O Zinâ

Ediçion

E notiçie da-a Liguria

Ex Ilva, i louanti blòccan Zena: «A fabrica a reisega de serrâ»

I louanti de l’ex Ilva de Zena an bloccou a çittæ pe doî giorni dòppo a rottua de trattative tra scindacati e governo in sciô cian ch’o portieiva à affermâ a produçion inti stabilimenti do Nòrd Italia. A-i 19 de novembre an inandiou un corteo co-i mezzi da fabrica e son stæti in blòcco permanente inte l’incroxo davanti a-a staçion de Corniggen. «In zeugo gh’é mille pòsti de travaggio à Zena – an dito –. A fabrica a reisega de serrâ e noiatri no ô voemmo». A-o prescidio s’é presentou o governatô Marco Bucci e a scindica Silvia Salis, ch’an garantio o mascimo impegno de instituçioin. In sciâ fin, a-i 20 de novembre l’é stæto ciammou un incontro à Romma in scî stabilimenti do Nòrd e o blòcco o l’é stæto levou.

Traduçion italiaña

Ex Ilva, gli operai bloccano Genova: «La fabbrica rischia di chiudere»

I lavoratori dell’ex Ilva di Zena hanno bloccato la città per due giorni dopo la rottura delle trattative tra sindacati e governo sul piano che porterebbe a fermare la produzione negli stabilimenti del Nord Italia. Il 19 novembre hanno organizzato un corteo con i mezzi della fabbrica e hanno posto un blocco permanente all’incrocio davanti alla stazione di Cornigliano. «Ci sono mille posti di lavoro a rischio a Genova – hanno detto –. La fabbrica rischia di chiudere e noi non lo vogliamo». Al presidio si sono presentati il governatore Marco Bucci e la sindaca Silvia Salis, che hanno garantito il massimo impegno delle istituzioni. Alla fine, il 20 novembre è stata convocato un incontro a Roma sugli stabilimenti del Nord e il blocco è stato sciolto.

Ægua e tromba de mâ, danni e poia into Ponente de Zena

O tempo grammo o l’à misso in zenoggio o Ponente de Zena a-i 15 de novembre, tanto che gh’ea unn’allerta giana. Ciù de 200 millimetri d’ægua an impio i riæ e quello de Feggin o l’é anæto de sorva. Allagamenti inte tutta a Ponçeivia. À Pegi un miagion o l’é vegnuo zu in stradda Nicchioso da Recco: pe fortuña de sotto gh’ea solo de machine parchezzæ. Unn’atra miagia a l’é deruâ à Marasci. Ma i ciù tanti danni î à fæti unna tromba de mâ ch’a l’à piccou in sciô Ponente de doppodisnâ. Torna à Pegi erboi abbattui, veddri rotti, un camio inversou in sce l’Aurelia. A Pra’ o vento o l’à tiou sciù di container che son finii into parco da Fascia de respetto.

Traduçion italiaña

Pioggia e tromba marina, danni e paura nel Ponente di Genova

Il maltempo ha messo in ginocchio il Ponente di Genova il 15 novembre, mentre era in vigore l’allerta gialla. Oltre 200 millimetri d’acqua hanno riempito i corsi d’acqua e il rio Fegino è esondato. Allagamenti in tutta la Valpolcevera. A Pegli un muraglione è crollato in via Nicoloso da Recco: fortunatamente c’erano solo auto parcheggiate sotto. Un altro muro è crollato a Marassi. Ma i danni maggiori sono stati causati da una tromba marina che si è abbattuta sul Ponente nel pomeriggio. Ancora a Pegli alberi caduti, vetri rotti, un camion ribaltato sull’Aurelia. A Pra’ il vento ha sollevato alcuni container che sono finiti nel parco della Fascia di rispetto.

Òmmo arrestou con miggiæa d’imagine de pedopornografia

Un òmmo de 64 anni, rescidente à Zena into quartê de Marasci, o l’é stæto arrestou pe detençion e diffuxon de materiale pedopornografico. I investigatoî ghe son arrivæ in casa tanto ch’o spantegava di video de figgeu pe mezo de unna ræ peer-to-peer. Inti seu dispoxitivi gh’an trovou miggiæa d’imagine de contegnui sessuali con di minoî. L’òmmo o l’é stæto portou inta prexon à Marasci, deçixon ch’a l’à caxonou a reaçion di scindacati di penitençiäi perché pe sta meña de crimini ghe saieiva l’isoamento à Pontedeximo. L’arresto o l’intra inte unn’investigaçion ciù larga da poliçia postale.

Traduçion italiaña

Arrestato un uomo con migliaia di immagini pedopornografici

Un uomo di 64 anni, residente a Genova nel quartiere di Marassi, è stato arrestato per detenzione e diffusione di materiale pedopornografico. Gli investigatori lo hanno raggiunto presso la sua abitazione mentre diffondeva video di bambini tramite una rete peer-to-peer. Sui suoi dispositivi sono state trovate migliaia di immagini a contenuto sessuale che ritraevano minori. L’uomo è stato condotto nel carcere di Marassi, decisione che ha suscitato la reazione dei sindacati penitenziari, poiché per questo tipo di reati sarebbe previsto l’isolamento a Pontedecimo. L’arresto rientra in una più ampia indagine della polizia postale.

E notiçie da l’Italia

Scontro tra Quirinale e Fratelli d’Italia, a Meloni a l’incontra o Mattarella

Scontro instituçionale tra a prescidensa da Repubrica e Fratelli d’Italia, primmo partio da maggioransa. Secondo un articolo pubricou da La Verità, un conseggê do Quirinale o vorrieiva impedî a-a Meloni de candidâse torna do 2027. O cappogruppo de Fratelli d’Italia a-a Camia o domanda de dî o conträio e a replica a l’arriva inte unna nòtta: «Mäveggia pe-a deciaraçion ch’a pâ dâ a mente à l’enneximo attacco a-a prescidensa da Repubrica misso sciù finindo into fâ rie». Oppoxiçioin à l’attacco. Dapeu l’incontro Meloni-Mattarella a-o Quirinale, ma a tenscion a l’arresta. Pe Palaçio Chigi a scintonia «a no l’é mai mancâ». «Costion serrâ, stimma pe-o Mattarella», a poxiçion de Fratelli d’Italia. Nisciun commento in ciù da-a prescidensa da Repubrica.

Traduçion italiaña

Scontro tra Quirinale e Fratelli d’Italia, Meloni incontra Mattarella

Scontro istituzionale tra la presidenza della Repubblica e Fratelli d’Italia, primo partito di maggioranza. Secondo un articolo pubblicato da La Verità, un consigliere del Quirinale vorrebbe impedire a Meloni di ricandidarsi nel 2027. Il capogruppo di Fratelli d’Italia alla Camera chiede di dire il contrario e la replica arriva con una nota: «Stupore per la dichiarazione che sembra dare credito all’ennesimo attacco alla presidenza della Repubblica costruito sconfinando nel ridicolo». Attaccano le opposizioni. Poi l’incontro Meloni-Mattarella al Quirinale, ma la tensione resta. Per Palazzo Chigi la sintonia «non è mai venuta meno». «Caso chiuso, stima per Mattarella», la posizione di Fratelli d’Italia. Nessun commento ulteriore dalla presidenza della Repubblica.

Neuvo caxo in sciô garante da privacy, o segretäio generale o dà e dimiscioin

Unn’atra boriaña in sciô garante da privacy. A trasmiscion Report a l’à portou a-a luxe un neuvo papê into quæ o segretäio generale Angelo Fanizza o domandava a-o dirigente do departimento informatico de tiâ feua di dæti, tra i quæ i messaggi di pòsta elettrònica, pe descrovî o responsabile da fuga de notiçie da settemaña passâ. A domanda a l’é di 4 de novembre, doî giorni dòppo a primma pontâ de l’investigaçion giornalistica. Pe paradòsso, unna violaçion da privacy pròprio inte l’Autoritæ ch’a dovieiva avvardâla. O Fanizza o l’à dæto e dimiscioin. O collegio o s’é deciarou do tutto a-o de feua de sto caxo.

Traduçion italiaña

Nuovo caso sul garante della privacy, si dimette il segretario generale

Un’altra bufera sul garante della privacy. La trasmissione Report ha portato alla luce un nuovo documento in cui il segretario generale Angelo Fanizza chiedeva al capo del dipartimento informatico di estrarre dati, compresi messaggi vocali, per scoprire il responsabile della fuga di notizie della scorsa settimana. La richiesta è del 4 novembre, due giorni dopo la prima puntata dell’inchiesta giornalistica. Paradossalmente, una violazione della privacy proprio nell’Autorità che dovrebbe tutelarla. Fanizza si è dimesso. Il collegio si è dichiarato completamente estraneo a questo caso.

E binelle Kessler mòrte insemme in Germania co-o suiçidio ascistio

E binelle Ellen e Alice Kessler son stæte attrovæ mòrte a-i 17 de novembre à Grünwald, vexin à Monego de Baviera, donde stavan uña d’arente à l’atra. An çernuo de moî insemme d’89 anni, co-o suiçidio ascistio, unna promissa che s’aivan fæto da longo tempo. E doe seu ean in contatto con unn’organizzaçion todesca ch’a gh’à dæto unna man. Co-e seu gambe longhe e a seu elegansa an fæto a stoia da televixon in Italia, donde ean arrivæ do 1961 da-a Germania de l’Est. An dæto dispoxiçioin che e çenie seggian conservæ inta mæxima cascetta, insemme con quelle da moæ e do can Yello.

Traduçion italiaña

Le gemelle Kessler morte insieme in Germania con il suicidio assistito

Le sorelle gemelle Ellen e Alice Kessler sono state trovate morte il 17 novembre a Grünwald, vicino a Monaco di Baviera, dove vivevano una accanto all’altra. Hanno scelto di morire insieme all’età di 89 anni, con il suicidio assistito, una promessa che si erano fatte da tempo. Le due sorelle erano in contatto con un’organizzazione tedesca che le ha aiutate. Con le loro lunghe gambe e la loro eleganza hanno fatto la storia della televisione in Italia, dove erano arrivate nel 1961 dalla Germania Est. Hanno disposto che le ceneri fossero conservate nella stessa urna, insieme a quelle della madre e del cane Yello.

E notiçie da-o mondo

Da-o Trump l’ultimatum à l’Ucraina: «Açettæ o cian ò ve taggemmo e arme»

O Trump o l’à dæto un ultimatum à l’Ucraina, commandandoghe d’açettâ o cian american pe-i 27 de novembre, Giorno do Ringraçiamento inti Stati Unii, sedonca o s’affermià a fornitua d’arme e intelligence. «Semmo inte un di momenti ciù diffiçili da nòstra stoia. L’Ucraina a l’é davanti à unna croxea: perde a dignitæ ò un amigo fondamentale», o l’à dito o prescidente Zelensky. O cian de 28 ponti o prevedde de lasciâ a Ruscia tutto o Donbass, anche quello ch’o no l’é controllou da Mosca, in cangio de garançie de seguessa americañe. O Putin: «O peu servî comme base pe mette fin a-a guæra». I europëi travaggian pe unna contropropòsta con de condiçioin ciù boñe pe Kiev.

Traduçion italiaña

Dall’ultimatum di Trump all’Ucraina: «Accettate il piano o vi tagliamo le armi»

Trump ha lanciato un ultimatum all’Ucraina, ordinandole di accettare il piano americano entro il 27 novembre, giorno del Ringraziamento negli Stati Uniti, altrimenti interromperà la fornitura di armi e intelligence. «Siamo in uno dei momenti più difficili della nostra storia. L’Ucraina si trova di fronte a un bivio: perdere la dignità o un alleato fondamentale», ha detto il presidente Zelensky. Il piano in 28 punti prevede di cedere alla Russia tutto il Donbass, anche quello non controllato da Mosca, in cambio di garanzie di sicurezza americane. Putin: «Può servire come base per porre fine alla guerra». Gli europei stanno lavorando a una controproposta con condizioni più favorevoli per Kiev.

Caxo Epstein inti Stati Unii, o Trump o fa levâ o segretto in scî papê

O prescidente american Donald Trump o cangia d’idea in sciô caxo Epstein e o l’invita i repubrichen à votâ pe levâ o segretto d’in sci papê: «No gh’ò ninte da asconde, a l’é l’oa de ciantâla lì con sta miccia di democratichi». O Congresso o l’à approvou à lezze pe spantegâ tutti i file da lì à 30 giorni. O Larry Summer, segretäio do Tesöo american e professô à Harvard, o l’à annonçiou o retio da tutti i impegni pubrichi dòppo a pubricaçion de neuvi papê in scî ligammi co-o Epstein: «Me vergheugno», o l’à dito. Intanto gh’é stæto o primmo incontro de persoña tra o Trump e o neuvo scindico de Neuva York Mamdani dòppo e menasse de mandâ l’exerçito in çittæ e taggiâghe di finançiamenti.

Traduçion italiaña

Caso Epstein negli Stati Uniti, Trump fa desecretare i documenti

Il presidente americano Donald Trump cambia idea sul caso Epstein e sollecita i repubblicani a votare per abolire il segreto sui documenti: «Non ho nulla da nascondere, è ora di voltare pagina con questa bufala dei democratici». Il Congresso ha approvato la legge per divulgare tutti i file entro 30 giorni. Larry Summer, segretario del Tesoro degli Stati Uniti e professore ad Harvard, ha annunciato il ritiro da tutti gli impegni pubblici in seguito alla pubblicazione di nuovi documenti sui legami con Epstein: «Mi vergogno», ha detto. Nel frattempo, è avvenuto il primo incontro di persona tra Trump e il nuovo sindaco di New York Mamdani, dopo le minacce di inviare l’esercito in città e di tagliargli i finanziamenti.

Alluvion stòrica into Vietnam: 52 mòrti, 70mia scorrii d’in casa

Unn’alluvion stòrica a l’à corpio o Vietnam de mezo tra i 16 e i 20 de novembre con 52 vittime tra mòrti e despersci e danni stimmæ pe 100 mioin de dòllari. Se conta 68mia abitaçioin fine sott’ægua e 70mia persoñe scorrie d’in casa. Danni gròsci pe l’agricoltua, con 15mia ettari destruti de riso e atre ciante e miggiæa de bestie mòrte. O governo o l’à mobilitou i militari e a proteçion çivile pe-i soccorsci e a distribuçion do materiale de primma neçescitæ. Inti giorni che vëgne a menassa de neuve inondaçion a l’arresta erta.

Traduçion italiaña

Alluvione storica in Vietnam: 52 morti, 70mila sfollati

Un’alluvione storica ha colpito il Vietnam centrale tra il 16 e il 20 novembre, con 52 vittime tra morti e dispersi e danni stimati in 100 milioni di dollari. Si contano 68mila abitazioni sommerse dall’acqua e 70mila persone evacuate dalle loro case. Ingenti danni all’agricoltura, con 15 milioni di ettari di riso e altre piante distrutti e migliaia di capi di bestiame morti. Il governo ha mobilitato l’esercito e la protezione civile per i soccorsi e la distribuzione di beni di prima necessità. Nei prossimi giorni il rischio di nuove inondazioni rimane elevato.