O Zinâ

Ediçion

E notiçie da-a Liguria

O Tar o sospende l’ordinansa anti-furgai do Commun de Zena

O Commun de Zena o l’à fæto unn’ordinansa ch’a proibisce d’addeuviâ i mascoli e i furgai inte tutto o tempo de feste, inti sciti privæ ascì comme barcoin, terrassin e giardin. Coscì saieiva permisso solo i spettacoli di profescionisti. Ma a-i 24 de dexembre o Tar o l’à sospeiso o provedimento apreuvo a-o recorso presentou da træ açiende do settô pirotecnico ch’aivan poia de no vende ciù i seu produti. A deçixon da zonta Salis a l’ea stæta giustificâ co-o reisego d’açidenti, o respetto pe-e bestie e i figgeu, a povie inte l’äia. O recorso o saià trattou inte l’udiensa di 9 de zenâ, intanto Palaçio Tursci o l’à annonçiou unna neuva ordinansa.

Traduçion italiaña

Il Tar sospende l’ordinanza anti botti del Comune di Zena

Il Comune di Zena ha emanato un’ordinanza che vieta l’uso di fuochi d’artificio e botti durante tutte le feste, anche in luoghi privati ​​come finestre, balconi e giardini. Quindi sarebbero consentiti solo spettacoli professionali. Ma il 24 dicembre il Tar ha sospeso il provvedimento a seguito del ricorso presentato da tre aziende del settore pirotecnico che temevano di non vendere più i loro prodotti. La decisione della giunta Salis è stata giustificata con il rischio di incidenti, il rispetto per animali e bambini, la polvere da sparo nell’aria. Il ricorso sarà discusso nell’udienza del 9 gennaio, nel frattempo Palazzo Tursi ha annunciato una nuova ordinanza.

Sanitæ in Liguria, o Bucci o nòmina i direttoî generali de neuve açiende

A Region Liguria a l’à nominou i direttoî generali de neuve açiende sanitäie apreuvo a-a reforma vosciua da-o prescidente Marco Bucci. A Monica Calamai a saià o cappo de l’Açienda metropolitaña di uspiæ zeneixi, o Marco Damonte Prioli o guiddià l’Ats ch’a tegnià insemme tutte çinque e Asl che gh’é oua. «Un passo determinante pe dâ forma à un obiettivo ch’aivimo promisso a-i liguri: offrî unna sanitæ ciù boña – o l’à deciarou o Bucci –. Emmo consegnou st’incarrego à de persoñe intrante». Da-o 1° de zenâ comensa a fase de tranxiçion ch’a l’anià avanti pe un anno pöcassæ.

Traduçion italiaña

Sanità in Liguria, Bucci nomina i direttori generali delle nuove aziende

La Regione Liguria ha nominato i direttori generali delle nuove aziende sanitarie a seguito della riforma voluta dal presidente Marco Bucci. Monica Calamai sarà a capo dell’Azienda metropolitana degli ospedali genovesi, Marco Damonte Prioli guiderà l’Ats che riunirà tutte e cinque le Asl attuali. «Un passo decisivo per dare forma a un obiettivo che avevamo promesso ai liguri: offrire una sanità migliore – ha dichiarato Bucci –. Abbiamo affidato questo compito a persone capaci». Dal 1° gennaio inizia la fase di transizione che durerà circa un anno.

L’òmmo ciù ançian da Liguria o l’à fæto 110 anni

A-i 23 de dexembre o Michele Gai, l’òmmo ciù ançian da Liguria e o segondo in Italia, o l’à compio 110 anni. Nasciuo à Turin do 1915, o l’é stæto un tabaccante e buttegâ de röba da mangiâ. Ancheu o vive inte un retio a-o Castello de Dian, dond’o l’à vosciuo anâ in piña libertæ pe sentîse ciù seguo. «O l’à avuo unna vitta piña, pe desgraçia sensa figgi a-i quæ passâ o seu Dna da mäveggia», a l’à contou a seu pronessa. O passa e giornæ zugando a-e carte e o leze tantiscimo. Fin à 104 anni o l’à guiddou a machina, dapeu o l’à dovuo ciantâ lì pe-e mesue ligæ a-o Covid.

Traduçion italiaña

L’uomo più anziano della Liguria ha compiuto 110 anni

Il 23 dicembre Michele Gai, l’uomo più anziano della Liguria e il secondo in Italia, ha compiuto 110 anni. Nato a Torino nel 1915, ha fatto il tabaccaio e il commerciante di generi alimentari. Oggi vive in una casa di riposo a Diano Castello, dove si è voluto trasferire in piena libertà per sentirsi più al sicuro. «Ha avuto una vita piena, purtroppo senza figli a cui trasmettere il suo prodigioso Dna», ha raccontato la sua pronipote. Passa le giornate giocando a carte e leggendo molto. Fino all’età di 104 anni ha guidato l’auto, poi ha dovuto smettere a causa delle misure legate al Covid.

E notiçie da l’Italia

Primmo scì a-a maneuvra, e mesue arrivan à 22 miliardi

Primmo scì a-a maneuvra finançiäia do governo Meloni co-a votaçion de confiansa a-o Senato. Dòppo i urtimi cangiamenti e mesue arrivan à 22 miliardi d’euro. «Emmo fæto de cöse che paivan imposcibile», o commento do ministro de l’Economia Giorgetti. L’urtima polemica a l’ea stæta in sce unna nòrma ch’a l’avieiva reduto e proteçioin pe-i louanti pagæ tròppo pöco, contra a Constituçion segondo e oppoxiçioin, ma in sciâ fin a l’é stæta scassâ. Pe-a segretäia do Pd Elly Schlein «a pezo maneuvra di urtimi anni». «O 2025 o l’é stæto un anno duo, o 2026 o porrieiva ëse pezo, pösæve inte feste», a l’à dito a prescidente do Conseggio con fâ i ögui a-i dependenti de palaçio Chigi.

Traduçion italiaña

Prima andiamo alla manovra, le misure arrivano a 22 miliardi

Primo sì alla manovra finanziaria del governo Meloni con il voto di fiducia al Senato. Dopo le ultime modifiche, le misure ammontano a 22 miliardi di euro. «Abbiamo fatto cose che sembravano impossibili», commenta il ministro dell’Economia Giorgetti. Le ultime polemiche erano state per una norma che avrebbe ridotto le tutele per i lavoratori sottopagati, contraria alla Costituzione secondo le opposizioni, ma alla fine è stata stralciata. Per la segretaria del Pd Elly Schlein «la peggiore manovra degli ultimi anni». «Il 2025 è stato un anno tosto, il 2026 potrebbe essere peggio, riposatevi nelle feste», ha detto la presidente del Consiglio facendo gli auguri ai dipendenti di palazzo Chigi.

I figgeu da «famiggia into bòsco» no tornan co-i genitoî, o Salvini o l’attacca

I figgeu da famiggia ch’a viveiva inte un bòsco in provinsa de Chieti an da restâ inta cà de Vasto donde son stæti missi a-i 20 de novembre. O l’é o contegnuo de l’ordinansa do Tribunâ pe-i minoî de l’Aquila ch’a l’à dispòsto unn’investigaçion in sciâ condiçion pscichica di genitoî. A periçia a va consegnâ da chì à quattro meixi. «Un atto de violensa e grammiçia de badda contra unna famiggia – o l’à commentou o viçeprescidente do Conseggio Matteo Salvini –. A-o manco o giorno de Dënâ un atto de bon cheu e respetto ve ô poeivi regallâ».

Traduçion italiaña

I bambini della «famiglia nel bosco» non tornano con i genitori, Salvini attacca

I bambini della famiglia che viveva in un bosco in provincia di Chieti resteranno nella casa di Vasto dove erano stati collocati il ​​20 novembre. È il contenuto dell’ordinanza del Tribunale per i minorenni dell’Aquila che ha disposto un accertamento delle condizioni psichiche dei genitori. La perizia dovrà essere consegnata entro quattro mesi. «Un atto di violenza e cattiveria gratuita nei confronti di una famiglia – ha commentato il vicepresidente del Consiglio Matteo Salvini –. Almeno nel giorno di Natale un atto di gentilezza e rispetto ve lo potevate regalare».

Accaxonou de mätrattamenti a-a moggë, o scindico de Cervia o se dimette

O Mattia Missiroli, scindico de Cervia in Romagna, o l’à dæto e dimiscioin apreuvo à l’accusa de mätrattamenti a-a moggê. «Inte sto momento no se porrieiva affrontâ una scituaçion mai tanto diffiçile co-a presensa che ghe veu, e manco garantî a sënitæ che l’instituçion do Commun a meita», o l’à scrito inta longa nòtta inta quæ o renonçia «con gran dô» à l’incarrego ch’o l’aiva da-o 2024 e o se deciara a-o de feua de quæsesegge violensa. O giudiçe o l’à refuou a domanda de detençion preventiva in prexon avansâ da Procua de Ravenna definindo «boñe da credde» e deciaraçioin da moggê, ma azzonzendo che e rattelle tra i doî en delongo arrestæ «sotta o limite» di mätrattamenti.

Traduçion italiaña

Accusato di maltrattamenti alla moglie, si dimette il sindaco di Cervia

Mattia Missiroli, sindaco di Cervia in Romagna, si è dimesso in seguito alle accuse di maltrattamenti alla moglie. «In questo momento non si potrebbe affrontare una situazione così difficile con la lucidità richiesta, né garantire la serenità che l’istituzione del Comune merita», ha scritto nella lunga nota in cui rinuncia «con grande dolore» all’incarico che ricopriva dal 2024. Il giudice ha respinto la richiesta di custodia cautelare in carcere avanzata dalla Procura di Ravenna definendo «credibili» le dichiarazioni della moglie, ma aggiungendo che i litigi tra i due sono sempre rimasti «al di sotto» della soglia dei maltrattamenti.

E notiçie da-o mondo

Ucraina, a Ruscia a l’attacca à Dënâ e a l’arve à un patto co-a Nato

I Stati Unii an propòsto un neuvo incontro à trei con Ruscia e Ucraina pe çercâ torna a paxe, Mosca a l’à dito de no ma a l’à averto a-o dialogo co-a Fransa. A portavoxe do ministëio de l’Estranxeo a l’à annonçiou che a Ruscia a l’é pronta à firmâ un patto de nisciuña aggrescion un con l’atro co-a Nato, ma «o l’avià da ëse un atto giuridico internaçionale areo». Intanto unna machina-bomba a l’é scciuppâ à Mosca ammassando o cappo do departimento d’addestramento de l’exerçito. O Putin o l’à respòsto con un gròsso attacco in sce l’Ucraina. O Zelensky into messaggio de Dënâ: «Emmo tutti un dexidëio, ch’o meue», con referensa a-o prescidente ruscio. A replica: «Emmo di dubbi ch’o segge bon à piggiâ de deçixoin giuste pe resòlve a guæra».

Traduçion italiaña

Ucraina, la Russia attacca a Natale e apre a un patto con la Nato

Gli Stati Uniti hanno proposto un nuovo incontro a tre con Russia e Ucraina per cercare di nuovo la pace, Mosca ha detto di no ma ha aperto al dialogo con la Francia. La portavoce del Ministero degli Esteri ha annunciato che la Russia è pronta a firmare un patto di non aggressione reciproca con la Nato, ma «dovrà essere un atto giuridico internazionale a tutti gli effetti». Nel frattempo, un’autobomba è esplosa a Mosca uccidendo il capo del dipartimento di addestramento dell’esercito. Putin ha risposto con un massiccio attacco all’Ucraina. Zelensky nel messaggio di Natale: «Tutti abbiamo un desiderio, che muoia», riferendosi al presidente russo. La replica: «Dubitiamo che sia in grado di prendere le giuste decisioni per risolvere la guerra».

Caxo Epstein, neuve fotografie e polemiche in sciâ çensua

S’allarga o caxo vegnuo feua da-i file do Jeffrey Epstein inti Stati Unii. Inte miggiæa de pagine, sciben che piñe de omissis, gh’é unna neuva fotografia do passou prinçipe Andria accoegou in scê gambe de çerte figge, o passou prescidente american Clinton inte unna pisciña, a stöia de unna vittima de 14 anni portâ à conosce o Trump, unna denonçia pe pedopornografia do 1996 mai consciderâ. Inte un messaggio de pòsta elettrònica se dixe che o Trump o l’à fæto a-o manco 8 viægi in sce l’aeroplan privou do Epstein. Se pensa che 16 papê seggian sparii, i democratichi promettan unn’investigaçion e veuan conosce tutte e çensue.

Traduçion italiaña

Caso Epstein, nuove fotografie e polemiche sulla censura

Si allarga il caso emerso dai file di Jeffrey Epstein negli Stati Uniti. Nelle migliaia di pagine, seppur piene di omissis, c’è una nuova fotografia dell’ex principe Andrea sdraiato sulle gambe di alcune ragazze, l’ex presidente degli Stati Uniti Clinton in una piscina, la storia di una vittima di 14 anni portata a conoscere Trump, una denuncia per pedopornografia del 1996 mai considerata. In un messaggio e-mail si dice che Trump abbia effettuato almeno 8 viaggi sull’aereo privato di Epstein. Si ritiene che 16 documenti siano scomparsi, i democratici promettono un’indagine e vogliono conoscere tutte le censure.

Eleçioin amministrative in Somalia, primma vòtta da 57 anni in sà

Pe-a primma vòtta dòppo 57 anni in Somalia, inta capitale Mogadiscio e inta region do Banadir, s’é averto e eleçioin amministrative con de mesue de seguessa ben ben streite. Pe-o conseggio locale gh’é 1.604 candidæ – 1.246 òmmi e 361 dònne – de 20 partii e movimenti politichi. Segondo a Commiscion naçionale independente pe-e eleçioin, squæxi un mion de çittæn se son registræ pe votâ, di quæ a meitæ an retiou a seu tessia solo un giorno primma. Inte l’intençion do prescidente Hassan Sheikh, sto chì o saià un banco de preuva pe-e eleçioin naçionale che se dovieivan inandiâ do 2026.

Traduçion italiaña

Elezioni amministrative in Somalia, prima volta da 57 anni

Per la prima volta dopo 57 anni in Somalia, nella capitale Mogadiscio e nella regione di Banadir, si sono aperte le elezioni amministrative con misure di sicurezza molto rigide. Per il consiglio locale sono previsti 1.604 candidati – 1.246 uomini e 361 donne – di 20 partiti e movimenti politici. Secondo la Commissione elettorale nazionale idipendente, quasi un milione di cittadini si sono registrati per votare, metà dei quali hanno ritirato la tessera solo il giorno prima. Nelle intenzioni del presidente Hassan Sheikh, questo sarà un banco di prova per le elezioni nazionali che dovrebbero tenersi nel 2026.