O Zinâ

Ediçion

E notiçie da-a Liguria

Senti a verscion registrâ:

Investio da l’elica de unna barca, operaio de 36 anni mòrto into pòrto de Zena

Un atro mòrto in sciô travaggio into pòrto de Zena. Un operaio de 36 anni, o Lorenzo Bertanelli, o l’é stæto investio da l’elica do superyacht Aquarius tanto ch’o fava di travaggi de manutençion into baçî gestio da Amico. O l’é capitou a-i 5 de frevâ. Arrestou sotta doî tonnëi e mezo, no gh’é stæto mainea de sarvâlo. O Bertanelli, nasciuo à Sarzaña, o louava pe-a Mecline, unna dita de Carrara. A Procua a l’à averto unn’investigaçion pe ammassamento corposo: s’indaga in sciâ maneuvra fæta pe smontâ e tiâ zu l’elica, ch’a l’é scuggiâ da-a sella de un machinäio. I scindacati an ciammou de botto doe giornæ de sciòpero, çentanæa de louanti in corteo fin a-a prefettua pe domandâ ciù mesue de seguessa.

Traduçion italiaña

Travolto dall’elica di una barca, operaio 36enne morto nel porto di Genova

Un altro morto sul lavoro nel porto di Genova. Un operaio di 36 anni, Lorenzo Bertanelli, è stato travolto dall’elica del superyacht Aquarius mentre stava svolgendo lavori di manutenzione presso il bacino gestito da Amico. È successo il 5 febbraio. Rimasto sotto due tonnellate e mezzo, non c’è stato modo di salvarlo. Bertanelli, originario di Sarzana, lavorava per la Mecline, un’azienda di Carrara. La Procura ha aperto un’inchiesta per omicidio colposo: si indaga sulla manovra effettuata per smontare e calare l’elica, scivolata dalla sella di un macchinario. I sindacati hanno immediatamente indetto due giorni di sciopero, centinaia di lavoratori in corteo fino alla prefettura per chiedere maggiori misure di sicurezza.

Comensou o proçesso pe-a mòrte da Nada Cella, in tribunâ solo o Soracco

L’é comensou à Zena o proçesso pe l’ammassamento da Nada Cella, a segrettäia assascinâ into studio do commerçialista Marco Soracco à Ciavai a-i 6 de mazzo do 1996. In tribunâ presente solo o Soracco, accaxonou con seu moæ Marisa Bacchioni d’avei façilitou a Annalucia Cecere, che pe-a Procua a saieiva l’assasciña. O passou cappo da squaddra mòbile de Zena Stefano Signoretti o l’à parlou de neuve investigaçioin: «Un travaggio stramesuou». A Ciavai, o l’à dito, gh’ea unna scituaçion «a-o limite de l’omertæ», pe quello squæxi tutti i testimònni son stæti interçettæ à cavallo de audiçioin in questua. «Son queto, inte sti anni s’é dito tròppe cöse», o l’à commentou o Soracco into sciortî da-o palaçio de giustiçia. «Tante böxie, vegnian feua into proçesso», e poule da seu Daniela Cella.

Traduçion italiaña

Al via il processo per la morte di Nada Cella, in aula solo Soracco

È iniziato a Genova il processo per l’omicidio di Nada Cella, la segretaria assassinata nello studio dell’imprenditore Marco Soracco a Chiavari il 6 maggio 1996. In aula presente solo Soracco, accusato con la madre Marisa Bacchioni di aver favorito Annalucia Cecere, che per la procura sarebbe l’omicida. L’ex capo della squadra mobile di Genova, Stefano Signoretti, parla delle nuove indagini: «Un lavoro enorme». A Chiavari, ha detto, c’era una situazione «al limite dell’omertà», motivo per cui quasi tutti i testimoni sono stati intercettati a cavallo delle audizioni in questura. «Sono tranquillo, sono state dette troppe cose in questi anni», ha commentato Soracco mentre usciva dal tribunale. «Tante bugie, verranno fuori strada facendo», le parole della sorella Daniela Cella.

Saña, influencer inte sbigge: o no l’à deciarou 100mia euro de guägni

A guardia de finansa de Saña a l’à descoverto un travel influencer ch’o no l’avieiva deciarou a-o fisco a-o manco 100mia euro de guägni. L’identitæ a no l’é stæta communicâ. Con 140mia inscriti e mioin de vixoin in scî social network o scompartiva i seu viægi in möto, ma o no pagava e tasce in scî dinæ ch’o piggiava co-e commiscioin de ciattaforme digitale, e donaçioin di follower e ascì e prestaçioin de badda fornie da-i sponsor.

Traduçion italiaña

Savona, influencernei guai: non ha dichiarato 100mila euro di ricavi

La guardia di finanza di Savona ha scoperto un travel influencer che non avrebbe dichiarato al fisco almeno 100mila euro di profitti. L’identità non è stata rivelata. Con 140mila di iscritti e milioni di visualizzazioni sui social network condivideva i suoi viaggi in moto, ma non ha pagato le tasse sui soldi che ha ricavato dalle commissioni della piattaforma digitale, dalle donazioni dei follower e dai benefit delle prestazioni gratuite fornite dagli sponsor.

E notiçie da l’Italia

Senti a verscion registrâ:

Caxo Almasri in Parlamento, o Governo contra a Corte penale internaçionale

O governo italian o l’attacca a Corte penale internaçionale in sciô caxo do generale libico Almasri, arrestou e portou torna a-o seu Paise con un xeuo de Stato. L’ordine d’arresto o l’é arrivou «sensa a domanda d’estradiçion – o l’à referio o ministro da Giustiçia Carlo Nordio in Parlamento –. Çerta magistratua sensa cua a no leze i papê». O ministro de l’Interno Matteo Piantedosi o l’à denegou che o Almasri o segge mai stæto un «interlocutô do governo». Erta tenscion con l’oppoxiçion: «A Meloni a scappa». Intanto a Corte de l’Aia a l’avieiva averto unn’investigaçion in sciô governo italian pe «impedimento à l’amministraçion da giustiçia», ma o governo o l’à dito che no gh’é «nisciuña proçedua contra l’Italia».

Traduçion italiaña

Caso Almasri in Parlamento, il Governo contro la Corte penale internazionale

Il governo italiano attacca la Corte penale internazionale sul caso del generale libico Almasri, arrestato e riportato nel suo Paese con un volo di Stato. Il mandato di arresto è arrivato «senza la richiesta di estradizione – ha riferito il ministro della Giustizia Carlo Nordio in Parlamento –. Certa magistratura sciatta non legge le carte». Il ministro dell’Interno Matteo Piantedosi ha negato che Almasri sia mai stato un «interlocutore del Governo». Alta tensione con l’opposizione: «Meloni scappa». Nel frattempo la Corte dell’Aja avrebbe aperto un’inchiesta nei confronti del governo italiano per «ostacolo all’amministrazione della giustizia», ​​ma il governo ha affermato che «non esiste alcun procedimento nei confronti dell’Italia».

Giornalisti e attivisti spionezzæ da un software militare isrælian

Attivisti e giornalisti spionezzæ da un software militare fornio da-a soçietæ isræliaña Paragon Solution a-o governo american e atre agençie governative d’intelligence. À finî sotta a lente in Italia anche o Luca Casarini, cappo miscion de l’ong Mediterranea, e o direttô de Fanpage Francesco Cancellato: anche loiatri an reçevuo, comme unna novanteña de persoñe inte tutto o mondo, un avviso da WhatsApp ch’o î avvisava d’ëse stæti attaccæ da-o spyware. Inte unna nòtta o Governo o l’à denegou d’avei misso sotta contròllo sti soggetti, che in Italia saieivan sette, e o l’à attivou l’Agençia naçionale pe-a seguessa informatica. A Paragon a l’à interrotto e relaçioin con l’Italia.

Traduçion italiaña

Giornalisti e attivisti spiati da un software militare israeliano

Attivisti e giornalisti spiati dal software militare fornito dalla società israeliana Paragon Solution al governo degli Stati Uniti e ad altre agenzie governative di intelligence. In Italia sono finiti sotto la lente anche Luca Casarini, capo missione dell’organizzazione Mediterranean, e Francesco Cancellato, direttore di Fanpage: anche loro, come una novantina di persone nel mondo, hanno ricevuto un avviso da WhatsApp che li informava di essere stati attaccati dallo spyware. In una nota il Governo ha negato di aver messo sotto controllo questi soggetti, che in Italia sarebbero sette, e ha attivato l’Agenzia nazionale per la sicurezza informatica. Paragon ha interrotto i rapporti con l’Italia

Romma, guardia a spara pe fermâ di rapinatoî e a n’ammassa un

O l’à sparou dexe corpi co-a pistòlla pe fermâ unna banda de quattro rapinatoî che voeivan arröbâ inte un scito à Romma, ma un proiettile o l’à piggiou un di laddri inta testa e o l’à ammassou. Protagonista unna guardia feua de servixo che oua a l’é indagâ pe ammassamento. I laddri avieivan çercou d’investîlo co-a machina, tanto che lê o l’anava avanti à tiâghe. I malemmi s’ean arrampinæ sciù pe-o terrasso a-o primmo cian, donde gh’ea unna dònna sola. O sciato però o l’à ciammou l’attençion di condòmini, in particolâ a guardia ch’a l’ea apreuvo à tornâ à cà. A vittima a l’é un òmmo de 24 anni d’origine romeña, mòrto à l’uspiâ da lì à pöco.

Traduçion italiaña

Roma, guardia giurata spara per fermare dei rapinatori e ne uccide uno

Ha sparato dieci colpi di pistola per fermare una banda di quattro rapinatori che vlevano rubare in un appartamento a Roma, ma un proiettile ha colpito uno dei ladri alla testa, uccidendolo. Protagonista una guardia giurata fuori servizio che ora è indagata per omicidio. I rapinatori avrebbero cercato di investirlo con l’auto, mentre lui continuava a sparare. I malviventi si erano arrampicati sul balcone al primo piano, dove viveva una donna sola. Il frastuono, tuttavia, ha catturato l’attenzione dei condomini, in particolare della guardia giurata che tornava a casa. La vittima è un uomo di 24 anni di origine rumena, morto poco dopo in ospedale.

E notiçie da-o mondo

Senti a verscion registrâ:

O Netanyahu o sposa o cian do Trump: «Feua i palestineixi da Gazza»

«Feua i palestineixi, Gazza a saià unna neuva rivière. Piggiemo o contròllo da Striscia». O l’é o cian do prescidente di Stati Unii Donald Trump pe-i territöi palestineixi dòppo a fin da guæra. Gazza a saieiva «consegnâ da Isræle» sensa beseugno de mandâghe di sordatti. O Benjamin Netanyahu o ghe ciòcca e moen: «Idea straordenäia». E inte un intervista o l’azzonze: «O Stato palestineise? In Arabia Saudita, lazù gh’an tanto spaçio». Oppoxiçion areo da-o mondo arabo e da l’Euröpa: «Gazza a l’appartëgne a-i palestineixi». Hamas o l’à invitou tutte e façioin à unîse contra a propòsta. Intanto, in sciô fronte de l’Ucraina, o prescidente Volodymyr Zelensky o se dixe pronto à de «negoçiaçioin dirette» co-o Putin inte unna «riunion con quattro parteçipanti».

Traduçion italiaña

Netanyahu sposa il piano di Trump: «Fuori i palestinesi da Gaza»

«Fuori i palestinesi, Gaza diventerà una nuova rivière. Prenderemo il controllo della Striscia». È il piano del presidente degli Stati Uniti Donald Trump per i territori palestinesi dopo la fine della guerra. Gaza verrebbe «consegnata da Israele» senza la necessità di mandare soldati. Benjamin Netanyahu applaude: «Un’idea straordinaria». E in un’intervista aggiunge: «Lo Stato palestinese? In Arabia Saudita, laggiù hanno tanto spazio». Opposizione totale dal mondo arabo e dall’Europa: «Gaza appartiene ai palestinesi». Hamas ha invitato tutte le fazioni a unirsi contro la proposta. Nel frattempo, sul fronte ucraino, si dice che il presidente Volodymyr Zelensky sia pronto a «negoziati diretti» con Putin in un «incontro a quattro».

Stati Unii, a guæra di driti in sciâ merçe: anche l’Euröpa a studia e mesue contra

L’é comensou a guæra di driti in sciâ merçe missi da l’amministraçion do Donald Trump inti Stati Unii. O prescidente o l’à firmou i ordini pe impoñili à Canada e Mescico do 25% e a-a Ciña do 10%, i quæ an respòsto con de mesue pæge. Dapeu l’é stæto concordou unna sospenscion pe Mescico e Canada. Inti cen do Trump gh’é l’Union europea ascì, ch’a l’à za fæto ciæo: «Pronti à defende i nòstri interesci». Da-o petròlio à l’inflaçion l’economia americaña a va à reisego de recheite, ma o tycoon o l’à asseguou: «O patimento o saià pagou inderê». Intanto o Elon Musk o l’à inandiou o movimento Mega, Make Europe Great Again.

Traduçion italiaña

Stati Uniti, la guerra dei dazi commerciali: anche l’Europa studia le contromisure

È iniziata la guerra sui dazi commerciali introdotti dall’amministrazione di Donald Trump negli Stati Uniti. Il presidente ha firmato gli ordini per imporli a Canada e Messico del 25% e alla Cina del 10%, i quali hanno risposto con misure equivalenti. Poi è stata concordata una sospensione per Messico e Canada. Nei piani di Trump c’è anche l’Unione Europea, che ha già chiarito: «Pronta a difendere i nostri interessi». Dal petrolio all’inflazione, l’economia americana rischia ricadute, ma il tycoon ha assicurato: «La sofferenza verrà ripagata». Nel frattempo Elon Musk ha dato il via al movimento Mega, Make Europe Great Again.

Strage in Sveçia, dexe mòrti à corpi de scceuppo inte un çentro de formaçion

Un òmmo de 35 anni o l’é introu inte un çentro de formaçion pe grendi à Örebro, in Sveçia, e o l’à sparou con un scceuppo da caccia. Dexe mòrti, l’aggressô o s’é ammassou. L’assascin o se ciammava Rickard Andersson, ch’o l’aiva cangiou de nomme che l’é eutt’anni, e fòscia o l’aiva di problemi de testa. L’arma a l’ea detegnua in regola. O l’à ascosa inte un stuccio da chitara, o l’é anæto in bagno pe mettise indòsso unna mimetica e o l’à averto o feugo. A poliçia a no pensa ch’o fïse un atto de terroriximo. «Gh’é ancon tante domande, ma pöche respòste», o l’à dito o primmo ministro Ulf Kristersson.

Traduçion italiaña

Strage in Svezia, dieci morti a colpi di fucile in un centro di formazione

Un uomo di 35 anni è entrato in un centro di formazione per adulti a Örebro, in Svezia, e ha aperto il fuoco con un fucile da caccia. Dieci morti, l’aggressore si è suicidato. L’assassino si chiamava Rickard Andersson, aveva cambiato nome otto anni prima e forse soffriva di problemi mentali. L’arma era legalmente detenuta. L’ha nascosta in una custodia per chitarra, è andato in bagno per indossare una mimetica e ha aperto il fuoco. La polizia non ritiene che si sia trattato di un atto terroristico. «Ci sono ancora molte domande, ma poche risposte», ha affermato il primo ministro Ulf Kristersson.