonianza, su 25 persone il trattamento sarebbe stato riservato solo alle donne. La Questura, in una nota, respinge quelle che definisce «ricostruzioni infondate» e parla di perquisizioni condotte sempre «nel rispetto dei diritti e della dignità delle persone».

Mòrto d’82 anni o Oliviero Toscani, o l’à revoluçionou a fotografia

L’é mòrto à l’etæ d’82 anni o Olivero Toscani, un di fotògrafi italien ciù avvoxæ. Da doî anni, comm’o l’aiva desvellou inte unn’intervista, o pativa de unna moutia sensa cua, l’amiloidöxi. O l’ea stæto recoverou à l’uspiâ de Cecina, donde o l’é mancou, pe-o pezoamento de seu condiçioin. O l’à revoluçionou o mondo da fotografia con tiâ sciù de discuscioin e de vòtte di scandali. Tra e seu imagine ciù conosciue, o baxo tra un præve e unna monega, e facce di condannæ à morte, a lòtta a-o razziximo, e denonçie contra e guære e a famme into mondo, e ascì e campagne pe Benetton.

Traduçion italiaña

Morto a 82 anni Oliviero Toscani, ha rivoluzionato la fotografia

È morto all’età di 82 anni Olivero Toscani, uno dei più celebri fotografi italiani. Da due anni, come ha rivelato in un’intervista, soffriva di una malattia incurabile, l’amiloidosi. Era stato ricoverato all’ospedale di Cecina, dove è morto, a causa dell’aggravarsi delle sue condizioni. Ha rivoluzionato il mondo della fotografia suscitando polemiche e talvolta scandali. Tra le sue immagini più note, il bacio tra un prete e una suora, i volti dei condannati a morte, la lotta al razzismo, le denunce contro le guerre e la fame nel mondo, oltre alle campagne per Benetton.

E notiçie da-o mondo

Senti a verscion registrâ:

Guæra Isræle-Hamas, firmou a tregua pe-a Striscia de Gazza

Dòppo 467 giorni de guæra e a-o manco 46.700 mòrti l’é stæto firmou l’accòrdio tra Isræle e Hamas pe fermâ o feugo inta Striscia de Gazza. O governo do Netanyahu o l’à dæto a luxe verde a-i 17 de zenâ. A tregua a parte da-i 19 e inta mæxima giornâ l’é fissou a liberaçion di primmi trei ostaggi, parte di 33 missi drento à l’accòrdio insemme à 250 prexonê. «Se a segonda fase a fallisce, a guæra a repiggia con l’arrembo di Stati Unii – l’avvertimento do Netanyahu –. Gh’ò avuo de garançie belle ciæe da-o Trump e da-o Biden». L’approvaçion a l’é stæta missa à reisego da l’estremma drita isræliaña ch’a l’à menassou e dimiscioin da-o governo.

Traduçion italiaña

Guerra Israele-Hamas, firmata la tregua per la Striscia di Gaza

Dopo 467 giorni di guerra e almeno 46.700 morti, è stato firmato l’accordo tra Israele e Hamas per il cessate il fuoco nella Striscia di Gaza. Il governo di Netanyahu ha dato il via libera il 17 gennaio. La tregua parte il 19 e nello stesso giorno è fissata la liberazione dei primi tre ostaggi, parte dei 33 inseriti nell’accordo insieme a 250 prigionieri. «Se la seconda fase fallisce, la guerra riprende con il sostegno degli Stati Uniti – l’avvertimento di Netanyahu –. Ho avuto garanzie molto chiare da Trump e Biden». L’approvazione è stata messa a repentaglio dall’estrema destra israeliana che ha minacciato di dimettersi dal governo.

Los Angeles a bruxa ancon, e stelle de Hollywood se mescian pe aggiuttâ

O no l’é ancon asmòrto o feugo ch’o l’à bruxou a-o manco 16mia ettari de terren vexin à Los Angeles, inti Stati Unii. O vento o va avanti à sciusciâ inte sciamme. Pe-o momento se conta 24 mòrti e 26 despersci inte zöne destrute da-i inçendi. A stimma di danni a l’é arrivâ à 250 miliardi de dòllari. Cresce a raggia di californien pe-a gestion de l’emergensa e o Donald Trump, in scî pissi de vegnî prescidente à titolo pin, o s’inandia à scorrî de gente inte l’amministraçion. E stelle de Hollywood se dan d’atorno pe regallâ di vestî e piggiâse in casa di amixi che no gh’an ciù donde stâ. A povie spantegâ da-i Canadair pe ammermâ o feugo a l’à tento de reusa a metròpoli.

Traduçion italiaña

Los Angeles brucia ancora, le star di Hollywood si mobilitano per aiutare

Non è ancora stato domato il fuoco che ha bruciato almeno 16mila ettari di terreno nei pressi di Los Angeles, negli Stati Uniti. Il vento continua ad alimentare le fiamme. Al momento si contano 24 morti e 26 dispersi nelle zone distrutte dagli incendi. La stima dei danni è arrivata a 250 miliardi di dollari. Cresce la rabbia dei californiani per la gestione dell’emergenza e Donald Trump, prossimo a diventare presidente a pieno titolo, si prepara a licenziare alcuni membri dell’amministrazione. Le star di Hollywood si stanno mobilitando per donare vestiti e ospitare amici che non hanno più un posto in cui vivere. La polvere sparsa dai Canadair per rallentare il fuoco ha colorato di rosa la metropoli.

Mòrto de 78 anni o David Lynch, o regista de Twin Peaks

Addio a-o David Lynch: o regista de Velluo Bleu, Mulholland Drive e da serie Twin Peaks o l’é mòrto à 78 anni. O Lynch, ch’o fummava comme tutto, o l’aiva annonçiou a stæ passâ ch’o l’aiva un enfisema a-i pormoin e ch’o no poeiva ciù mesciâse d’in casa pe fâ di neuvi cini. O l’ea regista, scenezzatô, produttô, muxicante e artista vixivo. O l’ea stæto candidou pe-a primma vòtta a-i Oscar con The Elephant Man do 1980, do 2001 o l’aiva guägno o premio pe-a megio regia à Cannes con Mulholland Drive, do 2019 gh’an dæto o premio Oscar pe-a carrea.

Traduçion italiaña

Muore a 78 anni David Lynch, il regista di Twin Peaks

Addio a David Lynch: il regista di Velluto Blu, Mulholland Drive e della serie Twin Peaks è morto all’età di 78 anni. Lynch, accanito fumatore, la scorsa estate annunciò di soffrire di enfisema polmonare e di non potersi più muovere di casa per girare nuovi film. Era regista, sceneggiatore, produttore, musicista e artista visivo. È stato candidato per la prima volta agli Oscar con The Elephant Man nel 1980, nel 2001 ha vinto il premio come miglior regista a Cannes con Mulholland Drive, nel 2019 gli è stato assegnato il premio Oscar alla carriera.