O Zinâ

Ediçion

E notiçie da-a Liguria

Senti a verscion registrâ:

Sciòpero generale, a Greta Thunberg à Zena: «Sei stæti unna lanterna»

Anche a Greta Thunberg in ciassa à Zena a-i 28 de novembre pe-o sciòpero generale proclammou da l’Usb contra a «maneuvra de guæra» do governo Meloni e torna pe «fermâ o genoçidio do popòlo palestineise». «Graçie Zena, graçie pe ëse stæta unna lanterna – a l’à dito primma d’anâ in corteo –. Quand’ea in sciâ Flotilla e ò visto o sciòpero di camalli ò cento ben ben, perché o m’à mostrou che l’é arrestou un senso d’umanitæ». Tra i presenti anche a Francesca Albanese, relatoa speçiale de Naçioin Unie, e l’attivista braxilian Thiago Avila. A manifestaçion con 5mia persoñe pöcassæ a l’é passâ pe tutto o çentro da çittæ fin à l’intrâ do pòrto in San Benigno, un pòsto scimbolo da lòtta do Calp contra o trafego de arme.

Traduçion italiaña

Sciopero generale, Greta Thunberg a Genova: «Siete stati un faro»

Anche Greta Thunberg in piazza a Genova il 28 novembre per lo sciopero generale proclamato dall’Usb contro la «manovra di guerra» del governo Meloni e ancora per «fermare il genocidio del popolo palestinese». «Grazie Genova, grazie per essere stata un faro – ha detto prima di andare al corteo –. Quando ero sulla Flotilla e ho visto lo sciopero dei portuali ho pianto molto, perché mi ha mostrato che c’è ancora un senso di umanità». Tra i presenti anche la relatrice speciale dell’Onu Francesca Albanese e l’attivista brasiliano Thiago Avila. La manifestazione con circa 5mila persone ha attraversato tutto il centro città fino ai varchi portuali di San Benigno, luogo simbolo della lotta del Calp contro il traffico di armi.

Amt, a Ilaria Gavuglio liçensiâ. Amiu, dimiscioin do conseggio d’amministraçion

E soçietæ parteçipæ do Commun de Zena son delongo into ravaxo. A Ilaria Gavuglio, passâ prescidente de l’Amt, a l’é stæta liçençiâ dòppo a proçedua de discipriña averta da-o prescidente Berruti. Oua a l’é apreuvo a raxonâ co-i seu avvocati se presentâ un recorso. Intanto o viçescindico Terrile o l’à incontrou o cappo da Procua de Zena. A-i 28 de novembre l’udiensa in tribunâ in sciâ compoxiçion negoçiâ da crixi. «Emmo reçevuo un pai poxitivo», an dito i esperti incarregæ da l’açienda. Neuvo tæramòtto inte l’Amiu, donde o conseggio d’amministraçion o l’à dæto e dimiscioin in blòcco. A scindica Salis a l’à parlou de «renovamento de l’açion amministrativa», ma l’ea ben ben che se parlava de tenscioin tra i cappi.

Traduçion italiaña

Amt, licenziata Ilaria Gavuglio. Amiu, dimissioni del consiglio di amministrazione

Le aziende partecipate del Comune di Genova sono ancora nel caos. Ilaria Gavuglio, ex presidente di Amt, è stata licenziata dopo il procedimento disciplinare aperto dal presidente Berruti. Ora sta valutando con i suoi legali se presentare ricorso. Nel frattempo, il vicesindaco Terrile ha incontrato il capo della Procura di Genova. Il 28 novembre l’udienza in tribunale sulla composizione negoziata della crisi: «Abbiamo ricevuto un parere positivo», hanno dichiarato gli esperti incaricati dall’azienda. Nuovo terremoto in Amiu, dove il consiglio di amministrazione si è dimesso in blocco. La sindaca Salis ha parlato di «rinnovo dell’azione amministrativa», ma da molto tempo si parlava di tensioni tra i vertici.

Monteuggio, dònna feria con sëi cotellæ da-o passou compagno

Unna dònna de 75 anni a l’é stæta feria con sëi cotellæ da-o passou compagno de 67 anni à Monteuggio, inte l’entrotæra de Zena. I fæti son di 22 de novembre. L’òmmo o l’ea in casa da scignoa quande l’é scciuppou unna rattella violenta verso l’oa de disnâ. Lê a no reisega de moî, l’aggressô o l’é scappou ma o l’é stæto acciappou a neutte apreuvo. I carabinê l’an trovou inte unna casuppa vexin à Montemöo con un prinçipio d’ipotermia. Stæto arrestou e portou à l’uspiâ, o dovià responde de tentativo d’ammassamento.

Traduçion italiaña

Una donna di 75 anni è stata ferita con sei coltellate dall’ex compagno di 67 anni a Montoggio, nell’entroterra di Genova. I fatti risalgono al 22 novembre. L’uomo si trovava in casa della signora quando è scoppiata una violenta lite intorno all’ora di pranzo. La donna non rischia di morire, l’aggressore è fuggito ma è stato catturato la notte successiva. I carabinieri lo hanno trovato in un casolare nei pressi di Montemoro con un principio di ipotermia. Arrestato e trasportato in ospedale, dovrà rispondere di tentato omicidio.

E notiçie da l’Italia

Senti a verscion registrâ:

Eleçion regionale, affluensa a-o minimo stòrico. A Meloni a veu cangiâ a lezze

O campo progrescista o l’à guägno e eleçioin regionale in Campania e Pulia, o çentro-drita in Veneto. Ma quello che sata a-i euggi, ancon unna vòtta, o l’é o dæto de l’affluensa, ch’a no l’é arrivâ a-o 42% in Pulia. Oua a prescidente Giorgia Meloni a l’ammia a-o referendum in sciâ giustiçia e a pensa de cangiâ a lezze elettorale. Inta giornâ contra a violensa in scê dònne a maggioransa a l’à frenou a lezze in sciô consenso sessuale, domandando di approfondimenti. Fratelli d’Italia o l’invita a segretäia do Pd Elly Schlein a-a festa de Atreju, lê a l’à dito de scì ma solo inte un confronto co-a Meloni, che però a veu allargâlo a-o Giuseppe Conte. «A veitæ a l’é ch’a scappa ancon», a respòsta de l’avversäia.

Traduçion italiaña

Elezioni regionali, affluenza ai minimi storici. Meloni vuole cambiare la legge

Il campo progressista ha vinto le elezioni regionali in Campania e Puglia, il centrodestra in Veneto. Ma a balzare all’occhio, ancora una volta, sono i dati sull’affluenza, che non ha raggiunto il 42% in Puglia. Ora la presidente Giorgia Meloni punta al referendum sulla giustizia e valuta la possibilità di modificare la legge elettorale. Nella giornata contro la violenza sulle donne la maggioranza ha bocciato la legge sul consenso sessuale, chiedendo approfondimenti. Fratelli d’Italia invita la segretaria del Pd Elly Schlein alla festa di Atreju, lei ha detto sì ma solo in un confronto con Meloni, che però vuole allargarlo a Giuseppe Conte. «La verità è che continua a scappare», la replica dell’avversaria.

O caxo da «famiggia into bòsco», giudiçi di minoî sotta attacco

In Italia scceuppa o caxo da «famiggia into bòsco», unna cobia ingleise-australiaña in provinsa de Chieti a-a quæ o Tribunâ di minoî o l’à levou pe-o momento i figgi con mandâli inte unna communitæ. A deçixon a l’é stæta piggiâ in base à unna relaçion di serviçi soçiali ch’avvertivan do «grave reisego d’emerginaçion» pe-i figgeu che «no van a-a scheua». O ministëio da Giustiçia o s’é mesciou pe controllâ che no ghe fïse de violaçioin. O viçeprescidente do Conseggio Matteo Salvini o s’é misso da-a parte da famiggia. Offeise e menasse pe-a prescidente do Tribunâ di minoî. L’avvocato di genitoî o l’à renonçiou à l’incarrego dòppo che i doî an refuou unna casa de badda da-a vexin. A dònna a l’ea za scappâ à Bològna che l’é un anno pe no fâse trovâ da-i ascistenti soçiali.

Traduçion italiaña

Il caso della «famiglia nel bosco», giudici dei minori sotto attacco

In Italia scoppia il caso della «famiglia nel bosco», una coppia anglo-australiana della provincia di Chieti a cui il Tribunale per i minorenni ha sottratto temporaneamente i figli, affidandoli a una comunità. La decisione è stata presa in seguito a una relazione dei servizi sociali che segnalava il «grave rischio di emersione» per i bambini che «non vanno a scuola». Il ministero della Giustizia si è mosso per verificare che non vi fossero violazioni. Il vicepresidente del Consiglio Matteo Salvini si è schierato dalla parte della famiglia. Offese e minacce al presidente del Tribunale per i minorenni. L’avvocato dei genitori ha rinunciato all’incarico dopo che i due hanno rifiutato una casa gratis nelle vicinanze. La donna era già fuggita a Bologna un anno fa per evitare di essere rintracciata dagli assistenti sociali.

Addio a-a Ornella Vanoni, 9mia persoñe à dâghe l’urtimo saluo

A muxica italiaña a l’é in desmuo. A l’é mòrta inta seiaña di 21 de novembre a cantante Ornella Vanoni. A l’aiva 91 anni, gh’é vegnuo un patî. Fin à l’urtimo a l’é stæta unna protagonista da scena, anche co-a parteçipaçion a-i programmi televixivi. «L’Italia a perde uña de seu artiste ciù originale e fin», o commento do ministro da Coltua Giuli. Pe-o seu morteuio a l’aiva domandou che sunnesse o Paolo Fresu. Pe regordâla l’é arrivou tantiscime persoñe, 9mia inte doî giorni: colleghi, amixi, ma anche politichi comme o scindico de Milan e gente quæsesegge.

Traduçion italiaña

Addio a Ornella Vanoni, 9mila persone per darle l’ultimo saluto

La musica italiana è in lutto. È morta nella serata del 21 novembre la cantante Ornella Vanoni. Aveva 91 anni, è stata colpita da malore. Fino all’ultimo era stata una protagonista della scena, partecipando anche a programmi televisivi. «L’Italia perde una delle sue artiste più originali e raffinate», commenta il ministro della Cultura Giuli. Per il suo funerale aveva chiesto che suonasse Paolo Fresu. Per ricordarla sono accorse tantissime persone, 9mila in due giorni: colleghi, amici, ma anche politici come il sindaco di Milano e gente comune.

E notiçie da-o mondo

Senti a verscion registrâ:

Guæra in Ucraina, pasci avanti pe-a paxe ma o Putin o no mòlla o Donbass

Neuvi pasci avanti pe-a paxe in Ucraina. L’Euröpa a l’aiva presentou unna contropropòsta a-o cian di Stati Unii, dapeu Kiev a l’à approvou un neuvo papê vegnuo feua da-i incontri co-a delegaçion americaña. O Trump o l’à dæto ciù tempo pe-e trattative e o l’à tramandou de unna settemaña o limite fissou primma a-i 28 de novembre. Mosca a l’à averto a-e negoçiaçioin: «Gh’é un proçesso serio pe trovâ unna soluçion, ma tanti çerchian de fâlo fallî», o l’à dito o portavoxe do Cremlin Peskov. Ma a poxiçion, a tutte e mainee, a no cangia: scì a-a tregua solo se l’Ucraina a renonçia a-o Donbass in ciù che a Crimea. E o Putin o tëgne ancon pe un «laddroniçio» a confisca di ben rusci in Euröpa.

Traduçion italiaña

Guerra in Ucraina, passi avanti per la pace ma Putin non cede sul Donbass

Nuovi passi avanti per la pace in Ucraina. L’Europa aveva presentato una controproposta al piano statunitense, poi Kiev ha approvato un nuovo documento emerso dagli incontri con la delegazione americana. Trump ha concesso più tempo per i negoziati e ha posticipato di una settimana la scadenza precedentemente fissata al 28 novembre. Mosca ha aperto ai negoziati: «C’è un serio processo per trovare una soluzione, ma molti cercheranno di ostacolarlo», ha detto il portavoce del Cremlino Peskov. Ma la posizione, comunque, non cambia: sì alla tregua solo se l’Ucraina cederà il Donbass oltre alla Crimea. E Putin continua a considerare la confisca dei beni russi in Europa un «furto».

Stati Unii, spari vexin a-a Casa Gianca: ferii doî sordatti da Guarda Naçionale

Doî sordatti da Guardia Naçionale de 20 e 24 anni son stæti corpii da di spari vexin a-a Casa Gianca, à Washington, inti Stati Unii. L’Fbi a l’à reportou che son inte unna condiçion critica. Un video o mostrieiva che gh’é stæto unn’imboscadda. Un’òmmo tegnuo pe-o responsabile o l’é stæto arrestou: o se ciamma Rahmanullah Lakanwal, de 29 anni, de l’Afganistan, passou conlaboratô da Cia. «A bestia ch’a gh’à tiou a l’é gravemente feria, ma con tutto a paghià un prexo ertiscimo», o l’à dito in sce Truth o prescidente Trump ch’o l’à dispòsto atri 500 militari inta capitale.

Traduçion italiaña

Stati Uniti, sparatoria vicino alla Casa Bianca: feriti due soldati della Guardia Nazionale

Due soldati della Guardia Nazionale di 20 e 24 anni sono stati colpiti da spari vicino alla Casa Bianca, a Washington, negli Stati Uniti. L’Fbi ha riferito che le loro condizioni sono critiche. Un video mostrerebbe un’imboscata. Un uomo ritenuto responsabile è stato arrestato: si chiama Rahmanullah Lakanwal, 29 anni, afgano, ex dipendente della Cia. «L’animale che gli ha sparato è gravemente ferito, ma pagherà comunque un prezzo molto alto», ha detto su Truth il presidente Trump che ha schierato altri 500 militari nella capitale.

Hong Kong, inçendio inti grattaçê: a-o manco 128 mòrti e 200 despersci

Un inferno de feugo o s’é descadenou à Hong Kong, in Ciña, inti grattaçê de un complesso de rescidense inta zöna nòrd da çittæ. L’inçendio o l’à caxonou a-o manco 128 mòrti (tra i quæ di soccorritoî ascì), 200 despersci e un çentanâ de ferii. I rescidenti an denonçiou che i allarmi no son partii e coscì de gente son arrestæ imprexonæ. Pe asmortâ o feugo, che fòscia o s’é spantegou graçie a-i pannelli de fasciatua de scciumma, gh’é vosciuo 40 oe. E autoritæ an arrestou 15 persoñe tra i quæ i bacchen de impreise de construçioin.

Traduçion italiaña

Hong Kong, incendio nei grattacieli: almeno 128 morti e 200 dispersi

Un inferno di fuoco è scoppiato a Hong Kong, in Cina, nei grattacieli di un complesso residenziale nella zona nord della città. L’incendio ha causato almeno 128 morti (tra cui anche soccorritori), 200 dispersi e un centinaio di feriti. I residenti hanno denunciato che gli allarmi non sono scattati e che per questo le persone sono rimaste intrappolate. Lo spegnimento dell’incendio, che si è probabilmente propagato grazie ai pannelli di schiuma isolante, ha richiesto 40 ore. Le autorità hanno arrestato 15 persone, tra cui i titolari di imprese edili.