O Zinâ

Ediçion

E notiçie da-a Liguria

Fraña in sce l’Aurelia tra Zena e Rensen, un meise de travaggio pe arvîla torna

Unna gròssa fraña a l’é cheita inta seiaña di 25 de zenâ in sce l’Aurelia tra a Vexima e Rensen, à levante da galleria do Pisso. A stradda a l’é stæta interrotta e ghe vorrià a-o manco un meise de travaggio, con l’addeuvio de l’esploxivo, pe mette a còsta in seguessa e arvî torna. Pe l’emergensa da viabilitæ l’é stæto approvou de mesue straordenäie: nisciun pedaggio in sce l’autostradda A10 tra Rensen e Pra’, e i treni se porrian piggiâ co-i biggetti de l’Amt into træto Cogheuo-Otri. A Procua de Zena a l’à averto unn’investigaçion pe fraña corposa, pe-o momento contra desconosciui, pe açertâ se gh’é de responsabilitæ. Za do 2016 l’ea vegnuo zu di magheu pöco primma che passesse a Milan-Sanremmo.

Traduçion italiaña

Frana sull’Aurelia tra Genova e Arenzano, un mese di lavori per riaprirla

Una grossa frana si è abbattuta la sera del 25 gennaio sull’Aurelia tra Vesima e Arenzano, a est della galleria Pizzo. La strada è stata interrotta e ci vorrà almeno un mese di lavori, con l’uso di esplosivi, per mettere in sicurezza il versante e riaprire. Per l’emergenza viabilità sono state approvate misure straordinarie: niente pedaggio sull’autostrada A10 tra Arenzano e Pra’, e i treni si potranno prendere coi titoli di viaggio Amt nel tratto Cogoleto-Voltri. La Procura di Genova ha aperto un’inchiesta per frana corposa, attualmente a carico di estranei, per accertare eventuali responsabilità. Già nel 2016 dei massi erano precipitati poco prima del passaggio della Milano-Sanremo.

Amt, approvou i conti do 2024: perdie pe 56 mioin e debiti pe 280 mioin

O conseggio d’amministraçion de l’Amt de Zena o l’à approvou i conti do 2024 con unna perdia de 55,9 mioin d’euro: «A ciù grande inta stöia de l’açienda», o commento da scindica Silvia Salis. I papê çertifican ascì 280 mioin de debiti e un patrimònio netto negativo de 37,5 mioin. Approvou anche l’aggiornamento do cian de recatto fin a-o 2031. «Oua ne tocca fâ un sfòrso econòmico stramesuou pe schivâ o fallimento, ma o Commun o no peu fâghela da solo», a l’à dito torna a scindica. Intanto a Procua a l’à mandou di inviti à quattro indagæ pe-i primmi interrogatöi: son tutti passæ conseggê d’amministraçion de l’açienda.

Traduçion italiaña

Amt, approvato il bilancio 2024: perdite per 56 milioni e debiti per 280 milioni

Il consiglio di amministrazione di Amt Genova ha approvato il bilancio 2024 con una perdita di 55,9 milioni di euro: «La più grande nella storia dell’azienda», commenta la sindaca Silvia Salis. I documenti certificano anche 280 milioni di debiti e un patrimonio netto negativo di 37,5 milioni. Approvato anche l’aggiornamento del piano di rientro fino al 2031. «Ora dobbiamo fare un enorme sforzo economico per evitare il fallimento, ma il Comune non può farcela da solo», ha ribadito la sindaca. Nel frattempo, la Procura ha inviato gli inviti a quattro indagati per i primi interrogatori: sono tutti ex consiglieri di amministrazione dell’azienda.

Tunnel da Fontañaboña, luxe verde da-a Region Liguria

A Region Liguria a l’à dæto a luxe verde a-o tunnel da Fontañaboña ch’o l’unià a rivea e l’entrotæra do Tigullio. «Un passo avanti fondamentale», o commento do prescidente Bucci e de l’assessô Scajola. Oua s’arvià a conferensa di serviçi pe l’approvaçion definitiva do progetto. O travaggio o prevedde unna rampa longa 5,6 chilòmetri e doe gallerie che portian da l’autostradda A12 a-a valle e a-a reversa. À Rapallo, però, no s’afferma e proteste: «A l’é unna deçixon fæta chinâ da l’erto ch’a deuvia o territöio comme spaçio de sacrifiçio, no ne serve un tunnel pe scappâ ciù a-a spedia».

Traduçion italiaña

Tunnel della Val Fontanabuona, via libera dalla Regione Liguria

La Regione Liguria ha dato il via libera alla galleria della Val Fontanabuona che collegherà la sponda del Tigullio all’entroterra. «Un passo avanti cruciale», hanno commentato il presidente Bucci e l’assessore Scajola. Ora si aprirà la conferenza dei servizi per l’approvazione definitiva del progetto. L’opera prevede una rampa lunga 5,6 chilometri e due gallerie che porteranno dall’autostrada A12 alla valle e viceversa. A Rapallo, però, le proteste non si fermano: «È una decisione presa dall’alto che usa il territorio come spazio sacrificale, non abbiamo bisogno di un tunnel per scappare più velocemente».

E notiçie da l’Italia

Fraña à Niscemi, 1.600 persoñe scorrie: «Ciù grossa che o Vajont»

Unna fraña stramesuâ a l’à lasciou in peuixo o paise de Niscemi, in Siçilia, in provinsa de Caltanissetta. Tutta a colliña a l’à comensou à deruâ e 1.600 persoñe son stæte scorrie d’in cà. «A l’é pezo che o Vajont, l’é vegnuo zu 350 metri cubbi», o l’à dito o cappo da Proteçion çivile Ciciliano. Inta mæxima zöna gh’ea stæto unna fraña devastante do 1997, ma i indennizzi son arrivæ dòppo di anni. «Stavòtta faiemo a-a spedia», a l’à asseguou a prescidente do Conseggio Giorgia Meloni ch’a l’à promisso unna primma assegnaçion de 100 mioin. Intanto se leva a voxe de chi vorrieiva destinâ à l’emergensa i dinæ do ponte in sciô Streito, 1,3 miliardi d’euro. «Quelli no se toccan, ne troviemo di atri», a respòsta do ministro Salvini. O Tajani ciù tenio: «O travaggio o va fæto, ma se gh’appensemmo».

Traduçion italiaña

Frana a Niscemi, 1.600 persone evacuate: «Più grande del Vajont»

Una frana enorme ha lasciato in bilico il paese di Niscemi, in Sicilia, in provincia di Caltanissetta. L’intera collina ha iniziato a crollare e 1.600 persone sono state evacuate dalle loro case. «È peggio del Vajont, sono caduti 350 metri cubi», ha detto il capo della Protezione civile Ciciliano. Nella stessa zona si era verificata una frana devastante nel 1997, ma i risarcimenti sono arrivati ​​anni dopo. «Stavolta faremo in fretta», ha assicurato la presidente del Consiglio Giorgia Meloni che ha promesso uno stanziamento iniziale di 100 milioni. Intanto si alza la voce di chi vorrebbe destinare all’emergenza i soldi per il ponte sullo Stretto, 1,3 miliardi di euro. «Quelli non si toccano, ne troveremo altri», risponde il ministro Salvini. Più morbido Tajani: «L’opera va fatta, ma ci penseremo».

Agenti Ice a-e Olimpiade de Milan-Cortina, scceuppa o caxo in Italia

Polemica in Italia pe-a presensa a-e Olimpiade d’inverno di agenti americhen de l’Ice. O Governo o l’à asseguou che no gh’avian de fonçioin operative inte stradde, ma che travaggian co-e sale operative de autoritæ italiaña pe avvardâ e delegaçioin di Stati Unii. O scindico de Milan Beppe Salis: «Chì no son benvegnui, no me sento protezzuo da-o ministro Piantedosi». O Antonio Tajani, ministro de l’Estranxeo, o l’à respòsto: «No l’é ch’arriva e SS». Un atro caxo o l’é scciuppou in sce l’invito à Casapound pe unna conferensa in scî migranti a-a Camia promòssa da un deputou da Lega. E o Roberto Vannacci o l’à depoxitou o scimbolo do seu partio, Futuro Nazionale

Traduçion italiaña

Agenti Ice alle Olimpiadi di Milano-Cortina, scoppia il caso in Italia

Polemiche in Italia per la presenza alle Olimpiadi invernali degli agenti americani dell’Ice. Il Governo ha assicurato che non avranno ruoli operativi nelle strade, ma collaboreranno con le sale operative delle autorità italiane per proteggere le delegazioni statunitensi. Il sindaco di Milano Beppe Salis: «Qui non sono benvenuti, non mi sento tutelato dal ministro Piantedosi». Antonio Tajani, ministro degli Esteri, ha replicato: «Non è che arrivano le SS». Un altro caso è scoppiato per l’invito a Casapound per un convegno sui migranti alla Camera promosso da un parlamentare della Lega. E Roberto Vannacci ha depositato il simbolo del suo partito, Futuro Nazionale.

O ghe ponta contra unna pistòlla à salve, o poliçiòtto o l’ammassa

Un òmmo de 28 anni, de naçionalitæ marocchiña, o l’é stæto ammassou con un corpo de pistòlla da un poliçiotto a-o quæ o s’ea avvexinou con unn’arma fäsa. O l’é capitou a-i 26 de zenâ à Milan, vexin a-o «bòsco da dröga», comme se ghe dixe. I agenti ean apreuvo à arrestâ un ch’o vendeiva quande o zoeno o s’é avvexinou co-a pistòlla à salve. O poliçiotto o gh’à commandou de fermâse, dapeu o l’à sparou inta parte erta do còrpo. No gh’é stæto mainea de sarvâlo. L’agente ch’o gh’à tiou, interrogou in questua, o l’é indagou. «Me son attrovou poia», o l’à dito. «No ghe saià de scui, domando solo de no presumme ch’o l’é corpeive», o l’à dito o ministro Piantedosi. O Salvini, incangio: «Son da-a parte do poliçiòtto, sensa fâ di descorsci».

Traduçion italiaña

Gli punta contro una pistola a salve, il poliziotto lo uccide

Un uomo di 28 anni, di nazionalità marocchina, è stato ucciso a colpi d’arma da fuoco da un poliziotto al quale si era avvicinato con un’arma finta. È successo il 26 gennaio a Milano, nei pressi della «foresta della droga», come viene chiamata. Gli agenti stavano arrestando un uomo che stava spacciando quando il ragazzo si è avvicinato con la pistola a salve. Il poliziotto gli ha intimato di fermarsi, poi gli ha sparato alla parte superiore del corpo. Non c’è stato modo di salvarlo. L’agente che gli ha sparato, interrogato in questura, è indagato. «Ho avuto paura», ha detto. «Non ci sarà alcuno scudo, chiedo solo di non presumere la colpevolezza», ha detto il Ministro Piantedosi. Salvini, invece: «Sono dalla parte del poliziotto, senza se e senza ma».

E notiçie da-o mondo

Stati Unii into ravaxo, un atro òmmo ammassou da-i agenti Ice à Minneapolis

A tenscion à l’arresta ertiscima à Minneapolis, inti Stati Unii, donde unn’atra persoña a l’é stæta ammassâ da-i agenti de l’Ice, l’agençia federale americaña pe-o contròllo de l’inmigraçion. Dòppo a mòrte da Renée Good a-i 7 de zenâ, inte di scontri a-i 24 un agente o l’à sparou a-o Alex Jeffrey Pretti, un òmmo de 37 anni ch’o fava l’infermê pe-i veteren e inte quello momento, comme se vedde da-i video, o çercava d’aggiuttâ unna dònna sponciâ in tæra. Pe-o departimento pe-a seguessa interna, incangio, o l’à rexistio con violensa. O governatô o l’à domandou a-o Trump de ciantâ lì con ste operaçioin. O prescidente o l’à averto a-o retio: «À un çerto ponto se n’aniemo, emmo fæto un travaggio mäveggioso».

Traduçion italiaña

Stati Uniti nel caos, un altro uomo ucciso di agenti dell’Ice a Minneapolis

La tensione rimane altissima a Minneapolis, negli Stati Uniti, dove un’altra persona è stata uccisa dagli agenti dell’Ice, l’agenzia federale per il controllo dell’immigrazione. Dopo la morte di Renée Good, avvenuta il 7 gennaio, durante gli scontri del 24 gennaio un agente ha sparato ad Alex Jeffrey Pretti, un uomo di 37 anni che lavorava come infermiere per i veterani e che, come mostrano i video, stava cercando di aiutare una donna spinta a terra. Per il dipartimento per la sicurezza interna, invece, ha opposto una resistenza violenta. Il governatore ha chiesto a Trump di finire queste operazioni. Il presidente ha aperto al ritiro: «A un certo punto ce ne andremo, abbiamo fatto un lavoro fenomenale».

Tregua do zeo in Ucraina, o Trump o menassa torna l’Iran

O prescidente american Donald Trump o l’à annonçiou a tregua do zeo in Ucraina: «Ò domandou a-o Putin de no sparâ pe unna settemaña za che gh’é freido e lê o l’à açettou». O Cremlin, però, o l’à frenou: «Sospendiemo i attacchi solo in sce Kiev, no da-e atre parte». Inta capitale miggiæa de persoñe son sensa rescädamento con temperatue fin à 30 graddi sotta o zero. Intanto o Trump o l’à menassou torna l’Iran: «Sensa un accòrdio in sciô nucleare, l’attacco ch’o vëgne o saià ben ben pezo de quello de zugno». «Inte sto caxo reagiemo comme no emmo mai fæto primma», a replica de Teheran. L’Union europea a l’à misso i pasdaran inta lista de organizzaçioin terroristiche.

Traduçion italiaña

Tregua del gelo in Ucraina, Trump minaccia di nuovo l’Iran

Il presidente americano Donald Trump annuncia una tregua con l’Ucraina: «Ho chiesto a Putin di non sparare per una settimana dato che fa freddo e lui ha accettato». Il Cremlino, tuttavia, ha frenato: «Sospenderemo gli attacchi solo su Kiev, non altrove». Nella capitale migliaia di persone sono senza riscaldamento, con temperature che raggiungono i 30 gradi sotto zero. Nel frattempo Trump ha minacciato di nuovo l’Iran: «Senza un accordo sul nucleare, il prossimo attacco sarà molto peggiore di quello di giugno». «In questo caso reagiremo come non abbiamo mai fatto prima», ribatte Teheran. L’Unione Europea ha inserito i Pasdaran nell’elenco delle organizzazioni terroristiche.

Inçendio de Crans-Montana, atri doî indagæ. Scontro diplomatico Italia-Svissera

Son quattro i indagæ pe l’inçendio do Primmo de l’anno à Crans-Montana, in Svissera, donde 40 persoñe son mòrte e 116 son arrestæ ferie. In ciù che o Jacques e a Jessica Moretti, maio e moggê, gh’é de accuse pe-o responsabile pe-a seguessa pubrica do Commun, Christophe Balet, e chi gh’ea primma, Ken Jacquemoud. Dòppo a liberaçion di bacchen do Constellation s’é averto o scontro diplomatico tra Italia e Svissera co-o reciammo à Romma de l’ambasciou. Pe fâlo tornâ inderê o Governo o veu «unn’effettiva conlaboraçion tra e autoritæ giudiçiäie di doî Stati» e «a constituçion a-a spedia de unna squaddra investigativa commun».

Traduçion italiaña

Incendio di Crans-Montana, altri due indagati. Scontro diplomatico tra Italia e Svizzera

Sono quattro gli indagati per l’incendio di Capodanno a Crans-Montana, in Svizzera, in cui sono morte 40 persone e 116 sono rimaste ferite. Oltre a Jacques e Jessica Moretti, marito e moglie, ci sono accuse nei confronti del responsabile della sicurezza pubblica del Comune, Christophe Balet, e del suo predecessore, Ken Jacquemoud. Dopo la liberazione dei titolari del Constellation si è aperto lo scontro diplomatico tra Italia e Svizzera con il richiamo a Roma dell’ambasciatore. Per farlo rientrare, il Governo vuole «un’efficace collaborazione tra le autorità giudiziarie dei due Stati» e «la rapida costituzione di una squadra investigativa congiunta».