O Zinâ

Ediçion

E notiçie da-a Liguria

Crixi Amt, anche a passâ prescidente Gavuglio a l’é indagâ

Anche a passâ prescidente e direttoa generale de l’Amt, a Ilaria Gavuglio, a l’é indagâ da-a Procua de Zena pe fäso inti conti e bancarotta de sfrouxo. A guardia de finansa a l’é arrivâ into seu studio privou da commerçialista e a gh’à piggiou o telefono e i papê relativi à l’açienda, dapeu a l’é tornâ inti scagni de l’Amt. Inti giorni passæ di atri componenti do conseggio d’amministraçion passou aivan za reçevuo un avviso de garançia. Intanto se va avanti co-i incontri pe sarvâ a soçietæ da-o fallimento: pe-o 2026 servià 98 mioin de dinæ in ciù in sciô capitale, ancon da capî cöse ghe mettià a Region. O 2025 ascì o se serrià in perdia, s’astimma atri 25 mioin. A scindica Salis: «A l’é unna bomba in scî conti do Commun».

Traduçion italiaña

Crisi Amt, anche l’ex presidente Gavuglio è indagata

Anche l’ex presidente e direttore generale di Amt, Ilaria Gavuglio, è indagata dalla Procura di Genova per falso in bilancio e bancarotta fraudolenta. La guardia di finanza si è presentata nel suo studio privato da commercialista e le ha prelevato telefono e documenti relativi all’azienda, per poi tornare negli uffici di Amt. Nei giorni scorsi altri componenti del precedente consiglio di amministrazione avevano già ricevuto un avviso di garanzia. Intanto proseguono gli incontri per salvare l’azienda dal fallimento: nel 2026 serviranno altri 98 milioni di liquidità in più sul capitale, ancora da capire quanto ci metterà la Regione. Anche il 2025 si chiuderà in perdita, si stimano altri 25 milioni. La sindaca Salis: «È una bomba sui conti del Comune».

Barca da pesca affondâ davanti à Po rtofin, o comandante o l’é desperso

Unna barca da pesca a l’é anæta a-o fondo feua da-o monte de Portofin a-i 2 de frevâ. À bordo gh’ea doe persoñe: un pescou de 28 anni, sarvou da un remorco dòppo l’açidente, e o comandante do quæ no s’é ciù trovou niente. Segondo a reconstruçion, l’ea stæto pròpio lê à ciammâ aggiutto perché intrava de l’ægua da unna falla. O mocciaccio o s’é cacciou in mâ e o l’é stæto portou à l’uspiâ, ma o comandante, o tunexin Dhib Zouahier Ben Ali, o no l’à abbandonou a barca à tempo e o l’é stæto tiou drento a-o remoin. O còrpo o no l’é ciù vegnuo à galla, a çerchia a va avanti, ma inte quello ponto o fondo o l’arriva à 300 metri e no se ghe peu chinâ.

Traduçion italiaña

Peschereccio affondato davanti a Portofino, comandante disperso

Un peschereccio è affondato al largo del monte di Portofino il 2 febbraio. A bordo c’erano due persone: un pescatore di 28 anni, tratto in salvo da un rimorchiatore dopo l’incidente, e il comandante di cui non è stato trovato nulla. Secondo la ricostruzione, è stato proprio lui a chiamare i soccorsi perché l’acqua entrava da una falla. Il mozzo si è buttato in mare ed è stato trasportato in ospedale, ma il comandante, il tunisino Dhib Zouahier ben Ali, non ha abbandonato in tempo l’imbarcazione ed è stato trascinato nel vortice. Il corpo non è più riemerso, le ricerche continuano, ma in quel punto il fondale raggiunge i 300 metri ed è impossibile esplorarlo.

I pòrti de Zena e Saña an mesciou 3 mioin de Teu do 2025, mai coscì tanti

I pòrti de Zena e Saña an marcou un neuvo record de trafeghi do 2025, arrivando squæxi à 3 mioin de Teu mesciæ, in montâ do 6,3% da-o 2024, pe de ciù inte un contesto internaçionale segnou da l’inçertessa geopolitica e da-a tenscion. In termini de peiso, da-o scistema portuale do Mâ Ligure de Ponente l’é passou 62,9 mioin de tonnëi, un pö ciù basso che o 2024 (meno 0,8%). O trafego di passaggê o l’é cresciuo, con passâ o livello di 5 mioin tra Zena e Saña: e croxee an marcou un 6,1% in ciù. «Un sato pe-o nòstro scistema portuale – o commento do prescidente Matteo Paroli –. A l’é a preuva che semmo boin à attrae di trafeghi e adattâse a-i cangiamenti do mercou».

Traduçion italiaña

I porti di Genova e Savona hanno movimentato 3 milioni di Teu nel 2025, mai così tanti

I porti di Zena e Sana hanno stabilito un nuovo record di traffici nel 2025, raggiungendo quasi 3 milioni di Teu movimentati, in crescita del 6,3% rispetto al 2024, peraltro in un contesto internazionale segnato da incertezza e tensione geopolitica. In termini di peso, dal sistema portuale del Mar Ligure Occidentale sono transitati 62,9 milioni di tonnellate, in lieve calo rispetto al 2024 (-0,8%). In aumento anche il traffico passeggeri, che ha superato i 5 milioni tra Genova e Savona: le crociere hanno segnato un ulteriore 6,1%. «Un balzo in avanti per il nostro sistema portuale – commenta il presidente Matteo Paroli –. È la dimostrazione che siamo capaci di attrarre traffici e di adattarci ai cambiamenti del mercato».

E notiçie da l’Italia

Scontri à Turin, o Governo o l’avaa un neuvo decreto in sciâ seguessa

O Governo o l’à inandiou a streita in sciâ seguessa dòppo i scontri di 31 de zenâ à Turin, donde gh’ea a manifestaçion pe no serrâ o çentro soçiale Askatasuna. L’imagine de un poliçiòtto contornou e piggiou à baccæ da da gente ingiarmæ a l’à fæto o gio d’Italia. O ministëio de l’Interno o l’à studiou de mesue comme a proteçion penale pe-i agenti e un fermo preventivo in sciô modello do Daspo pe-i tifoxi. «Gh’é stæto unna reisa di conti co-o Stato democratico», o l’à dito o ministro Piantedosi in parlamento con parlâ de dinamiche everscive e terroriximo. O prescidente da Repubrica, però, o l’à fermou e nòrme do decreto costrenzendo à di cangiamenti. O giudiçe o porrià deçidde de proibî e manifestaçioin a-i condannæ pe devastaçion. A Meloni: «Serve un scistema ciù duo».

Traduçion italiaña

Scontri a Torino, il Governo vara un nuovo decreto sicurezza

Il Governo ha inasprito le misure di sicurezza dopo gli scontri del 31 gennaio a Torino, dove si stava svolgendo la manifestazione per non chiudere il centro sociale Askatasuna. L’immagine di un poliziotto circondato e bastonato da persone travisate ha fatto il giro d’Italia. Il ministero dell’Interno ha studiato misure come lo scudo penale per gli agenti e un fermo preventivo sul modello del Daspo per i tifosi. «C’è stata una resa dei conti con lo Stato democratico», ha detto il ministro Piantedosi in Parlamento parlando di dinamiche eversive e terrorismo. Il presidente della Repubblica, tuttavia, ha bloccato le norme del decreto costringendo a modificarle. Il giudice potrà decidere di vietare le manifestazioni ai condannati per devastazione. Meloni: «Serve un sistema più duro».

O generale Vannacci o sciòrte da-a Lega, a deluxon do Salvini

O generale Roberto Vannacci o l’à offiçializzou l’addio a-a Lega e a fondaçion do seu partio Futuro Nazionale: «Veuggio anâ avanti à scombatte pe-a mæ patria sensa mastrussi», o l’à dito. O l’arrestià into Parlamento europeo passando a-o gruppo mesccio. O Salvini o l’à espresso a seu deluxon: «A Lega a l’aiva piggiou quande o l’ea arrestou da solo». Lê o gh’à respòsto: «O traditô o l’é o Salvini, da-e arme à l’Ucraina a-i prinçippi in sciâ famiggia fin a-a lezze Fornero». O Vannacci l’à minsonou un sondaggio ch’o dà o seu partio a-o 4%. Doî deputæ elezzui co-a Lega, o Sasso e o Ziello, an lasciou o gruppo a-a Camia. Scceuppa a guæra legale in sciô scimbolo do partio, stæto registrou do 2010 da un esponente do Movimento 5 Stelle e descheito do 2020.

Traduçion italiaña

Il generale Vannacci esce dalla Lega, la delusione di Salvini

Il generale Roberto Vannacci ha ufficializzato l’addio alla Lega e la fondazione del suo partito Futuro Nazionale: «Voglio continuare a lottare per la mia patria senza inciuci», ha detto. Resterà al Parlamento europeo passando al gruppo misto. Salvini ha espresso la sua delusione: «La Lega lo aveva accolto quando era rimasto solo». Lui ha replicato: «Il traditore è Salvini, dalle armi all’Ucraina ai principi sulla famiglia fino alla legge Fornero». Vannacci ha citato un sondaggio che dà il suo partito al 4%. Due deputati eletti con la Lega, Sasso e Ziello, hanno lasciato il gruppo alla Camera. Scoppia la guerra legale sul simbolo del partito, registrato nel 2010 da un esponente del Movimento 5 Stelle e scaduto nel 2020.

Olimpiade d’inverno, à Milan a çeimònia d’avertua ammiâ da 2 miliardi de gente

À Milan a-i 6 de frevâ gh’é stæto a çeimònia d’avertua de Olimpiade d’inverno, un spettacolo con doî miliardi e passa de telespettatoî e atleti de 93 Paixi. In tribuña ciù de 50 cappi de Stato e de governo, tra i quæ o Mattarella, a Meloni, o viçeprescidente american Vance e o segretäio generale de l’Onu Guterres. Tra i artisti a Mariah Carey, o Bocelli, o Ghali, o Favino, o Impacciatore co-a voxe da Matilda De Angelis. Inti giorni primma gh’ea stæto di attacchi informatichi da parte di hacker filo-rusci contra di obiettivi diplomatichi e ascì di aberghi de Cortina. Sabbo a primma medaggia do sci.

Traduçion italiaña

Olimpiadi invernali, cerimonia di apertura di Milano seguita da 2 miliardi di persone

Il 6 febbraio a Milano si è tenuta la cerimonia di apertura delle Olimpiadi invernali, uno spettacolo con oltre due miliardi di spettatori e atleti provenienti da 93 Paesi. In tribuna oltre 50 capi di Stato e di Governo, tra cui Mattarella, Meloni, il vicepresidente degli Stati Uniti Vance e il segretario generale delle Nazioni Unite Guterres. Tra gli artisti presenti, Mariah Carey, Bocelli, Ghali, Favino, Impacciatore con la voce di Matilda De Angelis. Nei giorni precedenti si erano verificati attacchi informatici da parte di hacker filo-russi contro obiettivi diplomatici e anche contro hotel di Cortina. Sabato la prima medaglia dello sci.

E notiçie da-o mondo

Stati Unii, o Trump o veu piggiâ o contròllo de eleçioin

O prescidente american Donald Trump o veu portâ o scistema elettorale sotta o contròllo federale, sciben che a Constituçion americaña a delega l’amministraçion do voto a-i Stati. O tycoon o temme e eleçioin de mezo e o parla torna de teorie in scî imbròggi do 2020. Intanto l’é scciuppou unna tempesta in sciô video scompartio da-o Trump donde o passou prescidente Obama e seu moggê son representæ comme de scimie. Da ciù parte l’é arrivou de accuse de razziximo. «A l’é unna persoña gramma», commenta i democratichi. In sciô fronte de l’estranxeo, va avanti e trattative con l’Iran pe schivâ unn’atra guæra.

Traduçion italiaña

Stati Uniti, Trump vuole prendere il controllo delle elezioni

Il presidente degli Stati Uniti Donald Trump vuole portare il sistema elettorale sotto il controllo federale, nonostante la Costituzione degli Stati Uniti deleghi l’amministrazione del voto agli Stati Uniti. Il magnate teme le elezioni di medio termine e torna a parlare di teorie sui brogli nel 2020. Nel frattempo, è scoppiata una bufera per il video condiviso da Trump in cui l’ex presidente Obama e sua moglie vengono raffigurati come scimmie. Accuse di razzismo sono arrivate da più parti. «È una persona malvagia», commentano i democratici. Sul fronte estero, proseguono i negoziati con l’Iran per evitare un’altra guerra.

Guæra in Ucraina, attentato contra o segondo di serviçi segretti da Ruscia

Neuvo attentato à Mosca, stavòtta contra o segondo di serviçi segretti militari rusci, o Vladimir Alekseyev. O generale, divöto do prescidente Putin, o l’é stæto corpio con di spari in sciô ballou de cà e o l’é inte unna condiçion graviscima. O ministro de l’Estranxeo Lavrov o l’accusa: «L’inçenta a mostra a voentæ de Kiev de mandâ à l’äia e negoçiaçioin». Intanto in Ucraina a tregua do zeo a l’é finia e l’é comensou torna i attacchi in scê infrastruttue energetiche. L’Union europea a l’à presentou o vinteximo pacchetto de sançioin contra a Ruscia pe «costrenze o Putin a-a paxe».

Traduçion italiaña

Guerra in Ucraina, attentato al numero due dei servizi segreti della Russia

Nuovo attentato a Mosca, questa volta contro il numero due dei servizi segreti militari russi, Vladimir Alekseyev. Il generale, devoto del presidente Putin, è stato colpito da colpi d’arma da fuoco sul pianerottolo di casa e versa in gravissime condizioni. Il ministro degli Esteri Lavrov accusa: «L’agguato dimostra la volontà di Kiev di far saltare ai negoziati». Nel frattempo, in Ucraina la tregua di congelamento è terminata e sono ripresi gli attacchi alle infrastrutture energetiche. L’Unione europea ha presentato il ventesimo pacchetto di sanzioni contro la Russia per «costringere Putin alla pace».

Strage de Crans-Montana, mòrto un atro zoeno: o conto o monta à 41 vittime

Cresce o conto di mòrti inta strage de Crans-Montana a-o Primmo de l’anno. Un zoeno de 18 anni ch’o l’ea recoverou à l’uspiâ de Zurigo o no ghe l’à fæta. E vittime oua son 41, i ferii 115, tanti inte unna condiçion grave pe-e bruxeuie. Da l’investigaçion l’é vegnuo feua che i contròlli mancæ into locale Le Constellation, da-o 2019 a-o 2025, saieivan stæti caxonæ da di problemi d’aggiornamento do scistema informatico ch’o gestisce a proçedua. L’à dito o Christophe Balet, responsabile da seguessa do Commun, inte l’interrogatöio à Sion. Presente anche o baccan Jacques Moretti, tornou in libertæ dòppo o pagamento da cauçion.

Traduçion italiaña

Strage di Crans-Montana, morto un altro ragazzo: il bilancio sale a 41 vittime

Sale il bilancio delle vittime della strage di Crans-Montana del giorno di Capodanno. Un diciottenne ricoverato all’ospedale di Zurigo non ce l’ha fatta. Le vittime sono ora 41, i feriti 115, molti dei quali in gravi condizioni a causa delle ustioni. Dall’inchiesta è emerso che i mancati controlli nel locale Le Constellation, dal 2019 al 2025, sarebbero stati causati da problemi di aggiornamento del sistema informatico che gestisce la procedura. Lo ha dichiarato Christophe Balet, responsabile della sicurezza del Comune, durante l’interrogatorio a Sion. Era presente anche il proprietario Jacques Moretti, tornato in libertà dopo il pagamento della cauzione.