O Zinâ

Ediçion

E notiçie da-a Liguria

Senti a verscion registrâ:

Borgoratti, zoeno de 16 anni o picca co-a möto: mòrto in sciô momento

Tragedia à Zena a-i 26 de frevâ: un zoeno de 16 anni, Cesare Crovetto, o l’é mòrto inte un açidente à Borgoratti. O l’à piccou co-a seu möto contra una machina ch’a vegniva inte l’atro verso, guiddâ da unna dònna de 74 anni. Da quello che l’é stæto açertou, o Crovetto o l’avieiva perso o contròllo do seu mezzo inta curva. A Procua de Zena a l’à averto unn’investigaçion. O Cecce, sto chì o seu nommiagio, o l’aiva unna pascion pe-i motoî scompartia con di seu amixi. Unna stöia triste, quella da seu famiggia: o poæ, veterinäio ben ben conosciuo, o l’ea mancou do 2018. Donde l’é avvegnuo l’açidente s’é recampou dexeñe de figgeu e inti giorni apreuvo l’é compario scrite, cartelli e massi de scioî.

Traduçion italiaña

Borgoratti, 16enne si schianta con la moto: morto sul colpo

Tragedia a Genova il 26 febbraio: un giovane di 16 anni, Cesare Crovetto, è morto in un incidente a Borgoratti. Si è schiantato con la sua moto contro un’auto che proveniva dalla direzione opposta, guidata da una donna di 74 anni. Da quanto accertato, Crovetto avrebbe perso il controllo del mezzo in curva. La Procura di Genova ha aperto un’indagine. Cecce, questo era il suo soprannome, aveva una passione per i motori che condivideva con alcuni suoi amici. Una storia triste, quella della sua famiglia: il padre, veterinario molto noto, era scomparso nel 2018. Sul luogo dell’incidente si sono riuniti decine di ragazzini e nei giorni successivi sono comparsi scritte, cartelli e mazzi di fiori.

Tentativo d’ammassamento à Castiggion pe unna rattella in scî confin

Un òmmo de 52 anni, Giuseppe Vadalà, o l’à sparou trei corpi de pistòlla a-o seu vexin Matteo Bo, de 42 anni, apreuvo à unna rattella pe-a construçion de unna miagetta in sciô confin do seu scito. O l’é capitou a-i 27 de frevâ a-o Castiggion, derê à Ciavai. O Vadalà, ch’o gh’à doî saloin da perrucchê à Sestri Levante, o l’é stæto arrestou pe tentativo d’ammassamento a-a fin de unna longa trattativa co-i carabinê, dòppo ch’o s’ea serrou à cà de seu fræ. O Bo o l’é stæto portou in condiçioin pesantiscime con l’elicòttero à l’uspiâ San Martin de Zena, donde i meghi l’an sottopòsto à un intervento de çinque oe pe levâghe i proiettili e sarvâghe a vitta. A prògnoxi a l’é delongo reservâ.

Traduçion italiaña

Tentato omicidio a Castiglione Chiavarese per una lite sui confini

Un uomo di 52 anni, Giuseppe Vadalà, ha sparato tre colpi di pistola al suo vicino Matteo Bo, 42 anni, a seguito di una lite sulla costruzione di un muretto al confine della sua proprietà. È accaduto il 27 febbraio a Castiglione Chiavarese. Vadalà, proprietario di due saloni da parrucchiere a Sestri Levante, è stato arrestato per tentato omicidio al termine di una lunga trattativa con i carabinieri, dopo essersi chiuso in casa del fratello. Bo è stato trasportato in elicottero in condizioni gravissime all’ospedale San Martin di Genova, dove i medici lo hanno sottoposto a un intervento chirurgico di cinque ore per rimuovere i proiettili e salvargli la vita. La prognosi è sempre riservata.

O prescidente Mattarella à Zena a-i 25 d’arvî pe-i 80 anni da-a Liberaçion

O prescidente da Repubrica Sergio Mattarella o saià à Zena a-i 25 d’arvî pe l’80eximo anniversäio da Liberaçion. A notiçia a l’é vegnua feua a-i 28 de frevâ à Villa Migon, donde l’é stæto firmou l’atto de reisa tra i todeschi e o Comitato de liberaçion naçionale, inta presentaçion do progetto do Tiatro Naçionale de Zena D’Oro – Il sesto senso partigiano à cua do direttô Davide Livermore e da regista Giorgina Pi. O spettacolo o saià in scena a-o tiatro Ivo Chiesa a-i 25 e ai 27 d’arvî, e a-a primma gh’ascistià o cappo do Stato ascì. «Ringraçio à nomme da çittæ o prescidente Mattarella pe aveine reiso l’önô da seu presensa inte unn’anniversäio mai tanto importante pe Zena e pe l’Italia», o commento do viçescindico Pietro Piciocchi.

Traduçion italiaña

Il presidente Mattarella a Genova il 25 aprile per gli 80 anni dalla Liberazione

Il presidente della Repubblica Sergio Mattarella sarà a Genova il 25 aprile per l’80esimo anniversario della Liberazione. La notizia è emersa il 28 febbraio a Villa Migone, dove venne firmato l’atto di resa tra i tedeschi e il Comitato di liberazione nazionale, durante la presentazione del progetto del Teatro Nazionale di Genova D’Oro – Il Sesto Senso Partigiano a cura del direttore Davide Livermore e della regista Giorgina Pi. Lo spettacolo andrà in scena al teatro Ivo Chiesa il 25 e 27 aprile, e alla prima sarà presente anche il capo dello Stato. «Ringrazio a nome della città il presidente Mattarella per averci concesso l’onore della sua presenza in una ricorrenza così importante per Genova e per l’Italia», ha commentato il vicesindaco Pietro Piciocchi.

E notiçie da l’Italia

Senti a verscion registrâ:

Da-o Governo 3 miliardi pe-e bollette, fin à 500 euro d’aggiutti pe-e famigge

O Conseggio di ministri o l’à approvou o decreto lezze contra e bollette caistiose: à dispoxiçion gh’é 3 miliardi, 1,6 pe-e famigge e 1,4 pe-e impreise. L’à annonçiou a prescidente Giorgia Meloni. E famigge con reddito fin à 25mia euro avian pe trei meixi un aggiutto de 200 euro con presentâ l’Isee, 500 euro pe chi gh’à i requixiti pe-o bonus soçiale. Pe-e impreise picciñe e medie gh’é un taggio di carreghi de scistema do 20% pöcassæ. Intanto a ministra do Turiximo Daniela Santanchè, mandâ à giudiçio pe gazibba à l’Inps, a l’arve à l’ipòtexi de dimiscioin: «Me gh’appensiò da sola, sensa prescioin ò menasse, guiddâ da l’amô pe-o mæ partio». Dapeu l’intervento contra e oppoxiçioin: «Voiatri combattei a ricchessa, mi son o mâ areo».

Traduçion italiaña

Dal Governo 3 miliardi per le bollette, fino a 500 euro di aiuti per le famiglie

Il Consiglio dei ministri ha approvato il decreto legge contro il caro bollette: a disposizione 3 miliardi, 1,6 per le famiglie e 1,4 per le imprese. Lo ha annunciato la presidente Giorgia Meloni. Le famiglie con reddito fino a 25mila euro avranno per tre mesi un aiuto di 200 euro presentando l’Isee, 500 euro per chi ha i requisiti per il bonus sociale. Per le piccole e medie imprese si prevede una riduzione degli oneri di sistema di circa il 20%. Intanto la ministra del Turismo Daniela Santanchè, rinviata a giudizio per truffa all’Inps, apre all’ipotesi di dimissioni: «Farò una riflessione, senza pressioni o minacce, guidata dall’amore per il mio partito». Poi l’intervento contro l’opposizione: «Voi combattete la ricchezza, io sono il male assoluto».

O pappa Françesco o stà megio, ma a Quæxima a comensa sensa de lê

O l’é in sciô repiggio o pappa Françesco, recoverou che l’é doe settemañe a-o policlinico Gemelli de Romma pe unna pormonite. Oua no se parla ciù de «condiçioin critiche», ma a prògnoxi a l’é ancon reservâ e a Quæxima a l’à da comensâ sensa de lê. O Mäcordì Scuöto o saià çelebrou da-o cardinâ De Donatis. Segondo i urtimi bollettin di meghi ghe veu ancon quarche giorno de stabilitæ clinica. Inti giorni avanti, dòppo e crixi de respiaçion e a somministraçion d’oscigeno, o l’aiva patio da scarscitæ de ren. Tutti i giorni vëgne reçitou un rosäio pe lê à San Pê. O cardinâ Angelo Bagnasco, passou prescidente da Conferensa di vescoi italien, o l’à dito che no gh’é «nisciuña raxon pe parlâ de dimiscioin».

Traduçion italiaña

Papa Francesco sta meglio, ma la Quaresima inizia senza di lui

Si sta riprendendo papa Francesco, ricoverato due settimane fa al policlinico Gemelli di Roma per una polmonite. Ora non si parla più di «condizioni critiche», ma la prognosi è ancora riservata e la Quaresima deve iniziare senza di lui. Il Mercoledì delle Ceneri sarà celebrato dal cardinale De Donatis. Secondo gli ultimi bollettini medici serviranno ancora alcuni giorni di stabilità clinica. Nei giorni precedenti, dopo le crisi respiratorie e la somministrazione di ossigeno, aveva sofferto di insufficienza renale. Ogni giorno viene recitato un rosario per lui a San Pietro. Il cardinale Angelo Bagnasco, ex presidente della Conferenza episcopale italiana, ha affermato che «non c’è motivo per parlare di dimissioni».

Salò a leva a çittadinansa a-o Benito Mussolini dòppo çent’anni

Dòppo çent’anni Salò, ch’a l’à dæto o nomme a-a Repubrica soçiale italiaña existia da-o 1943 a-o 1945, a l’à levou a çittadinansa d’önô a-o Benito Mussolini, dæta do 1924. O Conseggio do Commun o l’à votou pe-a tersa vòtta con 12 scì pe-a moçion do Tiberio Evoli, esponente da maggioransa de çentro-scinistra ch’a governa o paise da-o 2024 dòppo vint’anni d’amministraçioin de çentro-drita. Trei conseggê conträi e un astegnuo, tutti de liste çiviche, uña de quæ vexiña à Fratelli d’Italia. «Inte l’Italia d’ancheu – o l’à dito o scindico Francesco Cagnini – no gh’é ciù pòsto pe-e seu idee».

Traduçion italiaña

Salò revoca la cittadinanza a Benito Mussolini dopo cent’anni

Dopo cent’anni Salò, che diede il nome alla Repubblica sociale italiana esistita dal 1943 al 1945, ha revocato la cittadinanza onoraria a Benito Mussolini, concessa dal 2024. Il Consiglio comunale ha votato per la terza volta con 12 sì per la mozione di Tiberio Evoli, esponente della maggioranza di centrosinistra che governa del paese dal 2024, dopo vent’anni di governi di centrodestra. Tre consiglieri contrari e un astenuto, tutti appartenenti a liste civiche, di cui una vicina a Fratelli d’Italia. «Nell’Italia di oggi – ha detto il sindaco Francesco Cagnini – non c’è più posto per le sue idee».

E notiçie da-o mondo

Senti a verscion registrâ:

Trump-Zelensky, rattella in diretta televixiva a-a Casa Gianca

Rattella in diretta televixiva tra o prescidente american Donald Trump e l’ucraino Volodymyr Zelensky into studio ovale avanti de l’incontro a-a Casa Gianca. O Trump o l’à accaxonou o Zelensky de «no aveighe e carte in man» pe fâ un accòrdio co-a Ruscia, dapeu o l’à sbraggiou: «Ò ti fæ l’accòrdio ò sedonca noiatri semmo feua, ti zeughi co-a tersa guæra do mondo». «No son vegnuo chì pe zugâ a-e carte», a replica do prescidente de l’Ucraina che in sciâ fin, dòppo vinti menuti de scontro, o se n’é anæto. I doî avieivan dovuo firmâ l’inteisa in scê tære ræe. O Zelensky o l’aiva dito d’ëse pronto a-e dimiscioin se l’Ucraina a porrià intrâ inta Nato. O Trump o l’à annonçiou di driti do 25% in sciâ merçe da l’Euröpa, l’Union a responde con de mesue pæge in sce l’äsâ e l’alluminio.

Traduçion italiaña

Trump-Zelensky, lite in diretta televisiva alla Casa Bianca

Lite in diretta televisiva tra il presidente degli Stati Uniti Donald Trump e l’ucraino Volodymyr Zelensky nello studio ovale prima dell’incontro alla Casa Bianca. Trump ha accusato Zelensky di «non avere le carte in mano» per concludere un accordo con la Russia, poi ha urlato: «O concludi l’accordo o siamo fuori, stai giocando alla terza guerra mondiale». «Non sono venuto qui per giocare a carte», ribatte il presidente dell’Ucraina che alla fine, dopo venti minuti di scontro, se n’è andato. I due avrebbero dovuto firmare l’intesa sulle terre rare. Zelensky aveva detto di essere pronto a dimettersi se l’Ucraina potr entrare nella Nato. Trump ha annunciato dazi del 25% sulle merci provenienti dall’Europa, l’Unione risponde con misure simili su acciaio e alluminio.

Germania, a Cdu a guägna e eleçioin e a l’inandia o governo con l’Spd

A Cdu do Friedrich Merz a l’à guägno e eleçioin in Germania co-o 28,5% di voti, a-o segondo pòsto l’estremma drita de Alternative für Deutchland co-o 20,8%, l’Spd o derua a-o 16,4%. O cappo do primmo partio o l’à dito: «Emmo un incarrego ciæo e mettiemo sciù unna Grosse Koalition. A Germania a l’à beseugno de un governo fito». L’intençion a l’é de fâ un accòrdio con l’Spd avanti de Pasqua tegnindo feua segge l’Afd segge a scinistra da Linke e i Verdi, un progetto poscibile za che l’é arrestou feua da-o Bundestag i liberali de l’Fdp e a Bsw. O passou cançellê Olaf Scholz o l’à ammisso: «Unna desfæta amaa». Pe-a Alice Weidel «un exito stòrico pe l’Afd».

Traduçion italiaña

Germania, la Cdu vince le elezioni e prepara il governo con la Spd

La Cdu di Friedrich Merz ha vinto le elezioni in Germania con il 28,5% dei voti, seguita dall’estrema destra di Alternative für Deutchland con il 20,8%, mentre l’Spd crolla al 16,4%. Il leader del primo partito ha detto: «Abbiamo un mandato chiaro e creeremo una Grosse Koalition. La Germania ha bisogno di un governo al più presto». L’obiettivo è quello di raggiungere un accordo con l’Spd prima di Pasqua, escludendo sia l’Afd sia la sinistra della Linke e dei Verdi, un piano possibile poiché i liberali dell’Fdp e del Bsw sono rimasti esclusi dal Bundestag. L’ex cancelliere Olaf Scholz ha ammesso: «Una sconfitta amara». Per Alice Weidel «un risultato storico per l’Afd».

O Gene Hackman trovou mòrto co-a moggê, mistëio in sciâ caxon

L’attô Gene Hackman e seu moggê Betsy Arakawa son stæti trovæ mòrti à Santa Fe, inti Stati Unii, insemme à un di seu chen. A poliçia a l’à averto unn’investigaçion pe capî e caxoin, che no pan ciæe. A cobia a l’ea inte doe stançie despæge, a pòrta de cà a l’ea averta ma no forsâ. In tæra gh’ea unna magnâ de pilloe. I cadavei son stæti descoverti dòppo di giorni ò fòscia de settemañe. L’é poscibile che à ammassâli segge stæto o monòscido de carbònio, stante che s’ascädavan co-o gazzo. O Hackman o l’aiva 95 anni, a moggê 63. O l’aiva fæto 101 cini e scrito çinque romansi, o l’aiva guägno doî premmi Oscar e quattro Golden Globe, e gh’aivan sciña dedicou un asteròide.

Traduçion italiaña

Gene Hackman trovato morto con la moglie, mistero sulle cause

L’attore Gene Hackman e la moglie Betsy Arakawa sono stati trovati morti a Santa Fe, negli Stati Uniti, insieme a uno dei loro cani. La polizia ha aperto un’indagine per capire le cause, che non appaiono chiare. La coppia si trovava in due stanze diverse, la porta di casa era aperta ma non forzata. Per terra c’era una manciata di pillole. I cadaveri sono stati scoperti dopo giorni o forse settimane. Potrebbe essere stato il monossido di carbonio a ucciderli, dato che usavano il gas per riscaldarsi. Hackman aveva 95 anni, la moglie 63. Aveva girato 101 film e scritto cinque romanzi, vinto due premi Oscar e quattro Golden Globe e gli era stato persino dedicato un asteroide.