O Zinâ

Ediçion

E notiçie da-a Liguria

Ponte Morandi, a Salis a-a commemoraçion: «Zena a ciammià unna gròssa refæta»

À Zena a commemoraçion de 43 vittime do deruo do ponte Morandi à eutt’anni da-a tragedia, o primmo anniversäio dòppo a sentensa de primmo graddo co-e condanne pe-o Castellucci e i atri cappi. «O Stato o gh’à de corpe, s’aspëtavimo unna presensa ciù fòrte do governo», a l’à dito a Egle Possetti, prescidente do comitato de famigge de vittime. A scindica Silvia Salis a l’à annonçiou che o Commun o ciammià unna refæta «ben ben importante» pe-i danni de patrimònio e d’imagine: «Tutto quello ch’arriesciemo à piggiâ – a l’à dito – o saià dedicou à un programma de cua, manutençion e missa in seguessa da çittæ».

Traduçion italiaña

Ponte Morandi, Salis, alla commemorazione: «Genova chiederà un maxi risarcimento»

A Zena la commemorazione delle 43 vittime del crollo del ponte Morandi a otto anni dalla tragedia, il primo anniversario dopo la sentenza di primo grado con le condanne per Castellucci e gli altri manager. «Lo Stato ha colpe, ci aspettavamo una presenza più forte del governo», ha dichiarato Egle Possetti, presidente del comitato dei familiari delle vittime. La sindaca Silvia Salis ha annunciato che il Comune richiederà un risarcimento «molto importante» per il danno patrimoniale e di immagine: «Tutto ciò che riusciremo a ottenere – ha affermato – sarà destinato a un programma di cura, manutenzione e messa in sicurezza della città».

À Bordighea l’addio a-a Beatrice, a moæ a no l’à posciuo parteçipâ

À Bordighea s’é çelebrou o morteuio da Beatrice, a figgiña de doî anni attrovâ mòrta a-i 9 de frevâ inta cà dond’a stava co-a moæ e e doe seu ciù grende. A moæ Emanuela Aiello, in prexon e indagâ pe mätrattamenti insemme a-o compagno Emanuel Iannuzzi, a no l’à parteçipou: o giudiçe o gh’aiva retiou o permisso doî giorni avanti. Gh’ea solo a famiggia do poæ, o Maurizio Rao, lê ascì detegnuo pe unn’atra raxon. «Beatrice, ti t’ê sentia ascordâ? Ti t’ê attrovâ poia? De seguo scì. Unna grammiçia sensa senso a l’à arrancou via a teu infançia», e poule do vesco de Ventemiggia Antonio Suetta. In sciâ cascia un mâ de scioî gianchi.

Traduçion italiaña

A Bordighera l’addio a Beatrice, la madre non ha potuto partecipare

A Bordighea si sono svolte le esequie di Beatrice, la bambina di due anni trovata morta il 9 febbraio nella casa dove viveva con la madre e le due sorelle maggiori. La madre, Emanuela Aiello, in carcere e indagata per maltrattamenti insieme al compagno Emanuel Iannuzzi, non ha partecipato: il giudice le aveva revocato il permesso due giorni prima. Erano presenti solo i familiari del padre, Maurizio Rao, anche lui detenuto per un altro motivo. «Beatrice, ti sei sentita dimenticata? Hai avuto paura? Certo che sì. Una malvagità ha strappato via la tua infanzia», le parole del vescovo di Ventimiglia Antonio Suetta. Sulla bara un mare di fiori bianchi.

Turiximo, pe mez’agosto tutto pin inte struttue da Liguria

Tutto pin in Liguria pe-a fin de settemaña de mez’agosto. Segondo i dæti arrecuggeiti da-a Region, e struttue turistiche saian occupæ a-o 95%: se passa da-o 98% da provinsa d’Impëia a l’88% de l’äia metropolitaña de Zena. «Sti numei conferman unna vòtta in ciù a fòrte attrattivitæ da Liguria – an commentou o prescidente Bucci e l’assessô Lombardi –. Un exito importante ch’o premia a qualitæ da nòstra offerta. L’intençion, però, a l’é travaggiâ pe destaccâse da-a saxon». Inti primmi çinque meixi do 2026 i arrivi son cresciuti de l’8,09% e e presense de l’8,85% da-o mæximo periodo do 2025.

Traduçion italiaña

Turismo, a Ferragosto tutto esaurito nelle strutture della Liguria

Tutto esaurito in Liguria per il weekend di Ferragosto. Secondo i dati raccolti dalla Regione, le strutture turistiche saranno occupate al 95%: si passa dal 98% della provincia di Imperia all’88% dell’area metropolitana di Genova. «Questi numeri confermano ancora una volta la forte attrattività della Liguria – hanno commentato il presidente Bucci e l’assessore Lombardi –. Un risultato importante che premia la qualità della nostra offerta. L’obiettivo, però, è lavorare per destagionalizzare». Nei primi cinque mesi del 2026 gli arrivi sono aumentati dell’8,09% e le presenze dell’8,85% rispetto allo stesso periodo del 2025.

E notiçie da l’Italia

Attentato a-o Ranucci, o Lavitola o confessa: «Son mi o mandante»

O Valter Lavitola, imprenditô e passou editô accaxonou pe l’attentato a-o giornalista Sigfrido Ranucci, o l’é stæto arrestou e dapeu o l’à confessou: «Son mi o mandante, l’ò fæto pe fâghe dâ ciù guardie». Pe-a Procua o movente o saieiva a voentæ de fâ vegnî o Ranucci ciù avvoxou pe asccianâghe a stradda in politica. A-e domande se lê o fïse à conoscensa do cian o no l’à respòsto. O giornalista, ch’o saià sentio da-i magistrati à settembre, o no l’à fæto nisciun passo inderê e oua o l’é apreuvo à inandiâ a neuva saxon da trasmiscion Report. O viçeprescidente do Conseggio Matteo Salvini o l’aiva domandou a-a Rai de sospende a conlaboraçion.

Traduçion italiaña

Attentato a Ranucci, Lavitola confessa: «Sono io il mandante»

Valter Lavitola, imprenditore ed ex editore accusato l’attentato al giornalista Sigfrido Ranucci, è stato arrestato e in seguito ha confessato: «Sono io il mandante, l’ho fatto per fargli aumentare la scorta». Per l’accusa il movente sarebbe la volontà di rendere Ranucci più famoso per spianargli la strada in politica. Alle domande se lui fosse a conoscenza del piano non ha risposto. Il giornalista, che sarà sentito dai magistrati a settembre, non ha fatto passi indietro e ora si sta preparando per la nuova stagione del programma Report. Il vicepresidente del Consiglio, Matteo Salvini, aveva chiesto alla Rai di sospendere la collaborazione.

Eruçion de l’Etna, emergensa à l’aeropòrto de Catania: çentanæa de xeui scassæ

Emergensa à l’aeropòrto de Catania pe l’eruçion de l’Etna. Da-i 8 d’agosto çentanæa de xeui son stæti scassæ tra partense e arrivi pròpio inta settemaña de mez’agosto, a ciù trafegâ pe-i viægi. Gh’é stæto di asciddi pe miggiæa de turisti e di autisti abuxivi avieivan piggiou fiña 700 euro pe un stramuo da Catania à Palermo, solo 190 chilòmetri. E impreise parlan de un «danno econòmico sensa pægi» pe tutto o territöio. Pe-o ministro da Proteçion çivile Nello Musumeci, passou prescidente da Siçilia, «à Catania o l’é l’aeropòrto feua de pòsto, no o volcan». Za do 1999 l’ea stæto avansou unna propòsta de delocalizzaçion.

Traduçion italiaña

Eruzione dell’Etna, emergenza all’aeroporto di Catania: centinaia di voli cancellati.

Emergenza all’aeroporto di Catania a causa dell’eruzione dell’Etna. Dall’8 agosto centinaia di voli sono stati cancellati tra partenze e arrivi, proprio durante la settimana di Ferragosto, la più trafficata per i viaggi. Disagi per migliaia di turisti e alcuni autisti abusivi avrebbero chiesto 700 euro per un trasferimento da Catania a Palermo, solo 190 chilometri. Le aziende parlano di «danni economici senza precedenti» per tutto il territorio. Per il ministro della Protezione civile Nello Musumeci, ex presidente della Sicilia, «a Catania è l’aeroporto fuori posto, non il vulcano». Già nel 1999 era stata avanzata una proposta di delocalizzazione.

Cado estremmo pe 20 giorni de fia in Italia, o porrieiva vegnî a normalitæ

L’Italia ancon asfixâ da-o cado estremmo a-o manco fin à mez’agosto. Con 20 giorni un derê à l’atro l’ondâ a l’à za marcou o record de l’anno con de temperatue de 7-8 graddi in ciù che a media. Dapeu dovieiva arrivâ de l’äia ciù fresca pe dâ un pittin de resciöo. Intanto o programma europeo Copernicus o l’à açertou che luggio e agosto son stæti i ciù cadi da stöia inte tutta l’Euröpa de Ponente. I esperti dixan che l’antiçiclon african o s’é mesciou ciù à nòrd che into passou e donca e stæ comme sta chì porrieivan vegnî a normalitæ da chì in avanti.

Traduçion italiaña

Caldo estremo per 20 giorni consecutivi in Italia, potrebbe diventare la normalità

L’Italia ancora soffocata dal caldo estremo almeno fino a Ferragosto. Con 20 giorni consecutivi l’ondata ha già segnato il record dell’anno, con temperature di 7-8 gradi superiori alla media. Poi dovrebbe arrivare aria più fresca a dare un po’ di sollievo. Nel frattempo il programma europeo Copernicus ha accertato che luglio e agosto sono stati i mesi più caldi mai registrati in tutta l’Europa occidentale. Gli esperti affermano che l’anticiclone africano si è spostato più a nord rispetto al passato e quindi estati come questa potrebbero diventare la normalità d’ora in poi.

E notiçie da-o mondo

Isræle o refua o cian de paxe pe Gazza, i colonizzatoî blòccan e cæ in Cisgiordania

Isræle o l’à bocciou o cian de paxe in sce Gazza annonçiou da-i Stati Unii e o no l’intende retiâ l’exerçito d’inta Striscia «fintanto che Hamas o no saià desarmou areo». «Pe fin che saiò primmo ministro no ghe saià nisciun Stato palestineise», o l’à dito o Benjamin Netanyahu. Intanto in Cisgiordania i colonizzatoî isrælien an bloccou e cæ di palestineixi à Qusra. Tra e gente scorrie gh’é ascì çinque italien. L’ambasciou american Huckabee o l’à accusou: «De açioin che mettan angoscia, un atto de terroriximo. No gh’é de scuse pe di comportamenti mai tanto violenti».

Traduçion italiaña

Israele respinge il piano di pace per Gaza, i coloni assediano le case in Cisgiordania

Israele ha respinto il piano di pace per Gaza annunciato dagli Stati Uniti e non intende ritirare l’esercito dalla Striscia «finché Hamas non sarà disarmato». «Finché sarò primo ministro non ci sarà alcuno Stato palestinese», ha dichiarato Benjamin Netanyahu. Nel frattempo, in Cisgiordania, i coloni israeliani hanno assediato le case dei palestinesi a Qusra. Tra le persone evacuate ci sono anche cinque italiani. L’ambasciatore statunitense Huckabee ha accusato: «Azioni ripugnanti, un atto di terrorismo. Non ci sono scuse per comportamenti così violenti».

Tæramòtto devastante in Colombia, çentanæa de mòrti sotta o zetto

Un tæramòtto de 7,4 graddi Richter induou pe 4 menuti o l’à corpio a Colombia a-a mattin di 10 d’agosto con fâ deruâ dexeñe de construçioin into nòrd-òvest do Paise. O conto de vittime o s’avvexiña à 300 ma o porrieiva vegnî ancon ciù pesante. Anche un uspiâ con ben ben de figgeu o l’é vegnuo zu. Se scava sensa pösa into zetto pe trovâ de gente ancon vive, ascì che o tempo o l’é sempre ciù pöco. O prescidente Abelardo de la Espriella, tòsto introu in carrega, o l’à dito ch’o l’anià à controllâ i soccorsci de persoña. I Stati Unii daian 15 mioin e mezo de dòllari pe-i aggiutti.

Traduçion italiaña

Terremoto devastante in Colombia, centinaia di morti sotto le macerie

Un terremoto di magnitudo 7,4 della scala Richter, durato 4 minuti, ha colpito la Colombia la mattina del 10 agosto, provocando il crollo di decine di edifici nel nord-ovest del Paese. Il bilancio delle vittime si avvicina a 300, ma potrebbe aggravarsi ulteriormente. Anche un ospedale con molti bambini è crollato. I soccorritori scavano senza sosta tra le macerie alla ricerca di persone ancora vive, anche se il tempo stringe. Il presidente Abelardo de la Espriella, appena insediato, ha dichiarato che seguirà personalmente le operazioni di soccorso. Gli Stati Uniti forniranno 15 milioni e mezzo di dollari per gli aiuti.

Monta a tenscion pe-i migranti in Euröpa, ma i arrivi son chinæ do 37%

Erta tenscion à Ceuta pe un poscibile neuvo arrivo de migranti a-i 15 d’agosto. Va avanti a rattella con l’Italia ch’a l’à deçiso de sospende Schengen pe fin che «ghe saià di reiseghi»: a Spagna de repicco a l’à misso torna i contròlli a-e frontee. Anche a primma ministra daneise, a soçialista Frederiksen, insemme a-a Meloni a ciamma di çentri de rimpatrio inte di atri Paixi. A Germania a l’é in trattativa pe mettine sciù un in Uganda. I dæti però dixan che e intræ inregolare in Euröpa son chinæ do 37% inti primmi sette meixi do 2026 in sciô mæximo periodo de l’anno passou.

Traduçion italiaña

Cresce la tensione per i migranti in Europa, ma gli arrivi sono diminuiti del 37%

Alta tensione a Ceuta per un possibile nuovo arrivo di migranti il ​​15 agosto. Continua la disputa con l’Italia che ha deciso di sospendere Schengen finché «ci saranno rischi»: la Spagna, per ritorsione, ha ripristinato i controlli alle frontiere. Anche la prima ministra danese, la socialista Frederiksen, insieme a Meloni chiede la creazione di centri di rimpatrio in altri Paesi. La Germania è in trattativa per istituirne uno in Uganda. I dati, tuttavia, indicano che i flussi di entrate irregolari in Europa si sono ridotti del 37% nei primi sette mesi del 2026 rispetto allo stesso periodo dell’anno precedente.