O Zinâ

Ediçion

E notiçie da-a Liguria

Senti a verscion registrâ:

Bordighea, figgiña de doî anni attrovâ mòrta: a moæ a l’é stæta arrestâ

Unna figgiña de doî anni, de nomme Beatrice, a l’é mòrta à Bordighea a-i 9 de zenâ. I soccorritoî l’an trovâ za co-o cheu ch’o no batteiva ciù. A moæ, Manuela Aiello de 43 anni, a l’é stæta arrestâ e missa in prexon à Pontedeximo. O mego legale o l’à trovou di negroin in sciô còrpo da picciña. A moæ a l’à dito ch’a l’ea cheita da unna scâ, ma che paiva ch’a stesse ben ascì ch’a mostrava di problemi de respiaçion. Pe-i inquirenti, però, quelli segni saieivan stæti caxonæ da unna violensa e no da un açidente. Dòppo l’interrogatöio l’é vegnuo feua che a figgetta a saieiva mòrta à Preinoudo, donde stava o compagno da dònna, lê ascì indagou, e donde tutte træ e figge aivan passou a neutte.

Traduçion italiaña

Bordighea, bambina di 2 anni trovata morta: arrestata la madre

Una bambina di due anni, di nome Beatrice, è morta a Bordighera il 9 gennaio. I soccorritori l’hanno trovata già in arresto cardiaco. La madre, Manuela Aiello, 43 anni, è stata arrestata e portata in carcere a Pontedecimo. Il medico legale ha trovato lividi sul corpo della bambina. La madre ha dichiarato che era caduta da una scala, ma sembrava stare bene nonostante presentasse problemi respiratori. Per gli inquirenti, tuttavia, quei segni sarebbero stati causati da violenze e non da un incidente. Dopo l’interrogatorio è emerso che la bambina sarebbe morta a Perinaldo, dove viveva il compagno della donna, anch’egli indagato, e dove tutte e tre le figlie avevano trascorso la notte.

Fraña in sce l’Aurelia, fæto sätâ pe l’äia o magheu de 2mi a tonnëi

Con 300 chilli de povie missi inte 24 beuggi l’é sätou pe l’äia o magheu de 2mia tonnëi e 720 metri cubbi (comme un palaçio de quattro cen) arrestou appeiso in sce l’Aurelia dòppo a fraña di 25 de zenâ tra Vexima e Rensen. O travaggio, fæto fâ da l’Anas à unna dita speçializzâ, o l’é stæto compio a-i 13 de frevâ à doe e meza de doppodisnâ. Gh’é stæto beseugno d’affermâ i treni pe unn’oa pöcassæ, incangio l’autostradda a no l’à mai serrou. Oua se travaggia pe arvî torna a stradda pe-o 1° de marso, a-o manco con unn’andania. E prie vegnue zu da-a còsta saian addeuviæ pe rinforsâ a scuggea sotta a stradda comme proteçion da-i mouxi.

Traduçion italiaña

Frana sull’Aurelia, fatto brillare il masso da 2mila tonnellate

Con 300 chili di esplosivo distribuiti in 24 fori è stato fatto brillare il masso di 2mila tonnellate e 720 metri cubi (pari a un edificio di quattro piani) rimasto sospeso sull’Aurelia dopo la frana del 25 gennaio tra Vesima e Arenzano. I lavori, affidati da Anas a un’impresa specializzata, sono stati eseguiti il ​​13 febbraio alle 14.30. È stato necessario fermare i treni per circa un’ora, mentre l’autostrada non è mai stata chiusa. Ora si lavora per riaprire la strada entro il 1° marzo, almeno con una corsia. I detriti caduti dal versante saranno utilizzati per rinforzare la scogliera sottostante la strada come protezione dalle mareggiate.

Stadio Ferraris, Tursci o l’à deciarou l’interesse pubrico in sciâ propòsta di club

O Commun de Zena o l’à deciarou l’interesse pubrico in sciâ propòsta de Zena e Sandöia pe-a conçescion do stadio Ferraris. E squaddre an promisso di investimenti pe 100 mioin e passa pe renovâlo in cangio do drito de terren pe 99 anni (di quæ 50 de badda che van comme 6 mioin). A scindica Silvia Salis a l’à dito che i 19 mioin che i club voeivan mette à carrego do Commun dovià çercâli e soçietæ pe mezo d’atre vivagne de finançiamento. Oua o consòrçio Stadium, formou da Zena e Sandöia, o l’avià da consegnâ o progetto de fattibilitæ da chì a-a meitæ de marso. L’intençion a l’é delongo quella d’aveighe un stadio bon à ospitâ di spettacoli e ascì de partie di Europëi de ballon do 2032.

Traduçion italiaña

Stadio Ferraris, Tursi ha dichiarato l’interesse pubblico sulla proposta dei club

Il Comune di Genova ha dichiarato l’interesse pubblico sulla proposta di Genoa e Sampdoria per la concessione dello stadio Ferraris. Le squadre hanno promesso investimenti per oltre 100 milioni per la ristrutturazione in cambio del diritto di superficie per 99 anni (di cui 50 gratis per un valore di 6 milioni). La sindaca Silvia Salis ha affermato che i 19 milioni che i club volevano mettere a carico del Comune dovranno essere reperiti dalle società attraverso altre fonti di finanziamento. Ora il consorzio Stadium, formato da Genoa e Sampdoria, dovrà presentare il progetto di fattibilità entro metà marzo. L’obiettivo è sempre quello di avere uno stadio in grado di ospitare spettacoli e anche le partite degli Europei di calcio del 2032.

E notiçie da l’Italia

Senti a verscion registrâ:

Referendum in sciâ giustiçia, boriaña in scê poule do procuou Gratteri

«Pe-o no votià e persoñe daben, pe-o scì i imputæ e i framassoin corrotti». Ste poule do Nicola Gratteri, o procuou de Napoli, insciamman a discuscion in sciô referendum in sciâ giustiçia. O ministro Nordio o l’à commentou: «Me domando se l’examme pscico-attitudinale o no ghe veugge anche pe-a fin da carrea». O ministro Tajani o l’à parlou de un «attacco a-a democraçia». Ma o magistrato o l’à replicou: «E menasse no me faian taxei». Intanto a prescidente do Conseggio Giorgia Meloni a l’à definio i manifestanti contra e Olimpiade di «nemixi de l’Italia». E oppoxiçioin promettan battaggia in sciô neuvo decreto in sciâ seguessa. Neuvi ascadi pe-a ministra Santanchè, indagâ à Milan pe unn’atra ipòtexi de bancarotta de sfrouxo.

Traduçion italiaña

Referendum sulla giustizia, bufera sulle parole del procuratore Gratteri

«Per il no voteranno le persone perbene, per il sì gli imputati e i massoni deviati». Queste parole del procuratore di Napoli, Nicola Gratteri, infiammano il dibattito sul referendum sulla giustizia. Il ministro Nordio commenta: «Mi chiedo se l’esame psicoattitudinale non sia necessario anche a fine carriera». Il ministro Tajani parla di «attacco alla democrazia». Ma il magistrato ribatte: «Le minacce non mi faranno tacere». Intanto la presidente del Consiglio Giorgia Meloni definisce i manifestanti anti-Olimpiadi «nemici dell’Italia». Le opposizioni promettono battaglia sul nuovo decreto sicurezza. Nuovi guai per la ministra Santanchè, indagata a Milano per un’altra ipotesi di bancarotta fraudolenta.

CasaPound, sentensa stòrica: pe-o Tribunâ de Bari formou torna o partio fascista

O Tribunâ de Bari o l’à condannou 12 militanti de CasaPound pe avei formou torna o partio fascista. A sentensa, con de peñe fin à doî anni e mezo e interdiçion da-i driti politichi pe çinque anni, a l’é stæta prononçiâ apreuvo à unn’aggrescion à di militanti antifascisti che tornavan da un corteo, unn’açion reconosciua comme tipica de squaddre fasciste. A l’é a primma vòtta in Italia che s’applica a lezze Scelba pe CasaPound. L’oppoxiçion a ciamma torna a seu desfæta e o desbarasso do scito stòrico occupou da-o 2003 à Romma. Anche Forza Italia a l’é d’accòrdio, ma a preçisa che «tocca a-i giudiçi desfâ l’organizzaçion».

Traduçion italiaña

CasaPound, sentenza storica: per il Tribunale di Bari ricostituito il partito fascista

Il Tribunale di Bari ha condannato 12 militanti di CasaPound per aver ricostituito il partito fascista. La sentenza, con pene fino a due anni e mezzo e cinque anni di interdizione dai diritti politici, è stata emessa a seguito di un’aggressione a militanti antifascisti di ritorno da un corteo, un’azione riconosciuta come tipica delle squadre fasciste. È la prima volta in Italia che la legge Scelba viene applicata a CasaPound. L’opposizione chiede nuovamente il suo scioglimento e lo sgombero della sede storica occupata dal 2003 a Roma. Anche Forza Italia concorda, ma specifica che «spetta ai giudici sciogliere l’organizzazione».

Ancon tempo grammo in Italia, un mòrto pe unna fraña vexin à Romma

O tempo grammo o l’à corpio torna l’Italia à doe settemañe da-o çiclon Harry. À Formello, vexin à Romma, unna fraña caxonâ da l’ægua cheita delongo pe di giorni a l’à investio un casamento de trei cen: un òmmo de 58 anni o l’é mòrto e træ persoñe son arrestæ ferie. In Calabria di sciummi son anæti de sorva e ben ben de famigge se son attrovæ isoæ. Un elicòttero di pompê o l’à tiou sciù 10 persoñe. Raffeghe de vento fin à 137 chilòmetri à l’oa in provinsa de Reggio, stradde serræ, isoe che no se ghe peu arrivâ, neuvi danni pe-i mouxi in Siçilia. E inti giorni che vëgne se prevedde unn’atra perturbaçion, torna in sciô Çentro e SuD Italia e a Sardegna ascì.

Traduçion italiaña

Ancora maltempo in Italia, un morto in una frana vicino a Roma

Il maltempo ha colpito di nuovo l’Italia a due settimane dal ciclone Harry. A Formello, vicino a Roma, una frana causata dalla pioggia incessante per giorni ha investito un edificio di tre piani: un uomo di 58 anni è morto e tre persone sono rimaste ferite. In Calabria alcuni fiumi sono esondati e molte famiglie si sono trovate isolate. Un elicottero dei vigili del fuoco ha recuperato 10 persone. Raffiche di vento fino a 137 chilometri orari in provincia di Reggio, strade chiuse, isole inaccessibili, nuovi danni per le mareggiate in Sicilia. E nei prossimi giorni è prevista un’altra perturbazione, sempre sul Centro-Sud Italia e anche sulla Sardegna.

E notiçie da-o mondo

Senti a verscion registrâ:

O cançellê Merz: «Co-i Stati Unii unna scciappeuia». Neuve negoçiaçioin pe l’Ucraina

«Co-i Stati Unii s’é averto unna scciappeuia, l’ordine de dòppo a guæra o no l’existe ciù». O l’é l’avvertimento do cançellê todesco Friedrich Merz a-a conferensa de Monego de Baviera in sciâ seguessa. O prescidente ucraino Zelensky, presente lê ascì, o l’à fæto prescion à l’Euröpa. Segondo o Financial Times o porrieiva annonçiâ un cian pe-e eleçioin e un referendum in sce un accòrdio de paxe a-i 24 de frevâ, quarto anniversäio de l’invaxon ruscia. Ma Kiev dapeu a l’à frenou: «Pe fin che no ghe saià de seguessa, nisciun annonçio de voto». Mosca a l’à annonçiou un neuvo gio de negoçiaçion co-a presensa di Stati Unii a-i 17 e 18 de frevâ in Svissera.

Traduçion italiaña

Il cancelliere Merz: «Con gli Stati Uniti una frattura». Nuovi negoziati per l’Ucraina

«Con gli Stati Uniti si è aperta una frattura, l’ordine del dopoguerra non esiste più». È l’avvertimento del cancelliere tedesco Friedrich Merz alla conferenza di Monaco di Baviera sulla sicurezza organizzata dai Monaco di Baviera. Il presidente ucraino Zelensky, anche lui presente, ha fatto pressione sull’Europa. Secondo il Financial Times, potrebbe annunciare un piano per le elezioni e un referendum su un accordo di pace il 24 febbraio, quarto anniversario dell’invasione russa. Ma Kiev ha poi frenato: «Finché non c’è sicurezza, nessun annuncio di voto». Mosca ha annunciato un nuovo round di negoziati con la presenza degli Stati Uniti in Svizzera il 17 e 18 febbraio.

O caxo Epstein o mette in crixi a Gran Bretagna, o Starmer o tremma

O caxo Epstein, apreuvo à sciätâ i Stati Unii, o l’investe anche a Gran Bretagna. O re Carlo, in pensceo pe quello che porrieiva vegnî feua in sciô fræ Andria, o s’é dito pronto à conlaborâ co-a poliçia. O primmo ministro Starmer o tëgne duo con tutto che da-i file l’é sciortio di ligammi tra l’imprenditô e o Peter Mandelson, un di protagonisti stòrichi di Labour. A comprixe Ghislaine Maxwell a no l’à parlou davanti a-o Congresso. A Kathy Ruemmler, responsabile legale da Goldman Sachs e passâ consulente legale da Casa Gianca co-o Obama, a l’à dæto e dimiscioin: a l’avieiva avuo unna longa relaçion co-o Epstein e a ghe conseggiava comme responde a-e domande in scî seu crimini sessuali.

Traduçion italiaña

Il caso Epstein mette la Gran Bretagna in crisi, Starmer trema

Il caso Epstein, che sta sconvolgendo gli Stati Uniti, investe anche la Gran Bretagna. Re Carlo, preoccupato per ciò che potrebbe emergere sul fratello Andrea, si è detto pronto a collaborare con la polizia. Il primo ministro Starmer resta in sella nonostante dai file emergano legami tra l’uomo d’affari e Peter Mandelson, uno dei protagonisti storici dei Labour. La complice Ghislaine Maxwell non parlato al Congresso. Kathy Ruemmler, responsabile legale di Goldman Sachs ed ex consulente legale della Casa Bianca con Obama, si è dimessa: avrebbe avuto una lunga relazione con Epstein e gli avrebbe consigliato come rispondere alle domande sui suoi crimini sessuali.

Strage de Crans-Montana, i Moretti ciamman scuse a-e famigge de vittime

A Jessica Moretti, a baccaña do Constellation de Crans-Montana donde 41 persoñe son mòrte a-o Primmo de l’anno, a l’à ammisso cianzendo e mancanse inta seguessa: «E preuve de fuga no s’en mai fæte». Pöco primma un gruppo de pænti de vittime o l’aiva çercou d’aggredî i Moretti. «Capimmo a vòstra raggia, se piggiemo e nòstre responsabilitæ», an dito. O Jacques ascì o s’é scusou co-e famigge e o l’à attaccou o Commun: «O scistema de ventilaçion do locale o no l’é mai stæto controllou», o l’à dito a-i magistrati. Intanto i ferii recoveræ à Milan no reisegan ciù de moî. Unna dònna de 55 anni a l’é tornâ in Svissera.

Traduçion italiaña

Strage di Crans-Montana, i Moretti chiedono scusa alle famiglie delle vittime

Jessica Moretti, la titolare del Constellation di Crans-Montana, dove 41 persone sono morte a Capodanno, ha ammesso in lacrime le carenze nella sicurezza: «La prove di evacuazione non sono mai state fatte». Poco prima un gruppo di parenti delle vittime aveva tentato di aggredire i Moretti. «Capiamo la vostra rabbia, ci assumiamo le nostre responsabilità», hanno detto. Anche Jacques si è scusato con le famiglie e ha attaccato il Comune: «Il sistema di ventilazione dei locali non è mai stato controllato», ha detto ai magistrati. Nel frattempo, i feriti ricoverati a Milano non rischiano più di morire. Una donna di 55 anni è tornata in Svizzera.