O Zinâ

Ediçion

E notiçie da-a Liguria

Saluo roman à Zena a-a commemoraçion do Venturini, indaga a poliçia

In scî 150 militanti de l’estremma drita, squæxi meitæ arrivæ d’in de feua da çittæ, an fæto o saluo roman à Zena a-a commemoraçion do Ugo Venturini, o militante de l’Msi ammassou do 1970 da di contestatoî inte un comiçio do Almirante. O l’é capitou a-i 4 de mazzo inti giardin de Brignoe, con di momenti de tenscion pe-a manifestaçion contra inandiâ da Genova Antifascista. A Digos a l’à identificou de persoñe, za conosciue pe-a seu frequentaçion di sciti locali de CasaPound e Lealtà e Azione, e a l’é a-o travaggio pe capî chi l’é arrivou da-e atre çittæ. A scinistra a l’à attaccou: «E instituçioin avieivan dovuo impedî unna manifestaçion anticonstituçionale». O prescidente ligure Bucci o l’à replicou: «A politica a no peu deçidde».

Traduçion italiaña

Saluto romano a Genova per la commemorazione di Venturini, indaga la polizia

Circa 150 militanti di estrema destra, quasi la metà arrivati ​​da fuori città, hanno fatto il saluto romano a Genova, in occasione della commemorazione di Ugo Venturini, militante del Msi ucciso nel 1970 dai contestatori durante un comizio di Almirante. È accaduto il 4 maggio nei giardini di Brignole, con momenti di tensione per la contromanifestazione indetta da Genova Antifascista. La Digos ha identificato alcune persone, già note per la loro frequentazione delle sedi locali di CasaPound e Lealtà e Azione, ed è al lavoro per capire chi è arrivato da altre città. La sinistra ha attaccato: «Le istituzioni avrebbero dovuto impedire una manifestazione incostituzionale». Il presidente ligure Bucci ha risposto: «La politica non può decidere».

Trei operai sciaccæ da unna miagia into cantê da metropolitaña de Zena

Grave açidente in sciô travaggio a-i 8 de mazzo into cantê da metropolitaña de Zena à l’Accaseua. Trei operäi, un de 37 anni e doî de 64 e 65 anni, tutti dependenti da dita Manelli, son stæti investii da-o deruo de unna miagia tanto che louavan inte un posso de scavo. O ciù zoeno o l’à reportou de ferie a-e gambe, i atri son anæti à l’uspiâ San Martin in rianimaçion con di traumi a-o peto e a-i scianchi. «Ghe veu ciù contròlli», dixe ancon i scindacati. A Procua a l’à averto unn’investigaçion pe lexoin e a l’aspeta a relaçion de l’Asl pe açertâ e responsabilitæ. A zöna do deruo a l’é stæta sexia. À stabilî con seguessa cöse l’é capitou saià unna consulensa tecnica.

Traduçion italiaña

Tre operai schiacciati da un muro nel cantiere della metropolitana di Genova

Grave incidente sul lavoro l’8 maggio nel cantiere della metropolitana di Genova all’Acquasola. Tre operai, uno di 37 anni e due di 64 e 65 anni, tutti dipendenti della ditta Manelli, sono stati travolti dal crollo di un muro mentre stavano lavorando in un pozzo di scavo. Il più giovane ha riportato ferite alle gambe, gli altri sono stati ricoverati all’ospedale San Martino in rianimazione con traumi al torace e al bacino. «Servono più controlli», ripetono i sindacati. La Procura ha aperto un’inchiesta per lesioni e attende la relazione dell’Asl per accertare le responsabilità. La zona del crollo è stata sequestrata. A stabilire con certezza cosa è successo sarà una consulenza tecnica.

Bollette «sensa pietæ» in scî autobi da Tpl, doî caxi scciuppæ à Saña

Unna figgia co-a scindrome de Down a l’à piggiou unna bolletta pe avei timbrou un biggetto pe un atro in sce un autobo da Tpl da l’Artâ à Saña. A zoena a l’aiva un biggetto bleu, ma pe quello viægio ne serviva un lilà, e coscì a controlloa a gh’à domandou i papê e a l’à sançionâ pe 60 euro. O caxo, denonçiou da-a moæ ch’a l’à confessou «unna gran angoscia», o l’à fæto discutte ben ben. Inte unna nòtta l’açienda a l’à espresso do «mäpró». Un atro caxo pægio, sempre in scî mezzi da Tpl, quello de doî ançien d’ottant’anni e passa, loiatri ascì ingannæ da-o cô di biggetti pe un viægio da Arbisseua à Saña. I passaggê gh’aivan apreuvo anche i titoli giusti, che tra l’atro costan pægi.

Traduçion italiaña

Bollette «spietate» sugli autobus Tpl, due casi scoppiati a Savona

Una ragazza con sindrome di Down ha ricevuto una multa per aver timbrato un biglietto sbagliato su un autobus Tpl da Altare a Savona. La ragazza aveva un biglietto blu, ma per quel viaggio ne serviva uno viola, così la controllora le ha chiesto i documenti e l’ha sanzionata per 60 euro. Il caso, denunciato dalla madre che ha confessato di aver provato «grande disgusto», ha fatto molto discutere. In una nota l’azienda ha espresso «rammarico.» Un altro caso simile, sempre sui mezzi di Tpl, quello di due anziani ultraottantenni, anche loro ingannati dal colore dei biglietti per una corsa da Albissola a Savona. I passeggeri avevano con sé anche i titoli appropriati, che tra l’altro costavano la stessa cifra.

E notiçie da l’Italia

O neuvo pappa o l’é o Prevost, Lion XIV: o primmo american inta stöia da Gexa

O neuvo pappa o l’é o Robert Francis Prevost, primmo american da stöia, ch’o l’à çernuo o nomme de Lion XIV. A fummâ gianca a l’é arrivâ a-i 8 de mazzo, a-a quarta votaçion inta segonda giornâ do conclave. «Che a paxe a segge con tutti voiatri», e seu primme poule davanti a-i 150mia recampæ in ciassa San Pê. Agostinian, nominou cardinâ da-o pappa Françesco, da-o 2023 à cappo da Congregaçion pe-i vescoi, pe di anni o l’é stæto miscionäio in Perù. A-i 18 de mazzo a messa d’incomenso do pontificato. Pe-o momento o l’arresta à Santa Marta, donde stava o Bergoglio. Da-o mondo di conservatoî americhen gh’arriva de baccæ: «A seu eleçion a l’é un voto contra o Trump da parte di globalisti da Curia». Incangio a Ciña a s’é complimentâ pregandose che o dialogo co-o Vatican o pòsse anâ avanti.

Traduçion italiaña

Il nuovo papa è Prevost, Leone XIV: il primo americano nella storia della Chiesa

Il nuovo papa è Robert Francis Prevost, il primo americano della storia, che ha scelto il nome Leone XIV. La fumata bianca è arrivata l’8 maggio, alla quarta votazione nel secondo giorno di conclave. «La pace sia con tutti voi», sono state le sue prime parole davanti ai 150mila radunati in piazza San Pietro. Agostiniano, nominato cardinale da papa Francesco, dal 2023 alla guida della Congregazione per i vescovi, per anni è stato missionario Perù. Il 18 maggio la messa di inizio pontificato. Per ora resta a Santa Marta, dove viveva Bergoglio. Dal mondo dei conservatori americani arrivano bordate: «La sua elezione è un voto contro Trump da parte dei globalisti della Curia». La Cina invece si è complimentata augurandosi che il dialogo con il Vaticano possa proseguire.

Travaggio, o governo o veu propoñe de neuve regole in scî sottocontræti

O governo o l’é pronto à propoñe un aggiornamento de regole in scî sottocontræti pe rinforsâ i contròlli e e responsabilitæ in sciâ seguessa di louanti. L’impegno o saieiva stæto concordou tra a prescidente do Conseggio Giorgia Meloni, ch’a l’à incontrou i scindacati pe discorrî di açidenti in sciô travaggio, e o ministro Matteo Salvini. A premier a l’à confermou che gh’é 1,2 miliardi disponibili pe di «interventi concreti». Intanto no finisce o bollettin de vittime: un operäio de 24 anni, Enrit Ademi, o l’é mòrto à Milan dòppo preçipitou da-o terso cian de un palaçio. À Fiano, vexin à Romma, un trasportatô de 59 anni o l’à perso a vitta sciaccou da unna pedaña do camio da-o quæ o l’ea apreuvo à descarregâ.

Traduçion italiaña

Lavoro, il governo vuole proporre nuove regole sui subappalti

Il governo è pronto a proporre un aggiornamento delle regole in materia di subappalti per rafforzare i controlli e le responsabilità sulla sicurezza dei lavoratori. L’impegno sarebbe stato concordato tra la presidente del Consiglio Giorgia Meloni, che ha incontrato i sindacati per discutere di infortuni sul lavoro, e il ministro Matteo Salvini. La premier ha confermato che ci sono 1,2 miliardi disponibili per «interventi concreti». Intanto il bilancio delle vittime non si esaurisce: un operaio di 24 anni, Enrit Ademi, è morto a Milano dopo essere precipitato dal terzo piano di un palazzo. A Fiano, vicino a Roma, un autotrasportatore di 59 anni ha perso la vita schiacciato da una pedana del camion da cui stava scaricando.

Piaxensa, arrestou un primmäio de l’uspiâ pe 32 caxi de violensa sessuale

Un primmäio de l’uspiâ de Piaxensa o l’é stæto arrestou con l’accusa de violensa sessuale aggravâ e atti de persecuçion a-i danni de meghe e infermee. E imagine registræ inte 45 giorni d’investigaçion an permisso de provâ 32 caxi d’abuxi. «De fæto o compiva di atti sessuali con squæxi tutte e dònne ch’intravan da sole da-a pòrta do seu scagno», scrive a poliçia into papê ch’o l’à portou a-a mesua di arresti in cà. Un atro mego de 42 anni, accaxonou d’avei commisso de violense in sce neuve paçiente zoene co-o pretesto de vixitâle, o l’é stæto condannou à dex’anni de prexon. L’òmmo o louava tra Milan, San Giulian Milaneise e San Donou.

Traduçion italiaña

Piacere, arrestato primario dell’ospedale per 32 casi di violenza sessuale

Un primario dell’ospedale di Piacenza è stato arrestato con l’accusa di violenza sessuale aggravata e atti persecutori ai danni di dottoresse e infermiere. Le immagini registrate durante 45 giorni di indagini hanno permesso di provare 32 casi di abusi. «Di fatto ha compiuto atti sessuali con quasi tutte le donne che entravano da sole nel suo ufficio», scrive la polizia nel documento che ha portato alla misura degli arresti domiciliari. Un altro medico 42enne, accusato di aver commesso stupri su nove giovani pazienti con il pretesto di visitarle, è stato condannato a dieci anni di carcere. L’uomo lavorava tra Milano, San Giuliano Milanese e San Donato.

E notiçie da-o mondo

Isræle o veu invadde tutta a Striscia de Gazza, tregua tra Houthi e Stati Unii

O gabinetto de seguessa d’Isræle o l’à approvou un cian pe piggiâ a Striscia de Gazza intrega e tegnîla occupâ pe delongo. L’intençion a l’é de mandâ via çentanæa de miggiæa de palestineixi e distribuî di aggiutti con de açiende privæ. «Semmo in scî pissi de unna gròssa invaxon», o l’à dito o primmo ministro Benjamin Netanyahu. À Gerusalemme l’é scciuppou de proteste. Un miscile di Houthi partio d’into Yemen o l’à corpio l’aeropòrto de Tel Aviv, caxonando sëi ferii. Pe Hamas «battuo a megio defeisa a-o mondo». Pe repicco Isræle o l’à destruto l’aeropòrto de Sanaa. O prescidente american Donald Trump o l’à annonçiou a tregua co-o gruppo filo-iranian.

Traduçion italiaña

Israele vuole invadere l’intera Striscia di Gaza, tregua Houthi-Stati Uniti

Il gabinetto di sicurezza israeliano ha approvato un piano per prendere l’intera Striscia di Gaza e tenerla occupata per sempre. L’obiettivo è quello di espellere centinaia di migliaia di palestinesi e distribuire gli aiuti tramite aziende private. «Siamo sull’orlo di una grande invasione», ha affermato il primo ministro Benjamin Netanyahu. A Gerusalemme sono scoppiate proteste. Un missile Houthi lanciato dallo Yemen ha colpito l’aeroporto di Tel Aviv, provocando sei feriti. Per Hamas «battuta la migliore difesa del mondo». Per rappresaglia Israele ha distrutto l’aeroporto di Sanaa. Il presidente degli Stati Uniti Donald Trump ha annunciato la tregua con il gruppo filo-iraniano.

Ucraina, se travaggia pe-a paxe ma o Trump: «Fòscia a l’é imposcibile»

«Appaxentâse co-o pòpolo ucraino o l’é neçessäio, ma a l’é solo costion do tempo». Coscì o prescidente ruscio Vladimir Putin, ma da-i Stati Unii o Trump o l’à commentou: «Tra lê e o Zelensky gh’é unn’agrua tremenda, fòscia a paxe a l’é imposcibile». A-i 9 de mazzo à Mosca gh’é stæto i festezzamenti pe-i ottant’anni da-a vittöia sovietica in sciâ Germania nazista co-o prescidente cineise Xi Jinping in vixita offiçiâ. «Tutta a Ruscia a sostëgne l’offensciva in Ucraina», o l’à dito o Putin. E trattative van avanti e Washington a ciamma unna pösa de un meise. Intanto à Kiev s’é incontrou i cappi europëi. L’Ucraina e l’Union europea an approvou a creaçion de un tribunâ speçiale pe mandâ à proçesso i cappi rusci pe «crimine d’aggrescion».

Traduçion italiaña

Ucraina, si lavora per la pace ma Trump: «Forse è impossibile»

«Riconciliarsi col popolo ucraino è necessario, ma è solo questione di tempo». Così il presidente russo Vladimir Putin, ma dagli Stati Uniti Trump ha commentato: «Tra lui e Zelensky c’è un’enorme odio, forse la pace è impossibile». Il 9 maggio a Mosca si sono tenuti i festeggiamenti il 9 maggio per l’ottantesimo anniversario della vittoria sovietica sulla Germania nazista, con il presidente cinese Xi Jinping in visita ufficiale. «Tutta la Russia sostiene l’offensiva in Ucraina», ha detto Putin. I negoziati proseguono e Washington chiede una pausa di un mese. Nel frattempo a Kiev si sono incontrati i leader europei. L’Ucraina e l’Unione europea hanno approvato la creazione di un tribunale speciale che processerà i leader russi per «crimine di aggressione».

India e Pachistan in sciâ ziña da guæra, reisego de unna deriva nucleare

Unna neuva guæra a l’é in scî pissi de scciuppâ tra l’India e o Pachistan, co-o reisego de unna deriva nucleare. Delhi a l’à annonçiou d’avei corpio «neuve sciti de terriristi». O cappo pachistan o l’à replicou: «A nòstra respòsta a-o momento giusto». Inti scontri se conta za dexeñe de mòrti. O l’é un neuvo gio do conflitto in sciô Kashmir ch’o dua da settant’anni. A Ciña a l’é pronta à mediâ, e pægio l’Union europea, i Stati Unii, a Gran Bretagna, l’Iran e o mondo arabo invitan tutti doî à mettise d’accòrdio. «Fermæ i scontri», l’appello do prescidente American Donald Trump.

Traduçion italiaña

India e Pakistan sul piede di guerra, rischio deriva nucleare

Una nuova guerra sta per scoppiare tra India e Pakistan, con il rischio di una deriva nucleare. Delhi ha annunciato di aver colpito «nove siti terroristici». Il leader pakistano ha replicato: «La nostra risposta al momento giusto». Negli scontri si contano già decine di morti. Si tratta di un nuovo round del conflitto sul Kashmir che dura da settant’anni. La Cina è pronta a mediare e allo stesso modo l’Unione Europea, gli Stati Uniti, la Gran Bretagna, l’Iran e il mondo arabo invitano entrambi a raggiungere un accordo. «Fermiamo gli scontri», l’appello del presidente degli Stati Uniti Donald Trump.